Դավիթ Տոնոյան

Պաշտպանության նախարարների ամենալայնամասշտաբ հանդիպումը Մոսկվայում. Տոնոյանը ևս այնտեղ է

161
(Թարմացված է 17:53 04.09.2020)
Պաշտպանության նախարարների այսքան լայնամասշտաբ հանդիպումն առաջինն է ՇՀԿ, ԱՊՀ և ՀԱՊԿ մասնակից երկրների միջազգային շփման պատմության մեջ։

ԵՐԵՎԱՆ, 4 սեպտեմբերի – Sputnik. ՀՀ պաշտպանության նախարար Դավիթ Տոնոյանը Մոսկվայում մասնակցել է ՇՀԿ, ԱՊՀ և ՀԱՊԿ երկրների պաշտպանության նախարարների հանդիպմանը։ Տեղեկությունը հայտնում է ՌԴ ՊՆ մամուլի ծառայությունը։

Ինչպես նշել է ՌԴ պաշտպանության նախարար Սերգեյ Շոյգուն՝ այդքան մասշտաբային միջազգային միջոցառումներ դեռ չէին եղել։

«Այսօրվա նիստը նման մակարդակի առաջին հանդիպումն է մեր միջազգային շփումների պատմության մեջ»,– ասել է Շոյգուն բացման խոսքում:

Դավիթ Տոնոյանն ու ՀՀ-ում Հունաստանի դեսպանը քննարկել են Ադրբեջանի ապակառուցողական քայլերը

Նա վստահություն է հայտնել, որ միջազգային ռազմական համագործակցությունն այս հանդիպումից հետո կակտիվանա, իսկ նիստի արդյունքները «ամուր հիմք կդառնան պաշտպանական գերատեսչությունների փոխգործակցության խորացման համար»:

Շոյգուն նաև շնորհակալություն է հայտնել ՇՀԿ-ի, ԱՊՀ-ի և ՀԱՊԿ-ի գործընկերներին՝ հունիսի 24-ին Մոսկվայում կայացած Հաղթանակի զորահանդեսին մարտական հաշվարկների մասնակցության համար, ինչպես նաև ընդգծել է դրանց պատրաստվածության բարձր մակարդակը:

Տոնոյանը շնորհավորել է ՌԴ թիմին. ամփոփվել են «Խաղաղության մարտիկ» մրցույթի արդյունքները

Շոյգուն նշել է, որ վայրը, որտեղ տեղի է ունենում նիստը՝ Կուբինկայի «Պատրիոտ» զբոսայգին, պատահական չի ընտրվել։ Այստեղ, նրա խոսքով, ամուր փոխկապակցված են պատմությունն ու մեր օրերը։

«Այստեղով անցնում էր Մոսկվայի պաշտպանության սահմանը, որտեղ խորհրդային զորքերը կանգնեցրին թշնամուն և հասան ռազմաճակատում առաջին խոշոր հաջողություններին։ Այստեղից է սկսվել մեր զորքերի ընթացքը դեպի արևմուտք և ժողովուրդների ազատագրումը ֆաշիզմից։ Ի նշանավորումն գրեթե ամբողջ աշխարհի տարած հաղթանակի 75-ամյակի, ամբողջ ժողովրդի հետ միասին կառուցել ենք Ռուսաստանի Դաշնության Զինված ուժերի գլխավոր տաճարը և «Հիշատակի ճանապարհ» թանգարանային համալիրը»,-ասել է Ռուսաստանի պաշտպանության նախարարը։

Դրանից առաջ պաշտպանության նախարարներն այցելել էին «Հաղթանակի ճանապարհ» թանգարանային համալիրը և Պոդմոսկովիեյում գտնվող ՌԴ ԶՈւ Գլխավոր տաճար:

Ռազմական նախարարներն օգտվել են «Հաղթանակի ճանապարհ» համալիրի ինտերակտիվ պորտալից։ Հայաստանի, Բելառուսի, Ղազախստանի և Ուզբեկստանի պաշտպանության նախարարները դրա օգնությամբ գտել են Հայրենական մեծ պատերազմին մասնակցած իրենց հարազատներին: Նախարար Տոնոյանն ինտերակտիվ որոնման համակարգի միջոցով գտել է Հայրենական մեծ պատերազմի մասնակից պապի` Հովհաննես Պողոսի Հակոբովի մասին փաստեր, իսկ Չինաստանի պաշտպանության նախարար Վեյ Ֆենհեն՝ ազգականին։

161
թեգերը:
Անկախ պետությունների համագործակցություն (ԱՊՀ), Հավաքական անվտանգության պայմանագիր կազմակերպություն (ՀԱՊԿ), Մոսկվա, Նախարար, Դավիթ Տոնոյան, Հայաստան
Ըստ թեմայի
«Որպես նախարար` ես հաղթելու կողմնակից եմ». Դավիթ Տոնոյանը` Ապրիլյան պատերազմի մասին
Կարևորը` նա առողջ ու անվտանգ լինի. Դավիթ Տոնոյանը խոսել է Ադրբեջանում հայտնված սպայի մասին
Դավիթ Տոնոյանն ընդունել է հայ ռազմական օդաչուներին վերապատրաստած ռուս մասնագետներին
Դավիթ Տոնոյանը ներկայացրեց՝ ինչ է տեղի ունեցել հայ-ադրբեջանական սահմանին
ԿԳՄՍՆ

Գրիշա Թամրազյանի դեմ քրգործ է պատրաստվո՞ւմ. փոխնախարարի հրաժարականի հետքերով

55
(Թարմացված է 18:55 24.09.2020)
Sputnik Արմենիայի աղբյուրները հայտնում են, որ Թամրազյանը շուտով հանդես կգա հայտարարությամբ և կփաստարկի իր հրաժարականը։

ԵՐԵՎԱՆ, 24 սեպտեմբերի – Sputnik. ՀՀ կրթության, գիտության, մշակույթի և սպորտի փոխնախարար Գրիշա Թամրազյանը հրաժարականի դիմում է ներկայացրել։ Տեղեկությունը Sputnik Արմենիայի հետ զրույցում հաստատեցին նախարարությունից:

Համաձայն Sputnik Արմենիայի աղբյուրների` Թամրազյանը շուտով հանդես կգա հայտարարությամբ և իր հրաժարականը կփաստարկի Արայիկ Հարությունյանի հետ անհամաձայնություններով, բայց փոխնախարարի հրաժարականի իրական պատճառը նրա դեմ պատրաստվող քրեական գործն է։

Նշենք, որ նրա նախորդը` ԿԳՄՍ նախկին փոխնախարար Գևորգ Լոռեցյանը, 2019-ի դեկտեմբերին ձերբակալվել էր կաշառակերության կասկածանքով։

Գրիշա Թամրազյանի անվան հետ են կապում նաև ԱԺ նախկին պատգամավոր Արսեն Ջուլֆալակյանի մանդատի հանձնումը, ինչպես նաև ՀՊՏՀ գիտխորհրդի կողմից ռեկտոր ընտրված, սակայն կառավարության կողմից դեռևս չնշանակված Դիանա Գալոյանը համարվում է Թամրազյանի «կադրը»։

«Կարո՞ղ եմ ասել` այսօր ոչ մի պաշտոնյա կաշառք չի վերցնում». Փաշինյանը խոսեց բացթողումներից

55
թեգերը:
Կրթության, գիտության, մշակույթի և սպորտի նախարարություն (ԿԳՄՍ), Հայաստան
Ըստ թեմայի
«Լո՞ւրջ եք ասում». ԿԳՄՍ նախարարը պատասխանում է իր հրաժարականը պահանջողների հարցերին
ԲՀԿ-ն չի բացառում, որ Հարությունյանի հրաժարականի պահանջով փողոցային պայքարի դուրս կգան
Իհարկե վերադառնում եմ. Արսեն Թորոսյանը հրաժարական տալու մտադրություն չունի
Սահմանադրական դատարան

ՍԴ նախագահի պաշտոնում միայն մեկ թեկնածու մնաց. հայտնի է` ով է նա

127
(Թարմացված է 19:17 24.09.2020)
ՍԴ նախագահի համար առաջադրված թեկնածուն ինքնաբացարկ է ներկայացրել, սակայն կա ևս մեկ թեկնածու։

ԵՐԵՎԱՆ, 24 սեպտեմբերի - Sputnik. Սահմանադրական դատարանն այսօր էլ նոր նախագահ չընտրեց. ՍԴ նիստը կշարունակվի վաղը։ Նիստից հետո տեղեկությունը լրագրողներին հայտնեց ՍԴ դատավոր Էդգար Շաթիրյանը։

«Սահմանադրական դատարանի նախագահի պաշտոնի համար կար երկու թեկնածություն` մեկ ինքնաառաջադրում և մեկ էլ առաջադրում։

Առաջադրված թեկնածուն ինքնաբացարկ հայտնեց, և մնաց միայն ինքնաառաջադրվածը»,–ասաց Շաթիրյանը։

Նրա խոսքով` ՍԴ նախագահի միակ թեկնածուն ծրագրային ելույթով հանդես եկավ, նրան հարցեր ուղղեցին։

Հարցին, թե ո՞վ է այդ միակ թեկնածուն` Շաթիրյանը պատասխանեց, որ մամուլում արդեն իսկ լուրեր կան այդ մասին։

Նշենք, որ լրատվամիջոցներում վաղուց էին լուրեր շրջանառվում, որ ՍԴ նախագահ է ընտրվելու ՍԴ նորընտիր դատավոր Երվանդ Խունդկարյանը։
Շաթիրյանն ասաց` եթե մամուլում շրջանառվող լուրերն ինքնաառաջադրվող թեկնածուի մասով չեն հերքվել, ուրեմն` դրանք ճիշտ են։

ՍԴ նիստը կշարունակվի վաղը, ժամը 10։30-ին։

«Եթե չգտնեմ իմ թեկնածուին, բոլորին դեմ կքվերակեմ». Հրայր Թովմասյանը կմնա՞ ՍԴ-ում

Հիշեցնենք, որ ՍԴ նախագահ ընտրելու օրակարգով ՍԴ–ում նիստ է անցկացվում դեռ երեկվանից` սեպտեմբերի 23-ից։ Ինչ վերաբերվում է Խունդկարյանին, ապա նա ՍԴ դատավորի թեկնածու էր առաջադրվել Դատավորների ընդհանուր խորհրդի կողմից, իսկ մինչ այդ նա զբաղեցնում էր Վճռաբեկ դատարանի նախագահի պաշտոնը։ Խունդկարյանը դատական համակարգում աշխատում է 1992 թվականից, 2001 թվականից սկսած՝ որպես դատավոր:

Սահմանադրական դատարանի նախագահն ու փոխնախագահն ընտրվում են վեց տարի ժամկետով` առանց վերընտրվելու իրավունքի:

127
թեգերը:
Սահմանադրական դատարան
Ըստ թեմայի
ՍԴ-ն Հրայր Թովմասյանի վերաբերյալ հայտարարություն է տարածել
Սահմանադրական դատարանի նիստն ավարտվեց, նախագահ չընտրեցին. ե՞րբ սպիտակ ծուխ դուրս կգա ՍԴ-ից
Աբսուրդի ժանրից. ինչի՞ կհանգեցնի Սահմանադրական և Վճռաբեկ դատարանների միավորումը
Ուսանող

Քվոտաների հատկացում` ՌԴ–ում սովորելու համար. տեղերն ավելի շատ կլինեն, համակարգը կբարեփոխվի

0
(Թարմացված է 19:23 24.09.2020)
«Ռոսսոտրուդնիչեստվոյի» ղեկավար Եվգենի Պրիմակովը կարծում է, որ ռուսական բուհերում դիմորդներին անվճար տեղեր տրամադրելու ձևաչափը բարեփոխման կարիք ունի։

ԵՐԵՎԱՆ, 24 սեպտեմբերի – Sputnik, Ալեքսեյ Ստեֆանով. ՌԴ Պետդումայի պատգամավոր Եվգենի Պրիմակովն այս տարվա հունիսի վերջին «Ռոսսոտրուդնիչեստվոյի» ղեկավար նշանակվեց և անմիջապես լուրջ փոփոխություններ խոստացավ ռուսական գործակալության գործունեության հարցում։ Նորանշանակ ղեկավարը որպես ցավոտ թեմա առանձնացրեց օտարերկրյա քաղաքացիների համար ռուսական բուհերում սովորելու քվոտաների տրամադրման համակարգը։

«Քվոտաների թիվը կավելանա, նախագահը (ՌԴ նախագահ Վլադիմիր Պուտինը. խմբ.) ասել է, որ դրանք ավելի շատ կլինեն։ 2023 թվականին պետք է կրկնակի ավելանան։ Սակայն մենք կրթության նախարարության և Պետդումայի գործընկերների հետ քննարկում ենք, որ քվոտաների պատմությունն այդքան էլ արդյունավետ չէ», – Sputnik գործակալությանն ասաց «Ռոսսոտրուդնիչեստվոյի» ղեկավար Եվգենի Պրիմակովը։

Նա բերեց Բելառուսի օրինակը, որին մեծ թվով բյուջետային տեղեր էին հատկացվել բուհերում, բայց Ռուսաստանը հազիվ թե ոտք գցի նույնիսկ Լեհաստանի հետ։

«Լեհերը ոչ միայն սովորելու հնարավորություն են ընձեռում, այլև ուսանողների համար որոշակի կրթաթոշակներ, դրամաշնորհներ են հատկացնում։ Նրանց հետ մրցելը դժվար է, եթե մենք երեխաներին առաջարկում ենք պարզապես գալ և սովորել։ Պետք է կատարելագործել համակարգը, որպեսզի որոշակի պահի գոնե այդ քվոտաների մի մասում դրամաշնորհների և կրթաթոշակների բաղադրիչ հայտնվի։ Որպեսզի ոչ միայն ասենք` եկեք և սովորեք, այլ ահա ձեզ տոմս, որ տեղ հասնեք, ահա ձեզ հնարավորություն վճարելու բնակարանի կամ հանրակացարանի համար», – նշեց Պրիմակովը։

«Ռոսսոտրուդնիչեստվոն» «թվային առաջխաղացում» է սկսել․ կազմակերպության նոր ձևաչափերը

«Ռոսսոտրուդնիչեստվոն» շահագրգռված է, որ օտարերկրյա ուսանողները, Ռուսաստան գալով, դառնան բարձրակարգ մասնագետներ, իրենց ոլորտում բարձրակարգ փորձագետներ, իսկ սովորելուց հետո վերադառնան տուն, լավ աշխատանք գտնեն։ Բայց այսօրվա համակարգի պարագայում այդ ծրագրերը կյանքի կոչելը հաճախ չի հաջողվում։

«Կան երեխաներ, որոնք Ռուսաստան են գալիս ու ծանր հանգամանքներում են հայտնվում, նրանք ստիպված սկսում են աշխատել որպես տաքսու վարորդներ, փողոց են ավլում։ Դա սխալ է նույնիսկ այդ երեխաների կրթության համար մեր բյուջետային միջոցները ծախսելու տեսանկյունից», – պարզաբանեց «Ռոսսոտրուդնիչեստվոյի» ղեկավարը։

Նրա խոսքով` քվոտաների տրամադրման համակարգի բարեփոխման հստակ ծրագրեր դեռ չկան, «ծրագիր ասվածը քիչ թե շատ հստակ բան է», իսկ խնդիրը դեռ նոր է քննարկվում։ Պրիմակովը համոզված է, որ առանց բարեփոխումների խնդիրը չի լուծվի։

Օտարերկրյա ուսանողների համար բյուջետային տեղերը 15-ից մինչև 30 հազար ավելացնելու հարցը Պետդումայում քննարկվել է 2020 թվականի սկզբին։ Այն ժամանակ ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահ Լեոնիդ Կալաշնիկովը նշեց, որ 15 հազար տեղը չի համապատասխանում Ռուսաստանի միջազգային դերին ու մարդասիրական ուժին։ Եվ նույնպես բերեց Լեհաստանի օրինակը, որը միայն Բելառուսի քաղաքացիների համար 10 հազար բյուջետային տեղ է հատկացնում, և Ռումինիայի, որը ամեն տարի անվճար ուսում է տալիս Մոլդովայի 5 հազար քաղաքացու։ Այն դեպքում, երբ Ռուսաստանում սովորելու համար օտարերկրացիներից մոտավորապես 100 հազար հայտ է ստացվում։ Արդյունքում կրթության նախարարությունը ծրագրում է օտարերկրյա ուսանողների համար քվոտաների թիվը հասցնել 30 հազարի։

Անորոշություն ցնցումներից հետո. ՀՊՏՀ–ում ժամանակը կանգ է առել

0
թեգերը:
Եվգենի Պրիմակով, դիմորդ, բուհ, Ռուսաստան
Ըստ թեմայի
«Թումո» կենտրոնում նոր ծրագրեր են իրականացվելու. ծրագրավորում կսովորեն նաև մեծահասակները
«Այդ մոնստրը ի սկզբանե մեռելածին էր». Աշոտյանը շնորհակալ է Նիկոլ Փաշինյանին
Բուհ–աշխատաշուկա կապի տեմպերը մտահոգիչ են. ինչ է ցույց տալիս ուսումնասիրությունը