Գյումրի

Արտաքին տնտեսական գործունեություն իրականացնելը դյուրին կդառնա. Գյումրիում կենտրոն է բացվել

139
(Թարմացված է 13:27 15.09.2020)
Գյումրիում շահագործման է հանձնվել Հյուսիսային արտաքին տնտեսական գործունեության սպասարկման կենտրոնը։

ԵՐԵՎԱՆ, 15 սեպտեմբերի - Sputnik. Այսօր` սեպտեմբերի 15-ին, Գյումրիում մեկնարկել են Հյուսիսային արտաքին տնտեսական գործունեության սպասարկման կենտրոնի աշխատանքները: Հյուսիսային դարպասներով արտահանումների ձևակերպումներն այսուհետ իրականացվելու են  այս կենտրոնում: 

Табличка у двери кабинета Управления по борьбе с контрабандой в  северном сервисном  центре внешнеэкономической деятельности (15 сентября 2020). Гюмри
© Sputnik / Armenuhi Mkhoyan
Գյումրիում շահագործման է հանձնվել Հյուսիսային արտաքին տնտեսական գործունեության սպասարկման կենտրոնը

Բացմանը ներկա էր նաև ՊԵԿ նախագահ Էդվարդ Հովհաննիսյանը։

«Վստահ  եմ, որ այս կենտրոնի գործարկումը նոր թափ է հաղորդելու Պետական եկամուտների կոմիտեի մաքսային մարմինների աշխատանքին և բեկումնային է լինելու մաքսային մարմինների հետագա թիրախային ռազմավարական ուղղությունների զարգացման համար»,-նշեց Հովհաննիսյանը։

Նա տեղեկացրեց, որ առայժմ կենտրոնը կծառայի որպես Հյուսիսային մաքսատուն վարչություն՝  իրականացնելով վարչության համապատասխան  գործառույթները և կկենտրոնանա հյուսիսային դարպասներով արտահանումներին վերաբերող մաքսային ձևակերպումների վրա:

Открытие Северного сервисного центра внешнеэкономической деятельности (15 сентября 2020). Гюмри
© Sputnik / Armenuhi Mkhoyan
Գյումրիում շահագործման է հանձնվել Հյուսիսային արտաքին տնտեսական գործունեության սպասարկման կենտրոնը

Նշենք, որ կենտրոնի ստեղծմամբ հնարավորություն է ընձեռվում ապահովել «մեկ հարկի տակ» ծառայությունների մատուցում՝ մի կողմից ապահովել կենտրոնում ԱՏԳ գործառնություններին առնչվող մարմինների ֆիզիկական տեղակայում, մյուս կողմից՝ իրականացնել էլեկտրոնային կառավարման համակարգերի կիրառմամբ ծառայությունների մատուցում։

Գյուղատնտեսական և բժշկական նշանակության որոշ ապրանքների ներմուծումն ազատվել է մաքսատուրքից

Նման մոտեցման ներդրմամբ նախատեսվում է ստեղծել սերտ համագործակցության հարթակ մաքսային, թույլատրող փաստաթղթեր տրամադրող և ԱՏԳ գործունեությանն առնչվող պետական այլ մարմինների միջև:

Открытие Северного сервисного центра внешнеэкономической деятельности (15 сентября 2020). Гюмри
© Sputnik / Armenuhi Mkhoyan
Գյումրիում շահագործման է հանձնվել Հյուսիսային արտաքին տնտեսական գործունեության սպասարկման կենտրոնը

Այն հնարավորություն կընձեռի ապահովել սահուն գործընթացներ տնտեսվարողների համար` բացառելով տնտեսվարողի կողմից տարբեր գերատեսչություններ ներկայանալու, փաստաթղթերը և տեղեկատվությունը բազմակի ներկայացնելու անհրաժեշտությունը:

«Մեկ կենտրոնում մենք կունենանք պետական բոլոր մարմինների ներկայացուցչությունները կամ տեղեկատվության փոխանակման եղանակով  փաստաթղթերը տրամադրելու հնարավորություն: Շինարարության ավարտից հետո  այն լիարժեք պատրաստ կլինի որպես հյուսիսային սահմանում իրականացվող ամբողջական մաքսային գործառույթների համար համալիր ծառայություններ սպասարկող կենտրոն»,-լրագրողների հետ ճեպազրույցի ժամանակ նշեց ՊԵԿ նախագահը:

Հավելենք, որ Հյուսիսային ԱՏԳ սպասարկման կենտրոնի շինարարական աշխատանքները մեկնարկել են 2019 թվականի օգոստոսից: 

Կենտրոնի կառուցման համար մինչ այժմ պետբյուջեից հատկացվել է շուրջ 5 մլրդ դրամ: Երկրոդ փուլով նախատեսվում է կառուցել պահեստներ,  բեռնատարների համար ավտոկայանտեղի և այլ ենթակառուցվածքներ:

«Մեկ կանգառ, մեկ պատուհան». Հյուսիսային մաքսատանը կարվեն անհրաժեշտ բոլոր գործարքները

Երկրորդ փուլով կառուցումը շարունակելու նպատակով ընթանում են նախագծման աշխատանքներ, որոնց ավարտից հետո պարզ կլինի անհրաժեշտ գումարի չափը:

ԱՏԳ սպասարկման կենտրոնն ամբողջությամբ շահագործման կհանձնվի 2022թ.–ին։

Ինչպե՞ս են մաքսատներում ապահովում քաղաքացիների անվտանգ սպասարկումը COVID 19-ի պայմաններում

139
թեգերը:
Էդվարդ Հովհաննիսյան (ՊԵԿ նախագահ), Պետական եկամուտների կոմիտե (ՊԵԿ), ավտոմաքսատուն, Մաքսազերծում, Գյումրի
Ըստ թեմայի
Հերթեր և գողություններ. իրականում ի՞նչ է տեղի ունենում Գյումրու մաքսատանը
Լա՞վ է, թե՞ վատ. Գյումրու մաքսատան աշխատանքի մասին հակասական կարծիքներ են հնչում
Քեյան. «Գյումրու մաքսատան հսկողությունը թույլ է, գողություններ են լինում»
 Арцрун Ованнисян во время брифинга по теме ситуации на армяно-азербайджанской границе (16 июля 2020). Иджеван

Ուղղաթիռի կորուստն ընդունեցին, ուրեմն ավելի շատ են կորուստները. Արծրուն Հովհաննիսյան

0
ՀՀ ՊՆ մամուլի խոսնակ Շուշան Ստեփանյանը ավելի վաղ հայտնել էր, որ հայկական կողմը խոցել է հակառակորդի 3 տանկ, 2 ուղղաթիռ և 3 ԱԹՍ:

ԵՐԵՎԱՆ, 27 սեպտեմբերի - Sputnik. Ադրբեջանի ՊՆ-ն պաշտոնապես հաստատել է Թարթառի ուղղությամբ 1 միավոր ուղղաթիռ կորցնելու տեղեկությունը։ Նշվում է, որ անձնակազմը ողջ է մնացել։
Ռազմական փորձագետ Արծրուն Հովհաննիսյանը Facebook-ում կատարած գրառման մեջ, մեկնաբանելով Ադրբեջանի ՊՆ-ի տարածած հաղորդագրությունը, նշում է. «Մի ուղղաթիռի կորուստն ընդունեցին, ուրեմն ավելի շատ են կորուստները»:

Նշենք, որ ՀՀ ՊՆ մամուլի խոսնակ Շուշան Ստեփանյանը ավելի վաղ հայտնել էր, որ հայկական կողմը խոցել է հակառակորդի 3 տանկ, 2 ուղղաթիռ և 3 ԱԹՍ:

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Օդային և հրետանային հարվածներ են հասցվել Լեռնային Ղարաբաղի մայրաքաղաք Ստեփանակերտին:

0
Здание Министерство обороны Армении

ՀՀ ԶՈւ-ն հակառակորդի անօդաչու թռչող սարք է խոցել. ՊՆ

76
Շուշան Ստեփանյանը հայտնել է ադրբեջանական կողմից նոր տեխնիկական կորստի մասին, այս անգամ` թռչող օբյեկտի։

ԵՐԵՎԱՆ, 27 սետեմբերի – Sputnik. ՀՀ ԶՈւ-ն ադրբեջանական անօդաչու թռչող սարք է խոցել։ Facebook սոցցանցի իր էջում գրել է ՀՀ ՊՆ խոսնակ Շուշան Ստեփանյանը։

«ՀՀ ԶՈՒ-ն հյուսիսարևելյան ուղղությամբ խոցել է հակառակորդի անօդաչու թռչող սարք»,–գրել է նա։

Հիշեցնենք, որ ավելի վաղ Ստեփանյանը հայտնել էր, որ հակառակորդը կրել է մարդկային և տեխնիկայի կորուստներ, մասնավորապես՝ երեք տանկ։

Այսօր վաղ առավոտյան արցախա–ադրբեջանական շփման գծի ողջ երկայնքով ադրբեջանական կողմը ակտիվ հերտակոծություն է սկսել՝ թիրախավորելով նաև խաղաղ բնակավայրերը, այդ թվում՝ մայրաքաղաք Ստեփանակերտը:

76