Գերբեռնված ավտոբուս Երևանում

Խցանված Երևանն ու դիմակավոր ուղևորները. ինչպե՞ս փրկել կորոնավիրուսից փրկվածներին

345
(Թարմացված է 21:21 17.09.2020)
Երևանում մի քանի ամիս տևած «կորոնավիրուսային» առօրյան այժմ փոխակերպվել է ուսումնական և աշխատանքային աշխուժության։ Այդ աշխուժության «կողմնակի ազդեցությունների» մասին չեն խոսում միայն ամենաալարկոտները։

Հասարակական տրանսպորտի և փողոցային երթևեկության խնդիրները Երևանում նոր ուսումնական տարին մեկնարկելուն պես նոր սրությամբ ի հայտ եկան։ Մի քանի ամիս տևած «կորոնավիրուսային» առօրյայից հետո հիմա մայրաքաղաքում նկատելի աշխուժություն է տիրում։ Միայն թե քաղաքացիների՝ ինչպես վարորդների, այնպես էլ ուղևորների համար, այդ աշխուժությունն իսկական մղձավանջ է դարձել։

Перегруженное движение на улице Ханджяна
© Sputnik / Asatur Yesayants.
Խցանում Երևանի Խանջյան փողոցում

Ուղևորահոսքի ավելացումը, բազմաթիվ խցանումներն ու հասարակական տրանսպորտի պակասը հանգեցնում են մի իրավիճակի, երբ եղած ավտոբուսներն ու միկրոավտոբուսները (հիմնականում հին «ԳԱԶել»-ները) գերլցված են մարդկանցով, իսկ չէ՞ որ դիմակների պարտադիր լինելը ոչ ոք չի չեղարկել։ Արդյունքում՝ դիմակով մարդիկ ստիպված են ժամերով կանգնել կամ նստել տրանսպորտում՝ երևանյան 30 աստիճան շոգին (չնայած որ աշուն է), խեղդվելով և անհամբեր սպասելով իրենց կանգառին։

Перегруженное движение на перекрестке проспектов Мясникяна и Сараланджи
© Sputnik / Aram Nersesyan
Խցանում Երևանի Մյասնիկյան–Սարալանջի խաչմերուկում

Մայրաքաղաքի տրանսպորտի կարգավորումը համալիր խնդիր է, որը համակցված լուծումներ է պահանջում։ Առաջին հերթին հարկավոր է վերջիվերջո թարմացնել մայրաքաղաքի տրանսպորտը և քաղաքացիների սպասարկման ժամանակակից համակարգ ստեղծել։ Ժամանակին Երևանի քաղաքապետ Հայկ Մարությանի նախընտրական քարոզարշավի առանցքային խոստումներից մեկը նոր տրանսպորտային ցանցի ստեղծումն էր։ Քաղաքապետի մամուլի քարտուղար Հակոբ Կարապետյանն այդ կապակցությամբ մեզ հետ զրույցում հիշեցրեց, որ այս տարի արդեն իսկ ավտոպարկի թարմացման գործնական քայլեր են ձեռնարկվել։

Перегруженная автобусная остановка в Ереване
© Sputnik / Aram Nersesyan
Կանգառ

Խցանում Մյասնիկյան պողոտայում․ կորոնավիրուսը մարդկանց այլևս չի՞ անհանգստացնում

100 միավոր 12 մետրանոց ավտոբուսների գնման համար Ապրիլին հայտարարվել էր տենդեր։ Դրան մասնակցում էին երկու ընկերություն՝ գերմանական և չինական, սակայն դրանցից ոչ մեկը չկարողացավ լիովին համապատասխանել հաստատված չափանիշներին։ Արդյունքում որոշվեց նոր թենդեր անցկացնել, որը, ինչպես նշեց Կարապետյանը, տեղի կունենա շուտով։ Մեկ այլ՝ 7 մետրանոց ավտոբուսների գնման թենդեր, հաջողությամբ տեղի ունեցավ հուլիսին, տրանսպորտային միջոցները մինչև տարեվերջ Երևանում կլինեն։

Եվս մեկ թենդերային փաթեթ (9 մետրանոց ավտոբուսների գնման նպատակով) ներկայում  պատրաստվում է։ Ընդհանուր առմամբ` Երևանում հասարակական տրանսպորտի նոր համակարգի ստեղծումը նախատեսում է մինչև 850-900 մեծ և փոքր ավտոբուսների ձեռքբերում։ Հենց այդքան է պահանջվում նոր տրանսպորտային ցանցի շրջանակում, որը մշակվել է բրիտանական WYG կոնսալտինգային ընկերության աջակցությամբ։

Քաղաքապետի մամուլի քարտուղարը սխալ անվանեց այն պնդումները, թե Մարությանը խոստացել էր տրանսպորտի խնդիրը լուծել հենց երկու տարում։ Կարապետյանը մի դրվագ հիշեցրեց 2018թ․-ի խորհրդարանական ընտրությունների նախընտրական քարոզարշավից։ Դրա ընթացքում վարչապետ Նիկոլ Փաշինյանը երթևեկում էր ավտոբուսով, երբ ուղևորներից մեկը նրան հարց ուղղեց տրանսպորտի խնդրի լուծման ժամկետների վերաբերյալ։

Перегруженная автобусная остановка в Ереване
© Sputnik / Aram Nersesyan
Կանգառ

Նույն պահին վարչապետը զանգեց Մարությանին և նրան ուղղեց քաղաքացու հարցը։ Այն ժամանակ քաղաքապետն ասաց, որ հարցի լուծման համար երկուսից չորս տարի պետք կլինի։ Կարապետյանը հատուկ հիշեց այդ դրվագը, քանի որ հաճախ մարդիկ շահարկում են հենց ժամկետները։ Քաղաքային իշխանությունը քաղաքացիներին կոչ է անում մի փոքր էլ դիմանալ, խոստանալով, որ շատ շուտով ներկայիս դժվարություններն անցյալում կմնան։

Երևանը փրկվում է խցանումներից. ինչպես ընդլայնել մետրոն և բեռնաթափել մայրաքաղաքի փողոցները

Իսկ մենք մեր կողմից հիշում ենք հետևյալը․ 2019թ․-ի սեպտեմբերին քաղաքապետը հայտարարեց, որ Երևանում տրանսպորտի խնդիրը կլուծվի մոտակա երկու տարվա ընթացքում։ Այնպես որ, մեզ մնում է սպասել ամենաշատը ևս մեկ տարի։ Իսկ հետո՞։ Հետո էլ` կապրենք-կտեսնենք․․․

Իսկ ի՞նչ է խոստանում Ճանապարհային ոստիկանությունը

Երթևեկության կարգավորումն անհնար է պատկերացնել առանց ճանապարհային ոստիկանության արդյունավետ աշխատանքի։ Գերատեսչության մամուլի քարտուղար Տաթևիկ Ստամբոլյանն այդ կապակցությամբ նշեց, որ ամենաբանուկ խաչմերուկները վերահսկելու նպատակով ամեն օր նշանակվում է ոստիկանների 20 կարգախումբ: Եվս մոտ 30 կարգախումբ ծառայություն են իրականացնում դպրոցների մոտ։ Պարեկների թիվն ու աշխարհագրությունը որոշվում են իրավիճակի վերլուծության արդյունքում։

«Ուժեղացված պարեկային ծառայությունը սկսվում է ժամը 08։00-ից և տևում է մինչև 09։30։ Դա այն ժամանակահատվածն է, որի ընթացքում մեքենաների հոսքն ավելի շատ է, քան մնացած ժամերին։ Նույն կերպ ոստիկաններն աշխատում են ժամը 17։00-ից մինչև 19։30»,-ասաց Ստամբոլյանը։

Ոստիկանության ուժերի պակասից խուսափելու համար այս օրերին մայրաքաղաք են ուղարկվել ՃՈ լրացուցիչ կարգախմբեր։ «Վարորդի ընկեր» ՀԿ-ի նախագահ Տիգրան Քեյանն իր հերթին կարծում է, որ մայրաքաղաքի երթևեկության կարգավորման հետ կապված իրավիճակը պահանջում է խորքային լուծումներ, ոչ թե կոսմետիկ բարեփոխումներ։ Նա թվարկեց մի քանի քայլ, որոնք թույլ կտան էապես բեռնաթափել մայրաքաղաքի կենտրոնը, որտեղ էլ հիմնականում նկատվում են մեքենաների զանգվածային կուտակումները։

«Նախևառաջ, պետք է ուժեղացնել ոստիկանության վերահսկողությունն այն հատվածներում, որտեղ հանգամանքների բերումով խցանումները շատ են։ Դրանք քաղաքի կենտրոնական փողոցներն են, բժշկական հաստատությունների, բանկերի շրջակայքը և այլն։ Այստեղ մեքենաները երբեմն անգամ երկրորդ գծում են կանգնում։ Արդյունքում մեքենաների անցման համար միայն մի գիծ է մնում, և դժվար չէ հասկանալ, թե ինչ խցանումների է դա հանգեցնում պիկ ժամին։ Այստեղ էլ հենց պետք են ոստիկանները, որպեսզի կարգավորեն երթևեկությունը»,-ասում է Քեյանը։

Դպրոցների դեպքում փորձագետն առաջարկում է առաջին և երկրորդ հերթերի միջև ոչ մեծ ժամանակային բացատ թողնել։

Հիմա, երբ առաջին հերթն ավարտվում է, ծնողները գալիս են իրենց երեխաներին տանելու, միաժամանակ մյուսները բերում են երկրորդ հերթի սովորողներին, արդյունքում այդպիսի շիլաշփոթ է ստացվում։ Իսկ երկու հերթերի միջև ընդմիջումը թույլ կտա խուսափել կուտակումներից։ Այս օրերին նկատելիորեն աճել է նաև տաքսիների թիվը։ Շատ քաղաքացիներ, որոնք համավարակի պատճառով կորցրել են աշխատանքը, որոշել են տաքսի վարել և դրանով կերակրել ընտանիքը։

Перегруженное движение на проспекте Мясникяна
© Sputnik / Aram Nersesyan
Երևանի Մյասնիկյան փողոցում խցանում է

Տաքսիստների աշխատանք կորցնելը, թե մարդկանց անվտանգությունը. ԱԺ–ում քննարկում են նոր օրենքը

Քեյանը նաև առաջարկում է քաղաքի ծայրամասեր տեղափոխել պետական հաստատությունների մի մասը և այդպիսով բեռնաթափել կենտրոնը, որտեղ այժմ տեղակայված են այդ բոլոր կառույցները։ Պետք է նաև դպրոցներում և համալսարաններում, ինչպես նաև կենտրոնում գտնվող այլ ուսումնական հաստատությունների դասերի սկզբի տարբեր ժամեր սահմանել։ Դա թույլ կտա խուսափել մարդկանց և մեքենաների միաժամանակյա կուտակումից։ Այս ամենը չանելու դեպքում ցանկացած ձեռնարկված միջոցառում միայն կարճաժամկետ արդյունք կարող է տալ։

345
թեգերը:
Տրանսպորտ, Երևան, խցանում, կորոնավիրուս
Ըստ թեմայի
Խցանումները կպակասեն. վարորդներին խոստացած ԱՊՊԱ–ի նոր հավելվածն արդեն գործում է
Նոր հավելվածը կթեթևացնի վթարների ստեղծած խցանումները, կկրճատվի կեղծ պատահարների թվաքանակը
Ինչ է պետք անել Երևանում խցանումներից խուսափելու համար. Քեյանը լուծում է առաջարկում
Հիվանդանոց, արխիվային լուսանկար

Հիվանդանոցները միայն անհետաձգելի բուժօգնություն կտրամադրեն . Թորոսյանը հրաման է ստորագրել

149
(Թարմացված է 00:50 28.09.2020)
Հիվանդանոցային պայմաններում բուժվող քաղաքացիները դուրս կգրվեն` նրանց առողջական վիճակի գնահատումից հետո։

ԵՐԵՎԱՆ, 28 սեպտեմբերի– Sputnik. Դադարեցվում է բժշկական կազմակերպություններ պլանային կարգով բուժօգնության համար դիմած քաղաքացիների ընդունումը: Առողջապահության նախարարության մամուլի ծառայության հաղորդմամբ`այս մասին հրաման է ստորագրել նախարար Արսեն Թորոսյանը։

«Հիմք ընդունելով «Ռազմական դրության իրավական ռեժիմի մասին» օրենքի 12-րդ հոդվածի 1-ին մասի «դ» կետը, Հայաստանի Հանրապետության կառավարության 2020 թվականի օգոստոսի 20-ի թիվ 1370-Ա որոշման հավելվածի 1-ին կետի 1-ին ենթակետը` Հայաստանի Հանրապետությունում ռազմական դրությամբ պայմանավորված բնակչության բժշկական օգնությունը և սպասարկումը կազմակերպելու նպատակով առողջապահության նախարար Արսեն Թորոսյանը հրաման է ստորագրել, ըստ որի` դադարեցվում է բժշկական կազմակերպություններ պլանային կարգով հիվանդանոցային բուժօգնության համար դիմած պացիենտների ընդունումը»,– նշված է հաղորդագրության մեջ։

Ըստ հրամանի` կիրականացվեն բացառապես վերակենդանացման միջոցառումներ, անհետաձգելի բժշկական օգնություն և սպասարկում պահանջող հիվանդների ընդունում: Հիվանդանոցային պայմաններում բուժվող քաղաքացիները դուրս կգրվեն` նրանց առողջական վիճակի գնահատումից հետո։ Հետագա հսկողությունը կկազմակերպվի սպասարկող առողջության առաջնային պահպանման հաստատությունների միջոցով:

Ադրբեջանական հրետակոծության հետևանքով նաև հղի կին է տուժել

Նախարարությունը լիահույս է, որ մեր համաքաղաքացիներն ըմբռնումով կմոտենան կայացված որոշմանը և կհետաձգեն իրենց հիվանդանոցային պլանային այցելությունները մինչև ռազմական դրության ավարտը:

149
թեգերը:
հիվանդանոց, Արսեն Թորոսյան, ՀՀ Առողջապահության նախարարություն, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան
Մակրոնը մտահոգություն է հայտնել. Փաշինյանը զրուցել է Ֆրանսիայի նախագահի հետ
Հակառակորդի կորուստների թիվն ավելացել է. ևս 1 ուղղաթիռ, 3 տանկ և 7 ԱԹՍ է խոցվել
Տեղեկություններ կան, որ Թուրքիան ավելի քան 300 վարձկան է ուղարկել Ադրբեջան. Սաֆրաստյան
ԱՄՆ Պետդեպ

«Հորդորում ենք անհապաղ դադարեցնել կրակը». ԱՄՆ-ն դիմել է ՀՀ–ին ու Ադրբեջանին

95
(Թարմացված է 00:48 28.09.2020)
ԱՄՆ Պետդեպարտամենտը Երևանին ու Բաքվին կոչ է անում հրաժարվել ռազմատենչ հայտարարություններից:

ԵՐԵՎԱՆ, 28 սեպտեմբերի - Sputnik. ԱՄՆ-ն Հայաստանին և Ադրբեջանին կոչ է արել անհապաղ դադարեցնել կրակը Լեռնային Ղարաբաղում:

«ԱՄՆ-ն Երևանին ու Բաքվին կոչ է անում հրաժարվել ռազմատենչ հայտարարություններից և գործողություններից, որոնք կարող են սրել իրավիճակը Լեռնային Ղարաբաղում», - նշված է հաղորդագրության մեջ։

Պետդեպարտամենտը հակամարտության կողմերին հորդորում է վերսկել բանակցությունները:

​Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Ադրբեջանական ագրեսիայի զոհ դարձած զինծառայողների թիվը 16 է, վիրավորներինը` ավելի քան 100։ Արցախում և Հայաստանում ռազմական դրություն և համատարած զորահավաք է հայտարարվել։

Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել

95
թեգերը:
ԱՄՆ, Արցախ, Ադրբեջան, Հայաստան
Ըստ թեմայի
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Սիրիայից 4 000 գրոհային է մասնակցում Ադրբեջանի ռազմական գործողություններին
Ողջամիտ եղեք․ Կադիրովը դիմել է Հայաստանի և Ադրբեջանի ղեկավարությանը

Ոստիկաններն էլ մեկնեցին առաջնագիծ. տեսանյութ

0
(Թարմացված է 01:14 28.09.2020)
Ոստիկաններին Արցախ տանող ավտոբուսը ճանապարհ է ընկել։ Առաջնագիծ մեկնողներին ճանապարհել են ծափերով։

ՀՀ ոստիկանության աշխատակիցները նույնպես մեկնեցին առաջնագիծ` կանգնելու զինվորների կողքին։ Համացանցում հրապարակված տեսանյութում երևում է, թե ինչպես են ճանապարհում ոստիկաններին։

Ավելի վաղ հայտնել էինք, որ Արցախ են մեկնել Երևանի պետական բժշկական համալսարանի և համալսարանական հիվանդանոցների բժիշկները։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Ադրբեջանական ագրեսիայի զոհ դարձած զինծառայողների թիվը 16 է, վիրավորներինը` ավելի քան 100։ Արցախում և Հայաստանում ռազմական դրություն և համատարած զորահավաք է հայտարարվել։

Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել

0
թեգերը:
ոստիկան, Արցախ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել
Արցախում խափանվել է հեռախոսային ու ինտերնետային կապը
Հիվանդանոցները միայն անհետաձգելի բուժօգնություն կտրամադրեն . Թորոսյանը հրաման է ստորագրել