Էդմոն Մարուքյան. արխիվային լուսանկար

«Կորոնավիրուսն ո՞ւմ շունն է». Մարուքյանը հիշեցրեց իշխանության ներկայացուցիչների ասածները

58
(Թարմացված է 12:06 15.09.2020)
Կորոնավիրուսի դեմ պայքարի արդյունավետությունը քննող հանձնաժողովի կազմն առաջարկվում է հետևյալ համամասնությամբ. 12 անդամներից 7-ը «Իմ քայլից», 3-ը` «Բարգավաճ Հայաստանից», 2-ը` «Լուսավոր Հայաստանից»։

ԵՐԵՎԱՆ, 15 սեպտեմբերի — Sputnik. ԱԺ «Լուսավոր Հայաստան» խմբակցության առաջարկով ստեղծված Կորոնավիրուսի դեմ պայքարի արդյունավետությունն ուսումնասիրող ԱԺ քննիչ հանձնաժողովը քննելու է նաև կորոնավիրուսին վերաբերող ընդդիմադիր գործիչների հայտարարությունները, եթե դրա կարիքը լինի։ Այս մասին այսօր ԱԺ–ում հայտարարեց «Լուսավոր Հայաստան» խմբակցության ղեկավար Էդմոն Մարուքյանը` պատասխանելով«Իմ քայլի» պատգամավորների այն դիտարկումներին, թե ընդդիմության հայտարարությունները նպաստել են, որ մարդիկ անլուրջ վերաբերվեն հիվանդությանը և սահմանափակումներին։

«Ես հիշում եմ առողջապահության նախարար Արսեն Թորոսյանի մամուլի ասուլիսը, երբ նա նոր էր վերադարձել ճամփորդությունից և ասում էր` այնտեղ մեծ թվով վարակակիրներ կան, ես հիմա բոլորիդ կվարակեմ, ու կատակներ էր անում։ Ասում էր` այ դուք, լրագրո՛ղ, որ դիմակ եք դրել, դա ձեզ փրկելո՞ւ է։ Ես հիշում եմ` «կորոնավիրուսն ո՞ւմ շունն է» արտահայտությունը, և դրանք բոլորն իշխանության ներկայացուցիչներն են արել ու անլրջացրել են պայքարը»,– իշխող խմբակցության գործընկերներին հակադարձեց Մարուքյանը։

Պատգամավորը շեշտեց, որ կորոնավիրուսի դեմ պայքարն ի սկզբանե է անլրջացվել ու նորաստեղծ հանձնաժողովն այլև ի զորու չէ ազդելու այդ փաստի վրա, բայց կարող է ազդել այն ամենի վրա, ինչ այս պահին է անլրջացվում։

Արսեն Թորոսյանը բացահայտել է` որտեղ և ինչպես է անցկացնում արձակուրդը

«Խորհրդարանն ունի լծակներ ու ժողովրդի առաջ ստանձնած պարտավորություն` իրականացնելու այդ մոնիթորինգը,– ասաց նա,– Ինձ համար այս հանձնաժողովի ստեղծումը լակմուսի թուղթ է։ Սրանով մենք հասկանալու ենք, թե որքանով է Հայաստանը ժողովրդավարական երկիր։ Եթե այս որոշումը տապալվում է, ինձ համար Հայաստանը դադարում է լինել ժողովրդավարական երկիր»։

Նշենք, որ Կորոնավիրուսի դեմ պայքարի արդյունավետությունը քննող հանձնաժողովն արդեն ստեղծված է` օրենքի ուժով, այն պահից, երբ ընդդիմադիր խմբակցությսւնը հանդես է եկել այդ առաջարկով։

Այժմ խորհրդարանը քննարկում է հանձնաժողովի հնարավոր կազմը։ Միայն կազմի հաստատումից հետո հանձնաժողովը կսկսի իրապես գործել։
Նշենք, որ Մարուքյանի ներկայացրած նախագծով առաջարկվում է, որ հանձնաժողովը բաղկացած լինի 7 անդամներից, որոնցից 12-ը` «Իմ քայլից», 3-ը` «Բարգավաճ Հայաստանից», 2-ը` «Լուսավոր Հայաստանից»։

Կորոնավիրուսի դեմ պայքարի համար Հայաստանին 2 մլն դոլար կտրամադրվի

58
թեգերը:
ընդդիմություն, Իշխանություն, Էդմոն Մարուքյան, ՀՀ Ազգային ժողով, ԱԺ, կորոնավիրուս
Ըստ թեմայի
174 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 45 326
107 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 45 969
172 դեպք` մեկ օրում. Հայաստանում կորոնավիրուսով վարակվածների թիվը դարձավ 45 675
Սու-25

Վալերի Դանելինը 2 երեխաների հայր էր. ի՞նչ է հայտնի հայկական Սու-25-ի օդաչուի մասին

0
Ծանոթները զոհված օդաչուին բնութագրում են որպես շատ բարի, հանգիստ և հավասարակշռված մարդ:

ԵՐԵՎԱՆ, 30 սեպտեմբերի – Sputnik. Խոցված Սու-25-ի օդաչու, ՀՀ ԶՈւ մայոր Վալերի Դանելինը Գյումրու բնակիչ էր, 33 տարեկան։

Օդաչուն զոհվել է Սու-25 գրոհայինով թռիչք կատարելիս՝ հետ մղելով Հայաստանի ռազմական և քաղաքացիական օբյեկտների ուղղությամբ հարձակումները: Ինքնաթիռը խոցվել է սեպտեմբերի 29-ի առավոտյան Թուրքիայի ՌՕՈւ F-16 կործանիչի կողմից, որն օդ է բարձրացել Ադրբեջանի «Գյանջա» օդանավակայանից։

Վալերի Դանելին երկու երեխաների հայր էր, որդին երեք տարեկան է, դուստրը` վեց։

Վալերիի պապը ռուս է եղել, որն ամենայն հավանականությամբ, Հայաստան է տեղափոխվել դեռ ցարական ժամանակներում։

Ծանոթները նրան բնութագրում են որպես շատ բարի, հանգիստ և հավասարակշռված մարդ:

 

0
թեգերը:
հայր, Օդաչու, Հայաստան
Արխիվային լուսանկար

Կենտրոնի հարյուրավոր թոշակառուներ խնդրում են իրենց այս ամսվա թոշակը փոխանցել բանակին

7
(Թարմացված է 14:02 30.09.2020)
Կենտրոն վարչական շրջանի ղեկավարը մեծ ուրախությամբ է հայտնել հուզիչ լուրը։ Վստահ է, որ մեր ազգն անպարտելի է։

ԵՐԵՎԱՆ, 30 սեպտեմբերի - Sputnik. Կենտրոն վարչական շրջանի մի քանի հարյուր թոշակառուներ իրենց այս ամսվա թոշակը կփոխանցեն հայոց բանակին։ Տեղեկությունը Facebook-ի իր էջում գրել է Կենտրոն վարչական ղեկավար Ավետ Պողոսյանը։

«Էն, որ մեր ազգն անպարտելի է, համոզվում ես ամեն քայլափոխի: Ամենաթարմ ու ամենահուզիչ ապացույցն ասածիս այսօր արձանագրվեց: Կենտրոն ՎՇ-ի մի քանի հարյուր թոշակառուներ կապ են հաստատել Սոցիալայան աջակցության կենտրոնի բաժնի հետ ու պայքարել, որ իրենց այս ամսվա թոշակը փոխանցվի բանակին: Ես ձեր ցավը տանեմ, սիրելիներս»,–գրել է Պողոսյանը։

Նշենք, որ Արցախում սկսված լայնածավալ ռազմական գործողություններից հետո Հայաստանում ոչ միայն կամավորների մեծ խմբեր են հավաքվում ճակատ գնալու համար, այլև մեծ քանակությամբ մթերք ու դեղորայք է հավաքվում։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 75 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

7