Ո՞ւր են թուրքական վարկերը. Սիմոնյանին զարմացրել է նախարարի հրաժարականի հարցի քննարկումը
(Թարմացված է 16:43 16.09.2020)
ԱԺ փոխնախագահը ԿԳՄՍ նախարար Արայիկ Հարությունյանի հրաժարականի պահանջի թեմայով հակադարձել է ընդդիմությանը։ԵՐԵՎԱՆ, 16 սեպտեմբերի - Sputnik. Կրթական համակարգի բարեփոխումները տապալված են, համակարգը ճահճացած է։ Այսօր ԱԺ–ում ԿԳՄՍ նախարարի հրաժարականի հարցի քննարկման ժամանանակ նման հայտարարություն արեց Արայիկ Հարությունյանի հրաժարականի նախաձեռնության հեղինակ, «Լուսավոր Հայաստան» խմբակցության ղեկավար Էդմոն Մարուքյանը։
©
Sputnik / Asatur Yesayants
«Մշակույթի ոլորտը տապալված է, սպորտի ոլորտը տապալված է, երիտասարդական քաղաքականություն գոյություն չունի երկրում։ Ձեր գործունեության արդյունքը սա է»,– ասաց Մարուքյանն Արայիկ Հարությունյանին։
Մարուքյանը շեշտեց, որ իրենց բերած փաստարկներին իշխանության միակ հաշկափաստարկն այն է, որ իրենց մասին կեղծ թեզեր են տարածում։
«Եթե դուք 88 հոգանոց խմբակցությունով, պետական ամբողջ իշխանությունով, Հ1-ով չեք կարողանում մի հատ կեղծ թեզը հերքել, ուրեմն պետք է հրաժարական տաք»,– ասաց նա` Արայիկ Հարությունյանին առաջարկելով չսպասել Աժ քվեարկությանը, այլ ինքնակամ հրաժարական տալ։
«Բարգավաճ Հայաստանի» տեսակետը ներկայացրեց պատգամավոր Նաիրա Զոհրաբյանը։ Նա հայտարարեց, որ դպրոցներում վախի մթնոլորտ է, որոշ տնօրեններ ամբողջ օրը զբաղված են իրենց աշխատակից ուսուցիչների ֆեյսբուքյան գրառումները «քրքրելով»։
«Արայիկ, հեռացիր». ոստիկանները բողոքի ակցիայի մասնակիցների բերման են ենթարկում
«Մենք միանում ենք «Լուսավոր Հայաստանի» պնդմանը` Ձեր հրաժարականի պահանջով»,– ասաց նա։
«Իմ քայլի» տեսակետը ներկայացնելով` ԱԺ փոխնախագահ Ալեն Սիմոնյանը հակադարձեց, որ վախի մթնոլորտը ենթադրում է, որ դրա մասին ԱԺ ամբիոնից չեն խոսում, ինչպես նախկինում էր։
Ինչ վերաբերում է ԿԳՄՍ նախարարի հրաժարականին, Ալեն Սիմոնյանը նշեց, որ ինքը զարմացած է դրա քննարկումից։
«Սա ավելի շատ նման էր շարադրության` «Ինչպես ես անցկացրեցի իմ ամառային արձակուրդները»։ Որևիցե լուրջ բան ես չեմ լսել։ Ես վստահեցնում եմ ձեզ, եթե դուք ներկա լինեք մեր քննարկումներին, մենք իրար ավելի խիստ ենք քննադատում ու ավելի լուրջ հարցեր ենք տալիս իրար։ Ո՞ւր են եկեղեցու պատմության մասին հարցերը, ո՞ւր են կանացի զգեստներով ուսուցիչները, որ մեր երեխաներին այլասերվածություն են սովորեցնելու, ո՞ւր են թուրքական վարկերը»,– ասաց Սիմոնյանը։
Արայիկ Հարությունյանի համակարգած ոլորտներում առկա դժգոհությունների պատճառով ԱԺ «Լուսավոր Հայաստան» խմբակցությունը Ազգային ժողովում հարցապնդում է ներկայացրել նախարարի հրաժարականի պահանջով։
Նախարարի հետ հարցուպատասխանից ու ելույթներից հետո Ազգային ժողովն իրականացնելու է քվեարկություն՝ Արայիկ Հարությունյանի հրաժարականի պահանջով։
«Ձախողումների շքերթ է». ԼՀԿ-ն պահանջում է Արայիկ Հարությունյանի հրաժարականը
Հանրահավաքի ժամանակ հնարավոր են սադրանքներ․ ՀՀ ոստիկանություն
ԵՐԵՎԱՆ, 3 մարտի - Sputnik. ՀՀ ոստիկանությունում տվյալներ են ստացվել, որ մարտի 3-ի ժամը 16.00-ին նախատեսված հանրահավաքի ժամանակ հնարավոր են սադրանքներ։ Տեղեկությունը հայտնում են ոստիկանության մամուլի ծառայությունից։
«Կոչ ենք անում զանգվածային միջոցառումներն իրականացնել բացառապես օրենքի շրջանակներում, զերծ մնալ հակաիրավական քայլերից ու չտրվել սադրանքների։Քաղաքացիներին հորդորում ենք լինել իրավահարգ և իրենց իրավունքներն իրացնելիս պահպանել օրինականության պահանջներն ու համակեցության կանոնները»,-նշված է հաղորդագրության մեջ։
Ոստիկանությունը հավաստիացնում է, որ օրենքով իրեն վերապահված լիազորությունների շրջանակում ձեռնարկելու է բոլոր միջոցները՝ հասարակական կարգն ապահովելու և հանրային անվտանգությունը պահպանելու համար։
Փաշինյան-Մարուքյան հանդիպումը հետաձգվել է
ԵՐԵՎԱՆ, 3 մարտի – Sputnik. ՀՀ վարչապետ Նիկոլ Փաշինյանի և «Լուսավոր Հայաստան» կուսակցության առաջնորդ Էդմոն Մարուքյանի այսօրվա հանդիպումը չի կայանա: Տեղեկությունը Sputnik Արմենիային հայտնեց ինքը՝ Մարուքյանը։
«Այսօր չի ստացվի։ Հանդիպումը, ամենայն հավանականությամբ, վաղը կկայանա», - հավելեց Մարուքյանը։