Երևան. արխիվային լուսանկար

Հայաստանում մինչև հունվարի 11–ը կարանտին է. կառավարությունն ընդունեց որոշումը

2407
(Թարմացված է 17:44 11.09.2020)
ՀՀ կառավարությունը ներկայացրել է այսօրվանից ուժի մեջ մտնող կարանտինի պահանջները։ Ինչ սահմանափակուներ են ավելացել և որոնք են մեղմացել։

ԵՐԵՎԱՆ, 11 սեպտեմբերի – Sputnik. ՀՀ կառավարությունն այսօր որոշում է կայացրել Հայաստանում սահմանված արտակարգ դրությունն այսօրվանից փոխարինելու կարանտինի ռեժիմով։ Կարանտինը Հայաստանում սահմանվում է 2020 թվականի սեպտեմբերի 11-ի, ժամը 17:00-ից մինչև 2021 թվականի հունվարի 11-ը ներառյալ:

Կառավարության ընդունած որոշմամբ` ՀՀ ցամաքային սահմանն օտարերկրացիների համար կշարունակի փակ մնալ որոշ բացառություններով (ՀՀ քաղաքացիների ընտանիքի անդամներ, ՀՀ բնակվելու իրավունք ունեցողներ, դիվանագիտական ներկայացուցչություններ, հյուպատոսական հիմնարկների և միջազգային կազմակերպությունների ներկայացուցիչներ և նրանց ընտանիքի անդամներ, հոգեհանգստի կամ թաղման արարողությանը մասնակցելու նպատակով մուտք գործող անձինք` հանգուցյալի մերձավոր ազգականները (ծնողը, ամուսինը, երեխան, քույրը, եղբայրը), միջպետական բեռնափոխադրումներ իրականացնող վարորդներ, սահմանապահ զորքերի հրամանատար` հաշվի առնելով մուտքի հրատապությունը և անհրաժեշտությունը։

Հայաստան մուտք գործելիս անհապաղ կատարվում է բժշկական զննություն, զննության արդյունքներով, եթե առկա են համապատասխան ախտանշաններ կարող է կիրառվել հոսպիտալացում, կամ անձին տրվում է 14-օրյա ժամկետով ինքնամեկուսանալու հրահանգ, որի ընթացքում նա կարող է անցնել կորոնավիրուսային հիվանդության (COVID-19) ախտորոշման պոլիմերազային շղթայական ռեակցիայի հետազոտություն։ ՊՇՌ հետազոտության բացասական արդյունքի դեպքում անձը դուրս է գալիս ինքնամեկուսացումից:

Հանրային միջոցառումներ կարանտինի ընթացքում թույլատրված են լինելու հետևյալ սահմանափակումներով. տոնական և հիշատակի միջոցառումներին, ներառյալ` ծնունդ, հարսանիք, հոգեհանգիստ, հուղարկավորություն, կարող են մասնակցել 60-ից ոչ ավելի մարդ։

Վրաստանում կորոնավիրուսային իրավիճակը վատացել է․ բնակչությանն sms–ներ են ուղարկել

Համերգները, ցուցահանդեսները, ցուցադրությունները, թատերական ներկայացումները, կրթական այլ միջոցառումները ևս թույլատրված կլինեն` պայմանով, որ դրանց մասնակիցների թիվը չի անցնի 60-ից։

Քրեակատարողական հիմնարկներում երկարաժամկետ տեսակցությունները կթույլատրվեն միայն վարակի դեպքերի բացակայության և տեսակցողի՝ ՊՇՌ հետազոտության բացասական արդյունքի դեպքում։

Հոգեբուժական տեսակցությունները կթույլատրվեն վարակի դեպքերի բացակայության և սանիտարահամաճարակային անվտանգության կանոնների պահպանման դեպքում:

Զորամասերում տեսակցություններն արգելված կմնան` բացառությամբ տեսազանգից օգտվելու դեպքերի։ Շարքային և կրտսեր ենթասպայական կազմի զինծառայողներին արձակուրդ կտրամադրվի միայն ընտանիքի անդամի մահվան դեպքում։

Ուսումնական հաստատություններում ուսումնական գործընթացը կարող է իրականացվել միայն սահմանված սանիտահամաճարակային անվտանգության կանոնների պահպանման դեպքում:

Հավաքներ կազմակերպելն ու անցկացնելը ևս կթույլատրվի միայն անհատական պաշտպանության միջոցների կիրառման և մասնակիցների միջև նվազագույնը 1.5 մետր հեռավորության պահպանման դեպքում:

Տնից դուրս գալիս անձը հաստատող փաստաթղթի առկայությունը կարանտինի ողջ ընթացքում կշարունակի մնալ պարտադիր։
Թեստավորված, վարակակիր, հիվանդության ախտանիշներ ունեցող, բուժվող և նրանց հետ շփում ունեցած կոնտակտավորների, ինչպես նաև ինքնամեկուսացածների տվյալները՝ անունը, ազգանունը, ծննդյան օրը, ամիսը, տարին, հաշվառման վայրի հասցեն, բնակության վայրի հասցեն, ինքնամեկուսացման վայրի հասցեն, ինքնամեկուսացում սկսելու ամսաթիվը, բուժում անցնելու վայրի հասցեն, հեռախոսահամարները, անձը հաստատող փաստաթղթի տվյալները, հանրային ծառայության համարանիշը կգրանցվեն էլեկտրոնային առողջապահության համակարգի հարթակում և կփոխանցվեն Առողջապահության տեսչական մարմնին ու ոստիկանությանը:

Ռուսաստանն օգնում է հարևաններին Covid-19-ի դեմ պայքարում. ինչ է ստացել Հայաստանը

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Օգոստոսի 12-ին ՀՀ կառավարությունը որոշեց արտակարգ դրության ռեժիմը երկարացնել մինչև սեպտեմբերի 11-ը: Օգոստոսի 13-ից կարելի է դիմակ չդնել նաև անձնական մեքենաներում և բնության գրկում:

2407
թեգերը:
Արտակարգ դրություն, կարանտին, Հայաստան
թեմա:
Կորոնավիրուսը Հայաստանում և Արցախում (1509)
Ըստ թեմայի
Սերժ Սարգսյանի կորոնավիրուսի թեստի պատասխանը հայտնի է
Գրանցվել է կորոնավիրուսի ևս 177 դեպք. Հայաստանում վարակվածների թիվը դարձավ 45 503
«Երկրորդ օրն է, ամեն ինչ նորմալ է»․ Սիմոնյանն ու Բաբայանը պատվաստվել են կորոնավիրուսի դեմ
F-16

Միայն թուրքական F-16–ը կարող է այդ հեռավորությունից խոցել ՍՈւ-25-ը. ՀՀ–ն ապացույցներ ունի

16
(Թարմացված է 13:09 30.09.2020)
Հայկական կողմն ապացույցներ է հավաքել ու դրանք անակնկալ կերպով ներկայացնելու է միջազգային համապատասխան մարմիններին։

ԵՐԵՎԱՆ, 30 սեպտեմբերի – Sputnik. Միայն F–16–ը կարող է խոցել մինչև 90-100 կմ հեռավորության վրա գտնվող ՍՈւ-25-ը, Ադրբեջանի ՄԻԳ-29-ի վրա տեղակայված հրթիռներն ի վիճակի չեն խոցելու այդ տեղում և այդ պայմաններում գտնվող ՍՈւ-25-ը։ Լրագրողների հետ հանդիպման ժամանակ ասաց ՀՀ ՊՆ ներկայացուցիչ Արծրուն Հովհաննիսյանը` պատասխանելով Sputnik Արմենիայի հարցին։

«Միայն F–16–ը կարող 60 կիլոմետր հեռավորության վրա համապատասխան բարձրությունից նկատել ՍՈւ-25-ը։ Հարցն այն է, որ մեր օդաչուները փորձ ունեն և գիտեն ուր գնալ, որ դիրքում լինել։ Ադրբեջանի ռազմաօդային ուժերը չեն կարողանում իրենց առջև դրված խնդիրը լավ կատարել, ինչի համար էլ գործի են դրվել F–16–ները»,–ասաց Հովհաննիսյանը։

Նրա խոսքով` ադրբեջանական օդուժն այդ փորձն ու մակարդակը չունի, որպեսզի իր ունեցած օդային ուժով խոցեր ՍՈւ-25-ը։

Հովհաննիսյանը վստահեցրեց` այս ամենի վերաբերյալ հայկական կողմն ապացույցներ է հավաքել ու դրանք անակնկալ կերպով ներկայացնելու է միջազգային համապատասխան մարմիններին։

Նա նշեց, որ երբ օգոստոսին Ադրբեջանում ընթացող զորավարժություններից հետո թուրքական F– 16–ները չհանվեցին Ադրբեջանի տարածքից, ՀՀ–ն բարձրացրեց այդ հարցը. Հայաստանը շատ լավ գիտի, թե Ադրբեջանի ռազմաօդային ուժերում ինչ կա, այդ թվում` ռազմատեխնիկական հետախուզության շնորհիվ։

Բոլոր նրանց, ովքեր հերքում են հայկական կողմի տեղեկությունները, ըստ Հովհաննիսյանի` անակնկալ հերքումներ են սպասում։ ՀՀ ՊՆ ներկայացուցիչը նշեց` Հայաստանը գիտի նաև, որ թուրքական F-16-ի թռիչքներին զուգահեռ, սահմանի մյուս կողմից ռադիոտեխնիկական կապի ինքնաթիռ է թռչում։

Նա հավելեց, որ F-16-ները բավական երկար ժամանակ եղել են Գանձակի օդանավակայանում, գործել են ՀՀ-ի և Արցախի հյուսիսային ուղղություններում։

 

16
ՌԴ–ում Հայաստանի դեսպանատուն

Բավական է, Արցախի համար բավարար չափով դեղորայք է հավաքվել․ Ռուսաստանում ՀՀ դեսպանատուն

27
(Թարմացված է 13:00 30.09.2020)
Դեսպանատունն ամենօրյա ռեժիմով հանդիպումներ է անցկացնում Հայաստանին և Արցախին աջակցություն ցուցաբերելուն ուղղված ջանքերն ու գործողությունները համակարգելու համար։

ԵՐԵՎԱՆ, 30 սեպտեմբերի – Sputnik. Ռուսաստանում Հայաստանի դեսպանատունը կոչ է անում հայրենակիցներին դադարեցնել մասնավոր նախաձեռնությունների ալիքը՝ ուղղված դեղորայք գնելուն ու դրանք Լեռնային Ղարաբաղ ուղարկելուն։ Արդեն իսկ բավական քանակությամբ դեղորայք է հավաքվել։

«Մենք անկեղծ շնորհակալ ենք բոլորին դեղորայք և անհրաժեշտ այլ միջոցների հավաքի հետ կապված նախաձեռնություններին մասնակցելու ու աջակցելու համար։ Արդեն մեծ քանակությամբ դեղորայք է հավաքվել, այս պահին լրացուցիչ օգնության կարիք չկա», - նշված է Facebook-ում դեսպանատան պաշտոնական էջում։

Դեսպանատունն ամենօրյա ռեժիմով հանդիպումներ է անցկացնում Հայաստանին և Արցախին աջակցություն ցուցաբերելուն ուղղված ջանքերն ու գործողությունները համակարգելու համար։ Տեղեկություն ճշտելու համար հայրենակիցները կարող են թեժ գիծ զանգահարել հետևյալ հեռախոսահամարներով. + 7(966) 118 - 89-84.; +7 (964) 505-87-59։

Թուրքիան պատճառ է փնտրում, որ իր զորքը Նախիջևան մտցնի. Փաշինյանի հարցազրույցը Россия 1–ին

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 74 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

27
թեգերը:
Դեղ, Արցախ, Ռուսաստան, դեսպանատուն
Ըստ թեմայի
Դեղերն Արցախ կուղարկվեն վերահսկողություն անցնելուց հետո
Ցավազրկողների մեծ խմբաքանակ է ուղարկվել Արցախ. ինչ վիճակ է ստեղծվել երևանյան դեղատներում
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում