Էմիլ Գազազը կնոջ հետ

Գազազը թանգարանի մասին տեղյակ չէ. Գյումրու ավագանուն խաբել են, նրա անունով տարածք վերցրել

2631
(Թարմացված է 23:17 11.09.2020)
Ծնունդով գյումրեցի, ամերիկաբնակ հայտնի արվեստագետ Էմիլ Գազազի՝ հայրենի քաղաք վերադառնալու լուրը ուրախացրեց ու ոգևորեց հայրենակիցներին, սակայն պարզվում է` նրանք շտապեցին. այս պատմության մեջ ամեն ինչ այնքան էլ պարզ չէ։

ԵՐԵՎԱՆ, 11 սեպտեմբերի – Sputnik. Իր վերադարձի ու Գյումրիում թանգարան ունենալու մասին հրապարակումներն անակնկալի են բերել աշխարհահռչակ արվեստագետ, գյումրեցի Էմիլ Գազազին ու նրա կնոջը, որը նաև իր պաշտոնական ներկայացուցիչն է:

Эмил Газаз с супругой, Манэ Газаз
© Photo : provided by Monet Kazaz
Էմիլ Գազազը կնոջ հետ

«Մանէ Գազազը, նույն ինքը Monet Kazaz-ն արդեն 15 տարի է` իմ միակ պաշտոնական ներկայացուցիչն է աշխարհում և «Գազազ գալերիի» տնօրենը: Գյումրու քաղաքապետարանում որպես ներկայացուցիչ հանդես եկած Գայանեն ինքնակոչ հայտարարություններ է արել, որի իրավունքը չունի և չի ունեցել երբևէ: Այդ  կնոջը լավ չգիտեմ, իմ կողմից ոչ մի թույլտվություն չունի գործարք անելու կամ իմ անունից որոշում կայացնելու»,-Sputnik Արմենիայի հետ զրույցում ասաց  Էմիլ Գազազը:

Հաջորդ տարի տեղը հանելու ենք. ինչպես Գյումրին նշեց իր տոնը

Բանն այն է, որ Գյումրու ավագանին սեպտեմբերի 8-ին կայացած նիստում հաստատեց «Կումայրի» պատմական միջուկում գտնվող Ջիվանի 50 հասցեի կառույցներից մեկը հատկացնել աշխարհահռչակ արվեստագետ, գյումրեցի Էմիլ Գազազին՝ ցուցադրելու իր արվեստի բացառիկ նմուշները:

Эмил Газаз
© Photo : provided by Monet Kazaz
Էմիլ Գազազը

Հավելենք, որ Գյումրու ավագանին տարածքը հատկացրել է ոչ թե անձամբ արվեստագետին, այլ  «ԿԱԼԳ» ընկերությանը,  որը  նախաձեռնել է այդ աշխատանքները, ավելին` ավագանու նիստին ոմն Գայանե Կարապետյան ներկայացել է որպես Գազազի ներկայացուցիչ և   այդ ընկերության անդամ, համոզիչ կերպով խոսել արվեստագետի՝ Գյումրի վերադառնալու ցանկության մասին ու հավելել, որ հատկացված տարածքի վերանորոգման ծախսերն իրենք կհոգան:

Գայանե Կարապետյանը Գյումրու քաղաքապետ Սամվել Բալասանյանին խոստացել է այդ աշխատանքներն ավարտին հասցնել մինչև դեկտեմբերի  8–ը:

«Ինչպե՞ս կարող էին այդպիսի  քայլեր կատարել ու ոչ մի փաստաթուղթ չստուգել: Ստացվում է` ցանկացած մարդ կարող է գալ ու ինքնակոչ ներկայանալ որպես Գազազի ներկայացուցիչ»,-Sputnik Արմենիայի հետ զրույցում տարակուսանք հայտնեց Էմիլ Գազազը:

Գազազը ցավով նշեց, որ ավագանու դրական կարծիքը ստանալու համար Գայանեն շահարկել է իր` հայրենիք վերադառնալու նուրբ հարցը, մինչդեռ  ոչ մի նման խոսակցություն ու քննարկում չի եղել:

Նշենք, որ Գայանե Կարապետյանի մոտ են արվեստագետի 50 աշխատանք։ Գազազն ասաց, որ 2019  թվականի օգոստոսի 30-ին  Academia Galleryic-ից  41 գործ  իր աղջկա միջամտությամբ է Գայանեն տեղափոխել Գյումրի։

Эмил Газаз с супругой, Манэ Газаз
© Photo : provided by Monet Kazaz
Էմիլ Գազազը կնոջ հետ

«Ես խոսել եմ հետը, խնդրել, որ դրանք հանձնի Գյումրու քաղաքապետարանին, մինչև կինս գա  Հայաստան և որոշենք մեր հետագա անելիքը»,–նշեց նկարիչը:

Գազազը տեղեկացրեց, որ իր կինը՝ Մանէ Գազազն առաջին իսկ հնարավոր  չվերթով կգա Հայաստան՝ այս խառը պատմության վերջակետը դնելու:

Եռաչափ և 2D. գյումրեցի երիտասարդը էկոլոգիապես մաքուր, անվտանգ և հետաքրքիր խաղեր է ստեղծում

Գյումրու քաղաքապետի մամուլի խոսնակ Սոնա Առաքելյանը մեր հարցմանն ի պատասխան նշեց, որ քաղաքապետ Սամվել Բալասանյանն արդեն խոսել է Էմիլ Գազազի հետ։ Իսկ մութ հարցերի պատասխանը կկարողանան տալ այն բանից հետո, երբ նրա կինը (որը նաև նրա պաշտոնական ներկայացուցիչն է) գա Գյումրի։  

Эмил Газаз с супругой, Манэ Газаз
© Photo : provided by Monet Kazaz
Էմիլ Գազազը կնոջ հետ

Հավելենք, որ Գայանե Կարապետյանի հետ կապ հաստատել մեզ չհաջողվեց։ Նա մեր sms հաղորդագրություններին ու զանգերին առայժմ չի պատասխանում։

2631
թեգերը:
ավագանի, նկարիչ, խաբեություն, Ցուցահանդես, Գյումրի, Էմիլ Գազազ
Ըստ թեմայի
Ինչպես է նկարիչ Արմեն Երիցյանը «ջիջիլ» գցում իր հետևորդներին. լավ օր ունենալու բաղադրատոմս
Աճուրդներում հնարամիտ ու ճարպիկ միջնորդ լինելու համար պարտադիր չէ լինել նկարիչ. Միրզոյան
«Գագոսյանը կարող է մեր նկարիչներից մեկի կտավը 5 մլն դոլարով պատկերասրահում դնել». Միրզոյան
ՌԴ–ում Հայաստանի դեսպանատուն

Բավական է, Արցախի համար բավարար չափով դեղորայք է հավաքվել․ Ռուսաստանում ՀՀ դեսպանատուն

2
Դեսպանատունն ամենօրյա ռեժիմով հանդիպումներ է անցկացնում Հայաստանին և Արցախին աջակցություն ցուցաբերելուն ուղղված ջանքերն ու գործողությունները համակարգելու համար։

ԵՐԵՎԱՆ, 30 սեպտեմբերի – Sputnik. Ռուսաստանում Հայաստանի դեսպանատունը կոչ է անում հայրենակիցներին դադարեցնել մասնավոր նախաձեռնությունների ալիքը՝ ուղղված դեղորայք գնելուն ու դրանք Լեռնային Ղարաբաղ ուղարկելուն։ Արդեն իսկ բավական քանակությամբ դեղորայք է հավաքվել։

«Մենք անկեղծ շնորհակալ ենք բոլորին դեղորայք և անհրաժեշտ այլ միջոցների հավաքի հետ կապված նախաձեռնություններին մասնակցելու ու աջակցելու համար։ Արդեն մեծ քանակությամբ դեղորայք է հավաքվել, այս պահին լրացուցիչ օգնության կարիք չկա», - նշված է Facebook-ում դեսպանատան պաշտոնական էջում։

Դեսպանատունն ամենօրյա ռեժիմով հանդիպումներ է անցկացնում Հայաստանին և Արցախին աջակցություն ցուցաբերելուն ուղղված ջանքերն ու գործողությունները համակարգելու համար։  Տեղեկություն ճշտելու համար հայրենակիցները կարող են թեժ գիծ զանգահարել հետևյալ հեռախոսահամարներով. + 7(966) 118 - 89-84.; +7 (964) 505-87-59։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 74 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

2
թեգերը:
Դեղ, Արցախ, Ռուսաստան, դեսպանատուն
ՄԻԵԴ

Ի՞նչ կլինի, եթե Ադրբեջանը խախտի ՄԻԵԴ որոշումը. պարզաբանում է Եղիշե Կիրակոսյանը

33
(Թարմացված է 12:49 30.09.2020)
Վերջին տարիների ընթացքում Ադրբեջանը նման լուրջ խնդիրների առաջ կանգնել է, ուստի չի բացառվում, որ հիմա էլ նման սցենար լինի:

ԵՐԵՎԱՆ, 30 սեպտեմբերի – Sputnik. Մարդու իրավունքների եվրոպական դատարանում ՀՀ ներկայացուցիչ Եղիշե Կիրակոսյանն այսօր լրագրողների հետ ճեպազրույցում ասաց, որ Ադրբեջանի կողմից ՄԻԵԴ որոշումը խախտելը կարող է բավականին բարդ հետևանքներ ունենալ։

Երեկ ՄԻԵԴ–ն արցախա–ադրբեջանական սահմանին ռազմական գործողությունների առնչությամբ հայկական կողմի ներկայացրած դիմումի հետ կապված որոշում է կայացրել, որում կոչ է արվում Հայաստանին և Ադրբեջանին զերծ մնալ այնպիսի միջոցների կիրառումից, որոնցով կխախտվեն մարդու իրավունքները։ Սակայն հայտնի դարձավ, որ Ադրբեջանը գիշերը կրկին ԱԹՍ–ներով կրակահերթ է բացել։

«Որոշման պայմանները չպահելը Մարդու իրավունքների եվրոպական կոնվենցիայի խախտում է։ Դատարանն Ադրբեջանի այդ քայլին կարող է անդրադառնալ իր ակտով` վճռով։ Դա բավականին լուրջ խախտում է համարվում, և հետևանքները կարող են տարբեր լինել»,–ասաց Կիրակոսյանը։

Նրա խոսքով` վերջին տարիների ընթացքում Ադրբեջանը նման լուրջ խնդիրների առաջ կանգնել է, ուստի չի բացառվում, որ հիմա էլ նման սցենար լինի։

Նշենք, որ ՀՀ–ն Մարդու իրավունքների եվրոպական դատարան էր դիմել Ադրբեջանի նկատմամբ միջանկյալ միջոց կիրառելու պահանջով։ Հայկական կողմի պահանջը երեք կետից էր բաղկացած` պարտադրել Ադրբեջանին դադարեցնելու քաղաքացիական օբյեկտների ռմբակոծումը ՀՀ-ի և Արցախի Հանրապետության շփման գծի ողջ երկայնքով, պարտադրել Ադրբեջանին ձեռնպահ մնալ ոչ ընտրանքային հարձակողական գործողություններից, պարտադրել Ադրբեջանին ձեռնպահ մնալ քաղաքացիներին, քաղաքացիական օբյեկտները և բնակավայրերը թիրախավորելուց։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 74 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

33
թեգերը:
Եղիշե Կիրակոսյան, Մարդու Իրավունքների Եվրոպական դատարան (ՄԻԵԴ), Ադրբեջան, Հայաստան