«Աննախադեպ ցինիզմ». ԲՀԿ–ն խոստանում է Արայիկ Հարությունյանին իրավական գնահատական տալ
(Թարմացված է 19:49 16.09.2020)
ԱԺ «Բարգավաճ Հայաստան» խմբակցության պատգամավոր Միքայել Մելքումյանը Հարությունյանի ելույթում կոտայքցիների հասցեին արված հայտարարությունը որակեց որպես «անձնական վիրավորանք ամբողջ մարզի բնակչության նկատմամբ»։
ԵՐԵՎԱՆ, 16 սեպտեմբերի — Sputnik. ԿԳՄՍ նախարար Արայիկ Հարությունյանի հրաժարականի պահանջով ԱԺ քննարկման ժամանակ նախարարի ելույթը «Բարգավաճ Հայաստան» խմբակցությունն «աննախադեպ ցինիզմ» է որակում։
©
Sputnik / Asatur Yesayants
ԱԺ նիստից հետո լրագրողների հետ զրույցում խմբակցության անդամները հայտարարեցին, որ Արայիկ Հարությունյանն իրեն ուղղված քննադատությունն ընդունելու փոխարեն անցել է մարդկային, բարոյական բոլոր սահմանները։
«Մենք մեր փաստաբանների հետ քննարկելու ենք նաև Արայիկ Հարությունյանի լպիրշ և անբարո պահվածքին նաև իրավական գնահատական տալու հարցը»,– ասաց Նաիրա Զոհրաբյանը։
Պատգամավոր Միքայել Մելքումյանն էլ Հարությունյանի ելույթում կոտայքցիների հասցեին արված հայտարարությունը որակեց որպես «անձնական վիրավորանք ամբողջ մարզի բնակչության նկատմամբ»։
«Որևէ մեկին չի հաջողվի որևէ կերպ նսեմացնել մի ամբողջ մարզի բնակչությանը»,– ասաց նա։
Արայիկ Հարությունյանը քանդում է համակարգեր՝ չառաջարկելով նորերը. Գորգիսյան
Խմբակցության պատգամավոր, ԱԺ փոխնախագահ Վահե Էնֆիաջյանն էլ խոստացավ, որ հրաժարականի հարցի քվեարկությունից առաջ` վաղն առավոտյան, իրենք կհրապարակեն իրանց պաշտոնական դիրքորոշումը։
©
Sputnik / Asatur Yesayants
«Այս նախարարը միանշանակ այդ պաշտոնում անելիքներ չունի»,– հայտարարեց Էնֆիաջյանը։
Հիշեցնենք` այսօր ԱԺ–ում ԿԳՄՍ նախարար Արայիկ Հարությունյանի հրաժարականի հարցի քննարկման ժամանակ նախարարի եզրափակիչ ելույթի որոշ կոշտ հատվածներ իրարանցում ու աղմուկ առաջացրեցին ընդդիմադիր պատգամավորների շարքերում։
«Կրթական չափորոշիչների շնորհիվ մի խումբ կոտայքցիներ ապագայում կսովորեն հարգել դիմացինին, ղեկավարել սեփական հորմոնները և այլևս եկեղեցու տարածքում չի լինի օտարի նկատմամբ սեռական բռնություն»,– իր ելույքում ասել էր Հարությունյանը։
«Արայիկ, հեռացի՛ր». ոստիկանները բողոքի ակցիայի մասնակիցներին բերման են ենթարկում
Այս հայտարարությանն ընդդիմադիր պատգամավորներն արձագանքեցին սեղաններին թմբկահարելով, սուլելով ու տեղից նախարարին ուղղված ռեպլիկներով։
Հանրահավաքի ժամանակ հնարավոր են սադրանքներ․ ՀՀ ոստիկանություն
(Թարմացված է 12:10 03.03.2021)
Ոստիկանությունը կոչ է անում զերծ մնալ հակաիրավական քայլերից ու չտրվել սադրանքների։
ԵՐԵՎԱՆ, 3 մարտի - Sputnik. ՀՀ ոստիկանությունում տվյալներ են ստացվել, որ մարտի 3-ի ժամը 16.00-ին նախատեսված հանրահավաքի ժամանակ հնարավոր են սադրանքներ։ Տեղեկությունը հայտնում են ոստիկանության մամուլի ծառայությունից։
«Կոչ ենք անում զանգվածային միջոցառումներն իրականացնել բացառապես օրենքի շրջանակներում, զերծ մնալ հակաիրավական քայլերից ու չտրվել սադրանքների։ Քաղաքացիներին հորդորում ենք լինել իրավահարգ և իրենց իրավունքներն իրացնելիս պահպանել օրինականության պահանջներն ու համակեցության կանոնները»,-նշված է հաղորդագրության մեջ։
Ոստիկանությունը հավաստիացնում է, որ օրենքով իրեն վերապահված լիազորությունների շրջանակում ձեռնարկելու է բոլոր միջոցները՝ հասարակական կարգն ապահովելու և հանրային անվտանգությունը պահպանելու համար։
Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։
Փաշինյան-Մարուքյան հանդիպումը հետաձգվել է
(Թարմացված է 12:09 03.03.2021)
Վարչապետն ինքն է զանգահարել «Լուսավոր Հայաստան» խմբակցության ղեկավարին ու առաջարկել քննարկել արտահերթ ընտրությունների անցկացման հարցը:ԵՐԵՎԱՆ, 3 մարտի – Sputnik. ՀՀ վարչապետ Նիկոլ Փաշինյանի և «Լուսավոր Հայաստան» կուսակցության առաջնորդ Էդմոն Մարուքյանի այսօրվա հանդիպումը չի կայանա: Տեղեկությունը Sputnik Արմենիային հայտնեց ինքը՝ Մարուքյանը։
«Այսօր չի ստացվի։ Հանդիպումը, ամենայն հավանականությամբ, վաղը կկայանա», - հավելեց Մարուքյանը։
Հիշեցնենք` երեկ հայտնել էինք, որ Փաշինյանն առավոտյան զանգել է Մարուքյանին և առաջարկել է քննարկել «Լուսավոր Հայաստան» կուսակցության առաջնորդի առաջարկը, նաև օրակարգում առկա այլ առաջարկներ` քաղաքական ստեղծված իրավիճակի հանգուցալուծման նպատակով։
թեգերը: