Հայաստանը Բուլղարիայից, Բենիլյուքսից և Գերմանիայից հետ կընդունի իր անօրինական միգրանտներին

252
(Թարմացված է 12:43 07.09.2020)
ԵՄ երկրներից ամենաշատը Ֆրանսիայից, Գերմանիայից, Նիդեռլանդներից և Բելգիայից են ՀՀ անօրինական միգրանտներին հետ ընդունում։

ԵՐԵՎԱՆ, 7 սեպտեմբերի — Sputnik. ՀՀ ԱԺ արտաքին հարաբերությունների մշտական հանձնաժողովն այս պահին քննարկում է Բուլղարիայի, Բենիլյուքսի և Գերմանիայի հետ առանց թույլտվության բնակվող անձանց հետընդունման (ռեադմիսիա) մասին համաձայնագրի վավերացման հարցը։

Տարածքային կառավարման և զարգացման նախարարության միգրացիոն ծառայության պետ Արմեն Ղազարյանը հայտնեց, որ այս առումով ՀՀ քաղաքականությունը միտված է ԵՄ անդամ երկրների հետ միգրացիայի ոլորտում համագործակցության սերտացմանը։

«Հայաստանի համար կարևոր են Ֆրանսիայի, Գերմանիայի, Նիդեռլանդների և Բելգիայի հետ հարաբերությունները, քանի որ ամենաշատ հետ ընդունումն իրականացվում է այս երկրներից։ Մասնավորապես, եթե 2017-18-ին Գերմանիայի հետ Հայաստանն ուներ իր քաղաքացիների հետ ընդունման խնդիրներ, հիմա Ֆրանսիայի հետ կան խնդիրներ»,–ասաց Ղազարյանը։

Նրա խոսքով` ռեադմիսիայի պայմանագիր Հայաստանն ունի ընդամենը երեք երկրի հետ` Ֆրանսիայի, Էստոնիայի և Չեխիայի։ Այժմ Ֆրանսիայից քաղաքական ապաստան խնդրողների 97 տոկոսը մերժում է ստանում։

Ղազարյանը հիշեցրեց, որ 2020-ին ՀՀ կառավարությունը ծրագրել է աջակցության ծրագիր հարկադիր վերադարձողների համար։

Մասնավորապես, նրանց 6 ամիս տրամադրվում է 60 000 դրամ բնակվարձի փոխհատուցման համար։

Նա նշեց` անօրինական միգրացիայի դեմ պայքարը խիստ կարևորվում է, և արձանագրությունների վավերացումը դրական ազդեցություն կունենա այդ համագործակցության ընդլայնման վրա:

ԱԺ արտաքին հարաբերությունների մշտական հանձնաժողովը տվեց իր դրական եզրակացությունն այդ համաձայնագրերը վարերացնելու համար։ Ի դեպ, արձանագրություններն ուժի մեջ կմտնեն ՀՀ-ԵՄ հետ ընդունման հարցերով համատեղ կոմիտեին կողմերին անհրաժեշտ ներքին ընթացակարգերի ավարտման մասին ծանուցելուց հետո ՝ երկրորդ ամսվա առաջին օրը:

ԱԱԾ–ն բացահայտել է անօրինական միգրացիայի կազմակերպման հերթական դեպքը

Հիշեցնենք, որ Եվրոստատի համաձայն` նախորդ երկու տարիներին Եվրամիության անդամ բոլոր երկրներում (ինչպես նաև Շվեյցարիայում ու Նորվեգիայում) առաջին անգամ ապաստան հայցող ՀՀ քաղաքացիների ընդհանուր թիվը կրճատվել է մոտ երկու անգամ՝ 6875-ից հասնելով 3525-ի:

Ի դեպ, 2018-ին ԵՄ երկրներից Հայաստան են վերադարձրել 4 125, իսկ 2019-ին` 3 755 անօրինական միգրանտ։

«Տղերք, չքաշեք ո՛չ հայերին, ո՛չ ձեզ». ինչպես է Շավարշ քեռին խրատում Օսեթիայի միգրանտներին

252
թեգերը:
Բուլղարիա, Գերմանիա, Հայաստան, միգրացիա, միգրանտ
Ըստ թեմայի
ԱԱԾ–ն բացահայտել է անօրինական միգրացիայով զբաղվող հանցավոր խմբերի. կան ձերբակալվածներ
Հայ խոպանչիներն արտոնյալ են. Ռուսաստանը միգրանտներին արգելում է աշխատել որոշ ոլորտներում
Ավետիսյան. «Աշխատանքային միգրանտների հարցում Հայաստանը չունի հստակ քվոտավորում»
ԼՂՀ

Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ

152
(Թարմացված է 11:18 27.09.2020)
Պաշտպանության բանակի առաջապահ ստորաբաժանումները հաջողությամբ հետ են մղում հակառակորդի բոլոր գրոհները։

ԵՐԵՎԱՆ, 27 սեպտեմբերի – Sputnik. Արցախի պաշտպանության նախարարությունը տեղեկացնում է, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Տոնոյանը Ադրբեջանի հերթական սադրանքի մասին տեղեկացրել է Կասպշիկին

«Հակառակորդը, ռազմական ավիացիայի, անօդաչու թռչող սարքերի, զրահատեխնիկայի ու հրետանու կիրառմամբ, գրոհներ է ձեռնարկում առաջնագծի տարբեր հատվածներում»,–նշված է հաղորդագրության մեջ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Մարտերը շարունակվում են:

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Հակառակորդի կրակոցների հետևանքով մեկ կին և մեկ երեխա են մահացել։ Կան նաև վիրավորներ։

152
թեգերը:
Հայաստան, Ղարաբաղյան հակամարտություն, Լեռնային Ղարաբաղ, Արցախ
Ըստ թեմայի
Հայաստանում կորոնավիրուսից 2 կին և 1 տղամարդ են մահացել
Ինչ իրավիճակ է Ստեփանակերտում. տեսանյութ
ԱԱԾ-ն հորդորում է սոցիալական կայքերում կասկածելի տեղեկատվություն հանդիպելիս դիմել իրենց
Հիվանդանոց, արխիվային լուսանկար

Հայաստանում կորոնավիրուսից 2 կին և 1 տղամարդ են մահացել

13
(Թարմացված է 11:11 27.09.2020)
Մահացածներն ունեցել են ուղեկցող խրոնիկական հիվանդություններ:

ԵՐԵՎԱՆ, 27 սեպտեմբերի – Sputnik. Կորոնավիրուսը Հայաստանում ևս 3 մարդու կյանք է խլել։ Տեղեկությունը հայտնում է ՀՀ առողջապահության նախարարությունը։

«Պացիենտները եղել են 90 (կին), 82 (տղամարդ) և 81 (կին) տարեկան։ Բոլորն ունեցել են ուղեկցող խրոնիկական հիվանդություններ»,- նշված է հաղորդագրության մեջ։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 328-ով ու հասել 49 400-ի:

Սեպտեմբերի 27-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 49400 դեպք, որոնցից 43613-ն` առողջացած, 951-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 4541 պացիենտ: Ընդհանուր առմամբ կատարվել է 284226 թեստավորում:

Այսպիսով` երեկ կատարվել է 3860 թեստավորում, որից հաստատվել է կորոնավիրուսային հիվանդության 328 նոր դեպք: Ունենք 37 առողջացած:

13
թեգերը:
տղամարդ, Կին, Մահ, թեստ, կորոնավիրուս, Հայաստան
թեմա:
Կորոնավիրուսը Հայաստանում և Արցախում