ԵՐԵՎԱՆ, 4 սեպտեմբերի — Sputnik. Առավելագույն վնասն ավտոճանապարհներին հենց 12 տոննա և ավելի բեռնատարողություն ունեցողներն են պատճառում, և հենց այդ պատճառով էլ որոշվել է ճանապարհային վնաս սահմանել դրանց համար։ Այսօր հրավիրված ասուլիսի ժամանակ ասաց ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը` անդրադառնալով որոշ ավտոճանապարհները մեծ բեռնատարների համար վճարովի դարձնելու նախաձեռնությանը:

© Sputnik / Andranik Ghazaryan

Հնարավոր է` ՀՀ–ում ճանապարհները վճարովի դառնան բեռնատարների համար

«Մենք սահմանեցինք ճանապարհային վճար, այլ ոչ թե հարկ, քանի որ միջազգային պայմանագրերով որոշակի պարտականություններ ունենք։ Հարց այն է, որ բեռնափոխադրման համար երկկողմ պայմանագիր ունեցող պետությունները պետք է հարկերից ազատեն իրար։ Այսինքն` մենք հավելյալ հարկ չենք սահմանի, սակայն այդ վճարը պարտադիր կլինի բոլորի համար»,–ասաց Սիմոնյանը։

Նա նշեց, որ որոշվել է սահմանել հավասար պայմաններով ճանապարհային վճար` ռեզիդենտ և ոչ ռեզիդենտ բեռնափոխադրում իրականացնողների համար։

Փոխնախարարի խոսքով` ճանապարհների համար վճար սահմանելիս հաշվի է առնվելու մեքենաների սռնիների քանակը, քանի որ կան բեռնատարներ, որոնք 3-4 սռնիով են աշխատում, կան մեքենաներ էլ, որ 6 սռնի ունեն։ Իսկ մեծ քանակությամբ սռնի ունեցողներն ավելի շատ են վնաս պատճառում։

Իսկ ինչ վերաբերում է սահմանված վճարի չափին` յուրաքանչյուր կիլոմետրի համար մինչև 50 դրամ ուղեվարձ, ապա նման որոշման էլ, ըստ Սիմոնյանի, հանգել են ուսումնասիրելով ինչպես այլ երկրների փորձը, այնպես էլ պետությունում գրանցված մեքենաների քանակն ու ճանապարհների որակը։ Փոխնախարարը վստահեցնում է` սահմանված գինն օպտիմալ է։

Լավ աշխատավարձով գործ կա. Տավուշի ճանապարհների ու տների շինարարներն աշխատողներ են փնտրում

Բացի այդ, քննարկումների արդյունքում որոշվել է բեռնատարների ճանապարհային վճար սահմանել աստիճանաբար, այլ ոչ թե միանգամից բոլոր բեռնատարներից գումար պահանջել։

Հիշեցնենք, որ նախագծի ընդունման դեպքում փոփոխություններն ուժի մեջ կմտնեն 2021 թվականի հուլիսի 1-ից: Ավելի վաղ հայտնել էինք, որ ՀՀ տարածքային կառավարման և ենթակառուցվածքների նախարարությունը հանդես է եկել որոշ ավտոճանապարհները մեծ բեռնատարների համար վճարովի դարձնելու նախաձեռնությամբ: Նախագիծը ենթադրում է վճարումների գանձման էլեկտրոնային համակարգի ստեղծում, «ճանապարհային վճար» հասկացության սահմանում։

Գանձվող գումարները կօգտագործվեն ճանապարհների շինարարության և նորոգման համար։ Առաջարկվում է բեռնատարների վարորդներից վճար գանձել 12 և ավելի տոննա առավելագույն թույլատրելի զանգված ունեցող ավտոտրանսպորտային միջոցների համար, բայց միայն պետության և մասնավոր հատվածի համագործակցության շրջանակում նախագծված և կառուցված մայրուղիներով երթևեկելու դեպքում:

ԵՐԵՎԱՆ, 5 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 5249 մարդ, կատարվել է 744863 թեստավորում, առողջացել են վարակվածներից 164463-ը։ Գրանցվել է մահվան 3215 դեպք (+7)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 822-ի։

© Sputnik / Andranik Ghazaryan

Դիմակներն իզուր եք պահել. «կորոնավիրուսային տուգանքները» կվերադառնան

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։