Հայկ Ալումյան

Ընտրել են նրանց, ովքեր պատրաստ են Մարտի 1-ի մեղքը բարդել Քոչարյանի վրա. փաստաբան

162
(Թարմացված է 14:05 09.09.2020)
ՀՀ երկրորդ նախագահ Ռոբերտ Քոչարյանի փաստաբաններն առաջարկում են փոխել «Մարտի 1»-ի գործով տուժողների դատավարական կարգավիճակը և նրանց ներգրավել որպես վկաներ։

ԵՐԵՎԱՆ, 9 սեպտեմբերի — Sputnik. Մարտի 1-ի իրադարձությունների գործով դատավարությունն իրականում չի քննում ո՛չ Մարտի 1-ի զոհերի մահվան, ո՛չ տուժողների` մարմնական վնասվածներ ստանալու հանգամանքները։ Sputnik Արմենիայի մամուլի կենտրոնում այսօր կայացած մամուլի ասուլիսում անդրադառնալով տուժող կողմի վերջին հայտարարությանն ու երեկ կայացած դռնփակ դատական նիստին, նման հայտարարություն արեց ՀՀ երկրորդ նախագահ Ռոբերտ Քոչարյանի փաստաբանների խմբի ներկայացուցիչ Հայկ Ալումյանը։

«Այդ հիմնավորմամբ մենք միջնորդել էինք, որպեսզի դադարեցվի տվյալ անձանց մասնակցությունն այդ գործին` տուժողի կարգավիճակով, ու նրանք հրավիրվեն դատարան` որպես վկա, որովհետև իրենց տեղեկությունները գործի համար կարող են նշանակություն ունենալ»,– ասաց Ալումյանը։

Փաստաբանը նշեց նաև, որ «Մարտի 1»-ի մեկ այլ գործ այսօր քննվում է ՀՔԾ վարույթում, որով քննվում են հենց մարմնական ու գույքային վնասի վերաբերյալ հանգամանքները։

«Այսինքն` այս անձինք պետք է այն գործով ունենան այդ կարգավիճակը, այն գործով պետք է ներկայացնեն իրենց պահանջները, և այն գործով մենք պետք է բոլորս հույս ունենանք ու պահանջատեր լինենք, որ բացահայտվեն բոլոր սպանություն կատարած անձինք, նրանց հրաման տված անձինք ու նաև բացահայտվեն բոլոր նրանք, ովքեր մարմնական վնասվածքներ են պատճառել տուժողներին»,– ասաց Ալումյանը։

Քոչարյանի պաշտպանը նաև շեշտեց, որ «Մարտի 1»-ի գործով տուժող ճանաչված 268 անձանցից ընդամենը 102–ն են այս գործով որպես տուժող անցնում, որոնցից էլ դատական նիստերին ներկա են լինում միայն 4-5-ը։

«Միգուցե դուք հիմք եք ընդունել այն չափանիշը, որ ընտրեք հենց նրանց, ովքեր պատրաստ են Մարտի 1-ի իրադարձությունների ամբողջ մեղքը բարդել պարոն Քոչարյանի վրա»,– հռետորական հարց ուղղեց Ալումյանը ՀՀ իշխանություններին։

Միաժամանակ Ալումյանը նաև հայտարարեց, որ 2 տարբեր գործերում ընդգրկված տուժողների մարմնական վնասվածքների ծանրության աստիճանները ևս նույնն են, հետևաբար, նրանց առանձնացնելու սկզբունքը նույնպես Քոչարյանի փաստաբանների համար անհասկանալի է։

Ալումյանը հայտնեց, որ երեկ` սեպտեմբերի 8-ին, դատական նիստում իրենք այս հարցը բարձրացրել են, բայց, քանի որ դատարանն, իրենց համոզմամբ, ամբողջությամբ հանդես է գալիս մեղադրանքի կողմում, հարցին ընթացք չի տրվել։

«Այնպիսի հստակ տպավորություն կա, որ մեղադրող դատախազներն այս գործով քննարկվող հարցերի վերաբերյալ ունեն վետոյի իրավունք։ Եթե իրենք առարկում են որևէ առաջարկի կամ միջնորդության դեմ, ապա իրենց առարկությունը դատարանը դիտում է որպես վետո, և այլևս իրավունք չունի այլ որոշում կայացնելու»,– ասաց Ալումյանը։

Նրա դիտարկմամբ` դատարանն այս գործում հանդես է գալիս որպես մեղադրող կողմ, որը պատահաբար պատմուճան հագած հայտնվել է դատավորի աթոռին։

Սեպտեմբերի 7-ին տուժող կողմը ևս հանդես էր եկել հրապարակային հայտարարությամբ, որում ընթացող դատավարությունը որակել էր որպես «ֆարս»` հրաժարվելով այլևս մասնակցել դրան։

Մենք դադարեցնում ենք մեր ֆիզիկական մասնակցությունն այս ֆարսին. Մարտի 1-ի գործով տուժողներ

Հայկ Ալումյանն այսօր հայտարարեց, որ համաձայն է տուժողների այս որակման հետ, քանի որ, նրա դիտարկմամբ, դատարանն ընդհանրապես պատրաստ չէ «Մարտի 1»-ի գործով արդար դատավարություն իրականացնելու։

Ինչ վերաբերում է դատարան չներկայանալու` տուժողների որոշմանը, Հայկ Ալումյանը դա համարում է դատարանի նկատմամբ ճնշում կիրառելու փորձ։

Հիշեցնենք, որ ՀՀ երկրորդ նախագահը մասնակցում է 2008 թվականի մարտի 1-ի դեպքերի վերաբերյալ քրեական գործի դատաքննությանը:

Նրա դեմ քրեական հետապնդումը սկսվել է 2018-ին Հայաստանում իշխանափոխությունից հետո։ Այդ ժամանակ էլ Ռոբերտ Քոչարյանը հայտարարել էր քաղաքականություն վերադառնալու մասին։ ՀՀ երկրորդ նախագահին երեք անգամ կալանավորել են։ Կալանավայրում նա ընդհանուր առմամբ 500 օր է անցկացրել։

2020 թվականի հունիսին Վերաքննիչ դատարանը նրան գրավի դիմաց ազատ արձակելու որոշում է կայացրել։

Քոչարյանը բազմիցս հայտարարել է, որ իր դեմ հարուցված քրեական գործն ամբողջությամբ շինծու է և իրենից ներկայացնում է ոչ այլ ինչ, քան քաղաքական հետապնդում։

2008–ի մարտի 1-ին Հայաստանում աշխարհաքաղաքական որևէ շահ գոյություն չուներ. Գրիգորյան 

162
թեգերը:
Տուժածներ, Մարտի 1, Ռոբերտ Քոչարյան, Հայկ Ալումյան
թեմա:
«Մարտի 1»-ի գործը (264)
Ըստ թեմայի
Վճռաբեկում էլ քիչ չեն արմենդանիելյանները. Ալումյանը` Քոչարյանի դատավարության մասին
«Մարտի 1»-ի գործը կառուցված է միֆերի վրա. Հայկ Ալումյանը թվարկեց դրանք
ՍԴ-ի փոփոխություններն արվում են, որ թույլ չտան Քոչարյանի գործով որոշում կայացվի. Ալումյան
Օդնոկլասնիկ

Վանաձորցի կինը «Օդնոկլասնիկիի» միջոցով ծանոթացել է մի տղամարդու հետ ու կողոպտել նրան

8
(Թարմացված է 16:34 22.09.2020)
Կինը հանդիպման հրավիրած տղամարդուն սպառնացել է բռնություն գործադրել` պահանջելով 1 միլիոն դրամից ավելի գումար։

ԵՐԵՎԱՆ, 22 սեպտեմբերի - Sputnik. ՀՀ քննչական կոմիտեն տեղեկացնում է, որ վանաձորցի 30-ամյա մի կին «Օդնոկլասնիկի» կայքի միջոցով ծանոթացել է համաքաղաքացի 28-ամյա տղամարդու հետ, որից հետո փորձել է նրանից գումար շորթել։

«Մարտի 27-ին՝ ժամը 16:00-ի սահմաններում, 30-ամյա կինը տղամարդուն հանդիպման է հրավիրել վարձակալած բնակարան։ Այնտեղ կինը մեկ այլ անձի հետ նախնական համաձայնությամբ` դանակն օդում թափահարելով խուճապ ու վախի զգացում առաջացնելով, ինչպես նաև արատավորող տեղեկություններ և տեսագրություն հրապարակելու սպառնալիքով, 28-ամյա տղամարդուց պահանջել են մաս-մաս իրենց վճարել 1.257.000 դրամ»,–նշված է ՔԿ–ի հաղորդագրության մեջ։

Որպես երաշխիք՝ տղամարդուց վերցրել են նրա նույնականացման քարտը և ծառայողական վկայականը:

Բացի այդ, պարզվել է նաև, որ, նախնական համաձայնությամբ Վանաձորի բնակչուհին և ինքնությունը չպարզված անձը բացահայտ հափշտակել են տուժողի մոտ առկա կանխիկ գումարը:

Քննությամբ ձեռք բերված բավարար ապացույցների համակցությամբ՝ Վանաձոր քաղաքի 30-ամյա բնակչուհուն մեղադրանք է առաջադրվել՝ ՀՀ քրեական օրենսգրքի 182-րդ հոդվածի (շորթումը) 2-րդ մասի 1-ին, 2-րդ և 3.1-րդ կետերով և 176-րդ հոդվածի (կողոպուտը) 2-րդ մասի 1-ին կետով:

«Բյութի օֆ Արմենիայից» տուժածները կարող են դիմել Հայաստանի քննչական կոմիտե

Վերջինիս մասով հայտարարվել է նախաքննության ավարտի մասին, և քրեական գործը, մեղադրական եզրակացությամբ, ուղարկվել է դատարան:

Ձեռնարկվում են միջոցառումներ՝ կնոջ հետ համագործակցած անձի ինքնությունը պարզելու, նրան հայտնաբերելու և վարույթն իրականացնող մարմնին ներկայացնելու ուղղությամբ:

8
թեգերը:
ՀՀ Ոստիկանություն, գողություն, Քննչական կոմիտե
Ըստ թեմայի
Ոստիկանությունը տեսանյութ է հրապարակել որդու կողմից հորը պատահաբար սպանելու դեպքի վայրից
Երևանում գողություն կատարած 56-ամյա կինը բերման է ենթարկվել
Գողություն Երևանում. թալանել են «Մխիթար Սեբաստացի» կրթահամալիրը
Ռոբերտ Քոչարյանի դատ. արխիվային լուսանկար

Դատարանը հետաձգեց Քոչարյանի պաշտպաններին հավասար «զենքերով» օժտելու միջնորդությունը

9
(Թարմացված է 16:27 22.09.2020)
Մեղադրող դատախազը դատարանում հայտարարեց, որ դատավարության ընթացքում պաշտպանության կողմը փորձում է փոխել մեղադրանքի պաշտպանության «զենքերը»՝ ըստ իր հարմարության։ Մինչդեռ իրենք են որոշում՝ ինչ ապացույցներով մտնել դատարան։

ԵՐԵՎԱՆ, 22 սեպտեմբերի — Sputnik. ՀՀ երկրորդ նախագահ Ռոբերտ Քոչարյանի պաշտպաններն այսօր դատարանում պնդեցին դատական նախորդ նիստում ներկայացրած իրենց միջնորդությունը` «Մարտի 1»-ի`դեռևս նախաքննության փուլում գտնվող մայր գործի բոլոր նյութերն իրենց տրամադրելու վերաբերյալ։

Քոչարյանի փաստաբան Հովհաննես Խուդոյանն իր ելույթում նշեց, որ այս պարագայում մեղադրանքի ու պաշտպանության կողմերն «անհավասար զենքերով» են մենամարտում, քանի որ տիրապետում են տարբեր ծավալի տեղեկությունների։

«Այստեղ առանց կանոնների մենամարտ չէ, որ ով ինչ եղանակով ուզի, փորձի իրենն առաջ տանել։ Այստեղ պետք է դատավարական կանոնների, սկզբունքների պահպանմամբ փորձել հավասարության հասնել։ Եթե այդ կանոններն անտեսվում են, «զենքերի հավասարությունը» կիրառելի չի լինի»,– ասաց Խուդոյանը։

Մեղադրող կողմը Քոչարյանի փաստաբանների այս միջնորդությունն «անհիմն» որակեց` դատարանից խնդրելով մերժել այն:

Մեղադրող դատախազ Գևորգ Բաղդասարյանը ասաց` պաշտպանության կողմը դատական պաշտպանության հավասարությունը փորձում է տարածել սույն վարույթից դուրս գտնվող տեղեկությունների վրա։

«Մենք չենք ներկայացրել որևէ փաստարկ, որ չկա քրեական գործում ու չենք պատրաստվում ներկայացնել մի փաստարկ, որին հակադարձելու հնարավորություն պաշտպանական կողմը չի ունենա, այդ պարագայում գործ կունենանք պաշտպանության իրավունքի խախտման, անհավասար «զենքերի» հետ, բայց սույն գործով մեր ունեցած «զենքը» դատարան ներկայացված փաստական տվյալներն են, որ առկա են դատական գործում»,- ասաց Բաղդասարյանը:

«Այս իշխանությունը չգիտի` ինչ չի կարելի անել». Քոչարյանը խոսել է բանակցային գործընթացից

Մեղադրող դատախազի դիտարկմամբ` պաշտպանության կողմն այս կերպ փորձ է անում փոխել մեղադրանքի պաշտպանության «զենքերը»՝ ըստ իր հարմարության։

Մինչդեռ մեղադրանքի կողմն ինքն է որոշում՝ ինչ ապացույցներով մտնի դատարան, օրինակ` ցույցերի խաղաղ լինել-չլինելու վերաբերյալ։

Երկարատև քննարկումից հետո դատավոր Աննա Դանիբեկյանը որոշեց հետաձգել միջնորդության քննությունը` մինչ գործում առկա բոլոր ապացույցների հետազոտումը:

Ի դեպ, հիշեցնենք, որ այս միջնորդությունը պաշտպանական կողմը ներկայացրել էր մեկ շաբաթ առաջ` դատական նախորդ նիստում դատարանին միջնորդելով Հատուկ քննչական ծառայությունից պահանջել և իրենց տրամադրել «Մարտի 1»-ի՝ նախաքննության փուլում գտնվող մայր գործի նյութերը։

Քոչարյանի պաշտպանները կարծում են, որ դրանցում, հնարավոր է` իրենց պաշտպանյալներին առաջադրված մեղադրանքը հերքող ապացույցներ լինեն:

Հիշեցնենք` դատարանում քննվող գործով ՀՀ երկրորդ նախագահ Ռոբերտ Քոչարյանին մեղադրանք է առաջադրված 2008 թ–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։

Բացի այդ, Քոչարյանը մեղադրվում է նաև «Թի Էս Էս Սի Արմենիա» ՍՊ ընկերությանը տրամադրված ընդերքի օգտակար հանածոների շահագործման ուսումնասիրության հատուկ լիցենզիաներ տրամադրելու նպատակով ընկերության տնօրեն Սիլվա Համբարձումյանից գործարար Սամվել Մայրապետյանի օժանդակությամբ 3 մլն ԱՄՆ դոլար կաշառք ստանալու համար։

Դեռ կալանքի տակ են Ռոբերտ Քոչարյանին պատկանող տունն ու 235 մլն դրամը

Նա իրեն ուղղված մեղադրանքները քաղաքական հետապնդում է համարում։

Նույն գործով ամբաստանյալի կարգավիճակում են նաև ՀՀ պաշտպանության նախկին նախարար Սեյրան Օհանյանը, ԳՇ պետ Յուրի Խաչատուրովը, ՀՀ նախկին փոխվարչապետ Արմեն Գևորգյանը։

9
թեգերը:
պաշտպան, Մարտի 1, դատ, Ռոբերտ Քոչարյան
թեմա:
Ռոբերտ Քոչարյան
Ըստ թեմայի
Մենք դադարեցնում ենք մեր ֆիզիկական մասնակցությունն այս ֆարսին. Մարտի 1-ի գործով տուժողներ
Մարտի 1-ի գործի հետագա ընթացքը կանգնած է տապալման վտանգի առջև. փաստաբան
Ընտրել են նրանց, ովքեր պատրաստ են Մարտի 1-ի մեղքը բարդել Քոչարյանի վրա. փաստաբան
ՌԴ արտգործնախարար Սերգեյ Լավրով

Լավրովը ՄԱԿ–ում հանդես է եկել ՀԱՊԿ-ի անունից ու նշել է անցյալի ու ապագայի սպառնալիքները

0
ՌԴ արտգործնախարարի խոսքով` ժամանակակից պայմաններում ՄԱԿ–ը պետք է մնա արդյունավետ կառույց, որը համակարգված աշխատանք է տանում`  խստորեն հետևելով իր  կանոնադրությանը։

ԵՐԵՎԱՆ, 22 սեպտեմբերի – Sputnik.  Աշխարհում հակամարտությունները պետք է լուծվեն միայն դիվանագիտական միջոցներով։ ՄԱԿ–ի 75-ամյա հոբելյանի առիթով ասել է ՌԴ արտգործնախարար Սերգեյ Լավրովը ՀԱՊԿ անդամ երկրների անունից գլխավոր ասամբլեային ուղղված իր տեսաուղերձում։

Նրա խոսքով` 75 տարի առաջ դրվեց համընդհանուր գլոբալ տան` ՄԱԿ–ի, հիմնաքարը։

«Անցյալին նայելով՝ մենք հիանումենք այն վճռականությամբ, որով համաշխարհային կազմակերպության հիմնադիր հայրերը ձգտում էին  միջազգային հարաբերությունների ժողովրդավարական համակարգ կառուցել։ Նրանք միավորվեցին, որպեսզի ապագա սերունդներին ազատեն պատերազմի արհավիրքներից, հավատք հաստատեն մարդու իրավունքների նկատմամբ, արդար աշխարհակարգի և սոցիալական առաջընթացի համար պայմաններ ստեղծեն», – ասել է Լավրովը։

Միևնույն ժամանակ տարիներ անց ոմանք այս մեծ ձեռքբերումը հակված են ընդունել որպես ինքնին կատարված մի բան։ Սակայն հարկ է հիշել, որ այդ ուղղությամբ արված յուրաքանչյուր քայլ իսկական սխրանք է, որոնցից գլխավորը, անկասկած,  նացիզմի դեմ տարած հաղթանակն էր։ Ազատ ժողովուրդների միավորումը սարսափելի ողբերգության դեմ հիմք դարձավ նախկինում  ուտոպիստական համարվող գաղափարները կյանքի կոչելու համար։

ՀԱՊԿ-ի և ՄԱԿ-ի գլխավոր քարտուղարները համատեղ հայտարարություն են արել

Այս համապատկերում, նախարարի խոսքով, բացարձակապես անհեթեթ են պատմությունը վերանայելու,  ֆաշիզմի նկատմամբ տարած հաղթանակում որոշիչ ներդրում ունեցած ժողովուրդների դերը նվաստացնելու փորձերը։  Այն սարսափելի ժամանակներում զոհվածների հիշատակը սուրբ է։

«Բոլորս պետք է հիշենք պատմության դասերը,  հարգենք ազատարար զինվորների սխրանքները, ապահովենք նրանց հիշատակին կանգնեցված հուշարձանների պահպանությունը», – նշել է նախարարը։

Ցավոք, ՄԱԿ–ի ստեղծումից հետո սկսված «սառը պատերազմը» թույլ չտվեց ամբողջությամբ բացահայտել կազմակերպության հսկայական ստեղծարար ներուժը։ Միայն 44 տարի անց, երկու անհաշտ համակարգերի աշխարհաքաղաքական դիմակայումը խորհրդանշող Բեռլինի պատի անկումից հետո, նոր հույս ծնվեց։ Խոսքն արդեն ոչ միայն ռազմական բախումները կանխելու, այլև անվստահության ու անհավասարության հաղթահարման, նեոգաղութատիրական նկրտումների զսպման, հանուն համընդհանուր ապագայի կերտման կառուցողական համագործակցություն հաստատելու մասին էր։

Այսօր, ցավոք, աշխարհի տարբեր տարածաշրջաններում շարունակվում են ռազմական հակամարտությունները։ Դրանց են գումարվում ժամանակակից սպառնալիքները՝ միջազգային ահաբեկչությունը, թմրա և կիբեռհանցագործություն, կլիմայի փոփոխություն։ Այս տարի ցանկը համալրրվեց ևս մեկ ահեղ մարտահրավերով` կորոնավիրուսի համավարակով, որը սոցիալ-տնտեսական և այլ ոլորտներում լուրջ ճգնաժամերի պատճառ դարձավ։

«Այս կապակցությամբ բավական արդիական ենք համարում ՄԱԿ–ի գլխավոր քարտուղարի` COVID–19–ի հետ կապված գլոբալ հրադադարի վերաբերյալ կոչը, որը ՀԱՊԿ անդամ–երկրները սատարեցին միաձայն», – ասել է նախարարը։

Տարեցտարի այս և բազմաթիվ այլ գլոբալ խնդիրներին արձագանքելը ավելի  ու ավելի դժվար է դառնում, հատկապես համաշխարհային հանրության  աճող անհամերաշխության պայմաններում։ Տպավորություն կա, որ այս իրավիճակը կապված է մյուս պետությունների օրինական շահերի հետ որոշ երկրների կողմից հաշվի չնստելու ցանկության հետ։

Գործի են դրվում «կանոնների վրա հիմնված աշխարհակարգի» նման հայեցակարգերի և ստանդարտների սերմանումը պետությունների ներքին գործերին միջամտելու և  ՄԱԿ–ի ԱԽ առաջնահերթությունները խախտելով՝ միակողմանի պատժամիջոցների կիրառման, անհանդուրժողականության և ատելության դրսևորումներին զուգահեռ։

ՄԱԿ-ի գլխավոր քարտուղարը կոչ է հղել Փաշինյանին և Ալիևին

Ըստ Լավրովի, սակայն, պատմության բնական ընթացքը բեկել հնարավոր չէ։  Այսօր միջազգային ասպարեզում տնտեսական աճի նոր կենտրոններ են ամրապնդվում, մեծանում է ռազմական հակամարտությունները բացառապես խաղաղ միջոցներով կարգավորելու անհրաժեշտությունը, աճում է փոխկախվածությունը։

Աշխարհը հոգնել է բաժանարար գծերից, պետությունները «յուրայինների» և «օտարների» բաժանելուց, աշխարհը բազմակողմանի փոխօգնության և համագործակցության ընդլայնում է պահանջում: Այլ կերպ ասած, 75 տարի առաջ ՄԱԿ–ի ստեղծման ժամանակ ձևակերպած նպատակները գնալով ավելի արդիական են դառնում։

«Այդ պատճառով ավելի կարևոր է մեզ համար այսօր վերահաստատել ՄԱԿ–ի Կանոնադրությանը և միջազգային իրավունքի ընդունված նորմերին մեր հավատարմությունը, շեշտը դնել ՄԱԿ–ի համակարգմամբ իրական բազմակողմանիության և գլոբալ խնդիրների լուծման կոլեկտիվ փնտրտուքներին ուղղված ջանքերի աշխուժացման անայլընտրանքայնության վրա», – ասել է Լավրովը։

Նրա կարծիքով` հոբելյանական տարեթիվը լավ առիթ է գծանշել համաշխարհային կազմակերպության հետագա գործունեությունը։ Ժամանակակից պայմաններում ՄԱԿ–ը պետք է արդյունավետ կառույց մնա, որը համակարգված աշխատանք է տանում՝ խստագույնս պահպանելով իր Կանոնադրությունը։  Չի կարելի թույլ տալ ՄԱԿ–ի համակարգի հիմնական մարմինների մանդատների լղոզում և նրանց իրավասությունների կրկնօրինակում, ինչը միայն կհետաձգի ցանկալի նպատակների իրականացումը։

ՄԱԿ–ն իր գործնական քայլերում պետք է հաշվի առնի տարածաշրջանային կազմակերպությունների, այդ թվում՝ ՀԱՊԿ–ի, փորձը։

Նախարարի խոսքով`  ՄԱԿ–ի ձեռքբերումների առյուծի բաժինը կապված է նրա խաղաղապահ գործունեության հետ։ Խաղաղությունը պահպանելուն ուղղված գործողությունների հետ այսօր, ինչպես երբևէ, մեծ հույսեր են կապվում. չէ՞ որ դրանք կոչված են լուծելու հրատապ խնդիրները, նպաստելու երկարաժամկետ կարգավորմանը։

«Միևնույն ժամանակ համաշխարհային հանրության գլխավոր խնդիրներից մեկը պետք է մնա հակամարտության կարգավորումը բացառապես խաղաղ, քաղաքա-դիվանագիտական միջոցներով, միջազգայնորեն ճանաչված բանակցային ձևաչափերի շրջանակում, միջազգային իրավունքի նորմերի հիման վրա», – ասել  է Լավրովը։

Անկասկած, առաջնահերթություն պետք է մնա ահաբեկչության և կազմակերպված հանցավորության դեմ պայքարի համագործակցության ընդլայնումը։  Տեղեկատվահաղորդակցման տեխնոլոգիաների զարգացման ֆոնին, որոնք ակտիվ կիրառվում են ահաբեկչական, հանցավոր և ռազմական նպատակներով, կարևոր խնդիր է դառնում միջազգային տեղեկատվական անվտանգության ապահովումը։

Գլոբալ կայունությունը պահպանելու համար անհրաժեշտ է խոչընդոտել  սպառազինությունների, զինաթափման և չտարածման նկատմամբ վերահսկողության համակարգի թուլացման փորձերին։ Առանձնակի ուշադրություն են պահանջում անդրսահմանային բնույթի սպառնալիքներն անդրադարձնելու խնդիրները, այդ թվում օտարերկրյա զինյալ ահաբեկիչներին հակամարտության գոտիներ տեղափոխելու, քիմիական և կենսաբանական ահաբեկչության սպառնալիքներին, ինչպես նաև խաղաղ նպատակներով տիեզերական տարածքի օգտագործումն ապահովելու հետ կապված խնդիրներին։ 

ՀԱՊԿ ներուժը կարևոր է կորոնավիրուսի ստեղծած սպառնալիքներին արձագանքելու համար. Լավրով

Կազմակերպության ուշադրության կենտրոնում պետք է մնա խաղաղության ամրապնդման անբաժանելի պայման հանդիսացող զարգացմանն օժանդակումը։  Կարևոր է հնարավորինս արագ ավարտին հասցնել ապագաղութացման գործընթացը, որը բարդանում է նոր պայմաններում սեփական ազդեցությունը պահպանելու՝ նախկին մետրոպոլիաների ձգտմամբ։

Լավրովն ընդգծել է, որ Կազմակերպության ճակատագիրը նրա անդամ–պետությունների ձեռքերում է։

«Մեզ անհրաժեշտ է կրկին, ինչպես 1945 թվականին, մի կողմ դնել տարաձայնություններն ու միավորվել հանուն ընդհանուր խնդիրների լուծման` հենվելով իրավահավասար երկխոսության և շահերի փոխադարձ հարգանքի վրա», – ասել է ՌԴ արտգործնախարարը։

Նրա խոսքով` ՄԱԿ–ի հարթակը դրա համար ստեղծում է  բոլոր անհրաժեշտ պայմանները։

0
թեգերը:
Հավաքական անվտանգության պայմանագիր կազմակերպություն (ՀԱՊԿ), Սերգեյ Լավրով, Միավորված ազգերի կազմակերպություն (ՄԱԿ)
Ըստ թեմայի
8 տարվա ընդմիջումից հետո Սերգեյ Լավրովը Դամասկոս է գնացել. ինչ հանդիպումներ են նախատեսված
Լավրովը խոսել է Հայաստանի ու Ադրբեջանի արտգործնախարարների հանդիպումը կազմակերպելու մասին
ՀԱՊԿ-ի և ՄԱԿ-ի գլխավոր քարտուղարները համատեղ հայտարարություն են արել