Արթուր Վաղարշյան

«Իմ քայլում» որոշել են չընտրել ՀՀ նախագահի ներկայացրած թեկնածուին. «Ժողովուրդ»

59
(Թարմացված է 11:52 08.09.2020)
«Ժողովուրդի» տեղեկություններով՝ մերժելով Վաղարշյանին իշխող խմբակցությունը ուզում է ցույց տալ, որ դեմ է նաև Արմեն Սարգսյանի առաջադրած տարբերակին և թեկնածուին:

ԵՐԵՎԱՆ, 8 սեպտեմբերի - Sputnik. Ազգային ժողովի «Իմ քայլը» խմբակցությունը վերջնական որոշում է կայացրել․ Սահմանադրական դատարանի դատավորի պաշտոնում խմբակցությունը չի ընտրելու ՀՀ նախագահի ներկայացրած թեկնածու Արթուր Վաղարշյանին: Տեղեկությունը հայտնում է «Ժողովուրդ» թերթը՝ հղում անելով իր աղբյուրներին։

«Իշխող խմբակցությունն այսպես որոշել է հակադրվել ՀՀ նախագահ Արմեն Սարգսյանին, որը հուլիսի 3-ին՝ սահմանադրական բարեփոխումների մասնագիտական հանձնաժողովի անդամների հետ հանդիպման ժամանակ, հայտարարել էր,որ  Սահմանադրական դատարանի դատավորներին պետք է հետագայում ուղղակի նշանակել, ոչ թե ընտրել»,-գրում է թերթը:

«Ժողովուրդի» տեղեկություններով՝ մերժելով Վաղարշյանին իշխող խմբակցությունը ուզում է ցույց տալ, որ դեմ է նաև Արմեն Սարգսյանի առաջադրած տարբերակին և թեկնածուին:

Հիշեցնենք՝ ՀՀ նախագահ Արմեն Սարգսյանը օգոստոսի 4-ին Սահմանադրական դատարանի դատավորի պաշտոնում առաջադրել է Արթուր Վաղարշյանի թեկնածությունը:

Աբսուրդի ժանրից. ինչի՞ կհանգեցնի Սահմանադրական և Վճռաբեկ դատարանների միավորումը

2018թ. ապրիլի 9-ին իր պաշտոնը ստանձնելու օրվանից մինչև 2019թ. մայիսի 30-ը ՀՀ նախագահն Ազգային ժողովին է ներկայացրել Սահմանադրական դատարանի դատավորի 5 թեկնածու (ևս մեկ թեկնածու հրաժարվել է իր թեկնածության առաջադրումից՝ անմիջապես այն ԱԺ ներկայացնելուց առաջ)։

Ազգային ժողովը մերժել է նախագահի ներկայացրած թեկնածուներից 4-ին:

Գերագույն դատարան ստեղծելու հարցը կներառվի Սահմանադրական բարեփոխումների հայեցակարգում

Արթուր Վաղարշյանի թեկնածությունն առաջին անգամ առաջադրվել է 2019թ. մայիսի 15-ին, Ազգային ժողովը թեկնածուին մերժեց 2019թ. մայիսի 29-ին:

ՀՀ նախագահը Վաղարշյանի թեկնածությունն առաջադրել է երկրորդ անգամ:

59
թեգերը:
Արմեն Սարգսյան, թեկնածու, «Իմ քայլը» խմբակցություն, Սահմանադրական դատարան, Արթուր Վաղարշյան
Ըստ թեմայի
Էդգար Շաթիրյանը դեռևս կառավարության՝ ՍԴ դատավորի թեկնածուն չէ. Մակունց
Կյանքում չարժե որևէ բան բացառել. ՍԴ դատավորի թեկնածուն խոսել է «Իմ քայլի» հետ հանդիպումից
Կառավարությունը ՍԴ դատավորի նոր թեկնածու է գտել. «Ժողովուրդ»
«Իմ քայլը» քննարկել է ՍԴ դատավորների հարցը. մեծամասնությունը դեմ է ՀՀ նախագահի թեկնածուին
Հայ դպրոցականների թիմը

Հաղթանակ. հայ դպրոցականների թիմը մեդալներ է շահել ամենահեղինակավոր օլիմպիադայում

23
(Թարմացված է 23:01 27.09.2020)
Ռազմական իրադարձությունների ֆոնին կրթական հաղթանակը ևս մեկ անգամ հիշեցնում է, որ մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը։

ԵՐԵՎԱՆ, 27 սեպտեմբերի – Sputnik. Այսօր ավարտվել է աշխարհում ամենահեղինակավոր մաթեմատիկայի օլիմպիադան, և հայ դպրոցականների թիմը շահել է 2 արծաթե, 3 բրոնզե մեդալներ և 1 գովասանագիր։ Տեղեկությունը հայտնում է ԲՈԿ նախկին ղեկավար Սմբատ Գոգյանը, որը եղել է դպրոցականների թիմի ղեկավարը։

Հայկական թիմում են եղել Մհեր Կարագուլյանը, Էրիկ Բաբասյանը, Վաչագան Դիլանյանը, Հայկ Կարապետյանը, Տիգրան Չտչյանն ու Վահագն Հովհաննիսյանը։

«Այսօրվա ռազմական իրադարձությունների ֆոնին այս կրթական հաղթանակը բոլորիս հիշեցնում է, որ ռազմի դաշտում հաղթանակների իմաստը հենց հայ հասարակության գոյության և արարման համար է։ Մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը»,– Facebook-ի իր էջում գրել է Գոգյանը։

Մեր թիմն օլիմպիադային մասնակցել է «Քվանտ վարժարանի» տարածքում, իսկ ամբողջ տարվա ընթացքում աշակերտներին իրենց գիտելիքներն են փոխանցել ֆիզմաթ դպրոցի ուսուցիչներ Տիգրան Մարգարյանը, Գուրգեն Ասատրյանը, նախկին օլիմպիականներ Ալբերտ Գևորգյանը, Գագիկ Մաղաքյանը և Սմբատ Գոգյանը։

Հայ դպրոցականները մեդալներ են նվաճել Ինֆորմատիկայի միջազգային օլիմպիադայում

23
թեգերը:
մաթեմատիկա, օլիմպիադա, Սմբատ Գոգյան, Հայաստան
Ըստ թեմայի
Դպրոցականները պետության հաշվին կապահովվեն բժշկական դիմակներով ու ախտահանիչներով
«Որ բացում ենք, էլ չենք փակում. դպրոցներն ու դպրոցականները փորձադաշտ չեն». Փաշինյան
Ո՞ր մանկավարժների և դպրոցականների տրանսպորտային ծախսերը կփոխհատուցվեն. նախարարի հրամանը
Тренировки армянских танкистов

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

95
(Թարմացված է 23:00 27.09.2020)
ՊԲ զինծառայողները խոցել են 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա:

ԵՐԵՎԱՆ, 27 սեպտեմբերի - Sputnik. Արցախա-ադրբեջանական շփման գծում ընթացող մարտական գործողությունների ժամանակ իրականացված հակագրոհի արդյունքում հայկական կողմն առգրավել է հակառակորդի զրահատեխնիկան: Տեղեկությունը Facebook-ի իր էջում հայտնել է ՀՀ ՊՆ խոսնակ Շուշան Ստեփանյանը:

«ՊԲ ստորաբաժանումների հակագրոհի արդյունքում առգրավել է հակառակորդի 11 միավոր զրահատեխնիկա իրենց մարտական լրակազմով, այդ թվում՝ ՀՄՄ-3»,- գրել է նա։

ՀՀ միասնական տեղեկատվական շտաբն էլ Facebook–ի պաշտոնական էջում վերջին ամփոփ տվյալներն է ներկայացրել ադրբեջանական կողմի զինտեխնիկայի կորուստների մասին։
Մասնավորապես, պաշտպանության բանակի զինծառայողները խոցել են
5 ուղղաթիռ, 27 անօդաչու թռչող սարք, այդ թվում՝ հարվածային, 33 տանկ և հետևակի մարտական մեքենա,2 ինժեներական զրահատեխնիկա:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան

Ըստ վերջին տեղեկությունների` ադրբեջանական զինուժը կորցրել է 3 ուղղաթիռ, 21 անօդաչու թռչող սարք, 30 տանկ և ՀՄՄ։

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիրովոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

Հակառակորդի կորուստների թիվն ավելացել է. ևս 1 ուղղաթիռ, 3 տանկ և 7 ԱԹՍ է խոցվել

 

95
թեգերը:
Արցախ, զինտեխնիկա, Արցախի պաշտպանության բանակ (ՊԲ), անօդաչու թռչող սարք, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Արցախի բնակիչները պատմում են Ադրբեջանի հարձակման մասին. տեսանյութ
Տեղեկություններ կան, որ Թուրքիան ավելի քան 300 վարձկան է ուղարկել Ադրբեջան. Սաֆրաստյան
Ադրբեջանում պարետային ժամ է հայտարարվել
Մակրոնը մտահոգություն է հայտնել. Փաշինյանը զրուցել է Ֆրանսիայի նախագահի հետ