Ամատունի Վիրաբյան

Բյուջեից փող են տվել, որ պարտքերը մարի, ապա գործից հանել. ի՞նչ է կատարվել Ազգային արխիվում

253
(Թարմացված է 21:11 08.09.2020)
Արխիվի հաշվապահը Sputnik Արմենիայի հետ զրույցում մեկնաբանել է, թե ինչ հարկային պարտավորությունների չկատարման համար են մեղադրում իր ղեկավարին ու ինչ առնչություն ունի դրանց հետ հենց արդարադատության նախարարությունը:

ԵՐԵՎԱՆ, 8 սեպտեմբերի — Sputnik. Իր աշխատանքից ազատվելու մասին ՀՀ Ազգային արխիվի արդեն նախկին տնօրեն Ամատունի Վիրաբյանը մի քանի ժամ առաջ է տեղեկացել: Այս մասին նա հայտնեց Sputnik Արմենիայի հետ զրույցում:

Մեկնաբանելով արդարադատության նախարարի որոշումը՝ Վիրաբյանը կարծիք հայտնեց, որ եթե նախարարությունը բոլորի նկատմամբ առաջնորդվի իր նկատմամբ կիրառված սկզբունքով, ապա պետք է աշխատանքից ազատի ոչ միայն իրեն, այլև մյուս բոլոր ՊՈԱԿ-ների տնօրեններին: 

«Բոլոր ՊՈԱԿ-ների տնօրեններն այդ հարկերը չեն վճարել, ուրեմն բոլոր ՊՈԱԿ-ների տնօրեններին պետք է ազատեն աշխատանքից»,- ասաց նա:

Նա նաև հայտնեց, որ կառավարությունը պահուստային ֆոնդից գումար է հատկացրել, որով ինքը հիշյալ չվճարած հարկերը վճարել է:

«Հարկեր չվճարողներին դատում են, ոչ թե կառավարությունը պահուստային ֆոնդից գումար են տալիս, որ վճարի»,- ասաց նա:

Ազգային արխիվի հաշվապահ Վահագն Աբիսողոմոնյանն էլ հայտնեց, որ արխիվում հարկային ստուգում է իրականացվել 2018թ-ից: Ուսումնասիրվել է նախորդ 3 տարիների գործունեությունը:

«Այդ ժամանակահատվածում ազգային  արխիվը պետությունից ստացել է դրամաշնորհներ և սուբսիդիաներ, որոնք ԱԱՀ-ով չեն հարկվել և չէին էլ կարող հարկվել, քանի որ դա պետական բյուջեով նախատեսված չէր: Այսինքն՝ արխիվը գումար է ստացել աշխատավարձի, հոսանքի ծախսերի համար, որոնց դիմաց ԱԱՀ նախատեսված չի եղել: Սա համատարած խնդիր է բոլոր ՊՈԱԿ-ների, բոլոր դրամաշնորհների համար»,- ասաց հաշվապահը:

Հարկային ստուգումների արդյունքում, նրա խոսքով ակտավորվել է 793 մլն դրամի հարկային պարտավորություն:

Կաշառք ստանալու պահին ձերբակալվել է Ազգային արխիվի մարզային մասնաճյուղի տնօրենը. տեսանյութ

«Հարկային պարտավորությունը մարելու համար մեր կողմից կառավարություն է ներկայացվել որոշման նախագիծ, որը համաձայնեցվել է ֆինանսների նախարարության, ՊԵԿ-ի և, որ ամենաանհեթեթն է՝ արդարադատության նախարարության հետ: Եթե արդարադատության նախարարությունը գտնում էր, որ այդ հարկային պարտավորությունները պաշտոնատար անձի մեղքով են առաջացել, ինքը պետք է դրան դրական եզրակացություն չտար»,- ասաց արխիվի հաշվապահը:

Վահագն Աբիսողոմոնյանի դիտարկմամբ` բոլոր նշված պետական մարմինները գիտակցել են, որ տեղի ունեցածում տնօրենի մեղավորությունը չի կարող լինել, ինչի հիման վրա էլ դրական եզրակացություն են տվել առաջարկին, և այդ որոշման հիման վրա էլ հատկացվել է հարկային պարտավորությունները մարելու համար անհրաժեշտ գումարը:

«Եվ այդ գումարը որ օրը մուտք է եղել ՀՀ ազգային արխիվի հաշվին, նույն օրը դուրս է եկել ազգային արխիվի հաշվից, պարտավորությունները մարվել են»,- վստահեցրեց նա:

Ի դեպ, արխիվի հաշվապահը ևս շեշտեց, որ այս կարգով մարվել են նաև այլ ՊՈԱԿ-ների հարկային պարտավորությունները: Ավելին, ըստ նրա՝ այսօր էլ դեռ կան ՊՈԱԿ-ներ, որոնք ԱԱՀ չեն վճարել ու շարունակում են չվճարել:

Ինչ վերաբերում է Ազգային արխիվի մատուցած վճարովի ծառայություններին, հաշվապահը հայտարարեց, որ դրանց դիմաց արխիվը հարկեր մշտապես վճարել ու վճարում է:

Ի դեպ, ազգային արխիվի նախկին ու ներկա պաշտոնյաները հայտնեցին, որ այս պահին արխիվում աշխատում են Ֆինանսների նախարարության վերստուգողները, որոնց աշխատանքը կտևի շուրջ 2 շաբաթ, որի ավարտին արձանագրված փաստերը պետք է քննարկվեին արդարադատության նախարարի հետ, և դրանից հետո միայն պետք է վերջնական որոշում կայացվեր՝ վնաս պատճառվե՞լ է արդյոք պետությանը և ում մեղքով:

Նշենք, որ այսօր «Հայաստանի Ազգային արխիվ» ՊՈԱԿ-ի տնօրեն Ամատունի Վիրաբյանն արդարադատության նախարարի հրամանով ազատվել է աշխատանքից։

Առաջին Հանրապետության 100-ամյակին ընդառաջ. ի՞նչ փաստաթղթեր է հրապարակելու ազգային արխիվը

ՊՈԱԿ-ում իրականացված հարկային ստուգումների վերաբերյալ ՀՀ պետական եկամուտների կոմիտեի տեղեկության համաձայն` Ամատունի Վիրաբյանը հաշվապահական հաշվառումը վարել է խախտումներով, որոնք առաջացրել են հարկի նվազեցում։ Արդյունքում հարկային պարտավորությունները ժամանակին չեն կատարվել, ինչի հիման վրա էլ վերջինն ազատվել է զբաղեցրած պաշտոնից:

253
թեգերը:
ազատում, բյուջե, Հայաստանի ազգային արխիվ, Ամատունի Վիրաբյան
Ըստ թեմայի
«Իմ հանձնարարականին չի հետևել». Արայիկ Հարությունյանը պաշտոնյայի է ազատել աշխատանքից
Ֆելիքս Ցոլակյանն աշխատանքից ազատել է իր մամուլի քարտուղարին
Նիկոլ Փաշինյանն իր խորհրդականին ազատել է պաշտոնից
Լիլիթ Մակունց. արխիվային լուսանկար

«Բռնապետական կարգեր չեն». Մակունցը խոսել է իմքայլականների շուրջ պտտվող լուրերի մասին

6
(Թարմացված է 15:03 22.09.2020)
Լիլիթ Մակունցն անդրադարձել է շրջանառվող լուրերին, թե առաջիկայում 6-7 իմքայլականներ պատրաստվում են վայր դնել պատգամավորի մանդատը։

ԵՐԵՎԱՆ, 22 սեպտեմբերի - Sputnik. «Իմ քայլը» խմբակցության ղեկավար Լիլիթ Մակունցը ԱԺ–ում լրագրողների հետ ճեպազրույցում ասաց, որ խմբակցության պատգամավորների հետ աշխատանքային հանդիպում է եղել, սակայն խոսք չի գնացել մանդատներ վայր դնելու հարցին։ 

Նշենք` լուրեր են շրջանառվում, որ «Իմ քայլը» խմբակցությունից Գայանե Աբրահամյանը, Լուսինե Բադալյանը, Գոռ Գևորգյանը, Հովհաննես Հովհաննիսյանը, Համազասպ Դանիելյանը և այլոք առաջիկայում հրաժեշտ կտան պաշտոնին։

«Որոշ պատգամավորներն իրենք արդեն իսկ հերքել են այդ լուրերը։ Խմբակցությունում լուրջ խնդիրներ չկան, պետք է համակերպվենք այն իրավիճակի հետ, որ մենք պարբերաբար քննարկումներ ենք անում այս կամ այն թեմայի առնչությամբ»,–ասաց Մակունցը։

Հարցին, թե բացառո՞ւմ է, որ առաջիկայում մանդատը վայր դնողներ կլինեն` Մակունցը պատասխանեց, որ Հայաստանում բռնապետական կարգեր չեն, և յուրաքանչյուր պատգամավոր ինքն է որոշում իր հետագա անելիքները։

Ալեն Սիմոնյանը պարզաբանել է` ինչու է «Իմ Քայլը» ԲՀԿ–ի հետ հուշագիր ստորագրել

Իսկ ինչ վերաբերում է լուրերին, որ ԿԳՄՍ նախարար Արայիկ Հարությունյանի հետ հանդիպում է եղել և նրա հրաժարականի հարցն է քննարկվել` Մակունցը պատասխանեց, որ նոր հանդիպում չի եղել։

Հիշեցնենք, որ ըստ լուրերի` «Իմ քայլը» խմբակցության ներսում դեռևս խմորումներ են ընթանում Սահմանադրական դատարանի անդամների ընտրության հետ կապված: Մասնավորապես, նախագահի կողմից առաջադրված թեկնածու Արթուր Վաղարշյանի ընտրության հետ կապված են անհամաձայնություններ եղել։

Սահմանադրությունը փոփոխվեց «Իմ քայլը» +1 բանաձևով

6
թեգերը:
Պատգամավոր, մանդատ, «Իմ քայլը» խմբակցություն, Լիլիթ Մակունց
Ըստ թեմայի
Ինչո՞ւ էր «Իմ քայլը» լռում. Մակունցը խոսել է ԲՀԿ–ի` ԱԺ նիստը բոյկոտելու մասին
Լիլիթ Մակունցը հայտնեց` ինչու պետք է Վահրամ Ավետիսյանը մտածեր 80 ձայն չհավաքելու մասին
Ջուլֆալակյանին չեն պարտադրել. Լիլիթ Մակունց
Արմեն Աշոտյան

Առանց ՀՀԿ-ի Հայաստանում դժվար է պատկերացնել լրջագույն քաղաքական պրոցես. Աշոտյան

22
(Թարմացված է 15:00 22.09.2020)
Աշոտյանը քննադատեց գործող իշխանությունը` Փաշինյանին մեղադրելով ոչ մի խոստում կյանքի չկոչելու մեջ։

ԵՐԵՎԱՆ, 22 սեպտեմբերի — Sputnik. ՀՀԿ փոխնախագահ Արմեն Աշոտյանն այսօր լրագրողների հետ զրույցում հայտարարեց, որ ընդդիմությունը միավորվելու է, բայց դա չի լինելու արհեստական միավորում։

«Այդ միավորումը լինելու է բնական գործընթաց, որի հիմքում ընկած է լինելու ոչ միայն մեր կողմից առաջ քաշած «Հայաստանն առանց Նիկոլի» կարգախոսը, այլև լինելու է երկրորդ կարգախոսը. «Հայաստանը Նիկոլից հետո»:

Նրա խոսքով` իշխանություն վերցնելը մի «այիբ» է, իշխանությունից զրկվել` երկու։

«Նիկոլ Փաշինյանի օրինակով մենք տեսնում ենք, որ նա իշխանությունը վերցրեց, բայց այդ մեքենան վարել չի կարողանում։ Նիկոլի դեպքում կառավարելը 2–րդ «այիբն է»»,-վստահ է ՀՀԿ փոխնախագահը։

Որպես իր խոսքերի  ապացույց նա մատնանշեց երեկ` Անկախության օրը ՀՀ վարչապետի ներկայացրած մինչև 2050թ.–ի տեսլականը, որին ըստ նրա, «ոչ ոք չհավատաց, և որը ծիծաղի առարկա դարձավ։

Անդրադառնալով մինչև 2050 թվականի ռազմավարությանը` Աշոտյանն ասաց, որ Փաշինյանի ոչ մի խոստում կյանքի չի կոչվել առ այսօր։ «Եթե նա կարճաժամկետ նպատակներ չի կարողանում կյանքի կոչել, ինչպե՞ս է կյանքի կոչելու երկարաժամկետները։ Մեգաստախոսը խոսում էր մեգա նպատակների մասին: Նիկոլ Փաշինյանը հանրային ընկալման մեջ այն մարդը չէ, որ ստեղծել է տպավորություն, թե ունի բավարար գիտելիքներ, որ կարողանա տալ երկրի տեսլական, որևէ մեկը այդ թեզերը լուրջ ընդունել չի կարող»,–կարծում է Աշոտյանը։

Նրա խոսքով` տեսլականը բանաձևելու համար պետք է ունենալ գիտելիքների պաշար։ Երկրին իհարկե  պետք է տեսլական, ու Աշոտյանն ընդգծում է, որ Փաշինյանը կարող է մասնակցել դրա ստեղծմանը, բայց տեսլականի «դիրիժորն ու կնքահայրը չի կարող լինել»։

«Գործընթացը բացառապես քաղաքական է, ՔԿ-ՀՔԾ պինգ-պոնգը վկա». Աշոտյանին կրկին հարցաքննել են

Անդրադառնալով ԲՀԿ, ՀՅԴ ու «Հայրենիքը» կուսակցությունների համատեղ հանրահավաքին` Աշոտյանն ասաց, որ առանց ՀՀԿ-ի գործուն մասնակցության դժվար է լինելու Հայաստանում պատկերացնել լրջագույն քաղաքական պրոցես, որը կբերի իշխանափոխության: «Եթե որևէ ուժի մոտ դա կստացվի, ես ոտքի կարող եմ ոտքի կանգնել ու ծափահարել»:

Հիշեցնենք, որ Հայաստանի Հանրապետության անկախության 29–րդ տարեդարձին ՀՀ վարչապետ Նիկոլ Փաշինյանը ներկայացրել է ՀՀ մինչև 2050 թ.–ի ռազմավարությունը, որտեղ մատնանշվել է, թե ինչ նշաձող է սահմանված բոլոր ոլորտներում մինչև այդ թվականը հասնելու համար։

22
թեգերը:
հեղափոխություն, Հայաստան, Նիկոլ Փաշինյան, Հայաստանի Հանրապետական կուսակցություն (ՀՀԿ), Արմեն Աշոտյան
Կարմիր խաչ

Կարմիր խաչի ներկայացուցիչներին հաջողվել է այցելել սպա Գուրգեն Ալավերդյանին. մանրամասներ

24
(Թարմացված է 15:06 22.09.2020)
Կարմիր խաչի միջազգային կոմիտեի ներկայացուցիչներն այցելել են Ադրբեջանում ձերբակալված Հայաստանի քաղաքացիներին, այդ թվում՝ հայ սպա Գուրգեն Ալավերդյանին։

ԵՐԵՎԱՆ, սեպտեմբերի 22, Sputnik. Կարմիր խաչի միջազգային կոմիտեի ներկայացուցիչներին հաջողվել է այցելել Ադրբեջանում գտնվող հայ սպա Գուրգեն Ալավերդյանին։ Sputnik Արմենիայի հետ զրույցում տեղեկությունը հայտնեց Կարմիր խաչի միջազգային կոմիտեի հայաստանյան գրասենյակի հաղորդակցման ծրագրերի պատասխանատու Զառա Ամատունին։

«Առաջին անգամ ԿՄԽԿ ներկայացուցիչներն այցելեցին Գուրգեն Ալավերդյանին։ Բացի այդ, այցեր են եղել նաև Ադրբեջանում ձերբակալված մյուս ՀՀ քաղաքացիներին»,–ասաց Ամատունին։

Նա հայտնեց, որ Կարմիր խաչի ներկայացուցիչներն այցի ժամանակ ստուգել են նրանց պահման պայմանները, տեղեկացել առողջական վիճակի մասին, հնարավորություն ընձեռել կապ հաստատել ընտանիքների հետ։

Ամատունու խոսքով` Ալավերդյանից բացի, մյուսներին այցելել էին նաև կորոնավիրուսի օրերին։

Հիշեցնենք, որ այս պահին Ադրբեջանում անազատության մեջ են գտնվում ՀՀ 5 քաղաքացիներ։ Նրանցից Գուրգեն Ալավերդյանը, ՊՆ տվյալներով, օգոստոսի 22-ին` ժամը 19:30-ի սահմանում, մարտական հենակետը ստուգելու ժամանակ մոլորվել էր ու հայտնվել էր Ադրբեջանի տարածքում։  Ադրբեջանի պաշտպանության նախարարությունն էլ հայտարարել էր, թե Ադրբեջանի ԶՈւ–ն գերի է վերցրել «դիվերսանտի»։

24
թեգերը:
Կարմիր խաչ, գերի, Սպա, Գուրգեն Ալավերդյան, Ադրբեջան