Հրայր Հովակիմյանը

Հայաստանում նա երբեք աշխատավարձ չի ստացել. ինչ են պատմում Հրայր Հովակիմյանի մասին

558
(Թարմացված է 09:44 07.09.2020)
Հայտնի կարդիովիրաբույժ Հրայր Հովակիմյանը, հանուն որի շատերն են գալիս Հայաստան, օրեր առաջ պարգևատրվեց պետական բարձր մրցանակով։ Sputnik Արմենիա պարզել է, թե ինչ են նրա մասին պատմում գործընկերները։

«Նորք-Մարաշ» բժշկական կենտրոնում կարդիովիրաբույժ Հրայր Սահակի անունն արտաբերում են լայն ու ջերմ ժպիտով։ Նա վաղուց արդեն այստեղի յուրաքանչյուր աշխատակցի հպարտությունն է դարձել, չէ՞ որ 90-ականների սկզբից մինչև օրս հազարավոր կյանքեր է փրկել, իր ծանրակշիռ ներդրումն ունեցել երկրում սրտաբանության զարգացման և սրտանոթային վիրաբուժության ծառայության հիմնադրման գործում։ Իսկ բոլորովին վերջերս դարձավ Հայաստանի Հանրապետության Ազգային հերոսի կոչում ստացած առաջին ու միակ բժիշկը։

Кардиолог, кардиохирург Грайр Овакимян (9 марта 2020). Еревaн
© Sputnik / Asatur Yesayants
Հրայր Հովակիմյանը

Հայաստանում նա երբեք աշխատավարձ չի ստացել, աշխատել է բացառապես հասարակական հիմունքներով, պարբերաբար մեկնել է ԱՄՆ և այնտեղ էլ սրտի բարդ վիրահատություններ իրականացրել։ Ներկա պահին Հրայր Հովակիմյանն ԱՄՆ-ում է, բայց ամենայն հավանականությամբ՝ շուտով կգա Հայաստան Հայրենիքի հերոսի շքանշանն անձամբ ստանալու։

«Նորք-Մարաշ» ԲԿ-ի տնօրեն Միքայել Ադամյանը Sputnik Արմենիայի թղթակցին պատմեց, որ բժիշկն ինքը շատ հուզված է, բայց իրեն հատուկ զսպվածությամբ ցույց չի տալիս դա։ Ադամյանի հետ հեռախոսազրույցում Հովակիմյանն ասել է, որ այդ կոչմանն առավել արժանի շատ մարդիկ կան, բայց հպարտ է, որ իրեն են տվել։

Ադամյանը վստահ է` Հրայր Սահակին լավագույն բժիշկներից մեկն է։ Նա բազմաթիվ կյանքեր է փրկել, այդ թվում՝ հենց Ադամյանինը։ Բժիշկ Հովակիմյանը նրան վիրահատել է ավելի քան 20 տարի առաջ և առողջության հետ միասին երազանք է նվիրել՝ լավ բժիշկ դառնալու երազանք։

Директор медцентра “Норк-Мараш” Микаел Адамян
© Sputnik / Asatur Yesayants
Միքայել Ադամյանը

«Երբ ինձ վիրահատեց, ես արդեն սովորում էի բժշկական համալսարանում, ու շփումները Հովակիմյանի հետ ավելի ամրապնդեցին իմ` սրտաբան դառնալու մտադրությունը։ Իսկ հիմա ճակատագրի բերումով ղեկավարում եմ այս բժշկական կենտրոնը, որտեղ վիրահատվել եմ և կարող եմ շփվել մարդու հետ, ով փոխել է իմ կյանքը»,-նշեց նա։

Ադամյանը Հովակիմյանին վիրտուոզ վիրաբույժ և հոգատար ուսուցիչ է անվանում, որը երբեք չի փակում աշխատասենյակի դուռը և պատրաստ է ժամեր շարունակ քննարկել խնդիրներն ու ախտորոշումները։

Իսկ «Նորք-Մարաշ» ԲԿ-ում Հովակիմյանի «փոխանորդը»՝ սրտանոթային վիրաբուժության ծառայության ղեկավար Գագիկ Գեբոյանը հավատացնում է, որ իր ուսուցչի աշխատասենյակում բուռն քննարկումներ են ընթանում ոչ միայն բժշկական, այլև մշակույթի, պատմության և շատ այլ թեմաներով։

Кардиохирург, руководитель службы сердечно-сосудистой хирургии Гагик Гебоян
© Sputnik / Aram Nersesyan
Գագիկ Գեբոյանը

Այդ պատճառով Հովակիմյանի աշխատասենյակը հաճախ «Վերնատուն» են անվանում։ Գեբոյանն ասում է, որ Հովակիմյանը շատ խորը և ինտելեկտուալ մարդ է, և իր բախտը բերել է, որ իրենց ուղիները խաչվել են`ինքը կարող է շփվել նրա հետ, վիրահատել նրա հետ միասին։

«Նա այնպես է անում, որ սիրահարվում ես մասնագիտությանդ, երակների մեջ է մտցնում ու անդադար ստիպում կատարելագործվես։ Երիտասարդ մասնագետներին դժվար է մի տեղում երկար պահել, դրա համար գայթակղություն է պետք։ Հրայրն այդ գայթակղությունն է ինձ համար, և ոչ միայն ինձ։ Նա նայում է մեզ 20 հազար հիվանդների պատմությունների միջով ու հավասարի նման շփվում, կարծիք հարցնում, և դա չի կարող չոգևորել»,-պատմեց Գեբոյանը։

Ամենակարևոր խորհուրդը, որ Հովակիմյանը տալիս է սկսնակ բժիշկներին՝ հաշտ լինել սեփական խղճի հետ և հաճույք ստանալ աշխատանքից։ Նույն խորհուրդն է տվել նաև Գեբոյանին։ Աշակերտն իր հերթին հիանում ուսուցչի աննկարագրելի պրոֆեսիոնալիզմով, արագ կողմնորոշվելու և վիրահատարանում ստեղծագործելու ունակությամբ։ Նրա խոսքով՝ Հրայրը մարդու առանձնահատուկ տեսակ է, որի մոտեցումները կյանքին, առաջնահերթությունները տարբերվում են սովորական մարդկանցից։ Նա ապրում է հենց հիվանդանոցի շենքում՝ առանձին սենյակում և իր ամբողջ ժամանակն անցկացնում է աշխատելով և հիվանդների մասին հոգ տանելով։

Дверь кабинета Грайра Овакимяна в медцентре Норк-Мараш
© Sputnik / Asatur Yesayants
Հրայր Հովակիմյանի աշխատասենյակը

«Հրայրը unique (բացառիկ) է։ Նա զուսպ է ու հավաք, այդ պատճառով կարողացավ ստեղծել այս ամենը։ Հայաստանի բախտը բերեց, որ 1991 թվականին նա եկավ ու գտավ աննորմալների մի խումբ, որոնք նվիրվեցին գործին»,-ասում է մանկական սրտաբան Կարեն Կուրդովը։

Բժիշկը պատմեց, թե ինչպես ծնվեց մանկական սրտաբանության ծառայություն ստեղծելու միտքը։ Ինքն ու Հովակիմյանը մի անգամ հանդիպեցին, 1991թ․-ի աշունն էր։ Բժշկության մասին էին խոսում, հետո գնացին զբոսնելու, և ուժեղ անձրև սկսվեց։ Անգամ վատ եղանակը չկտրեց նրանց զրույցից, քանի որ երկուսն էլ երազում էին ստեղծել այդ ծառայությունը։

Որոշ ժամանակ և բազմաթիվ դժվարություններ անց երազանքն արդեն իրականություն էր, իսկ «Նորք-Մարաշ» հիվանդանոցի միջանցքներում այնքան մարդ կար, որ բժիշկները հազիվ էին հասնում իրենց աշխատասենյակների դռներին։ Հենց այդ ժամանակ Հովակիմյանը սկսեց աշխատել միաժամանակ երկու երկրում։ Երբեմն Կուրդովն էլ է ԱՄՆ մեկնում, մի անգամ նույնիսկ երկու շաբաթ ապրել է կարդիովիրաբույժի տանը։

«Ամեն առավոտ մենք գնում էինք հիվանդանոց, իսկ վերադառնալուց հետո մինչ ուշ գիշեր արկղերի մեջ տեղավորում Հայաստան ուղարկվելիք բժշկական պարագաները։ Նրա ամենակարևոր հատկանիշներից մեկը նվիրվածությունն է»,-ասում է նա։

Детский кардиолог Карен Курдов
© Sputnik / Aram Nersesyan
Կարեն Կուրդովը

Նրանց հարաբերությունները վաղուց արդեն ավելին են, քան սովորական ընկերությունը։ Անգամ Հովակիմյանի մոր սրտի կաթվածի լուրը հենց Կուրդովն է նրան հայտնել։

Կարեն Կուրդովը հիշում է, որ առաջին տարիներին Հովակիմյանի առաջարկով բժշկական կենտրոնը ցավակցություններ էր հղում այն բոլոր բուժառուների հարազատներին, որոնց վիրահատությունը մահացու ելքով էր ավարտվել։ Նա համոզված էր՝ դա բժշկի կողմից մարդկային վերաբերմունքի դրսևորում էր և ապացույց, որ մարդը նրա համար բարձրագույն արժեք է։

Ավելի ուշ, մի շարք հանգամանքների բերումով, այդ ավանդույթից ստիպված եղան հրաժարվել։

Հովակիմյանը միշտ լսում է գործընկերների կարծիքը, բայց որոշումն ընդունում է որոշակի «արարողակարգով»․ նա կարծես «անջատվում է», գլխում պտտում սպասվող վիրահատությունը, ապա որոշում կայացնում՝ վիրահատել, թե ոչ։ Աշխատանքում շատ սկզբունքային է, իսկ այ մարդկանց հետ հարաբերություններում` համբերատար և նրբազգաց։ Կուրդովը ասում է, որ ընկերը հաճախ է իրենց խորհուրդ տալիս ավելի փափուկ և շրջապատի նկատմամբ ոչ այդքան խստապահանջ լինել։ Նա չի թաքցնում, անգամ հպարտանում է այն հանգամանքով, որ իր՝ որպես բժիշկ և որպես մարդ ձևավորման գործում Հովակիմյանը հսկայական ավանդ ունի։

Իսկ «Արաբկիր» ԲԿ-ի գիտական մասի տնօրեն Արա Բաբլոյանը կարծում է, որ Հովակիմյանի շնորհիվ Հայաստանում սրտի կաթվածի կանխարգելման նոր բժշկական մշակույթ է ձևավորվել, որը տարիներ անց վերածվել է սրտի անոթների ստենտավորման պետական ծրագրի։ Բաբլոյանն ինքը Հովակիմյանի հետ ծանոթացել է, երբ առողջապահության նախարար էր և ասում է, որ նա չի սիրում որևէ բան խնդրել։

«Հրայրին միշտ գնահատել են Հայաստանում, իսկ հիմա նա ստացավ այն կոչումը, որին արժանի է և որն ապացուցել է իր աշխատասիրությամբ ու համբերատարությամբ։ Բայց նա 30 տարի կոչման համար չի աշխատել, այլ մարդկանց օգնելու, այն մարդկանց, որոնք ունեին դրա կարիքը»,-ասաց նա։

Бако Саакян наградил Ара Баблояна орденом «Месроп Маштоц» (2 января 2019). Степанакерт
© Photo : Edgar Kamalyan / press office of the President of Artsakh
Արա Բաբլոյանը

Նշենք, որ Հովակիմյանի ջանքերով 1993թ.-ի հունիսին սկսել է գործել մանկական  կարդիովիրաբուժության ծառայությունը, վիրահատել են սրտի բնածին արատ ունեցող հարյուրից ավելի երեխաների, իսկ 1996թ.-ից սկսել են վիրահատել նաև մեծահասակներին:

Ազգային հերոսի կոչումը նրան շնորհվել է ՀՀ առողջապահության նախարար Արսեն Թորոսյանի առաջարկով։  Այս բարձրագույն կոչումը շնորհվում է երկրի պաշտպանության, իրավակարգի ամրապնդման բնագավառներում, ինչպես նաև ազգային նշանակալի արժեքների ստեղծման գործում Հայաստանի Հանրապետությանը մատուցած համազգային նշանակություն ունեցող բացառիկ ծառայությունների համար։

558
թեգերը:
ազգային հերոս, հիվանդանոց, վիրահատություն, սիրտ, բժիշկ, Հրայր Հովակիմյան
Ըստ թեմայի
Լիբանանահայ երկու բժիշկ ընտանյոք բնակություն են հաստատել Շուշիում
«Ես հեչ պատահական մարդ չեմ». Հովհաննես Մադոյանը` իր և «Նորք» ինֆեկցիոնի բժիշկների մասին
Ռուսաստանից ժամանած հայ բժիշկը փրկել է էպիլեպսիայով հիվանդ երեխային
Արխիվային լուսանկար

ՀՖՖ ներքո անցկացվող ֆուտբոլային հանդիպումներն անորոշ ժամանակով հետաձգվում են

25
(Թարմացված է 01:56 30.09.2020)
Հետաձգվում են նաև VBET Հայաստանի Պրեմիեր Լիգայի առաջիկա հանդիպումները:

ԵՐԵՎԱՆ, 29 սեպտեմբերի – Sputnik. ՀՖՖ հովանու ներքո անցկացվող բոլոր մրցաշարերը դադարեցվում են անորոշ ժամկետով։ Տեղեկությունը հայտնում է Հայաստանի ֆուտբոլի ֆեդերացիայի մամուլի ծառայությունը։

«Հաշվի առնելով մի շարք հանգամանքներ, մասնավորապես, այսօր առավոտյան Ադրբեջանի կողմից Հայաստանի Հանրապետության՝ միջազգայնորեն ճանաչված տարածքների ռմբակոծումը, Հայաստանի չեմպիոն «Արարատ-Արմենիայի»՝ ՈՒԵՖԱ Եվրոպա լիգայի որակավորման փլեյ-օֆֆ փուլում սերբական «Ցրվենա Զվեզդայի» հետ հանդիպման վայրի տեղափոխությունը Կիպրոս, այսօրվանից սկսած, ՀՖՖ հովանու ներքո անցկացվող բոլոր մրցաշարերը դադարեցվում են անորոշ ժամկետով»,– նշված է հաղորդագրության մեջ:

ՀՖՖ–ի հաղորդմամբ` հետաձգվում են նաև VBET Հայաստանի Պրեմիեր Լիգայի՝ սեպտեմբերի 30-ին նախատեսված բոլոր հանդիպումները:
Ավելի վաղ հաղորդել էինք, որ ՈւԵՖԱ-ի որոշմամբ «Արարատ-Արմենիա»-«Ցրվենա Զվեզդա» հոկտեմբերի 1-ին նախատեսված հանդիպումը կկայանա Կիպրոսի մայրաքաղաք Նիկոսիայի GSP մարզադաշտում: Այն նախապես ծրագրված էր անցկացնել Երևանում։

Ստեղծված իրավիճակի պատճառով «Արարատ-Արմենիա»-«Ցրվենա Զվեզդա» հանդիպումը կկայանա Կիպրոսում

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Վարդենիսում քաղաքացիական ավտոբուսի պայթյունից հետո բարեկարգման աշխատանքները չեն դադարել

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

25
թեգերը:
Ադրբեջան, Արցախ, ՀՖՖ, ֆուտբոլ, Հայաստան
թեմա:
Ադրբեջանական ագրեսիան Հայաստանի վրա - 2020
Ըստ թեմայի
Վարդենիսում քաղաքացիական ավտոբուսի պայթյունից հետո բարեկարգման աշխատանքները չեն դադարել
Հարվածն ուղղված է եղել երկաթգծին, բայց այլ կողմ է ընկել. Հովհաննիսյանը Վարդենիսում է
Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ
Վարդենիսի նյարդահոգեբանական տուն-ինտերնատի բնակիչները հրետակոծությունից տագնապ են ապրել
Արծրուն Հովհաննիսյան

Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան

765
(Թարմացված է 23:00 29.09.2020)
ՀՀ պաշտպանության ներկայացուցիչը թվեր հրապարակեց։ Նա խոսեց Ադրբեջանի կորուստների մասին և հայտնեց, որ Վարդենիսի ուղղությամբ կիրառվել են նաև թուրքական «Բայրաքդար» կոչվող ԱԹՍ–ներ։

ԵՐԵՎԱՆ, 29 սեպտեմբերի – Sputnik. ՀՀ պաշտպանության նախարարության ներկայացուցիչ Արծրուն Հովհաննիսյանը ճեպազրույցի ընթացքում հայտնեց, որ Ադրբեջանը կորցրել է 790 կենդանի ուժ, որից 180–ը` Քարվաճառի ուղղությամբ, որտեղ համառ և թեժ մարտեր են ընթացել։ Նրա խոսքով` հակառակորդը մոտ 1900 վիրավոր ունի։

«Պատերազմի սկսվելու առաջին պահից ի վեր հակառակորդը կորցրել է 137 տանկ և զրահատեխնիկա, 72 ԱԹՍ, 7 ուղղաթիռ, 1 ինքնաթիռ»,– նշեց նա։

Մարտերը շարունակվում են, բոլոր հարձակողական գրոհները հետ են մղվում` հակառակորդին համապատասխան կորուստներ պատճառելով։

«Այսօր աննախադեպ էր նրանով, որ հարձակման ենթարկվեց նաև ՀՀ Վարդենիսի տարածաշրջանը ավիացիոն, հրթիռային, օդային հարձակման այլ միջոցներից, մասնավորապես` ԱԹՍ–ներից։ Ցավոք, այսօր ունեցանք նաև կորուստ։ Թուրքական F-16 կործանիչները, որ երկար ժամանակ գտնվում էին Ադրբեջանի տարածքում, առաջին իսկ օրվանից մասնակցում էին ադրբեջանական օդուժի գործողությունների համակարգմանը, և այդ մասին մենք հայտնել էինք, խոցեցին հայկական Սու–25 ինքնաթիռը»,– ասաց նա։

Հովհաննիսյանը նշեց, որ մեր կողմի կորուստներն այս պահին ամփոփվում են, հավանաբար կներկայացվեն վաղը։

ՊՆ ներկայացուցիչը նշեց, որ Ադրբեջանն ու Թուրքիան փորձեցին հերքել թուրքական կործանիչի մասին լուրը, բայց դա, նրա խոսքով, արեցին շատ անհնարամիտ ձևով և ծիծաղելի բառապաշարով` նշելով, որ նման ինքնաթիռ ադրբեջանական ռազմաօդային ուժերի սպառազինության մեջ չկա։ Հովհաննիսյանն ընդգծեց`մենք շատ լավ գիտենք, որ Ադրբեջանը չունի նման կործանիչներ, դրանք թուրքական են, և հենց այդ մասին է ասվել։

Նա հայտնեց, որ Վարդենիսի ուղղությամբ կիրառվել են նաև թուրքական «Բայրաքդար» կոչվող ԱԹՍ–ներ։

«Դրանք ևս հավանաբար համակարգել է F-16 կործանիչն իր անձնակազմով»,– ասաց նա։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ 

Ինչպես են ոչնչացնում Ադրբեջանի ԶՈՒ–ի ստորաբաժանումը. տեսանյութ

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

765
թեգերը:
Զոհ, Ադրբեջան, Արցախ
Ըստ թեմայի
Արցախյան սրացումը և ռուսական գործոնը Կովկասում
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Արայիկ Հարությունյանի մոտ կայացած խորհրդակցությանը նաև Սեյրան Օհանյանն է մասնակցել
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Վրաց-թուրքական սահման

Սամցխե Ջավախքի հայերը փակել են Թուրքիայի հետ սահմանը. ո՞րն է նրանց պահանջը

19
(Թարմացված է 03:01 30.09.2020)
Այս պահին ցուցարարները հեռացել են: Նրանք մտադիր են հայ-վրացական սահմանի բացման հարցը լուծել այլ ճանապարհով։

ԵՐԵՎԱՆ, 30 սեպտեմբերի Sputnik. Սամցխե Ջավախքի տարածաշրջանից հարյուրավոր հայեր ի նշան բողոքի մի քանի ժամով փակել են վրաց-թուրքական սահմանը։ Այս մասին Sputnik Արմենիայի թղթակցի հետ զրույցում ասել է Վրաստանի խորհրդարանի նախկին պատգամավոր Սամվել Պետրոսյանը։

Ցուցարարները Վրաստանի իշխանություններից պահանջել են բացել հայ-վրացական սահմանը ՝ հումանիտար բեռը Ղարաբաղ հասցնելու համար և թույլատրել կամավորների մեկնումը Արցախ։ Բացի այդ, ցուցարարները կասկածներ են հայտնել, որ Թուրքիան Վրաստանի տարածքով ռազմական բեռ է հասցնում Ադրբեջան։

Նշենք, որ նոր տիպի SARS-CoV-2 կորոնավիրուսային համաճարակի բռնկման պահից երկու երկրների միջև սահմանը փակ է։ Բացառություն են կազմում բեռնափոխադրումները։

«Սա մեզ համար առանձնակի ցավոտ է». Վրաստանի պատրիարք Իլյա II–ը դիմել է Երևանին և Բաքվին

Պետրոսյանը նշել է, որ ցուցարարները հասկացել են՝ արմատական (ռադիկալ) միջոցներով հարցը չի կարող լուծվել, և որոշել են չվնասել հայ-վրացական հարաբերությունները:

Ավելի վաղ Վրաստանի պաշտպանության և ազգային անվտանգության խորհրդարանական հանձնաժողովի նախագահ Իրակլի Սեսիաշվիլին հայտարարել էր, որ Վրաստանի տարածքը չի կարող օգտագործվել որևէ երկրի ռազմական շահերից ելնելով, և, որ դրանով է պայմանավորված Վրաստանի տարածքով ռազմական բեռների տարանցման արգելքը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

 

19
թեգերը:
Բողոքի ակցիա, Սահման, Վրաստանի Հանրապետություն, Ադրբեջան, Պատերազմ, Արցախ
Ըստ թեմայի
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում