Բամբասանքներին չեմ հավատում. Հարությունյանը համոզված է՝ հաջորդ խաղին Մխիթարյանը կմասնակցի
(Թարմացված է 12:34 16.09.2020)
Հայաստանի ֆուտբոլի ազգային ընտրանու առաջատարը, ըստ նախարարի, կմասնակցի հաջորդ խաղերին։ ԵՐԵՎԱՆ, 16 սեպտեմբերի - Sputnik. Կրթության, գիտության, մշակույթի և սպորտի նախարար Արայիկ Հարությունյանը վստահում է Հայաստանի ֆուտբոլի ազգային ընտրանու առաջատար, թիմի ավագ Հենրիխ Մխիթարյանի` Հյուսիսային Մակեդոնիայի և Էստոնիայի հետ հավաքականի հանդիպումներին չմասնակցելու վերաբերյալ պաշտոնական տեղեկությանը։
Մխիթարյանի բացակայությունը վերջին երկու խաղերին մեծ քննարկումների տեղիք է տվել։ Մասնավորապես, շատերը չեն հավատում պաշտոնական տեղեկությանը, թե Մխիթարյանի բացակայությունը կապված է նրա մարզավիճակի հետ։ Եվ սա հատկապես այն դեպքում, երբ մեր հավաքականը պարտվում էր Մակեդոնիայի ընտրանուն, իսկ Մխիթարյանը գոլի հեղինակ դարձավ «Ռոմայի» կազմում:
«Ես ավելի հակված եմ հավատալու և ընդունելու այն դիրքորոշումները, որոնք ներկայացրել են ոլորտի պատասխանատուները` ՀՖՖ նախագահն ու ազգային հավաքականի մարզիչը»,–ասաց Հարությունյանը։
Նա նշեց, որ վերջերս հրապարակում եղավ, որ հաջորդ հավաքին Մխիթարյանը կմասնակցի:
Մխիթարյանը դավաճան չէ. ինչու են դավադրություններ փնտրում Հենրիխի` խաղին չմասնակցելու մեջ
Հիշեցնենք, որ լուրեր էին շրջանառվում, որ Հայաստանի հավաքականի կազմում վերջին երկու խաղերից Մխիթարյանի բացակայության իրական պատճառը կոնֆլիկտն է հավաքականի գլխավոր մարզիչ Խոակին Կապառոսի հետ։ Կապառոսը, սակայն, հերքել էր այդ լուրերը` հավաստիացնելով, թե հոկտեմբերին կայանալիք խաղերին Մխիթարյանը կմասնակցի։
Ի դեպ, Հայաստան-Հյուսիսային Մակեդոնիա խաղի ժամանակ Հայաստանը 2։1 հաշվով պարտվել էր, իսկ Էստոնիայի թիմի դեմ 2։0 հաշվով հաղթանակ տարել։
թեգերը:
Հանրահավաքի ժամանակ հնարավոր են սադրանքներ․ ՀՀ ոստիկանություն
(Թարմացված է 12:10 03.03.2021)
Ոստիկանությունը կոչ է անում զերծ մնալ հակաիրավական քայլերից ու չտրվել սադրանքների։
ԵՐԵՎԱՆ, 3 մարտի - Sputnik. ՀՀ ոստիկանությունում տվյալներ են ստացվել, որ մարտի 3-ի ժամը 16.00-ին նախատեսված հանրահավաքի ժամանակ հնարավոր են սադրանքներ։ Տեղեկությունը հայտնում են ոստիկանության մամուլի ծառայությունից։
«Կոչ ենք անում զանգվածային միջոցառումներն իրականացնել բացառապես օրենքի շրջանակներում, զերծ մնալ հակաիրավական քայլերից ու չտրվել սադրանքների։ Քաղաքացիներին հորդորում ենք լինել իրավահարգ և իրենց իրավունքներն իրացնելիս պահպանել օրինականության պահանջներն ու համակեցության կանոնները»,-նշված է հաղորդագրության մեջ։
Ոստիկանությունը հավաստիացնում է, որ օրենքով իրեն վերապահված լիազորությունների շրջանակում ձեռնարկելու է բոլոր միջոցները՝ հասարակական կարգն ապահովելու և հանրային անվտանգությունը պահպանելու համար։
Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։
Փաշինյան-Մարուքյան հանդիպումը հետաձգվել է
(Թարմացված է 12:09 03.03.2021)
Վարչապետն ինքն է զանգահարել «Լուսավոր Հայաստան» խմբակցության ղեկավարին ու առաջարկել քննարկել արտահերթ ընտրությունների անցկացման հարցը:ԵՐԵՎԱՆ, 3 մարտի – Sputnik. ՀՀ վարչապետ Նիկոլ Փաշինյանի և «Լուսավոր Հայաստան» կուսակցության առաջնորդ Էդմոն Մարուքյանի այսօրվա հանդիպումը չի կայանա: Տեղեկությունը Sputnik Արմենիային հայտնեց ինքը՝ Մարուքյանը։
«Այսօր չի ստացվի։ Հանդիպումը, ամենայն հավանականությամբ, վաղը կկայանա», - հավելեց Մարուքյանը։
Հիշեցնենք` երեկ հայտնել էինք, որ Փաշինյանն առավոտյան զանգել է Մարուքյանին և առաջարկել է քննարկել «Լուսավոր Հայաստան» կուսակցության առաջնորդի առաջարկը, նաև օրակարգում առկա այլ առաջարկներ` քաղաքական ստեղծված իրավիճակի հանգուցալուծման նպատակով։
թեգերը: