Իշխան Զաքարյան. արխիվային

ԱԱԾ–ն բերման է ենթարկել Վերաքննիչ պալատի նախկին ղեկավարին, հետո ազատ արձակել

105
(Թարմացված է 17:19 14.09.2020)
Հայկական պարբերականը որոշ մանրամասներ է հայտնել Իշխան Զաքարյանի և նրա հարազատների հարցաքննությունից:

ԵՐԵՎԱՆ, 14 սեպտեմբերի – Sputnik. Հայաստանի ազգային անվտանգության ծառայությունը բերման է ենթարկել Վերահսկիչ պալատի նախկին նախագահ Իշխան Զաքարյանին, ինչպես նաև նրա եղբորը, որդուն և ևս մի քանի մերձավորների: Այս մասին գրում է «Հրապարակ» թերթը ՝ վկայակոչելով իր աղբյուրները։

Նշվում է, որ իրավապահների մոտ հարցեր են առաջացել Գառնիում Զաքարյան ընտանիքի կողմից այգի ձեռք բերելու օրինականության վերաբերյալ:

Թերթի տեղեկություններով` Ազգային անվտանգության ծառայության աշխատակիցներն իրենք են գնացել Զաքարյանների տուն և առաջարկել հետևել իրենց:

Իշխան Զաքարյանին նույնպես հարցաքննել են. ի՞նչ են հայտնաբերել նրա տանը

Ավելի ուշ թերթը հայտնել է, որ Զաքարյանին և մյուսներին ազատ են արձակել։

«Տվյալ հողատարածքների ձեռքբերման օրինականությունը ստուգելու նպատակով ԱԱԾ են հրավիրվել Իշխան Զաքարյանը և գործին առնչվող այլ անձինք։ Այլ մանրամասներ հայտնել չենք կարող։ Ըստ անհրաժեշռության` արդյունքների վերաբերյել կտրամադրենք հավելյալ ինֆորմացիա»,– Sputnik Արմենիային հայտնեցին ԱԱԾ մամուլի ծառայությունից։

Հունիսին ուժայիններն արդեն  այցելել էին ՎՊ նախկին ղեկավարին։ ԲՀԿ առաջնորդ Գագիկ Ծառուկյանի դեմ ընտրակաշառք բաժանելու վերաբերյալ քրեական գործ հարուցելուց հետո խուզարկություններ են կատարվել նաև Զաքարյանի տանը, որը 2017-ի ընտրություններում ԲՀԿ-ի ցուցակով է անցել խորհրդարան:

Ինչ հարաբերությունների մեջ են Իշխան Զաքարյանն ու գործող իշխանությունը

105
թեգերը:
Վերաքննիչ պալատ (ՎՊ), ՀՀ ազգային անվտանգության ծառայություն. ԱԱԾ, Հայաստան, Իշխան Զաքարյան
Ըստ թեմայի
Դավիթ Հարությունյանի և Իշխան Զաքարյանի միջև կռիվ է ընկել. գործը հասել է նախագահական
Իշխան Զաքարյանը հրաժարական է տվել
Իշխան Զաքարյանը կողմ քվեարկեց Սերժ Սարգսյանի թեկնածությանը, բայց նա պաշտոն չի ստանա
Նիկոլ Փաշինյան

Փաշինյանն Անվտանգության խորհրդի նիստ է հրավիրելու

25
(Թարմացված է 12:15 27.09.2020)
ՀՀ վարչապետը տեղեկացնում է, որ կառավարությունը կքննարկի ռազմական դրություն և մասնակի զորահավաք հայտարարելու հարցը։

ԵՐԵՎԱՆ, 27 սեպտեմբերի – Sputnik. Քիչ անց տեղի կունենա Անվտանգության խորհրդի նիստ: Տեղեկությունը Facebook-ի իր էջում հայտնել է ՀՀ վարչապետ Նիկոլ Փաշինյանը։ Նա տեղեկացրել է, որ կառավարությունը կքննարկի ռազմական դրություն և մասնակի զորահավաք հայտարարելու հարցը:

«Պատրաստ եղեք մեր սուրբ հայրենիքի պաշտպանությանը: Հպարտ, հաղթո՛ղ ժողովուրդ»,–գրել է նա:

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Ինչպես է հայկական զինուժը ոչնչացնում ադրբեջանական տանկերը. տեսանյութ

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

25
թեգերը:
զորահավաք, Ղարաբաղյան հակամարտություն, Լեռնային Ղարաբաղ, Արցախ, Անվտանգության խորհուրդ, Նիկոլ Փաշինյան
թեմա:
Ադրբեջանական ագրեսիա - 2020
Ըստ թեմայի
ԱԱԾ-ն հորդորում է սոցիալական կայքերում կասկածելի տեղեկատվություն հանդիպելիս դիմել ԱԱԾ
Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ
Արցախում ռազմական դրություն և համատարած զորահավաք է հայտարարվել
Վարդան Տողանյան

Հայաստանից ԼՂ զորք տեղափոխելու կարիք չկա. Վարդան Տողանյանի հարցազրույցը

63
(Թարմացված է 12:03 27.09.2020)
ՌԴ-ում ՀՀ դեսպանը հայտնել է, որ հայկական կողմն արդեն իսկ միջոցներ է ձեռնարկել ԼՂ–ում իրավիճակի սրման առնչությամբ։

ԵՐԵՎԱՆ, 27 սեպտեմբերի – Sputnik. Լեռնային Ղարաբաղում իրավիճակի սրումից հետո Երևանը չի ծրագրում ռազմական ուժերը տեղափոխել այնտեղ։ «Խոսում է Մոսկվան» ռադիոկայանի եթերում ասել է ՌԴ-ում ՀՀ դեսպան Վարդան Տողանյանը։

«Այժմ զորքերի տեղափոխման կարիք չկա, քանի որ Լեռնային Ղարաբաղի բանակը համապատասխան միջոցներ է ձեռնարկում։ Ըստ տեղեկությունների՝ մենք գիտենք, որ երկու տանկ է խոցվել, ադրբեջանական ուղղաթիռ է խոցվել է, այսինքն՝ միջոցներ են ձեռնարկվում»,–ասել է Տողանյանը։

Նրա խոսքով` այժմ ճշգրտվում է, թե իրականացված միջոցառումները բավարա՞ր են արդյոք, բայց ամեն դեպքում հավելյալ միջոցառումների, այսինքն` Հայաստանից զորք տեղափոխելու կարիք չկա։

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

«Պատերազմ են ուզում, պատերազմ էլ կստանան». Արցախի նախագահ

Արցախի պաշտպանության նախարարության ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Գործողությունները վաղուց պլանավորված են եղել. Շուշան Ստեփանյան

63
թեգերը:
Վարդան Տողանյան, Արցախ, Հայաստան
թեմա:
Ադրբեջանական ագրեսիա - 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Ինչպես է հայկական զինուժը ոչնչացնում ադրբեջանական տանկերը. տեսանյութ
Հորդորում ենք կողմերին անհապաղ դադարեցնել կրակը. ՌԴ ԱԳՆ-ի կոչը
В школе Варанды в Арцахе параллельно с солнечной погодой также введен полевой тип обучения

Արցախում ուսումնական հաստատություններն անորոշ ժամանակով կփակվեն․ ԱՀ ԱԺ նախագահ

0
(Թարմացված է 12:15 27.09.2020)
Արցախի Հանրապետության Ազգային ժողովի նախագահ Արթուր Թովմասյանը հորդորել է Արցախի բնակչությանը խուճապի չմատնվել, քանի որ իրականացվող աշխատանքներն ուղղված են բնակչության անվտանգության ապահովմանը։

ԵՐԵՎԱՆ, 27 սեպտեմբերի - Sputnik. Արցախում ուսումնական հաստատություններն անորոշ ժամանակով կփակվեն։ Տեղեկությունը հայտնում է Արցախի Հանրապետության Ազգային ժողովի նախագահ Արթուր Թովմասյանը։

«Արցախի Հանրապետության Գերագույն Գլխավոր հրամանատար Արայիկ Հարությունյանը հանձնարարեց հայտարարել Արցախում ուսումնական հաստատությունների՝ անորոշ ժամանակով փակվելու մասին»,- գրել է Թովմասյանը։

Նա հորդորել է Արցախի բնակչությանը խուճապի չմատնվել, քանի որ տարվող աշխատանքները հենց բնակչության անվտանգության և ապահովության համար են։

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Արցախի պաշտպանության նախարարության ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ: 

0