«Գազպրոմ Արմենիայի» աշխատակից. արխիվային լուսանկար

«Գազպրոմ Արմենիայում» կրճատումներ են. բոլորի աշխատավարձը 20%-ով կպակասի

184
(Թարմացված է 17:01 08.09.2020)
Sputnik Արմենիայի հարցմանն ի պատասխան «Գազպրոմ Արմենիայից» հաստատեցին տարածված լուրերը՝ մեկնաբանելով, որ կրճատումների պատճառը ՀԾԿՀ-ի` 2020թ.-ին կայացրած որոշումն է:

ԵՐԵՎԱՆ, 8 սեպտեմբերի – Sputnik. «Գազպրոմ Արմենիան» կրճատում է աշխատողների աշխատավարձերը: Ի պատասխան Sputnik Արմենիայի հարցման` լուրը հայտնեցին «Գազպրոմ Արմենիա» ՓԲԸ–ի Հասարակայնության և ԶԼՄ-ների հետ կապերի ծառայությունից:

Բանն այն է, որ Հայաստանում գործող գազի սակագինը հնարավորութուն չի տալիս պահպանել աշխատավարձերի ներկա չափերը, և ընկերությունում որոշել են 20%-ով կրճատել բոլոր աշխատողների աշխատավարձերը:

Նման որոշման պատճառն, ըստ «Գազպրոմ Արմենիայի», ՀՀ Հանրային ծառայությունները կարգավորող հանձնաժողովի` ս.թ. հունիսի 19-ի որոշումն է։

Հիշեցնենք՝ ներկայացրած հայտում «Գազպրոմ Արմենիան» առաջարկել էր գազի միջին սակագինը 1000 խմ-ի համար դարձնել 283.14 դոլար` ներկայիս 255.06 դոլարի փոխարեն, իսկ ՀԾԿՀ-ն սահմանեց 266.71 դոլար:

Նույն որոշմամբ ՀԾԿՀ-ն սահմանել էր նաև ընկերության աշխատողների թվաքանակն ու տարեկան աշխատավարձի ֆոնդի չափը: Դրանք, փաստորեն, նույնպես սահմանվել են փաստացի առակա աշխատողների թվաքանակի և «Գազպրոմ Արմենիայի» տարեկան աշխատավարձի ֆոնդի գործող չափերից ավելի ցածր:

«Գողանում էին». Քոչարյանն ասաց` ինչու են «ՀայՌուսգազարդի» բաժնետոմսերը վաճառել Ռուսաստանին

Այսպիսով, ընկերության ղեկավարությունը պարտավորվում էր կամ 1000 աշխատող կրճատել, կամ կրճատել աշխատավարձերը:

«Որոշումն ուժի մեջ մտնելու պահից՝ ս.թ. թվականի հուլիսի 19-ից, առկա է փաստացի թվաքանակով ընկերության աշխատողների աշխատավարձի գումարային փաստացի չափի և սպառողներին վաճառվող բնական գազի սակագնով նախատեսված աշխատակազմի աշխատավարձի մասով ֆինանսական միջոցների (գումարների) անհավասարակշռություն և, հետևաբար, անհրաժեշտություն է առաջացել ՀՀ աշխատանքային օրենսգրքով սահմանված՝ տնտեսական պայմանների փոփոխման հիմքով նվազեցնել ընկերության բոլոր աշխատողների աշխատանքի էական պայման հանդիսացող աշխատանքի վարձատրության չափը 20%-ով»,- ասված է «Գազպրոմ Արմենիայից» Sputnik Արմենիայի հարցման պատասխանում:

ՀԾԿՀ-ի վերոհիշյալ նիստից հետո «Գազպրոմ Արմենիա» ՓԲԸ–ի վարչության նախագահ, գլխավոր տնօրեն Հրանտ Թադևոսյանը
լրագրողների հետ զրույցում ասել էր, որ «Գազպրոմ Արմենիան» ստիպված է լինելու 1000 աշխատող կրճատել:

Հանքեր, ծխախոտ ու կրթություն. ինչպես է ճգնաժամը խմբագրել ՀՀ խոշոր հարկատուների ցանկը

Նախապես որոշված էր, որ կրճատվելու են հիմնականում հսկիչները՝ շուրջ 7-8 հարյուր հոգի: Մնացած 2-3 հարյուր կրճատվողները պետք է լինեին վարորդներ և այլ աշխատակիցներ:

184
թեգերը:
աշխատատեղ, աշխատանք, աշխատավարձ, Հայաստան, «Գազպրոմ Արմենիա» ընկերություն
Ըստ թեմայի
«Գազպրոմ Արմենիան» առաջարկում է որոշ սպառողների համար գազի գինը բարձրացնել 36%-ով
Վճարումները պետք է կատարել 3 օրում. «Գազպրոմ Արմենիան» հայտարարություն է տարածել
Նիկոլ Փաշինյանը խոսեց գազի գնի ու «Գազպրոմի» մղումների մասին
Հայաստանում միջին աշխատավարձը կազմել է 207 000 դրամ. Փաշինյանը նոր գրառում է արել
Շտապօգնության մեքենա, արխիվային լուսանկար

ՀՀ տեղափոխված վիրավորներից 2-ի վիճակը ծայրահեղ ծանր է. նոր տվյալներ

53
(Թարմացված է 22:24 27.09.2020)
Այս պահին հայաստանյան տարբեր բուժհաստատություններ են տեղափոխվել 18 տուժած, որից 7-ը քաղաքացիական անձինք են, իսկ 11-ը` զինծառայող:

ԵՐԵՎԱՆ, 27 սեպտեմբերի– Sputnik. ՀՀ առողջապահության նախարարությունը նոր տվյալներ է ներկայացրել Արցախում վիրավորում ստացած և Հայաստանի Հանրապետություն տեղափոխված զինծառայողների առողջական վիճակի մասին։

Նախարարության Facebook–յան էջում հրապարակված հաղորդագրության համաձայն` այս պահին հայաստանյան տարբեր բուժհաստատություններ են տեղափոխվել 18 տուժած, որից 7-ը քաղաքացիական անձինք են, իսկ 11-ը՝ զինծառայող:

«Մեծ մասի մոտ առկա են տարբեր աստիճանի բեկորային վնասվածքներ:Տեղափոխվածներից 9-ի վիճակը բժիշկները գնահատում են բավարար, 3-ը` միջին ծանրության, 2-ինը` ծանր, 2-ինը` ծայրահեղ ծանր, 1-ը` հետազոտման փուլում է, 1-ն էլ դուրս է գրվել»,– նշված է հաղորդագրության մեջ։

Սիրիայից 4 000 գրոհային է մասնակցում Ադրբեջանի ռազմական գործողություններին

Նշենք, որ առողջապահության նախարար Արսեն Թորոսյանի հանձնարարականով տարբեր ուղղություններով աշխատանքներ են տարվում: Առողջապահության համակարգի ռեսուրսները ծառայում են մարտական գործողությունների հետևանքով տուժածներին բժշկական օգնություն ու սպասարկում ապահովելու համար:

Տեղեկություններ կան, որ Թուրքիան ավելի քան 300 վարձկան է ուղարկել Ադրբեջան. Սաֆրաստյան

53
թեգերը:
ՀՀ Առողջապահության նախարարություն, Վիրավոր, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Ամբողջ Հայաստանի տարածքում հերթեր են՝ հայտարարված զորակոչին անդամագրվելու համար. տեսանյութ
Մակրոնը մտահոգություն է հայտնել. Փաշինյանը զրուցել է Ֆրանսիայի նախագահի հետ
Արցախում մարդկային և գույքային կորուստների, պատճառված վնասի առթիվ քրգործեր են հարուցվել
«Եկեք անենք ամեն ինչ, որպեսզի հակամարտությունը չվերածվի շարունակական պատերազմի». Տուսկ
ՀՀ վարչապետ Նիկոլ Փաշինյանը հանդիպել է ՊՆ և ԶՈՒ ղեկավար կազմի հետ

Պատժիչ քայլեր և համարժեք գործողություններ. վարչապետը հանդիպել է ՊՆ և ԶՈՒ ղեկավար կազմի հետ

112
(Թարմացված է 22:37 27.09.2020)
Հանդիպման ընթացքում վարչապետը շեշտել է` ՀՀ զինված ուժերի խնդիրը հաղթանակն է, ինչպես միշտ` հայ ժողովուրդը միասնական կանգնած է բանակի կողքին:

ԵՐԵՎԱՆ, 27 սեպտեմբերի– Sputnik. ՀՀ վարչապետ Նիկոլ Փաշինյանն այցելել է պաշտպանության նախարարություն։ Վարչապետի մամուլի ծառայության հաղորդմամբ` այստեղ նա հանդիպել է Զինված ուժերի ղեկավար կազմի հետ՝ ԶՈՒ գլխավոր շտաբի պետ, գեներալ-լեյտենանտ Օնիկ Գասպարյանի և պաշտպանության նախարարի տեղակալ Գաբրիել Բալայանի գլխավորությամբ:

«ՀՀ ԶՈՒ բարձրագույն սպայակազմը վարչապետին է ներկայացրել ղարաբաղա-ադրբեջանական սահմանագոտում հակառակորդի կողմից սանձազերծված ռազմական գործողությունների հետևանքով ստեղծված օպերատիվ իրավիճակը, հակառակորդի գործողությունները զսպելու ուղղությամբ հայկական զինուժի կողմից իրականացվող պատժիչ քայլերն ու համարժեք գործողությունները»,– նշված է հաղորդագրության մեջ։

Հանդիպման ընթացքում վարչապետը շեշտել է` ՀՀ զինված ուժերի խնդիրը հաղթանակն է։ Նա ընդգծել է` ինչպես միշտ` հայ ժողովուրդը միասնական կանգնած է բանակի կողքին:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախում ավելի քան 50 բնակավայր է թիրախավորվել. Արցախի ՄԻՊ

Ըստ վերջին տեղեկությունների` ադրբեջանական զինուժը կորցրել է 3 ուղղաթիռ, 21 անօդաչու թռչող սարք, 30 տանկ և ՀՄՄ։

Հաքերային հարձակման են ենթարկվել հայկական մի շարք ԶԼՄ–ների կայքեր

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիրովոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

Ակնկալում ենք, որ միջազգային հանրությունը կարձագանքի Ադրբեջանի քայլերին. նախագահ

112
թեգերը:
Հայաստան, Արցախ, Զինված ուժեր, Վարչապետ
թեմա:
Ադրբեջանական ագրեսիա Արցախում. 2020
Ըստ թեմայի
Ամբողջ Հայաստանի տարածքում հերթեր են՝ հայտարարված զորակոչին անդամագրվելու համար. տեսանյութ
Արցախի բնակիչները պատմում են Ադրբեջանի հարձակման մասին. տեսանյութ
Սիրիայից 4 000 գրոհային է մասնակցում Ադրբեջանի ռազմական գործողություններին
Վարդան Ոսկանյան

Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան

0
Իրանագետ, ԵՊՀ արևելագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է Արցախի դեմ սանձազերծված լայնածավալ ագրեսիային և հատկապես Իրանի դիրքորոշմանը, առավել ևս, որ մարտական գործողություններն ընթանում են Իրանի հետ սահմանի հարևանությամբ։ 
Ոսկանյան. «Արցախի դեմ Ադրբեջանի ագրեսիան ոտնահարում է նաև Իրանի անվտանգային շահերը»

Իրանագետ, ԵՊՀ արևելագիտության ամբիոնի վարիչ Վարդան Ոսկանյանի դիտարկմամբ` Բաքվի բռնապետական վարչակարգի սանձազերծած ագրեսիան անհանգստացնում է Իրանին, քանզի վերջինս սահմանակից է հակամարտության գոտուն և ըստ էության ոտնահարվում են նաև Իրանի անվտանգային շահերը։

«Եթե հետևենք իրանական մամուլին, որտեղ շատ ակտիվորեն աշխատում են տելեգրամյան ալիքները տարածում են հայկական պաշտոնական տեղեկատվությունը` կատարելով չափազանց հետաքրքիր շեշտադրումներ։ Մասնավորապես նույն տելեգրամյան ալիքների տեղեկատվության մեջ «ադրբեջանական հանրապետություն» եզրույթը չի կիրառվում, այլ օգտագործվում է «Բաքվի վարչախումբ» եզրույթը, ինչը հստակ ցուցիչն է բարեկամական կապերի, որոնք առկա են հայաստանյան իրանագիտական դպրոցի ու իրանցի գործընկերների միջև»,– Sputnik Արմենիայի հետ զրույցում ասաց իրանագետը։

Ոսկանյանի կարծիքով` իրանական կողմին ամենևին ձեռնտու չէ, որ արցախա-ադրբեջանական հակամարտության գոտու երկայնքով մեկ Ադրբեջանը ստանա որևէ առավելություն, որովհետև դա ուղղակիորեն կխաթարի Իրանի անվտանգությունը։

Ադրբեջանցիները կեղծ հաղորդագրություններ են ուղարկում. ԱԱԾ-ն հորդորում է զգոն լինել

Ըստ նրա` արդեն իսկ կան որոշակի լուրեր, որ ադրբեջանական կողմը փորձում է ներազդել Իրանի հյուսիսի թուրքալեզու բնակչության վրա և դեռ չճշգրտված տեղեկությունների համաձայն`  փորձ է արվում այնտեղից հավաքագրել վարձկաններ, ինչը նույնպես խաթարում է Իրանի ներքին անվտանգային միջավայրը։ 

«Իրանը պետականության հնագույն ավանդույթներ ունեցող երկիր է, հետևաբար իրանցիները ուշի–ուշով հետևում են ներկա գործընթացներին, հետևաբար մենք պետք է սերտացնենք աշխատանքները թե՛ Իրանի ԱԳՆ–ի, թե՛ այլ պատկան մարմինների հետ, որպեսզի իրանական դիրքորոշումներն ու մոտեցումները համահունչ լինեն հայկական կողմի դիրքորոշումներին ու մոտեցումներին։ Իրանագետներն էլ պատրաստ են իրենց ողջ ունեցած ներուժն ու հնարավորություններն ի սպաս դնել մեր պետությանը»,– նշեց Ոսկանյանը։

Իրանագետի գնահատմամբ` իրանցիները հռետորաբանության մակարդակում փորձելու են պահպանել հավասարակշռություն, սակայն տեղեկատվական տիրույթում վարելու են հայամետ քաղաքականություն, որպեսզի թուրքական ներգրավվածությունն այդ դաշտում հասցվի նվազագույնի։

Ոսկանյանի խոսքով`ուղղակի թշնամանք կդիտվի Իրանի դեմ նաև այն, որ թուրքական ներգրավվածություն իր մասին զգացնել տա նաև Նախիջևանի հատվածում, որն Իրանի անվտանգության համար պարզապես կենսական գոտի է։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ: Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

0
թեգերը:
Իրանի Իսլամական Հանրապետություն, Պատերազմ, Ադրբեջան, Արցախ, Վարդան Ոսկանյան
թեմա:
Ադրբեջանական ագրեսիա Արցախում. 2020
Ըստ թեմայի
«Գնալու ենք այդ հարցը վերջնական լուծելու». ՀՅԴ–ականները կազմ–պատրաստ սպասում են հրամանի
Բոլոր փաստերը կհավաքենք ու կներկայացնենք. ինչպես է իրականում Ադրբեջանը հարձակումը սկսել
Դավիթ Տոնոյանը Մոսկվա չի մեկնել. ՌԴ-ում ՀՀ դեսպանությունը հերքում է լուրը
Արցախի պաշտպանության բանակն առաջնագծից տեսանյութ է հրապարակել