Արսեն Ջուլֆալակյան

«Անընդունելի եմ համարում Ջուֆալակյանի քայլը. ես այդպես չէի վարվի». իմքայլական պատգամավոր

71
(Թարմացված է 21:59 12.09.2020)
«Իմ քայլը» խմբակցության պատգամավորի խոսքով` անհրաժեշտ և բավարար ջանքեր գործադրելու դեպքում Արսեն Ջուլֆալակյանի և Արայիկ Հարությունյանի միջև ծագած տարաձայնությունն այլ լուծում կունենար։

ԵՐԵՎԱՆ, 11 սեպտեմբերի – Sputnik. Այսօր «Իմ քայլը» խմբակցության հրավիրած նիստում եղել է ընդհանուր քննարկում Արսեն Ջուլֆալակյանի մանդատը վայր դնելու վերաբերյալ։ Լրագրողների հետ զրույցում տեղեկությունը հայտնեց «Իմ քայլը» խմբակցության պատգամավոր Տիգրան Ուլիխանյանը։

«Ես անընդունելի եմ համարում պարոն Ջուֆալակյանի քայլը. ես այդպես չէի վարվի։ Կարծում եմ, որ անհրաժեշտ և բավարար ջանքեր գործադրելու դեպքում այս հարցն այլ լուծում կունենար»,–ասաց Ուլիխանյանը։

Նրա խոսքով`մինչ Արսեն Ջուլֆալակյանի մանդատը վայր դնելը, նրա և ԿԳՄՍ նախարար Արայիկ Հարությունյանի միջև ծագած տարաձայնությունների շուրջ խմբակցության մակարդակով քննարկում չի եղել։

«Եթե առկա է այնպիսի լուրջ խնդիր, որը կարող է հանգցնել ԱԺ պատգամավորի մանդատը վայր դնելուն, ապա այդ խնդիրն անպայման պետք է քննարկված լիներ խմբակցությունում և արձանագրենք, որ այդպիսի խնդրի մասին մենք չենք իմացել։ Ես չէի ուզում իմ ընկերոջ գրածը կասկածի տակ դնել։ Ես դեռ անհրաժեշտ չափով տեղեկացված չեմ իրական պատճառների մասին։ Ես ցավում եմ, որ նա հեռացել է և չեմ համարում դա լավ երևույթ»,–ասաց պատգամավորը։

Միայն նախարարն է պատճառը, թե այլ գործոններ էլ կան. Աղազարյանը՝ Ջուլֆալակյանի որոշման մասին

Լրագրողների այն հարցերին, թե արդյո՞ք խմբակցության ներսում քննարկվել է ԿԳՄՍ նախարար Արայիկ Հարությունյանի գործունեությունը և միգուցե հնարավոր հրաժարականը, պատգամավորն ասաց, որ այս պահի դրությամբ Արայիկ Հարությունյանը վայելում է ՀՀ վարչապետի և «Իմ քայլի» աջակցությունը։

«Նշում եք, որ ժողովրդի մի մասի համար Արայիկ Հարությունյանի գործունեությունը ընդունելի չէ։Ենթադրում եմ, որ ժողովրդի որոշ մասի համար էլ ընդունելի է։ Այս պահի դրությամբ մենք նախարարի հետ կապված դժգոհությունը բավարար չենք գնահատում, որ պաշտոնանկության հարց քննարկենք»։

Հիշեցնենք՝ սեպտեմբերի 9-ին Արսեն Ջուլֆալակյանը Facebook-ի իր էջում հայտնել էր, որ դիմել է ՀՀ ԱԺ նախագահ Արարատ Միրզոյանին` պատգամավորական մանդատը վայր դնելու կապակցությամբ։

Նրա խոսքով՝ իր հրաժարականի պատճառը ԿԳՄՍ նախարար Արայիկ Հարությունյանի հետ ունեցած սկզբունքային անհամաձայնություններն են նրա ենթակայության տակ գտնվող ոլորտների ներկա կառավարման մոտեցումների վերաբերյալ:

Ջուլֆալակյանը դեռ ժամանակ ունի մտափոխվելու. Միրզոյանը հայտարարություն է արել

71
թեգերը:
Տիգրան Ուլիխանյան, Պատգամավոր, Արսեն Ջուլֆալակյան
Ըստ թեմայի
Կարիերայի բիծն ու մարզահագուստի գույնը. ինչու Կարեն Մնացականյանն օլիմպիական մեդալ չնվաճեց
Մշտական սկանդալների կենտրոնում. նախարարի հեռացումը կլուծի՞ «խառը» նախարարության խնդիրները
Ո՞ւմ հետ տարաձայնություններ ունի Ջուլֆալակյանը. «Իմ քայլի» պատգամավորը բացում է փակագծերը
Պտղունք գյուղի տներից մեկում հրդեհ է բռնկվել

Պտղունք գյուղի տներից մեկում հրդեհ է բռնկվել. դեպքի վայրում է ԱԻ նախարարը. լուսանկարներ

8
(Թարմացված է 19:52 24.09.2020)
Դեպքի վայր է մեկնել ինը մարտական հաշվարկ։ Ըստ նախնական տվյալների՝ հրդեհը բռնկվել է երկհարկանի շինության երկրորդ հարկի թվով 7-8 բնակարաններում։

ԵՐԵՎԱՆ, 24 սեպտեմբերի - Sputnik. Պտղունք գյուղի տներից մեկում հրդեհ է բռնկվել։ Այդ մասին ահազանգն Արմավիրի մարզային ճգնաժամային կառավարման կենտրոնում ստացվել է սեպտեմբերի 24-ին, ժամը 18:08-ին, տեղեկացնում են ԱԻՆ լրատվական ծառայությունից։ 

Пожар двухэтажного дома в деревне Птхунк (24 сентября 2020).
Պտղունք գյուղի տներից մեկում հրդեհ է բռնկվել

Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ, Երևան քաղաքի փրկարարական վարչության հրշեջ-փրկարարական ջոկատներից երկու  մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Пожар двухэтажного дома в деревне Птхунк (24 сентября 2020).
Պտղունք գյուղի տներից մեկում հրդեհ է բռնկվել

Հայտարարվել է հրդեհի բարդության «Թիվ 3» կանչ․ դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից ևս մեկ մարտական հաշվարկ, Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Բժշկական ապահովման վարչության հերթապահ բժիշկը և Հոգեբանական աջակցության բաժնի հերթապահ հոգեբանը:

Արարատի մարզում 10 տարեկան աղջիկ է վրաերթի ենթարկվել

Հրդեհաշիջման աշխատանքներին ներգրավված է Վաղարշապատի քաղաքապետարանի 2 ջրատար։

Пожар двухэтажного дома в деревне Птхунк (24 сентября 2020).
Պտղունք գյուղի տներից մեկում հրդեհ է բռնկվել

Ըստ նախնական տվյալների՝ հրդեհը բռնկվել է երկհարկանի շինության երկրորդ հարկի թվով 7-8 բնակարաններում։ Այրվում է մոտ 500-600 քմ տարածք։ Տուժածներ չկան։

ԱԻՆ-ից հայտնում են, որ դեպքի վայրում են գտնվում ԱԻ նախարար Ֆ․ Ցոլակյանը, Փրկարար ծառայության տնօրեն փ/ծ գեներալ-մայոր Վ․ Գաբրիելյանը և տնօրենի տեղակալ փ/ծ գնդապետ Տ․ Պետրոսյանը։

8
թեգերը:
Ֆելիքս Ցոլակյան, Գյուղ, Արմավիրի մարզ, ՀՀ արտակարգ իրավիճակների նախարարություն (ԱԻՆ), հրդեհ
թեմա:
Վթար, պատահար, սպանություն, գողություն
Ըստ թեմայի
Լիբանանում հզոր պայթյուն է որոտացել. տեսանյութ
Մոսկվայում պայթյուն է որոտացել. տեսանյութ
Խոշոր հրդեհ կրակայրիչների արտադրամասում. աշխատակիցներից մեկն այրվածքներ է ստացել
Հրայր Թովմասյան, արխիվային լուսանկար

«Ես եմ առաջադրել Աշոտ Խաչատրյանի թեկնածությունը». Թովմասյանը զարմացած է

11
(Թարմացված է 19:42 24.09.2020)
ՍԴ նախկին նախագահի խոսքով՝ դատավորների նիստի ժամանակ հատ–հատ բացատրել է` ինչու չի առաջադրում մյուս դատավորների թեկնածությունները։

ԵՐԵՎԱՆ, 24 սեպտեմբերի – Sputnik. Սահմանադրական դատարանի դատավոր, նախկին նախագահ Հրայր Թովմասյանը, դուրս գալով ՍԴ շենքից, լրագրողների հետ զրույցում ասաց, որ ինքն էր առաջադրել դատավոր Աշոտ Խաչատրյանի թեկնածությունը նախագահի պաշտոնում։

«Խաչատրյանը ամենափորձառուն ու ավագն է բոլոր դատավորներից։ Ես նրա հետ չէի քննարկել իմ` նրան առաջադրելը։ Անակնկալ էր, որ բացարկ հայտնեց»,– ասաց Թովմասյանը։

ՍԴ նախկին նախագահը նաև պարզաբանեց, որ դատավորների նիստի ժամանակ հատ–հատ բացատրել է` ինչու չի առաջադրում մյուս դատավորների թեկնածությունները։

«Եթե մեկ թեկնածու մնա, ես չեմ մասնակցի քվեարկությանը, իմաստ չեմ տեսնում դրանում։ Իմ նպատակն է`ցանկացած եղանակով պայքարել, որ Հայաստանում սահմանադրականությունը վերականգնվի»,– նշեց ՍԴ նախկին նախագահը։

Լրագրողների հարցին` ինչու չի ինքնաառաջնորդվել, Թովմասյանը պատասխանեց, որ դրա համար բավականին անձնական և օբյեկտիվ պատճառներ կան։

«Ես ընտրված ՍԴ նախագահին չեմ նախանձում, ես հիմա գիշերը ժամը երեքին չեմ զարթնում, որոշում չեմ նայում։ Անգամ հանգիստ ժամանակ դա բարդ գործ է, ուր մնաց հիմա»,– եզրափակեց Թովմասյանը։

Մինուս մեկ. Արման Դիլանյանը ՍԴ նախագահ դառնալ չի ուզում

Նշենք, որ ՍԴ նիստը կշարունակվի վաղը՝ ժամը 10։30-ին։

Հիշեցնենք՝ ՍԴ նախագահ ընտրելու օրակարգով ՍԴ–ում նիստ է անցկացվում դեռ երեկվանից` սեպտեմբերի 23-ից։ Սահմանադրական դատարանի նախագահն ու փոխնախագահն ընտրվում են վեց տարի ժամկետով` առանց վերընտրվելու իրավունքի:

11
թեգերը:
Սահմանադրական դատարան, Դատավոր, թեկնածու, Աշոտ Խաչատրյան, Հայաստան