Հիվանդանոց. արխիվային լուսանկար

Պետք է պաշտպանել հոգեկան խնդիրներ ունեցող երեխաների իրավունքները. օրենքը կլրացվի

23
(Թարմացված է 15:25 07.09.2020)
Փոխնախարարի խոսքով՝ օրենքում լրացումներ կատարելու դեպքում զգալիորեն կբարելավվի հոգեկան առողջության խնդիրներ ունեցող անձանց իրավունքների պաշտպանությունը և մեխանիզմներ կսահմանվեն։

ԵՐԵՎԱՆ, 7 սեպտեմբերի - Sputnik. Ազգային ժողովի մարդու իրավունքների պաշտպանության և հանրային հարցերի մշտական հանձնաժողովն այսօր հաստատեց «Հոգեբուժական օգնության մասին» օրենքում լրացումներ կատարելու մասին նախագիծը: Հարցը ներառված է ԱԺ առաջիկա նիստի օրակարգում:

ՀՀ առողջապահության փոխնախարար Անահիտ Ավանեսյանը՝ ներկայացնելով օրինագիծը նշեց, որ այն ուղղված է հոգեկան խնդիրներ ունեցող երեխաների իրավունքների պաշտպանությանը։

Առաջարկվող փոփոխությունների համաձայն ՝ չափահաս դարձած և հոգեբուժական օգնության կարիք ունեցող անձը պետք է համաձայնություն տա հոսպիտալացման համար, եթե նա ի վիճակի է ինքնուրույն որոշումներ կայացնել, չնայած՝ նրան անգործունակ են ճանաչել։

«Խաղաղություն երեխաներին». Խաշթառակում ծեծված 4–ամյա փոքրիկը դուրս է գրվում հիվանդանոցից

Իսկ, եթե երեխայի 16–ամյակը չի լրացել, նրա համար որոշում են ընդունում նրա օրինական ներկայացուցիչները, մասնավորապես ՝ ծնողները։ Հոգեկան խնդիրներով երեխային հոսպիտալացնելու հարցը լուծում է բժշկական կոնսիլիում։ Եթե երեխան հոսպիտալացման կարիք ունի, սակայն ինչպես նա, այնպես էլ նրա ծնողները դեմ են, համապատասխան եզրակացություն տված բժշկական կենտրոնի ներկայացուցիչն իրավունք ունի դիմելու դատարան:

Ընդ որում՝ անհրաժեշտ է բժիշկների եզրակացությունն այն մասին, որ երեխան վտանգ է ներկայացնում հասարակության համար։ Այնուհետև որոշումը կայացնում է դատարանը, որի վճիռը պարտադիր է կողմերի համար։

Ավանեսյանը նշեց, որ այս օրինագծի ընդունումը թույլ կտա բարելավել մտավոր խնդիրներ ունեցող երեխաների իրավունքների պաշտպանության ոլորտում տիրող իրավիճակը:

Փոխնախարարն ընդգծեց, որ բժիշկ-հոգեբանների կարծիքով՝ չափահասները կարող են գիտակցել արդյոք իրենց անհրաժեշտ է բժշկական օգնություն։ Քննարկումների արդյունքում որոշվեց հարցը ներառել ԱԺ առաջիկա նիստի օրակարգում:

«Ազգին հոգեբա՞ն է պետք». ինչպիսին է հոգեկան առողջության վիճակը Հայաստանում

Կարևորելով առաջարկվող լրացումները՝ պատգամավորներն արձանագրել են, որ այս օրինագիծը մեկ քայլ առաջ է մարդու իրավունքների պաշտպանության հարցում: Փոփոխությունները հավանության են արժանացել հանձնաժողովի կողմից։

23
թեգերը:
երեխա, Օրենք, Հայաստան
Ըստ թեմայի
«Ձորակ» հոգեկան առողջության խնդիրներ ունեցողների կենտրոնում կորոնավիրուսի դեպք է հաստատվել
Բաժին առ բաժին վերանորոգվում է Նուբարաշենի հոգեկան առողջության կենտրոնը
Հոգեկան առողջության կենտրոնը 100%–ով ծանրաբեռնված է. ինչո՞ւ մարդկանց տուն չեն տանում
Գերեվարված Ղազարյանի հոգեկան վիճակի մասին տվյալները փոխանցվել են Կարմիր Խաչին
Սու-25

Վալերի Դանելինը 2 երեխաների հայր էր. ի՞նչ է հայտնի հայկական Սու-25-ի օդաչուի մասին

37
Ծանոթները զոհված օդաչուին բնութագրում են որպես շատ բարի, հանգիստ և հավասարակշռված մարդ:

ԵՐԵՎԱՆ, 30 սեպտեմբերի – Sputnik. Խոցված Սու-25-ի օդաչու, ՀՀ ԶՈւ մայոր Վալերի Դանելինը Գյումրու բնակիչ էր, 33 տարեկան։

Օդաչուն զոհվել է Սու-25 գրոհայինով թռիչք կատարելիս՝ հետ մղելով Հայաստանի ռազմական և քաղաքացիական օբյեկտների ուղղությամբ հարձակումները: Ինքնաթիռը խոցվել է սեպտեմբերի 29-ի առավոտյան Թուրքիայի ՌՕՈւ F-16 կործանիչի կողմից, որն օդ է բարձրացել Ադրբեջանի «Գյանջա» օդանավակայանից։

Վալերի Դանելին երկու երեխաների հայր էր, որդին երեք տարեկան է, դուստրը` վեց։

Վալերիի պապը ռուս է եղել, որն ամենայն հավանականությամբ, Հայաստան է տեղափոխվել դեռ ցարական ժամանակներում։

Ծանոթները նրան բնութագրում են որպես շատ բարի, հանգիստ և հավասարակշռված մարդ:

 

37
թեգերը:
հայր, Օդաչու, Հայաստան
Արխիվային լուսանկար

Կենտրոնի հարյուրավոր թոշակառուներ խնդրում են իրենց այս ամսվա թոշակը փոխանցել բանակին

17
(Թարմացված է 14:02 30.09.2020)
Կենտրոն վարչական շրջանի ղեկավարը մեծ ուրախությամբ է հայտնել հուզիչ լուրը։ Վստահ է, որ մեր ազգն անպարտելի է։

ԵՐԵՎԱՆ, 30 սեպտեմբերի - Sputnik. Կենտրոն վարչական շրջանի մի քանի հարյուր թոշակառուներ իրենց այս ամսվա թոշակը կփոխանցեն հայոց բանակին։ Տեղեկությունը Facebook-ի իր էջում գրել է Կենտրոն վարչական ղեկավար Ավետ Պողոսյանը։

«Էն, որ մեր ազգն անպարտելի է, համոզվում ես ամեն քայլափոխի: Ամենաթարմ ու ամենահուզիչ ապացույցն ասածիս այսօր արձանագրվեց: Կենտրոն ՎՇ-ի մի քանի հարյուր թոշակառուներ կապ են հաստատել Սոցիալայան աջակցության կենտրոնի բաժնի հետ ու պայքարել, որ իրենց այս ամսվա թոշակը փոխանցվի բանակին: Ես ձեր ցավը տանեմ, սիրելիներս»,–գրել է Պողոսյանը։

Նշենք, որ Արցախում սկսված լայնածավալ ռազմական գործողություններից հետո Հայաստանում ոչ միայն կամավորների մեծ խմբեր են հավաքվում ճակատ գնալու համար, այլև մեծ քանակությամբ մթերք ու դեղորայք է հավաքվում։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 75 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

17