«Նորք» ԲԿ

Բուժհիմնարկները` հյուրանոցնե՞ր. ԱԺ–ն կառավարության վերաբերմունքն անհարգալից է համարում

146
(Թարմացված է 13:06 09.09.2020)
«Պետական գույքի մասնավորեցման 2017-2020 թվականների ծրագրում» ներկայացված 5 բուժհիմնարկներից 4-ի դեպքում կառավարությունն առաջարկում է վերացնել առողջապահական պրոֆիլի պահպանման պարտադիր պահանջը։

ԵՐԵՎԱՆ, 9 սեպտեմբերի — Sputnik. Հայաստանում տարիներ շարունակ մասնավորեցման ներկայացված բժշկական հիմնարկներով որևէ գնորդ չի հետաքրքրվում։ Տեղեկությունն այսօր ՀՀ ԱԺ տնտեսական հանձնաժողովի նիստում հայտնեց Պետգույքի կառավարման կոմիտեի նախագահի տեղակալ Վարդան Կոստանյանը։ 

Նրա խոսքով` «Պետական գույքի մասնավորեցման 2017-2020 թվականների ծրագրում» ներկայացված է 5 բուժհիմնարկ, որոնք ներկա օրենքով մասնավորեցումից հետո պետք է պահպանեն իրենց գործունեության պրոֆիլը։

Կառավարության համոզմամբ` օրենքի հենց այս պահանջն է, որ խոչընդոտում է այդ հիմնարկների մասնավորեցմանը։

«Կոնկրետ այս պահի դրությամբ մասնավորեցման ցանկում մնացել են 5 առողջապահական պրոֆիլի ընկերություններ. «Վնասվածքաբանության և օրթոպեդիայի գիտահետազոտական կենտրոն» ՓԲԸ, «Ռադիոիզոտոպների արտադրության կենտրոն», «Հանրապետական անձավաբուժության կենտրոն», «Նևրոզների կլինիկա», «Կուրորտաբաության և ֆիզիկական բժշկություն» գիտահետազոտական ինստիտուտ»,– ասաց Վարդան Կոստանյանը։

Նրա խոսքով` այս ցանկը քննարկվել է առողջապահության նախարարության հետ, և գերատեսչությունում համաձայնել են, որ բացի «Ռադիոիզոտոպների արտադրության կենտրոնից», մնացած 4 բուժհիմնարկներում պրոֆիլը կարող է չպահպանվել։

Եվ քանի որ ներդրողներին այս բուժհիմնարկները չեն հետաքրքրում, կառավարությունն առաջարկում է օրենքից հանել այդ ընկերությունների գործունեության հիմնական ուղղության պահպանման պարտադիր պահանջը:

Հանձնաժողովում հետաքրքրվեցին, թե պրոֆիլը չպահպանելու դեպքում ինչ ճակատագրի կարժանանան այդ հիմնարկների ներկայիս աշխատակիցները։ Վարդան Կոստանյանը հարցի պատասխանը չուներ։

Ո՞ր դիրքորոշման պատճառով է հեռացել Դավիդյանցը. աշխատանքից ազատվելը լուրջ հարցեր է ծնել

«Պետգույքի կառավարման կոմիտեն կառավարում և մասնավորեցման է ներկայացնում այդ հիմնարկները։ Հիմա մեզ մոտ ֆինանսական ցուցանիշները գնալով վատանում են, և մենք` որպես լիազոր մարմին, ստիպված պետք է քայլեր ձեռնարկենք, որոնք կլինեն և՛ հաստիքների կրճատման տեսքով, և՛ ընկերության հետագա ճակատագիրը հասկանալու»,– ասաց նա։

«Բարգավաճ Հայաստան» խմբակցության պատգամավոր Արտյոմ Ծառուկյանը փաստեց, որ ցանկում ներառված 5 ընկերություններից առնվազն 3-ը առողջապահության ոլորտում շահույթով են աշխատում, բայց կառավարությունը որոշել է հրաժարվել դրանցից` չմտահոգվելով անգամ աշխատակիցների հետագա ճակատագրով։

«Տեսեք դուք ինչ ազդակ եք հաղորդում` որպես կառավարության ներկայացուցիչ։ Այդ հիմնարկների աշխատողները լսելու են ձեզ, որ ասում եք` ես չգիտեմ այդ մարդկանց ճակատագիրն ինչ է լինելու։ Պահանջում ենք ձեզանից, որ մենք նույնպես իմանանք, թե այդ մարդկանց հետ ինչ է լինելու, կառավարությունն այս մարդկանց ինչ է առաջարկելու»,– ասաց Ծառուկյանը։

Հանձնաժողովի նախագահ Բաբկեն Թունյանը հիշեցրեց, որ 2020թ–ի մայիսին հանձնաժողովը մեկ անգամ արդեն մերժել էր կառավարության ներկայացրած նախագիծը` պայմանով որ դրանում փոփոխություններ կարվեն ու նոր միայն կներկայացվի ԱԺ։

«Ես գտնում եմ, որ դա անհարգալից վերաբերմունք է ԱԺ–ի տնտեսական հանձնաժողովի ու ընդհանրապես ԱԺ–ի նկատմամբ»,– ասաց Թունյանը` հավելելով, որ կառավարությունը պետք է ԱԺ–ի հետ անկեղծ լինի։

«Եկեք, ասեք. «Կան այս–այս ծրագրերը, ուզում ենք անել այս –այս կոնկրետ քայլերը»։ Ոչ թե մենք բիզնեսի սեկտորի ներկայացուցիչներից իմանանք, որ այս գույքը վաճառվելու է սրան, կամ այնինչ գույքի հետ կապված այսինչ պլանները կան»,– ասաց Թունյանը։ 

Բաբլոյան. ««Արաբկիրը» պատրաստ է օգնել բուժհիմնարկներին` չմտածելով փոխհատուցման մասին»

Ծավալուն քննարկման արդյունքում ԱԺ տնտեսական հարցերի հանձնաժողովը մերժեց կառավարության առաջարկը։

Հիշեցնենք` 2020թ–ի մայիսի 20-ին ԱԺ–ի տնտեսական հարցերի հանձնաժողովում, նույն նախագծի ներկայացման ժամանակ, Պետգույքի կառավարման կոմիտեի նախագահ Նարեկ Բաբայանն ասել էր, այս բուժհիմնարկների շենք–շինությունները ներդրողներին հնարավոր է հետաքրքրեն որպես բիզնես կենտրոն կամ հյուրանոց, բայց ոչ որպես հիվանդանոց:

146
թեգերը:
Հյուրանոց, հիվանդանոց, բուժհիմնարկ, բուժաշխատող, ՀՀ կառավարություն, ԱԺ
Ըստ թեմայի
Նախագահ Սարգսյանը հանդիպել է առողջապահության նախկին նախարարների հետ
ՌԴ առողջապահության նախարարությունը COVID-19–ի թեթև դեպքերի բուժման դեղորայք է գրանցել
Որքան գումար է ծախսել ՀՀ առողջապահության նախարարությունը Covid-19-ի դեմ պայքարի շրջանակում
Գյուղ Նորակերտ, Գեղարքունիքի մարզ

Նորակերտ գյուղում ՀՀ զինված ուժերը երկու ԱԹՍ են խոցել

4
Տղամարդիկ գյուղամեջում նստած են եղել, երբ տարօրինակ ձայն են լսել ու տեսել, որ այրվող ինչ–որ օբյեկտ է ընկնում։

ԵՐԵՎԱՆ, 29 սեպտեմբերի - Sputnik. Գեղարքունիքի մարզի Նորակերտ համայնքի մոտակայքում ՀՀ ԶՈՒ–ն այսօր 2 ԱԹՍ է խոցել։ Sputnik Արմենիայի թղթակիցը տեղից հայտնում է, որ ԱԹՍ–ներից մեկն ընկեր է դաշտերից մեկում և մեծ փոս բացել։

Տեղի բնակիչներից Մասիս Մարտիրոսյանը պատմել է մեր թղթակցին, որ դեպքը տեղի է ունեցել ժամը 14։00-ի շրջանում։

«Տեղի բնակչությունը հավաքված էր գյուղամեջում։ Նկատեցինք, որ վառվող օբյեկտ է իջնում ու ինչ–որ ձայն է գալիս։ Կանայք և երեխաներն իրար խառնվեցին, կանայք սկսեցին երեխաներին ներս տանել` անգամ չիմանալով, թե ով ում երեխային է վերցնում։ Մենք տղամարդկանցով շտապեցինք դեպքի վայր։ Երբ հասանք պայթյունը որոտացել էր»,–ասաց Մարտիրոսյանը։

Դրանից հետո հակաօդային պաշտպանությունը եկել ու ԱԹՍ–ի կտորները հեռացրել է տարածքից։

Գյուղի բնակիչ Լեռնիկն էլ իր հերթին պատմում է, որ գյուղում խուճապային տրամադրություն չկա, ոչ ոք չի տարհանվել։ Գյուղում տղամարդիկ էլ մի մասը գնացել է ճակատ, մյուսը սպասում է իր հերթին։ Լեռնիկը նույնպես սպասում է իր հերթին։ Նորակերտում ապաստարաններ կան` գյուղի դպրոցն ու նկուղները։

«Հեչ որ չէ` կոմպոտ պահելու պադվալ ունենք, կիջնենք էնտեղ ու կսպասենք։ Մեր զինվորները պետք է իմանան, որ իրենց թիկունքն ուժեղ է»,–ասաց տղամարդը։

Ինչպես արդեն տեղեկացրել էինք, այսօր ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։

Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։

4
թեգերը:
հայ-ադրբեջանական, Գեղարքունիքի մարզ, անօդաչու թռչող սարք, Հայաստան
թեմա:
Ադրբեջանական ագրեսիան Հայաստանի վրա - 2020
Գեղամասար

«Խուճապ չկա, տրամադրությունը մարտական է». Գեղամասարի մոտակայքում ԱԹՍ–ներ են խոցվել

110
(Թարմացված է 15:33 29.09.2020)
Չնայած պարբերաբար հնչող կրակոցներին Գեղարքունիքի մարզի Գեղամասար գյուղը, որը գտնվում է Ադրբեջանի սահմանին, ապրում է իր կյանքով։ Sputnik Արմենիայի թղթակիցներն այցելել են համայնք։

ԵՐԵՎԱՆ, 29 սեպտեմբերի – Sputnik. Ադրբեջանական զինուժն առավոտից գնդակոծում է նաև ՀՀ Վարդենիսի շրջանի սահմանամերձ բնակավայրերը։ Կրակի տակ է նաև Գեղամասար գյուղը։ Այս կողմերում նաև հակառակորդի անօդաչու թռչող սարքեր են երևացել։

Գեղամասար խոշորացված համայնքի ղեկավար Արմեն Ավետյանը գյուղ այցելած Sputnik Արմենիայի թղթակիցներին հավաստիացրեց, որ գյուղում խուճապ չկա։

«Կոնկրետ մեր գյուղ անօդաչու թռչող սարքերը չեն հասել, բնակչությունը վախեցած չէ։ Պլանային տարհանում ևս չի իրականացվում, թեև ամեն մեկն ազատ է գյուղից դուրս գալու համար։ Մենք ամուր շենքեր ունենք, որոնք կարող են որպես ապաստան ծառայել», - ասաց Ավետյանը։

Գյուղացիները մեր թղթակցին պատմել են, որ այսօր գյուղից քիչ հեռու ադրբեջանական 4 անօդաչու սարք է խոցվել: Գյուղի մերձակա մարտական դիրքերը շարունակվում են զանգվածային գնդակոծության ենթարկվել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։

Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Արցախը հայկական է, հայկական էլ կմնա». ֆրանսիական Բուրգ լե Վալանսի քաղաքապետ

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել։

Дорожный знак при въезде в общину Гегамасар
© Sputnik / Karen Avetisyan
Գեղամասար գյուղը

Նշենք, որ սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել։

110
թեգերը:
դիրքեր, Սահման, հայ-ադրբեջանական, Ադրբեջան, անօդաչու թռչող սարք, գյուղացի, Գյուղ, Գեղարքունիքի մարզ, Գեղամասար
թեմա:
Ադրբեջանական ագրեսիան Հայաստանի վրա - 2020
Ըստ թեմայի
Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից
Արտակ Բեգլարյանը հանդիպել է ԿԽՄԿ-ի Ստեփանակերտի գրասենյակի ղեկավար Բերտրան Լամոնի հետ
ՀՅԴ երիտասարդները ՄԱԿ-ից պահանջում են Հայաստանի ու Ադրբեջանի միջև հավասարության նշան չդնել