Արխիվային լուսանկար

Ամուլսարում գիշերն անհանգիստ է եղել. կողմերը միմյանց են մեղադրում ծեծի ու սադրանքի մեջ

91
(Թարմացված է 11:31 07.09.2020)
Կողմերից յուրաքանչյուրը տեղի ունեցածի վերաբերյալ իր տեսանյութն է հրապարակել։

ԵՐԵՎԱՆ, 7 սեպտեմբերի — Sputnik. Ամուլսարի հանքի շահագործման դեմ պայքարող ակտիվիստ Շիրակ Բունիաթյանը Facebook-ում տեսանյութ է հրապարակել, որում հայտարարում է, որ «Լիդիան Արմենիա» ընկերության նոր պահնորդական ծառայության աշխատակիցները անցած գիշեր հարձակվել ու ծեծի են ենթարկել այնտեղ հերթապահող ակտիվիստներին։

«Դաժան ծեծի են ենթարկել, ուղղակի քարշ տալով մտցրել են ներս ու սկսել են ծեծել։ Բանից պարզվում է, որ այս մարդիկ ավելի սադրիչ են, քան նախկինները»,– տեսանյութում հայտարարում է Բունիաթյանը` հավելելով, որ իրենց եզրակցությամբ «Լիդիանը» պահնորդներին հստակ առաջադրանք է տվել «ուժ կիրառել համայնքի բնակիչների նկատմամբ»։

Ամուլսարում լարված իրավիճակ է. մեծ թվով պահնորդներ են եկել

Նրա խոսքով` տեղի ունեցածին միջամտել են ոստիկանները, որի արդյունքում պահնորդները հարվածել են նաև ոստիկանության աշխատակցի, և ակտիվիստներից մի քանիսը տեղափոխվել են հիվանդանոց։

Իր հերթին «Լիդիան Արմենիան» ևս տեսանյութ է հրապարակել «Իրականությունը «խաղաղ ցուցարարների» ու «բնապահպանների» մասին» վերնագրով, որտեղ երևում է, որ ակտիվիստները «Լիդիանի» տարածքի մուտքի մոտից քարեր են նետում պահնորդների ուղղությամբ և քարով ջարդում տարածքում կայանված ավտոմեքենան։ Մեկ այլ դրվագում «Լիդիանի» տարածք մուտք գործած անձինք ոտքով հարվածում են տարածքը հսկող շներին։

Հիշեցնենք` «Լիդիան Արմենիա» ընկերությունն օրեր առաջ հայտարարություն էր տարածել, որտեղ նշել էր, որ սեպտեմբերի 1-ից Ամուլսարի տարածքում տեղի է ունեցել պահնորդական ծառայության փոփոխություն՝ նախորդ պահնորդական ծառայության հետ պայմանագրի ժամկետի լրանալու հիմքով։

Տարածված հաղորդագրության մեջ նաև նշվում էր, որ օգոստոսի 31-ին Ամուլսարի շրջակայքում բողոքի կցիա իրականացնող ակտիվիստները փորձել են խոչընդոտել նոր պահնորդական ծառայության աշխատակիցների մուտքը պահպանվող տարածք։

Ըստ հաղորդագրության` 10-15 մարդուց բաղկացած խումբը փորձել է սադրել պահնորդական կազմակերպությանը` դիտավորյալ վնաս պատճառելով ընկերության գույքին՝ մեքենաների անվադողերի տակ տեղադրելով ինքնաշեն մեխեր։

«Լիդիան Արմենիան» աշխատատեղերի վերականգնման գործընթաց է սկսում

91
թեգերը:
տեսանյութ, ՀՀ Ոստիկանություն, Ոստիկանություն, Հայաստան, Լիդիան, Ամուլսար
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (87)
Ըստ թեմայի
Փրկիր Ամուլսարը. Ազգային ժողովի բակում արտասովոր ակցիա անցկացվեց
Ամուլսարը ռադիոակտի՞վ է․ պատասխանում են ոչ թե ակտիվիստները, այլ մասնագետները
Ամուլսարի հարցում պետություն գոյություն չունի. Ռոբերտ Քոչարյանը քննադատեց իշխանությանը
Совместные батальонные тактические учения военнослужащих российской военной базы ЮВО и военнослужащих ВС МО РА

«Կովկաս 2020» զորավարժությունների ժամանակ Հայաստանում ավիացիա է գործարկվել

24
(Թարմացված է 19:33 21.09.2020)
Հարավային ռազմական շրջանի ու ՀՀ ԶՈւ ստորաբաժանումների պրակտիկ մարտական գործողությունների խաղարկումն անցկացվում է այս տարվա սեպտեմբերի 21-ի 26-ը հայ-ռուսական միացյալ խմբավորման հրամանատար Տիգրան Փարվանյանի ղեկավարության ներքո։

ԵՐԵՎԱՆ, 21 սեպտեմբերի – Sputnik. Հարավային ռազմական շրջանի ու ՀՀ պաշտպանության նախարարության մոտ քսան միավոր ավիացիա է գործարկվել Հայաստանում կայացած «Կովկաս 2020» ռազմավարական զորավարժությունների ընթացքում։ Տեղեկությունը հայտնում է ՀՌՇ մամուլի ծառայությունը։  

«Ալագյազ» զորավարժարանում անցկացված զորավարժություններում գործարկվել են դեսանտային-գրոհիչ Մի-8ՄՏՎ ու հարվածային Մի-24 ուղղաթիռները։

«Բանակային ավիացիան կապահովի դեսանտի անցումն ու վայրէջքը, զորքերի հարձակման պահպանությունը, կրակային հարվածներ կհասցնի պայմանական հակառակորդի ռազմական տեխնիկայի շարասյուներին ու օբյեկտներին։ Հարավային ռազմական շրջանի ու ՀՀ ԶՈւ ստորաբաժանումների պրակտիկ մարտական գործողությունների խաղարկումն անցկացվում է այս տարվա սեպտեմբերի 21-ի 26-ը հայ-ռուսական միացյալ խմբավորման հրամանատար Տիգրան Փարվանյանի ղեկավարության ներքո», - նշված է հաղորդագրության մեջ։

Այս զորավարժություններն առանձնահատուկ են, որովհետև կորոնավիրուսի տարածմամբ պայմանավորված` դրանք անցկացվում են հակահամաճարակաբանական միջոցների խիստ պահպանմամբ։

«Կովկաս-2020»-ը ՌԴ-ում. ինչպես են ընթանում վարժանքների նախապատրաստական աշխատանքները

Ընդհանուր առմամբ «Կովկաս 2020» զորավարժություններին Հայաստանում մասնակցում է ավելի քան 1,5 հազար մարդ, 300 միավոր ռազմական տեխնիկա, այդ թվում նաև երկու երկրների օպերատիվ-մարտավարական, բանակային ու անօդաչու ավիացիան։

«Կովկաս 2020» զորավարժությունը կանցկացվի Հարվային ռազմական շրջանի տարածքում 2020 թվականի 21-ից 26 –ը ՌԴ ԶՈւ Գլխավոր շտաբի պետ, ՌԴ պաշտպանության նախարարի առաջին տեղակալի ղեկավարության ներքո ու կլինի Ռուսաստանի Զինված Ուժերի օպերատիվ (մարտական) պատրաստականության համալիր միջոցառումների վերջին փուլը։

24
թեգերը:
Ռուսաստան, Զորավարժություններ, Հայաստան, «Կովկաս-2020» ռազմավարական հրամանատարաշտաբային զորավարժություն
Ըստ թեմայի
Հայաստանը կմասնակցի «Կովկաս-2020» զորավարժությունների ցամաքային մասին
Հայաստանում ՀԱՊԿ երկու զորավարժություն կանցկացվի. ինչ խնդիր է դրված
Հայաստանը Բելառուսում կմասնակցի ՀԱՊԿ–ի խաղաղապահ զորավարժություններին
Սերժ Սարգսյանը Եռաբլուրում

Սերժ Սարգսյանն այցելել է Եռաբլուր. ինչ է խոստացել նա իրեն մոտեցած լրագրողներին

33
(Թարմացված է 19:45 21.09.2020)
Սերժ Սարգսյանը ծաղիկներ է խոնարհել սպարապետ Վազգեն Սարգսյանի, Անդրանիկ Օզանյանի շիրիմներին:

ԵՐԵՎԱՆ, 21 սեպտեմբերի — Sputnik. ՀՀ երրորդ նախագահ Սերժ Սարգսյանն Անկախության տոնի առթիվ այցելեց «Եռաբլուր» զինվորական պանթեոն:

Սարգսյանը հարգանքի և երախտագիտության տուրք մատուցեց Հայրենիքի համար կյանքը զոհաբերած իր մարտական ընկերների և նահատակված բոլոր նվիրյալ հայորդիների հիշատակին:

ՀՀ երրորդ նախագահը ծաղիկներ խոնարհեց սպարապետ Վազգեն Սարգսյանի, Անդրանիկ Օզանյանի շիրիմներին, ծաղկեպսակ դրեց զոհված ազատամարտիկների հիշատակը հավերժացնող հուշահամալիրին:

Եռաբլուրում լրագրողները Սերժ Սարգսյանին խնդրեցին մեկնաբանել Ադրբեջանի նախագահ Իլհամ Ալիևի հայտարարությունը, թե բանակցություններ գոյություն չունեն, և որ նա դրանում մեղադրում է Հայաստանի իշխանություններին: Սերժ Սարգսյանը խոստացավ այդ հարցին պատասխանել ավելի ուշ:

Ինչ ունենք անկախությունից 29 տարի անց. Քոչարյանի և Սարգսյանի շնորհավորանքն ու տեսլականը

«Շուտով ձեզ կհրավիրենք ասուլիսի և կպատասխանենք ձեր բոլոր հարցերին»,- ասաց նա:

Հարցին, թե արդյո՞ք Սերժ Սարգսյանը պատերազմի վտանգ տեսնում է, նա նույնպես խոստացավ անդրադառնալ առաջիկա մամուլի ասուլիսում:

Հիշեցնենք՝ պաշտոնաթողությունից հետո կազմակերպված առաջին ասուլիսի ժամանակ` այս տարվա օգոստոսի 19-ին, ՀՀ երրորդ նախագահ Սերժ Սարգսյանը պատասխանել էր բացառապես 2016թ-ի ապրիլյան պատերազմին վերաբերող հարցերին: Բոլոր այլ հարցերին Սարգսյանը խոստացել էր պատասխանել հետագա ասուլիսների ընթացքում:

Սերժ Սարգսյանը նաև նշել էր, որ այսուհետ մտադիր է լրատվամիջոցների հետ հանդիպել պարբերաբար: Ընդ որում, հաջորդ ասուլիսի թեման, նրա որոշմամբ, լինելու է արցախյան խնդիրը:

Պարզ է, չէ՞, որ Ալիևն ինքն իրեն չէր մեղադրելու. Դավիթ Տոնոյան

33
թեգերը:
Լրագրող, Եռաբլուր պանթեոն, Սերժ Սարգսյան
թեմա:
ՀՀ նախագահ Սերժ Սարգսյան
Ըստ թեմայի
Ինչ են քննարկել Պուտինն ու Ալիևը Հայաստանի առնչությամբ. Բաքուն մանրամասներ է հայտնել
Ինչ է տեղի ունեցել 2002թ–ին Քի Վեսթում և ինչ է պատմել ճաշի ժամանակ Հեյդար Ալիևը Քոչարյանին
Ալիևի հայտարարությունը հուզական էր. Զոհրաբ Մնացականյանը` ղարաբաղյան գործընթացի մասին
Քիմ Քարդաշյանն ու Քանյե Ուեսթը

Քարդաշյանն արդեն ամեն ինչ պատրաստել է ամուսնալուծության համար. ԶԼՄ

0
(Թարմացված է 20:09 21.09.2020)
Քիմ Քարդաշյանի որոշումն էլ ավելի սրել ամուսնու`ռեփեր Քանյե Ուեսթի երկբևեռ (բիպոլյար) խանգարումը։

ԵՐԵՎԱՆ, 21 սեպտեմբերի — Sputnik. Աշխարհահռչակ ամերիկահայ հեռուստաաստղ, գործարար Քիմ Քարդաշյանը և նրա ոչ պակաս հայտնի ամուսինը ՝ ռեփեր Քանյե Ուեսթը, մտադիր են ամուսնալուծվել։ Տեղեկությունը հայտնում է Page Six-ը:

Աստղային զույգին մոտ գտնվող անանուն աղբյուրը պարբերականին պատմել է, որ ամուսնալուծության նախաձեռնողը Քարդաշյանն է։ Նա չի կարողանում հաշտվել ամուսնու վերջին ելույթների հետ, որոնք վերաբերում էին իրենց դստերը՝ Նորթին և աբորտների թեմային։

Քիմի որոշումն էլ ավելի է սրել ռեփերի երկբևեռ (բիպոլյար) խանգարումը։ «Քարդաշյանն արդեն ամեն ինչ պատրաստել է բաժանության համար, բայց սպասում է, թե երբ ամուսնու մոտ կավարտվի սրված վիճակը», - ասել է աղբյուրը:

Հիշեցնենք, որ զույգի ամուսնալուծության մասին սկսեցին խոսել Հյուսիսային Կարոլինայում Քանյեի սկանդալային ելույթից հետո: Այդ ժամանակ նա, ի թիվս այլ բաների, անդրադարձել էր հղիությունների արհեստական ընդհատման թեմային և պատմել, որ քիչ էր մնում ինքն էլ աբորտի զոհ դառնար։ Բացի այդ, հայտնի ռեփերը խոստովանել է, որ Քիմը ցանկանում էր ընդհատել հղիությունը, որբ Նորթով էր հղի, բայց ինքը թույլ չի տվել, որ նա դա անի:

Դրանից հետո Ուեսթը Twitter-ում տասնյակ սկանդալային հրապարակումներ էր արել, որոնք անմիջապես հեռացվել էին։ Սակայն հասարակությունն, այնուամենայնիվ, իմացել է զույգի ընտանեկան խնդիրների մասին։

Քիմ Քարդաշյանի ամուսինը նոր հայտեր է ներկայացրել նախագահի ընտրությանը մասնակցելու համար

Քանյեն նաև մեղադրել է կնոջն ու զոքանչին` ասելով, որ նրանք փորձել են իրեն փակել հոգեբուժարանում։ Ռեփերը բազմիցս խոսել է իր հոգեկան վիճակի մասին ՝ խոստովանելով, որ երկբևեռ խանգարում ունի։

Որոշ ժամանակ անց Քիմը մեկնաբանել է ամուսնու պահվածքն ու հաստատել, որ նա երկբևեռ խանգարում ունի։ Քարդաշյանը նշել է, որ ընտանեկան ողբերգություն է, երբ ընտանիքի անդամներից մեկն առողջական խնդիրներ ունի:

Դրանից հետո արդեն ռեփերը հրապարակավ ներողություն է խնդրել կնոջից այն բանի համար, որ հանրության սեփականությունն է դարձրել է իրենց անձնական խնդիրները։

Քարդաշյան-Ուեսթ ընտանիքում ներդաշնակություն է․ Քիմը սրտառուչ լուսանկար է հրապարակել

Հիշեցնենք, որ Քիմն ու Քանյեն ամուսնացել են 2014 թվականին և 4 երեխա ունեն։ 2015 թվականի ապրիլին Քանյեն միացավ Քիմին Հայաստան կատարած ուղևորության ժամանակ։ Ուեսթը եղել է Գառնիում, Գյումրիում և նույնիսկ անվճար համերգ տվել Երևանի սրտում՝ Կարապի լճում։

0
թեգերը:
ամուսնալուծություն, Քանյե Ուեսթ, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան
Ըստ թեմայի
«Շատ ավելի թույն տեսք». ռուս բորտուղեկցորդուհին «ձեռնոց է նետել» Քիմ Քարդաշյանին
«Զմրուխտ, սուտակ, շափյուղա». Քարդաշյան քույրերն օծանելիքի նոր հավաքածու են թողարկել
Քիմ Քարդաշյանը «սառեցնում է» սոցցանցերի անձնական էջերը. ի՞նչը նրա սրտով չէ