Արխիվային լուսանկար

Ապարանի համայնքապետին 4 հոդվածով մեղադրանք է առաջադրվել

102
(Թարմացված է 22:18 08.09.2020)
Քրեական գործը, մեղադրական եզրակացությամբ, ուղարկվել է Արագածոտնի մարզի դատախազություն՝ մեղադրական եզրակացությունը հաստատելու և դատարան ուղարկելու միջնորդությամբ:

ԵՐԵՎԱՆ, 8 օգոստոսի – Sputnik. Ապարան համայնքի ղեկավար Կարեն Եղիազարյանին մեղադրանք է առաջադրվել պաշտոնեական լիազորությունները չարաշահելով պաշտոնեական կեղծիք կատարելու և իրեն վստահված ուրիշի զգալի չափերի գույքը յուրացնելու համար: Տեղեկությունը հայտնում է ՀՀ քննչական կոմիտեի մամուլի ծառայությունը:

Նշվում է, որ ՀՀ քննչական կոմիտեի Արագածոտնի մարզային քննչական վարչությունում ավարտվել է Ապարան բազմաբնակավայր խոշորացված համայնքի ղեկավարի կողմից չարաշահումներ կատարելու դեպքերի առթիվ հարուցված քրեական գործի նախաքննությունը:

Նախաքննությամբ ձեռք բերված ապացույցներով համայնքի ղեկավարին մեղադրանք է առաջադրվել ՀՀ քրեական օրենսգրքի 310-րդ հոդվածով (ձեռնարկատիրական գործունեությանն ապօրինի մասնակցելը), 308-րդ հոդվածի 1-ին մասով (պաշտոնեական լիազորությունները չարաշահելը) (3 դրվագ), 314-րդ հոդվածի 1-ին մասով (պաշտոնեական կեղծիքը) (4 դրվագ) և 179-րդ հոդվածի 2-րդ մասի 1-ին կետով (յուրացնելը կամ վատնելը):

Ազգային արխիվի տնօրենն ազատվել է պաշտոնից. չարաշահումներ են հայտնաբերվել

Քննչական կոմիտեից հայտնում են, որ քրեական գործը, մեղադրական եզրակացությամբ, ուղարկվել է Արագածոտնի մարզի դատախազություն՝ մեղադրական եզրակացությունը հաստատելու և դատարան ուղարկելու միջնորդությամբ:

Հիշեցնենք` մինչ այդ ՔԿ-ն հայտնել էր, որ Կարեն Եղիազարյանը մեղադրվում է ինքնակամ կառույց իրականացրած անձի նկատմամբ դիտավորությամբ վարչական պատասխանատվության միջոցներ չկիրառելու մեջ:

Նա 2017 թվականին Ապարան քաղաքի բնակչին թույլատրել էր սեփականության իրավունքով իրեն պատկանող բնակելի կառուցապատման հողամասերում առանց թույլտվության ինքնակամ շինություն կառուցել:

Հայաստանում պաշտոնատար անձինք խոշոր չարաշահումներ են թույլ տվել. ինչ կապ ունի Հռոմի պապը

102
թեգերը:
Ապարան, համայնքի ղեկավար, Մեղադրանք, ՀՀ քննչական կոմիտե
Ըստ թեմայի
Գալուստ Սահակյանի որդուն մեղադրանք է առաջադրվել. գործն ուղարկվել է դատարան
ՀՖՖ ակադեմիայից 98 մլն դրամի յուրացում կատարելու դեպքով 2 անձի մեղադրանք է առաջադրվել
Հերթը հասավ Մհեր Սեդրակյանին. Էրեբունու նախկին թաղապետին մեղադրանք է առաջադրվել
Զորավարժություններ

ԱՄՆ-ի Large Scale Exercise 2021 զորավարժությունները․ ուժերը կհերիքե՞ն Սև ծովի համար

13
(Թարմացված է 23:13 05.08.2021)
ԱՄՆ-ի ՌՈւ–ն ամենևին բավարար չէ Համաշխարհային օվկիանոսի լիակատար վերահսկողության համար, էլ չենք խոսում Եվրոպայում և Ասիայում ծովային գլխավոր հակառակորդներին 36 նավի և ծովային հետևակի 3 դիվիզիայի ուժերով «վախեցնելու» մասին:

Օգոստոսի 3-ին Ամերիկայի Միացյալ Նահանգները սկսել է վերջին 40 տարում ամենախոշոր Large Scale Exercise 2021 ՌԾՈւ զորավարժությունները, որոնք ընդգրկում են հինգ ռազմածովային միավորում (օպերատիվ նավատորմ), ԱՄՆ-ի ծովային կորպուսի երեք միավորում և 17 ժամային գոտի։ Ներգրավված է 25 հազար զինծառայող։ Զորավարժությունները կտևեն մինչև օգոստոսի 16-ը։

Stars and Stripes պարբերականի տեղեկություններով՝ Large Scale Exercise 2021 (LSE) միջոցառումները ամերիկյան նավատորմի առաջին նավային և դեսանտային զորավարժություններն են 21-րդ դարում, մասշտաբով համեմատելի են ՆԱՏՕ-ի ՌԾՈւ-ի 1981թ․-ի Ocean Venture զորավարժություններին։ Ծրագրում են մեծ տարածության վրա ծովային մարտերի մշակել, օվկիանոսում «հակառակորդ» որոնել, հայտնաբերել ու ոչնչացնել միջուկային զենքի պայմանական կիրառմամբ:

Սա վերադարձ է սառը պատերազմի չափանիշներին, «վճռականության և նոր հնարավորությունների» ցուցադրում, ազդանշան Ռուսաստանին և Չինաստանին այն մասին, որ Ամերիկան կարող է միաժամանակ պատերազմել մի քանի ճակատներով: Ավելի ճիշտ՝ «խնդիրներ լուծել Սև ծովում, Միջերկրական ծովի արևելյան մասում, Հարավչինական ծովում և Արևելաչինական ծովում՝ չեզոքացնելով ամերիկյան զինված ուժերի թուլացմանն ուղղված ջանքերը»:

Ռուսական Սու-57-ը կարո՞ղ է ամերիկյան ինքնաթիռներին դուրս մղել զենքի շուկայից

LSE 2021-ի ընթացքում ԱՄՆ-ի ռազմածովային ուժերը պետք է ցուցադրեն բազմազան ծովային (DMO), արշավային (EABO) և ափամերձ գործողությունների ճկունությունը վիճարկվող միջավայրում (LOCE), ինչպես նաև բարձր մակարդակի մարտական գործողություններ վարելու պատրաստությունը: Ենթադրվում է, որ ամերիկացի նավաստիները (և ծովային հետևակայինները, որոնք նախկինում աքացի էին ստացել Աֆղանստանում), պատրաստ են պայքարել բարձր տեխնոլոգիական հակառակորդի դեմ, դիմակայել բարձր ճշգրտության զենքի հարվածներին:

Ամերիկացի ստրատեգները կարծում են, որ «հնարամիտ հակառակորդին կարելի է ոչնչացնել»` միացյալ հրամանատարության ներքո միաժամանակյա գերճշգրիտ հարվածներ հասցնելով «բոլոր կողմերից` ներառյալ օդը, ցամաքը, ծովը, տիեզերքն ու կիբեռնետիկան»։ Ռազմածովային ուժերի համատեղ մարտական գործողությունների նորացված հայեցակարգը կարծես հաշվի է առնում նաև «վիճելի լոգիստիկան» (տրանսպորտային հաղորդակցությունների խոցելիությունը), որին ԱՄՆ-ն չի բախվել Երկրորդ համաշխարհային պատերազմից ի վեր: Հետաքրքրությամբ հետևում ենք մտահղացումների ու ծրագրերի իրականացմանը:

Լեգենդներ և իրականություն

ԱՄՆ 6-րդ նավատորմի հրամանատար, փոխծովակալ Ջին Բլեքը ավելի վաղ հայտարարել էր. «LSE-ն մեր հրամանատարներին կստուգի ռազմածովային գործողությունների ամբողջ բազմազանության մեջ՝ մարտավարականից մինչև ռազմավարական, ինտեգրելով ծովային հետևակի կորպուսը, բաց օվկիանոսից մինչև ափ համակարգված գործողություններ իրականացնելու նավատորմի կարողությունը ցույց տալու համար»:

ԱՄՆ-ն ու ՆԱՏՕ-ն չեն կարող դիմադրել ռուսական Տու-22Մ3–ին. հատուկ խնդիր Սիրիայում

Եվ այդուհանդերձ մասնագետների շրջանում մեծ կասկածներ է առաջացնում ամերիկյան նավատորմի 36 նավի և ծովային հետևակի երեք միավորման ուժերով միաժամանակ Սև, Միջերկրական, Հարավչինական և Արևելաչինական ծովերում գերիշխելու հնարավորությունը, էլ չենք խոսում ընդհանուր Համաշխարհային օվկիանոսի մասին: ԱՄՆ–ն ռազմածովային ուժերի տեմպով, զարգացման ցուցանիշներով ու որակով հետ է մնում պոտենցիալ հակառակորդներից։

Ամերիկյան ավիակիր հարվածային խմբերի «հոլիվուդյան» հնարավորությունները չեզոքացվում են ավիացիայի, սուզանավերի, հականավային առափնյա հրթիռային համալիրների և ՀՕՊ-ՀՀՊ-ի նույնքան արդյունավետ միջոցների հակազդեցությամբ:

Արևմտյան վերլուծաբանների տվյալներով՝ Չինաստանի ու Ռուսաստանի ռազմական նավատորմերը բացարձակ քանակական գերազանցություն ունեն ծովում՝ 1380 նավ ամերիկյան 490 նավի դեմ: Ամերիկյան ռազմածովային ուժերը նավերի աշխարհում քանակով ընդամենը չորրորդ տեղն են զբաղեցնում(490 միավոր)՝ ՉԺՀ-ի (777 միավոր), ՌԴ-ի (603 միավոր) և ԿԺԴՀ-ի (492 միավոր) ռազմական նավատորմերից հետո:

Ռուսաստանը ռազմական ծախսերի գծով առաջին հնգյակում է. միտումները` աշխարհում և ԱՊՀ–ում

Պենտագոնի տվյալներով՝ ՌԾՈւ-ի կազմում կա 297 ռազմանավ, իսկ Չինաստանը 335 վերջրյա նավ ունի։ Տարբերությունն ամեն դեպքում զգալի է։ Եթե դիտարկենք ԱՄՆ ՌԾՈւ-ի գումարային տոննաժը, ամեն ինչ այնքան էլ վատ չէ, բայց հաշվի առնելով գերճշգրիտ գերձայնային հրթիռային զենքը, հզոր տորպեդները, Ռուսաստանի և Չինաստանի ՀՕՊ-ՀՀՊ հեռահար համակարգերը՝ ամերիկյան ավիակիրներն ու հրթիռային ականակիրները երաշխավորված խոցման լավ թիրախ են դառնում։ Հիշեցնեմ, որ Պենտագոնը գերձայնային հրթիռներ չունի։

LSE 2021 զորավարժություններն ընդգրկում են միայն ԱՄՆ-ի ռազմածովային ուժերը, սակայն դաշնակիցներն ու գործընկերները կարող են ընդգրկվել ապագա տարբերակում: Ամերիկյան զորավարժությունների փակ լինելը հավանաբար բացատրվում է նրանով, որ աշխատում են 2020 թ․-ի հոկտեմբերին Պենտագոնի կողմից գաղտնի ռազմավարական խաղի (մոդելավորման) ժամանակ թույլ տված սխալների ուղղությամբ։

Շտաբների պետերի միացյալ կոմիտեի փոխնախագահ գեներալ Ջոն Հայթենի կարծիքով՝ աշնանային զորախաղը «դղրդոցով տապալվեց», երբ պայմանական հակառակորդը նախաձեռնությունն իր ձեռքը վերցրեց տեղեկատվական դաշտում, «անջատեց ամպը»: Պենտագոնը պատրաստ չէր ապակենտրոնացված միջավայրում գործելու։ Իսկ ապագայի բարձր տեխնոլոգիական զինված հակամարտությունները հարմար միջավայր չեն խոստանում։

Ապագա տանող ճանապարհ

ԱՄՆ ռազմածովային ուժերի ռազմածովային գործողությունների վարչության պետ, ծովակալ Մայքլ Գիլդեյը հայտարարեց, որ Large Scale Exercise 2021 զորավարժությունները թույլ կտան փորձարկել մարտական գործողությունների վարման հայեցակարգերը, դասեր քաղել երկար տարիների համար: Ապագա մարտերին նախապատրաստվելու ալգորիթմը հետաքրքիր է․ «Պատերազմ վարելու հայեցակարգը կդառնա այն ամենի հիմքը, ինչը մենք ձեռք ենք բերում, ինչում ներդրումներ ենք անում, և այն կտեղեկացնի, թե ինչպես պետք է կռվենք»։

ԱՄՆ ռազմածովային ուժերի Խաղաղօվկիանոսյան նավատորմի հրամանատար ծովակալ Քրիստոֆեր Գրեյդին մտադիր է LSE 2021 զորավարժությունների ընթացքում «զարգացնել ռազմածովային պատերազմի արվեստն ու գիտությունը», գնահատել փորձարարական տեխնոլոգիաները, մի քանի ռազմածովային միավորումների հզորության՝ տվյալների, զենքի և պլատֆորմների համատեղ մարտական օգտագործումը վիճելի միջավայրերում ամբողջ աշխարհում:

Ինչո՞ւ են ՌԴ գերձայնային հրթիռները «խանգարում» ամերիկյան F-35-ի և F-22-ի շահագործմանը

Շտաբների պետերի միացյալ կոմիտեի նախագահ, գեներալ Մարկ Միլին օգոստոսի 2-ին հայտարարել է, որ պատերազմին նախապատրաստվելու համար (որն անխուսափելի է` հաշվի առնելով պատմական շրջապտույտը) Միացյալ Նահանգները պետք է առաջիկա 10 տարում յուրացնի 50 նոր տեխնոլոգիաներ, այդ թվում՝ արհեստական ինտելեկտով անօդաչու թռչող սարքերը:

Իմ կարծիքով՝ ամերիկյան ստրատեգների բառերի և պաթոսի քանակը շեղում է գլոբալ հակամարտության իրականությունից։ Փորձարկումներն ու հայեցակարգերն ակնհայտորեն ավելի շատ են, քան «ավիաթևի և սուզանավերի, վերջրյա նավերի և կիբեռստորաբաժանումների» մարտական վարժանքների արդյունավետությունը:

Ռազմավարական և միջազգային հետազոտությունների ամերիկյան կենտրոնը (CSIS) ավելի վաղ հստակեցրել էր Աֆղանստանում պարտվելու գլխավոր պատճառները. «Պակասում են ռազմական պատմության գիտելիքները, ռազմավարական մտածողության հետ կապված լուրջ խնդիրներ կան»։

Հիշատակվում է նաև «առաջադրված նպատակները պահանջվող ջանքերի հետ կապելու» անկարողությունը, «Ռուսաստանի, Չինաստանի և Իրանի դեմ պլացդարմ ստեղծելու ձգտումը», «ռազմական գերազանցություն ունեցող գերտերության կարգավիճակով պայմանավորված հպարտությունը»։ Եզրակացություն․ ԱՄՆ-ի զորահրամանատարներն ու քաղաքացիական պաշտոնյաները «ողբերգական մոլորության մեջ էին»:

Ինձ թվում է՝ այս պատմությունը կրկնվում է Համաշխարհային օվկիանոսում։ ԱՄՆ-ի ռազմածովային ուժերի Large Scale Exercise 2021 գլոբալ զորավարժությունների պլանները հաշվի չեն առնում հավանական հակառակորդի ճկուն հակազդման իրականությունը՝ բարձր ճշգրտության հրթիռային զենքով (ջերմամիջուկային զենքի մասին չենք էլ խոսում):

Ինչ-որ մեկին թվում է, թե հորիզոնում ամերիկյան ավիակիր հարվածային խումբ տեսնելուն պես ռուս կամ չինացի «ջոնկայով աբորիգենները» պետք է վախից քարանան և անմիջապես հանձնվեն այդ հսկայական հայեցակարգերին ու ներդրումներին։

Սակայն հունիսին ռուսական սահմանը խախտած բրիտանական էսկադրային ականակրի ուղղությամբ ռմբակոծությունը Ղրիմի մոտակայքում ցույց տվեց, թե ինչ տեղի կունենա ԱՄՆ ՌԾՈւ-ի «գերակայության» և «ուժի պրոյեկցիայի» հետ «վիճելի միջավայրում»՝ Սև ծովում «կարմիր գիծը» հատելու դեպքում։

Պենտագոնի համարձակ փորձարարներին նույն կերպ կարող են դիմավորել Հարավչինական ծովում և Արևելաչինական ծովերում․ Չինաստանի Ազգային-ազատագրական բանակի ռազմածովային ուժերը հայտարարել են մի շարք վարժանքների անցկացման մասին, այդ թվում՝ իրենց ավիակիր խմբերի հետ:

13
թեգերը:
Ռուսաստան, Չինաստան, ԱՄՆ, Զորավարժություններ
Ըստ թեմայի
«Պատերազմի աստվածն» ու Պենտագոնը. ամերիկացիները վազում ու չեն հասնում
«Պետք էր նախօրոք մտածել». ԱՄՆ-ում գտել են՝ ինչով պատասխանեն Ռուսաստանին
Սա արդեն «Ջավելիններից» լուրջ է. ԱՄՆ-ն Ուկրաինային նոր զենք կփոխանցի

Ովքեր են հայտնվել նոր կառավարությունում. արտգործնախարար դեռ չունենք

59
(Թարմացված է 22:23 05.08.2021)
Sputnik Արմենիայի ինֆոգրաֆիկան ներկայացնում է ՀՀ նոր կառավարության անդամներին։ Շատ դեմքեր արդեն ծանոթ են հասարակությանը։
ՀՀ կառավարությունը
© Sputnik / Shushanik Avdalyan

ՀՀ վարչապետ Նիկոլ Փաշինյանը հաստատել է կառավարության գրեթե ամբողջական կազմը: Ասում ենք «գրեթե», քանի որ դեռ պաշտոնապես չի նշանակվել թերևս ամենակարևոր նախարարներից մեկը` արտաքին գործերինը։

Նոր կառավարությունում հինգ նոր նախարար կա, որոնք եկել են իրենց պաշտոններին այլ գերատեսչություններից կամ այլ ոլորտներից։ Կարելի է ասել` կառավարման գործից լրիվ անփորձներ ու նորեկներ չկան։

Այսպես` տարածքային կառավարման և ենթակառուցվածքների նախարար Սուրեն Պապիկյանն այսուհետ լինելու է փոխվարչապետ։ Նրա նախկին պաշտոնը կզբաղեցնի Գեղարքունիքի նախկին մարզպետ Գնել Սանոսյանը։ Փոխվարչապետ Մհեր Գրիգորյանը կպահպանի իր պաշտոնը։ Ռոմանոս Պետրոսյանը կշարունակի ղեկավարել շրջակա միջավայրի, Անահիտ Ավանեսյանը` առողջապահության, Անդրանիկ Փիլոյանը` արտակարգ իրավիճակների, Վահրամ Դումանյանը` կրթության, գիտության, մշակույթի և սպորտի, Վահան Քերոբյանը` էկոնոմիկայի նախարարությունները։

Նարեկ Մկրտչյանն աշխատանքի և սոցիալական հարցերի նախարարի տեղակալից դարձել է նախարարության ղեկավար։ Էկոնոմիկայի նախկին նախարար Տիգրան Խաչատրյանը նշանակվել է ֆինանսների նախարար։ Կառավարությունում լրիվ թարմ դեմքեր կան, որոնք որևէ կերպ չեն առնչվել «Քաղաքացիական պայմանագրի» հետ։

Մարդու իրավունքների նախկին պաշտպան Կարեն Անդրեասյանը, օրինակ, նշանակվել է արդարադատության նախարար, իսկ Երևանի նախկին քաղաքապետ Վահագն Խաչատուրյանը կղեկավարի բարձր տեխնոլոգիական արդյունաբերության նախարարությունը։

59
թեգերը:
Հայաստան, ՀՀ կառավարություն, Նախարար

Ընդամենը մեկ օր Կամո Նիգարյանը վրդովելու է արվեստասերներին. ցուցադրություն Երևանում

0
(Թարմացված է 23:18 05.08.2021)
«Ռամբալկոշե» նախագծի հիմնադիր Վահան Ստեփանյանը և արվեստաբան, համադրող Վիգեն Գալստյանը Sputnik Արմենիայի «Արտբոքս» հաղորդաշարի եթերում խոսել են Կամո Նիգարյանի արվեստի, ոճային և գաղափարական ավանդույթների ու «Cabo Negro» ցուցադրության մասին, որը բաց կլինի ընդամենը մեկ օր։

Երևանում` «Ռամբալկոշե» ցուցասրահում, օգոստոսի 8–ին ցուցադրվելու են Կամո Նիգարյանի վերջին 10 տարվա գրաֆիկական աշխատանքները` 300–ից ցուցադրվելու են մոտ 30–ը:

«Հայ արվեստը ոլորտ է, որ հայ հասարակությունը կարիք ունի հայտնաբերելու։ Դա կարիք է և ոչ թե մշակութային ապրանք։ Ցավոք, սովոր ենք, որ արվեստն այնքան հասանելի է, որ ջանք պետք չէ գործադրել, մինչդեռ այն պետք է փնտրել, գտնել և դարձնել քոնը։ Այս ցուցադրությունը իրադարձության սկզբունքով է, նպատակն էլ մեկն է`արվեստի հետ հանդիպումը հետ բերվի իրադարձության կարգավիճակի», – Sputnik Արմենիայի եթերում ասաց «Ռամբալկոշե» նախագծի հիմնադիր Վիգեն Գալստյանը։

Արվեստաբան, համադրող Վահան Ստեփանյանն էլ խոստովանեց` երբ առաջին անգամ տեսել է Կամո Նիգարյանի ստեղծագործությունները, հասկացել է, որ նկարագրելիս կարող է խոսքի և մտքի արագությունը չհերիքել։

«Ու գիտակցում եմ, որ դա դեռ ընդամենը 10 տարի առաջ էր` նյարդ յուրաքանչյուր սանտիմետրում», – ասաց նա։

Ինչու հայերը հայտնվեցին միջանկյալ իրականությունում. հարցազրույց Արամ Պաչյանի հետ

Նկարիչ, դիզայներ, լուսանկարիչ Կամո Նիգարյանը ծնվել է 1950 թվականին, մահացել` 2011-ին։ Համարվում է ֆիգուրատիվ արվեստի կամ տրանս-ավանգարդիա շարժման հայաստանյան ներկայացուցիչ։ Շարժումը ներառում է բոլոր այն արվեստի գործերը, որոնք պահպանում են իրականության հետ նմանությունը։ Նա կարծում էր, որ արվեստը պիտի վրդովմունք առաջացնի. դա է սկիզբների սկիզբը։

Հասարակության զգալի մասը չունի կորստի խորքային գիտակցում. ինչպես ոտքի հանել վիրավոր երկիրը

0
թեգերը:
Հայաստան, Երևան, նկարիչ, ցուցադրություն
թեմա:
ԱրտԲոքս
Ըստ թեմայի
Մատաղ սերունդը, անկախությունն ու լյուստրացիան. Պասկևիչյանը` այն մասին, թե ուր ենք գնում
«Տեղեկատվությունից խաբված ժողովուրդը գնաց դեպի գիրքը». Արքմենիկ Նիկողոսյան
«Ցավոք, «լավ տղեն» դեռևս առանց աշխատանքի փող առնողն ա». Ռուբեն Վարդանյան