Արայիկ Հարությունյան

Ջուլֆալակյանը նախորդ ամիսներին որևէ հարց չի ուղղել ինձ. նախարարը հստակեցում է պահանջում

59
(Թարմացված է 11:49 16.09.2020)
Արայիկ Հարությունյանը մամուլի ասուլիսի ժամանակ անդրադարձավ Արսեն Ջուլֆալակյանի` պատգամավորական մանդատը վայր դնելու հարցին։

ԵՐԵՎԱՆ, 16 սեպտեմբերի - Sputnik. ԿԳՄՍ նախարար Արայիկ Հարությունյանը վստահեցնում է` ԱԺ պատգամավոր, ըմբշամարտի Եվրոպայի և աշխարհի չեմպիոն Արսեն Ջուլֆալակյանը նախորդ ամիսներին որևէ հարց չի ուղղել իրեն կամ քննարկել ինչ–որ թեմա։ Հարությունյանը նման կարծիք հայտնեց այսօր կազմակերպված մամուլի ասուլիսի ժամանակ` անդրադառնալով Ջուլֆալակյանի` պատգամավորական մանդատը վայր դնելու հարցին։

«Մանդատի վայր դրման գործընթացը դեռ չի ավարտվել, և գուցե այդ հարցին  կանդրադառնամ հաջորդ օրերին։ Անցած ամիսներին մենք Ջուլֆալակյանի հետ զրո քննարկում ենք ունեցել, նա կարող էր իրեն հուզող հարցերը բարձրացնել և հնարավոր է` այդ քննադատության մի մասն ընդունեինք, մյուս մասը բացատրեինք, որ չեն համապատասխանում իրականությանը»,–ասաց նախարարը։

Հարությունյանի խոսքով`1-1.5 ամիս առաջ «Իմ քայլը» խմբակցությունում հանդիպում է տեղի ունեցել իր հետ, և այդ ժամանակ էլ Ջուլֆալակյանն իրեն որևէ հարց չի ուղղել։ Եվ սա, ըստ նախարարի, այն դեպքում, երբ այդ հանդիպման ժամանակ հնչել են մի շարք առաջարկություններ, որոնք ինքն ընդունել է։ Հարությունյանը նշեց` Ջուլֆալակյանի ընդհանրական հայտարարությունը չի մեկնաբանելու, այլ հարց կլիներ, եթե լիներ կոնկրետացում։

Ինչ վերաբերվում է մամուլում շրջանառվող լուրերին, թե Ջուլֆալակյանը խնդիրներ ուներ ԿԳՄՍ փոխնախարար Գրիշա Թամրազյանի հետ` Հարությունյանը նշեց, որ դրանք օդում պտտվող լուրեր են, որոնց նույնպես չի անդրադառնա։

Կարևորը պայքարի արդյունքն է. Ջուլֆալակյանը խախտել է լռությունը

Հիշեցնենք՝ սեպտեմբերի 9-ին,  Արսեն Ջուլֆալակյանը Facebook-ի իր էջում հայտնել էր, որ դիմել է ՀՀ ԱԺ նախագահ Արարատ Միրզոյանին` պատգամավորական մանդատը վայր դնելու կապակցությամբ։ Նրա խոսքով՝ իր հրաժարականի պատճառը ԿԳՄՍ նախարար Արայիկ Հարությունյանի հետ ունեցած սկզբունքային անհամաձայնություններն են՝ նրա ենթակայության տակ գտնվող ոլորտների ներկա կառավարման մոտեցումների վերաբերյալ:

59
թեգերը:
Արսեն Ջուլֆալակյան, Արայիկ Հարությունյան, Հայաստան
Ըստ թեմայի
Միայն նախարարն է պատճառը, թե այլ գործոններ էլ կան. Աղազարյանը՝ Ջուլֆալակյանի որոշման մասին
Ջուլֆալակյանին չեն պարտադրել. Լիլիթ Մակունց
Ո՞ւմ հետ տարաձայնություններ ունի Ջուլֆալակյանը. «Իմ քայլի» պատգամավորը բացում է փակագծերը
«Ապօրինի, հակասպորտային, ոչ պրոֆեսիոնալ որոշում». Արսեն Ջուլֆալակյանը վրդովված է
ԱՄՆ Պետդեպ

«Հորդորում ենք անհապաղ դադարեցնել կրակը». ԱՄՆ-ն դիմել է ՀՀ–ին ու Ադրբեջանին

19
(Թարմացված է 00:24 28.09.2020)
ԱՄՆ Պետդեպարտամենտը Երևանին ու Բաքվին կոչ է անում հրաժարվել ռազմատենչ հայտարարություններից:

ԵՐԵՎԱՆ, 28 սեպտեմբերի - Sputnik. ԱՄՆ-ն Հայաստանին և Ադրբեջանին կոչ է արել անհապաղ դադարեցնել կրակը Լեռնային Ղարաբաղում:

«ԱՄՆ-ն Երևանին ու Բաքվին կոչ է անում հրաժարվել ռազմատենչ հայտարարություններից և գործողություններից, որոնք կարող են սրել իրավիճակը Լեռնային Ղարաբաղում», - նշված է հաղորդագրության մեջ։

Պետդեպարտամենտը հակամարտության կողմերին հորդորում է վերադառնալ բանակցություններին:

​Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Ադրբեջանական ագրեսիայի զոհ դարձած զինծառայողների թիվը 16 է, վիրավորներինը` ավելի քան 100։ Արցախում և Հայաստանում ռազմական դրություն և համատարած զորահավաք է հայտարարվել։

Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել

19
թեգերը:
ԱՄՆ, Արցախ, Ադրբեջան, Հայաստան
Ըստ թեմայի
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Սիրիայից 4 000 գրոհային է մասնակցում Ադրբեջանի ռազմական գործողություններին
Ողջամիտ եղեք․ Կադիրովը դիմել է Հայաստանի և Ադրբեջանի ղեկավարությանը
Հղի կին, արխիվային լուսանկար

Ադրբեջանական հրետակոծության հետևանքով նաև հղի կին է տուժել

33
(Թարմացված է 00:18 28.09.2020)
Արցախի Հանրապետության ՄԻՊ-ը հայտնել է, որ բժիշկներին հաջողվել է ժամանակին և անհրաժեշտ բուժօգնություն ցուցաբերել:

ԵՐԵՎԱՆ, 28 սեպտեմբերի - Sputnik. Արցախի ՄԻՊ Արտակ Բեգլարյանը այսօր լրագրողների հետ ունեցած ճեպազրույցում հայտնել է, որ ադրբեջանական զինված ուժերի կողմից քաղաքացիական բնակավայրերի հրետակոծության հետևանքով մեկ հղի կին էլ է լրջորեն վիրավորվել:

«Բարեբախտաբար, մեր բժիշկների պրոֆեսիոնալ միջամտության շնորհիվ երեխան էլ է փրկվել, մայրիկն էլ»,- ասել է նա:

Ավելի վաղ Բեգլարյանը հայտնել էր, որ ադրբեջանական զինուժն Արցախում ավելի քան 50 բնակավայր է թիրախավորվել, այդ թվում՝ Ստեփանակերտը, Շուշին, Մարտակերտը, Բերձորը, Քարվաճառը և այլն, այսինքն` բոլոր շրջկենտրոնները։

Խաղաղ բնակչության շրջանում այս պահին հաստատված է 2 զոհ, 30-ից ավելի վիրավոր։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

Վիրավոր երեխաներ ու երիտասարդներ, վնասված տներ. լուսանկարներ Արցախից

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհերից բացի, հայկական կողմը 100–ից ավելի վիրավոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

Օրվա կադր. հոգևոր առաջնորդը խաչին զուգահեռ զենք է վերցրել ձեռքը

33
թեգերը:
Արցախ, Պատերազմ, ուղերձ, Նիկոլ Փաշինյան, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Սիրիայից 4 000 գրոհային է մասնակցում Ադրբեջանի ռազմական գործողություններին
ՀՀ տեղափոխված վիրավորներից 2-ի վիճակը ծայրահեղ ծանր է. նոր տվյալներ
Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Министр иностранных дел Карабаха Масис Маилян во время брифинга в Едином информационном центре (28 сентября 2020). Степанакерт

Արցախի Հանրապետության միջազգային ճանաչումը կարող է լինել զսպող քայլ. Մասիս Մայիլյան

0
(Թարմացված է 00:30 28.09.2020)
Մայիլյանի խոսքով՝ բազմիցս կասկածի տակ է դրվել Թուրքիայի մասնակցությունը ԵԱՀԿ Մինսկի խմբի կազմում, քանի որ ենթադրվում է` միջնորդի դեր կատարող խմբում պետք է չեզոք դիրքորոշում ունեցող երկրներ լինեն, մինչդեռ Թուրքիայի դիրքորոշումն ընդգծված միակողմանի է։

ԵՐԵՎԱՆ, 28 սեպտեմբերի– Sputnik. Արցախի Հանրապետության միջազգային ճանաչումը կարող է լինել զսպող քայլ, որը համարժեք պատասխան կլինի ադրբեջանական կողմի սանձազերծած ագրեսիային։ Արցախի ՊՆ տեղեկատվական շտաբում կայացած ճեպազրույցի ժամանակ նման կարծիք հայտնեց ԱՀ արտաքին գործերի նախարար Մասիս Մայիլյանը։

Նա տեղեկացրեց, որ Արցախի արտաքին գործերի նախարարությունն ակտիվ կապի մեջ է միջազգային գործընկերների հետ, որպեսզի տարբեր կառույցների համար հստակ լինի այն փաստը, թե կողմերից որն է ագրեսիան սանձազերծողը։ Նա հիշեցրեց, որ այսօր հակամարտության սրման վերաբերյալ հայտարարություններ են տարածել ոչ միայն միջազգային գրեթե բոլոր կառույցները, այլև տարբեր երկրների ղեկավարներն ու արտաքին գերատեսչությունների ներկայացուցիչները։

«Բոլոր կոչերը խաղաղասիրական են և ուղղված են խաղաղության հաստատմանը։ Կարող ենք առանձնացնել Թուրքիային, որն ագրեսիվ և միակողմանի հայտարարություններով է հանդես եկել Ադրբեջանի օգտին»,– ասաց Մայիլյանը` հավելելով, որ միջազգային հանրությունը ոչ միայն պետք է զսպի ոչ միայն Ադրբեջանին, այլև Թուրքիային։

Արցախի ՊՆ–ն հրապարակեց զոհված զինծառայողների անունները. նրանցից մեկը կին է

Մայիլյանն ընդգծեց, որ այս պահին ՊԲ-ն մարտնչում է երկու երկրների դեմ և հիշեցրեց, որ բազմիցս կասկածի տակ է դրվել Թուրքիայի մասնակցությունը ԵԱՀԿ Մինսկի խմբի կազմում, քանի որ ենթադրվում է` միջնորդի դեր կատարող խմբում պետք է չեզոք դիրքորոշում ունեցող երկրներ լինեն, մինչդեռ Թուրքիայի դիրքորոշումն ընդգծված միակողմանի է։

Մայիլյանի խոսքով` այս պահին առաջնահերթ խնդիրը ռազմական գործողությունների դադարեցումն է, որից հետո միայն Ադրբեջանին պետք է վերադարձնել քննարկումների սեղանի շուրջ։ Ամեն անգամ նման ագրեսիվ պահվածքով Ադրբեջանը վնաս է հասցնում Լեռնային Ղարաբաղի խնդրի կարգավորման գործընթացին։

Ողջամիտ եղեք․ Կադիրովը դիմել է Հայաստանի և Ադրբեջանի ղեկավարությանը

ԱՀ արտգործնախարարի կարծիքով՝ քաղաքական հարցերը լուծում են քաղաքական ճանապարհով, այլ ոչ թե ուժային, և այս գաղափարն է, որ  պետք է հասցվի Ադրբեջանի ղեկավարությանը։

0
թեմա:
Ադրբեջանական ագրեսիա Արցախում. 2020