Պայթյունից տուժած շենքը

Երևանում պայթյունից տուժած շենքի բնակիչների համար պետությունը նոր բնակարաններ կգնի

72
(Թարմացված է 13:15 17.09.2020)
Եթե տուժած բնակիչները որոշեն ավելի թանկ բնակարաններ գնել, ավել գումարը պետք է վճարեն սեփական միջոցներից կամ հիփոթեքային վարկով։

ԵՐԵՎԱՆ, 17 սեպտեմբերի – Sputnik. Երևանի Քանաքեռ-Զեյթուն վարչական շրջանի Յան Ռայնիսի 1 հասցեի շենքում 2020 թվականի օգոստոսի 26-ին տեղի ունեցած պայթյունի հետևանքով փլված բնակարանների տերերը փոխհատուցում կստանան։ Համապատասխան որոշումն այսօր ընդունվեց ՀՀ կառավարության նիստում։

Շենքի փլուզումը թող դաս լինի. Փաշինյանն ասաց` ինչ անել, որ նման դեպքեր չլինեն

Ինչպես հայտնեց ՀՀ քաղաքաշինության կոմիտեի նախագահի տեղակալ Արմեն Ղուլարյանը, փլուզված թվով 12 բնակարանների սեփականատերերին կտրամադրվի բնակարանի գնման վկայագրեր` նոր բնակարաններ ձեռք բերելու համար։ 

«Կադաստրի կոմիտեի և Քանաքեռ–Զեյթուն վարչական շրջանի կողմից տրամադրված տվյալների հիման վրա հաշվարկվել է այդ ընտանիքներին աջակցելու չափը` հիմքում դնելով փլուզված բնակարանի ընդհանուր մակերեսն ու Կադաստրի կոմիտեի հուլիս ամսվա տվյալները, շենքի գտնվելու գոտում բազմաբնակարան շենքի բնակարանի 1 քմ արժեքը, այն է` 333 000 դրամ»,– ասաց Ղուլարյանը։

Այս հաշվարկով ՀՀ կառավարության պահուստային ֆոնդից հատկացվել 182 075 100 դրամ, որը փոխանցվելու է ՀՀ աշխատանքի և սոցիալական հարցերի նախարարությանը, որտեղից էլ շենքի տուժած բնակիչներին տրամադրվելու են ԲԳՎ–ները։

Ի դեպ, եթե տուժած բնակիչները որոշեն ավելի թանկ բնակարաններ գնել, ավել գումարը պետք է վճարեն սեփական միջոցներից կամ հիպոտեկային վարկով։

Հարցի քննարկման ժամանակ ՀՀ փոխվարչապետ Մհեր Գրիգորյանը հետաքրքվեց, թե ի վերջո, ինչն է եղել պայթյունի պատճառն ու ում մեղքով է տեղի ունեցել։

Արմեն Ղուլարյանը հայտնեց, որ գործը քննվում է ՀՀ քննչական կոմիտեի վարույթում։

ՀՀ վարչապետ Նիկոլ Փաշինյանը շեշտեց, որ մեղավորներին բացահայտելուց հետո նրանց հնարավոր կլինի նաև վնասի փոխհատուցման պահանջ առաջադրել։

«Աչքերս փակում եմ, նորից վերապրում էդ սարսափը». փլուզված շենքի կարմիր ժապավենից այն կողմ

Հիշեցնենք` օգոստոսի 26-ի առավոտյան Ռայնիսի (Քանաքեռ-Զեյթուն վարչական շրջան) փողոցի շենքերից մեկում պայթյուն էր տեղի ունեցել, տունը մասամբ փլուզվել էր:

Միջադեպի հետևանքով բնակիչներից մեկը՝ 58-ամյա Արթուր Ղազարյանը, մահացել էր, երկուսը՝ 71-ամյա Սվետլանա Սահակյանը և 41-ամյա Էդգար Մարգարյանը, հոսպիտալացվել էին: Օգոստոսի 29-ին հայտնի դարձավ, որ Էդգար Մարգարյանը նույնպես մահացել է հիվանդանոցում։

Պայթել էր շենքի այն հատվածը, որտեղ գտնվում էին պատշգամբներն ու խոհանոցները, դրա շնորհիվ հնարավոր էր եղել խուսափել մեծ կորուստներից։ Ընդհանուր առմամբ տուժել են մեկ մուտքի 12 բնակարան։

Շենքի փլուզման հետ կապված քրեական գործ է հարուցվել ՀՀ քրեական օրենսգրքի 279-րդ հոդվածի մի քանի մասով (անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը, որոնք անզգուշությամբ վնաս են պատճառել երկու կամ ավելի անձանց առողջությանը և անզգուշությամբ առաջացրել են մարդու մահ):

Արթնանում ես ու էլ տուն չունես. Երևանում որոտացած պայթյունը՝ ականատեսի աչքերով ու զգացածով

72
թեգերը:
ՀՀ կառավարություն, բնակարան, պայթյուն, Երևան
թեմա:
Պայթյուն Երևանում (23)
Ըստ թեմայի
Ինչո՞ւ չի աշխատել գազի ազդանշանային սարքը․ «Էյ-Ի-Ջի Սերվիսի» գլխավոր տնօրենի պարզաբանումը
Փլուզված շենքի բնակիչը սպառնացել էր հաշվեհարդար տեսնել հարևանների հետ. ուշագրավ նորություն
Ինչի շնորհիվ է հնարավոր եղել խուսափել մեծ թվով զոհերից. երևանյան փլուզված շենքը` դրոնից
Սերգեյ Ռիբինսկի

Ռոսսոտրուդնիչեստվոն «թվային առաջխաղացում» է սկսել․ կազմակերպության նոր ձևաչափերը

2
Ռուսական դպրոցների քանակը հետխորհրդային տարածքում կրճատվում է, ու այդ ֆոնին տարատեսակ առցանց ֆորմատները գնալով ավելի հետաքրքիր են նայվում։ Sputnik Արմենիայի նյութում ընթերցեք՝ այդ կապակցությամբ ինչ ծրագրեր է իրականացնում Ռոսսոտրուդնիչեստվոն։

ԵՐԵՎԱՆ, 24 սեպտեմբերի – Sputnik. Հայաստանում Ռոսսոտրուդնիչեստվոյի իրականացրած կրթական առցանց նախագծերը մեծ հետաքրքրություն են առաջացրել ինչպես աշակերտների, այնպես էլ ուսուցիչների շրջանում, իսկ մասնակիցների թիվը գերազանցել է հազարը։ Այս մասին «Թիվը մոտ է. ինչպես են ամբողջ աշխարհի դպրոցականները, ուսանողներն ու երիտասարդ գիտնականները աջակցություն ստանում Ռուսաստանի համալսարաններից» թեմայով Մոսկվա–Երևան–Նուր Սուլթան տեսակամրջի ձևաչափով անցկացված կլոր սեղանի ընթացքում ասաց Երևանում ԳՄՌԿ տնօրեն Սերգեյ Ռիբինսկին։

Նրա խոսքով` Հայաստանի համար այս նախագծերը հատուկ նշանակություն ունեն, քանի որ երկրում շատերն են տիրապետում ռուսերենին։

«Բնակչության ավելի քան 70%–ը տիրապետում են ռուսերենին, իսկ շուրջ 1460 դպրոցներում դրա դասավանդումը պարտադիր է։ Բացի այդ, երկրում 3000–ից ավել ռուսերենի մասնագետներ կան։ Դատելով այն արձագանքից և հետաքրքրությունից, որ իրենք առաջացրել են, կարելի է ասել, որ մենք չենք սխալվել», – նշեց Ռիբինսկին։

ԳՄՌԿ–ի տնօրենը նաև նշեց, որ իրականացրած ծրագրերն իսկական առաջխաղացում էին թվային տեխնոլոգիաների ոլորտում։

Sputnik Արմենիայի թղթակցի այն հարցին, թե արդյո՞ք մտադրություն կա վերանայել երիտասարդների հետ աշխատելու ստանդարտ ծրագրերը և դրանք ավելի գրավիչ դարձնել Հայաստանում աճող սերնդի համար, Ռոսսոտրուդնիչեստվոյի ղեկավար Եվգենի Պրիմակովն ասաց. «Անկասկած, այո»։

Видеомост Москва – Ереван – Нур-Султан в мультимедийном пресс-центре Sputnik Армения с участием Рипсиме Авагян, Сергея Рыбинского и Натальи Степанян (24 сентября 2020). Еревaн
© Sputnik / Aram Nersesyan
Մոսկվա–Երևան–Նուր Սուլթան տեսակամրջի ձևաչափով անցկացված կլոր սեղան

Նրա խոսքով` որոշ նախագծեր կմշակվեն բուն կազմակերպությունում, բայց միևնույն ժամանակ, Հայաստանից ցանկացած առաջարկի համար այն բաց է։

«Գիտեմ, որ հայկական կողմից մեծ հետաքրքրություն կա, Ռոսսոտրուդնիչեստվո դիմել են նաև Մոսկվայի հայ համայնքի ներկայացուցիչներ»,–նշեց Պրիմակովը։

Նա կարծում է, որ անհրաժեշտ է համատեղ ջանքերով զարգացնել Հայաստանում ռուսական կրթության տարբեր ձևաչափերը։

Կազմակերպության ղեկավարը նաև հավելեց, որ Ռոսսոտրուդնիչեստվոն միշտ ուրախ կլինի նոր գաղափարներ լսել։

Ապագան պատկանում է թվային կրթությա՞նը

Եվգենի Պրիմակովը կարծիք հայտնեց, որ առցանց նախագծերը, որոնք ծրագրած էին դեռ մինչև կարանտինը, արդեն համավարակի ժամանակ արդիական դարձան ինչպես երբևէ։

«Ռոսսոտրուդնիչեստվոն ծրագրեր է իրականացնում գործընկերների հետ։ Դրանք ուղղված են ինչպես դպրոցականներին, որոնց անհրաժեշտ է սովորել կողմնորոշվել տարատեսակ կրթական թվային հարթակներում, այնպես էլ ուսանողներին և դասախոսներին»,–ասաց Պրիմակովը։

Ընտանեկան կամ տնային ուսուցման համատեքստում առցանց ձևաչափերը Ռոսսոտրուդնիչեստվոյի ղեկավարը համարում է բավական հետաքրքիր և հեռանկարային։ Դրանք ինչպես Ռուսաստանում, այնպես էլ արտերկրում սկսում են մեծ պահանջարկ վայելել։

Ըստ նրա` արտերկրում գտնվող ռուսաստանցիներից շատերի համար սա ռուսական չափորոշիչներով կրթություն ստանալու բազմաթիվ ձևերից մեկն է։ Միևնույն ժամանակ, առցանց նախագծերը միայն մասամբ են փոխհատուցում մերձավոր արտասահմանի երկրներում ռուսալեզու դպրոցների կրճատումը։

«Դպրոցների հետ կապված իրավիճակը մեզ միշտ շատ մտահոգում է։ Իրականացվող նախագծերը լիովին չեն փոխարինի դասական առկա կրթությունը, բայց մասամբ կփոխհատուցեն դրա փոխարեն։ Սակայն պետք չէ առցանց կրթությունը դիտարկել բացառապես դասականի համատեքստում», – ասաց նա։

Ռոսսոտրուդնիչեստվոյի ղեկավարը նշեց, որ թվային ուսուցումը նոր և շատ նորաձև ուղղություն է, որը պետք է զարգացնել անկախ նրանից, թե ինչ է տեղի ունենում ավանդական դպրոցների հետ։ Դրանց ևս անհրաժեշտ է աջակցել և զարգացնել։

2
թեգերը:
Ռոսսոտրուդնիչեստվո, «Ռոսսոտրուդնիչեստվո»
Под эгидой Президентов Армении и Италии в резиденции президента Армена Саркисяна открылась выставка выдающихся произведений итальянского искусства (24 сентября 2020). Ереван

ՀՀ նախագահի նստավայրում կցուցադրվեն 18-րդ դարի իտալական կտավներ

5
Ցուցադրությունը բացվել է Հայաստանի և Իտալիայի նախագահների` Արմեն Սարգսյանի և Սերջիո Մատարելլայի բարձր հովանու ներքո։

ԵՐԵՎԱՆ, 24 սեպտեմբերի – Sputnik. ՀՀ նախագահի նստավայրում այսօրվանից կցուցադրվեն 18-րդ դարի իտալական կտավներ: Տեղեկությունը հայտնում է նախագահի մամուլի ծառայությունը։ Կտավները բացառիկ նմուշներ են, որոնք պատկանում են իտալացի անվանի վարպետներ Ջովանի Անտոնիո Կանալետոյի, Բերնարդո Բելոտոյի, Ֆրանչեսկո Գվարդիի և Միկելե Մարիեսկիի վրձնին:

Ցուցադրությունը բացվել է Հայաստանի և Իտալիայի նախագահների` Արմեն Սարգսյանի և Սերջիո Մատարելլայի բարձր հովանու ներքո։

Բացման խոսքում Արմեն Սարգսյանը նշել է, որ այն Հայաստանի և Իտալիայի ժողովուրդների միջև պատմական և ներկայիս սերտ բարեկամական ու ջերմ հարաբերությունների վկայությունն է:

«Այս ցուցահանդեսն իրականում երկկողմ է, որովհետև, ըստ պայմանավորվածության, մենք ունենալու ենք մեր ցուցահանդեսն Իտալիայում, նկարները ցուցադրվելու են Իտալիայի նախագահի պալատում: Իմ` Իտալիա նախատեսվող պետական այցի ընթացքում ծրագրում եմ ինձ հետ տանել մեր մեծագույն վարպետների մինչև մեկ տասնյակ գործեր»,– ասել է նախագահը։

Միջոցառմանն իտալական կողմից մասնակցել է նաև Հայաստանում Իտալիայի դեսպան Վինչենցո Դել Մոնակոն, որը Սարգսյանին ողջույններ է փոխանցել Մատարելլայի կողմից։

«Ցուցադրված այս չորս կտավները պատահական ընտրության արդյունք չեն, դրանցից յուրաքանչյուրն ունի հատուկ իմաստ: Չորս կտավները ներկայացնում են 18-րդ դարը, որը բացառիկ ժամանակաշրջան է հայ-իտալական երկկողմ հարաբերությունների համար»,– նշել է դեսպանը։

Սարգսյանն էլ անդրադարձել է իտալական մշակութային բնօրրան Վենետիկի «հայկակականությանը» և հայ լսարանի համար հարազատ լինելուն։

«Վենետիկը մեզ մոտ է բազմաթիվ պատճառներով՝ Մխիթարյան միաբանության, հայ վաճառականների, Վենետիկի համալսարանի հայագիտական կենտրոնի: Ինչ-որ իմաստով Վենետիկը նաև հայկական քաղաք է»,– հավելել է Սարգսյանը։

Նշենք, որ Իտալիայի նախագահ Սերջիո Մատարելլան Հայաստան է այցելել 2018-ի հուլիսին, իսկ ՀՀ վարչապետ Նիկոլ Փաշինյանը պաշտոնական այցով 2019–ի նոյեմբերին մեկնել է Հռոմ։

5