Արարատ Միրզոյանն ու Ալեն Սիմոնյանը. արխիվային լուսանկար

Ապրել կորոնավիրուսի հետ ու տուգանվել. թեժ քննարկում Ազգային ժողովում

173
(Թարմացված է 13:30 04.09.2020)
Բուռն քննարկումներից հետո ՀՀ ԱԺ–ն 80 կողմ, 28 դեմ և 0 ձեռնպահ ձայներով առաջին ընթերցմամբ հաստատեց կառավարության ներկայացրած նախագծերի փաթեթը։

ԵՐԵՎԱՆ, 4 սեպտեմբերի – Sputnik. Կարանտինի ռեժիմը հնարավորություն է տալիս որոշակի սահմանափակումներ պահպանելով` վերացնել արտակարգ դրությունը։ Այսօր ԱԺ–ում, կառավարության առաջարկած նոր օրենսդրական փաթեթի քննարկման ժամանակ նման հայտարարություն արեց ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը։

«Այս սահմանափակումները առնվազն մեզ թույլ են տալու վերադառնալ բնականոն կյանքին` հաշվի առնելով այն համաշխարհային տենդենցը, որ մենք պետք է սովորենք ապրել Covid–ի պայմաններում»,– ասաց Վարդանյանը։

Նա նաև շեշտեց, որ մինչև տարվա վերջ կորոնավիրուսային ֆոնը կպահպանվի, և անհրաժեշտ են լինելու համապատասխան միջոցառումներ` հնարավոր ռիսկերը նվազեցնելու համար։

«Իսկ այն սահմանափակումները, որ մտավախություններ էին առաջացնում որոշ շրջանակների մոտ` կապված տեղորոշման համակարգի հետ, վերացվել են։ Մենք այս ռեժիմի պարագայում գտնվելու ենք մի պայմանում, որ ավելի մոտ է բնականին»,– ասաց Վարդանյանը։

«Լուսավոր Հայաստան» խմբակցությունը, սակայն, չի կիսում Վարդանյանի լավատեսությունը։

Ընդդիմադիր խմբակցության պատգամավոր Կարեն Սիմոնյանն իր ելույթում արձանագրեց, որ նոր օրենսդրական նախաձեռնությամբ կառավարությունը 11-ով ավելացնում է քաղաքացիների նկատմամբ կիրառվող տուգանքները։

«Բացի այդ, տուգանքների չափերը ձեզ մոտ նշված են շատ մեծ միջակայքով,– ասաց պատգամավորը` դիմելով կառավարության ներկայացուցիչ, արդարադատության փոխնախարար Ռաֆիկ Գրիգորյանին,– Օրինակ` ունեք 150-500-ապատիկ, 100-300-ապատիկ։ Այսինքն` տարբերությունը շատ մեծ է, սակայն, մանրամասն չի նշված, թե որ դեպքում որ չափը պետք է կիրառվի նույն հոդված նույն կետի խախտման վերաբերյալ»,– ասաց նա։

«Բարգավաճ Հայաստան» խմբակցության պատգամավոր Նաիրա Զոհրաբյանն էլ տեսակետ հայտնեց, որ «արտակարգ դրությանը» փոխարինող «կարանտին» ձևակերպումը ևս ՀՀ քաղաքացիների համար խնդիրներ է առաջացնելու երկրի սահմանները հատելու դեպքում։

«Ես կարծում եմ, որ բերված փաթեթը հայտնի «хотели как лучше, получилось как вседга» տարբերակով, շատ ավելի մեծ խնդիրներ է առաջացնելու,– ասաց Զոհրաբյանը,– Չի կարող գործադիրը, մարզպետը, քաղաքապետը իր որոշմամբ սահմանափակել քաղաքացու սահմանադրական իրավունքները»։

«Թանկարժեք» արտակարգ դրությունը. որքան են տուգանվել քաղաքացիները, և ինչքան է լցվել բյուջեն

Ներկայացված վիճակով կառավարության բերած նախագիծն ընդդիմադիր պատգամավորներն անընդունելի են համարում` առաջարկելով գործադիր իշխանությանը դրանում փոփոխություններ կատարել։

Պատասխանելով ընդդիմության բարձրացրած խնդիրներին` ՀՀ արդարադատության նախարարի տեղակալ Ռաֆիկ Գրիգորյանը շեշտեց, որ բերված նախագծով նոր տուգանքներ չեն ավելացվում։

«Նոր տուգանքների մասին չէ խոսքը։ Քանի որ արտակարգ դրության իրավական ռեժիմից դուրս ենք գալիս, իսկ այդ տուգանքները վերաբերում էին արտակարգ դրության ժամանակ կիրառվող միջոցառումներին, ապա անհրաժեշտ է սահմանել համանման տուգանքներ, որպեսզի պայքարն արդյունավետ լինի»,– մեկնաբանեց նա։

Փոխնախարարը նաև շեշտեց, որ կարանտինի պարագայում պարետի ինստիտուտը վերանում է և կարանտինի ռեժիմի վերահսկողությունը վերապահվելու է արդեմ ՏԻՄ կամ համապատասխան պետական մարմիններին։

Ինչ վերաբերում է սահմանների բացմանը, զանգվածային միջոցառումներին ու բժշկական դիմակներ դնելուն, Ռաֆիկ Գրիգորյանը պարզաբանեց, որ այս հարցերը թողնվել են կառավարության իրավասությունների տիրույթում։

Բուռն քննարկումներից հետո ԱԺ–ն 80 կողմ, 28 դեմ և 0 ձեռնպահ ձայներով առաջին ընթերցմամբ հաստատեց կառավարության ներկայացրած նախագծերի փաթեթը։ Երկրորդ ընթերցմամբ փաթեթի քննարկումը նախանշված է այսօր, ժամեր անց։

Մինչ երկրորդ ընթերցում ԱԺ խմբակցությւնները 3 ժամ ունեն իրենց առաջարկները ներկայացնելու։

Ինչ խնդիր է լուծում ՀՀ իշխանությունը` արտակարգ դրությունը երկարաձգելով

Հիշեցնենք` սեպտեմբերի 12-ից հետո Հայաստանում հայտարարված արտակարգ դրությունը կփոխարինվի կարանտինով։ Համապատասխան օրենսդրական փաթեթն այս պահին քննարկվում է ՀՀ ԱԺ արտահերթ նստաշրջանում։

173
թեգերը:
քննարկում, ԱԺ, ՀՀ Ազգային ժողով, Հայաստան, Արտակարգ դրություն, կարանտին
թեմա:
Կորոնավիրուսը Հայաստանում և Արցախում (1482)
Ըստ թեմայի
ՀՀ կառավարությունը որոշեց նորից երկարացնել արտակարգ դրության ժամկետը
Երգիչները կերգեն, սահմանները կբացվեն. պարետը ներկայացրեց արտակարգ դրության նոր պայմանները
Փողոցային գործողությունները կակտիվանա՞ն. Հովսեփյանը` արտակարգ դրության մեղմացումների մասին
Совместные батальонные тактические учения военнослужащих российской военной базы ЮВО и военнослужащих ВС МО РА

«Կովկաս 2020» զորավարժությունների ժամանակ Հայաստանում ավիացիա է գործարկվել

14
(Թարմացված է 19:33 21.09.2020)
Հարավային ռազմական շրջանի ու ՀՀ ԶՈւ ստորաբաժանումների պրակտիկ մարտական գործողությունների խաղարկումն անցկացվում է այս տարվա սեպտեմբերի 21-ի 26-ը հայ-ռուսական միացյալ խմբավորման հրամանատար Տիգրան Փարվանյանի ղեկավարության ներքո։

ԵՐԵՎԱՆ, 21 սեպտեմբերի – Sputnik. Հարավային ռազմական շրջանի ու ՀՀ պաշտպանության նախարարության մոտ քսան միավոր ավիացիա է գործարկվել Հայաստանում կայացած «Կովկաս 2020» ռազմավարական զորավարժությունների ընթացքում։ Տեղեկությունը հայտնում է ՀՌՇ մամուլի ծառայությունը։  

«Ալագյազ» զորավարժարանում անցկացված զորավարժություններում գործարկվել են դեսանտային-գրոհիչ Մի-8ՄՏՎ ու հարվածային Մի-24 ուղղաթիռները։

«Բանակային ավիացիան կապահովի դեսանտի անցումն ու վայրէջքը, զորքերի հարձակման պահպանությունը, կրակային հարվածներ կհասցնի պայմանական հակառակորդի ռազմական տեխնիկայի շարասյուներին ու օբյեկտներին։ Հարավային ռազմական շրջանի ու ՀՀ ԶՈւ ստորաբաժանումների պրակտիկ մարտական գործողությունների խաղարկումն անցկացվում է այս տարվա սեպտեմբերի 21-ի 26-ը հայ-ռուսական միացյալ խմբավորման հրամանատար Տիգրան Փարվանյանի ղեկավարության ներքո», - նշված է հաղորդագրության մեջ։

Այս զորավարժություններն առանձնահատուկ են, որովհետև կորոնավիրուսի տարածմամբ պայմանավորված` դրանք անցկացվում են հակահամաճարակաբանական միջոցների խիստ պահպանմամբ։

«Կովկաս-2020»-ը ՌԴ-ում. ինչպես են ընթանում վարժանքների նախապատրաստական աշխատանքները

Ընդհանուր առմամբ «Կովկաս 2020» զորավարժություններին Հայաստանում մասնակցում է ավելի քան 1,5 հազար մարդ, 300 միավոր ռազմական տեխնիկա, այդ թվում նաև երկու երկրների օպերատիվ-մարտավարական, բանակային ու անօդաչու ավիացիան։

«Կովկաս 2020» զորավարժությունը կանցկացվի Հարվային ռազմական շրջանի տարածքում 2020 թվականի 21-ից 26 –ը ՌԴ ԶՈւ Գլխավոր շտաբի պետ, ՌԴ պաշտպանության նախարարի առաջին տեղակալի ղեկավարության ներքո ու կլինի Ռուսաստանի Զինված Ուժերի օպերատիվ (մարտական) պատրաստականության համալիր միջոցառումների վերջին փուլը։

14
թեգերը:
Ռուսաստան, Զորավարժություններ, Հայաստան, «Կովկաս-2020» ռազմավարական հրամանատարաշտաբային զորավարժություն
Ըստ թեմայի
Հայաստանը կմասնակցի «Կովկաս-2020» զորավարժությունների ցամաքային մասին
Հայաստանում ՀԱՊԿ երկու զորավարժություն կանցկացվի. ինչ խնդիր է դրված
Հայաստանը Բելառուսում կմասնակցի ՀԱՊԿ–ի խաղաղապահ զորավարժություններին
Սերժ Սարգսյանը Եռաբլուրում

Սերժ Սարգսյանն այցելել է Եռաբլուր. ինչ է խոստացել նա իրեն մոտեցած լրագրողներին

24
(Թարմացված է 19:45 21.09.2020)
Սերժ Սարգսյանը ծաղիկներ է խոնարհել սպարապետ Վազգեն Սարգսյանի, Անդրանիկ Օզանյանի շիրիմներին:

ԵՐԵՎԱՆ, 21 սեպտեմբերի — Sputnik. ՀՀ երրորդ նախագահ Սերժ Սարգսյանն Անկախության տոնի առթիվ այցելեց «Եռաբլուր» զինվորական պանթեոն:

Սարգսյանը հարգանքի և երախտագիտության տուրք մատուցեց Հայրենիքի համար կյանքը զոհաբերած իր մարտական ընկերների և նահատակված բոլոր նվիրյալ հայորդիների հիշատակին:

ՀՀ երրորդ նախագահը ծաղիկներ խոնարհեց սպարապետ Վազգեն Սարգսյանի, Անդրանիկ Օզանյանի շիրիմներին, ծաղկեպսակ դրեց զոհված ազատամարտիկների հիշատակը հավերժացնող հուշահամալիրին:

Եռաբլուրում լրագրողները Սերժ Սարգսյանին խնդրեցին մեկնաբանել Ադրբեջանի նախագահ Իլհամ Ալիևի հայտարարությունը, թե բանակցություններ գոյություն չունեն, և որ նա դրանում մեղադրում է Հայաստանի իշխանություններին: Սերժ Սարգսյանը խոստացավ այդ հարցին պատասխանել ավելի ուշ:

Ինչ ունենք անկախությունից 29 տարի անց. Քոչարյանի և Սարգսյանի շնորհավորանքն ու տեսլականը

«Շուտով ձեզ կհրավիրենք ասուլիսի և կպատասխանենք ձեր բոլոր հարցերին»,- ասաց նա:

Հարցին, թե արդյո՞ք Սերժ Սարգսյանը պատերազմի վտանգ տեսնում է, նա նույնպես խոստացավ անդրադառնալ առաջիկա մամուլի ասուլիսում:

Հիշեցնենք՝ պաշտոնաթողությունից հետո կազմակերպված առաջին ասուլիսի ժամանակ` այս տարվա օգոստոսի 19-ին, ՀՀ երրորդ նախագահ Սերժ Սարգսյանը պատասխանել էր բացառապես 2016թ-ի ապրիլյան պատերազմին վերաբերող հարցերին: Բոլոր այլ հարցերին Սարգսյանը խոստացել էր պատասխանել հետագա ասուլիսների ընթացքում:

Սերժ Սարգսյանը նաև նշել էր, որ այսուհետ մտադիր է լրատվամիջոցների հետ հանդիպել պարբերաբար: Ընդ որում, հաջորդ ասուլիսի թեման, նրա որոշմամբ, լինելու է արցախյան խնդիրը:

Պարզ է, չէ՞, որ Ալիևն ինքն իրեն չէր մեղադրելու. Դավիթ Տոնոյան

24
թեգերը:
Լրագրող, Եռաբլուր պանթեոն, Սերժ Սարգսյան
թեմա:
ՀՀ նախագահ Սերժ Սարգսյան
Ըստ թեմայի
Ինչ են քննարկել Պուտինն ու Ալիևը Հայաստանի առնչությամբ. Բաքուն մանրամասներ է հայտնել
Ինչ է տեղի ունեցել 2002թ–ին Քի Վեսթում և ինչ է պատմել ճաշի ժամանակ Հեյդար Ալիևը Քոչարյանին
Ալիևի հայտարարությունը հուզական էր. Զոհրաբ Մնացականյանը` ղարաբաղյան գործընթացի մասին

Երևանի Մոլդովական փողոցի բնակարաններից մեկում հրդեհ է բռնկվել

0
(Թարմացված է 20:01 21.09.2020)
Բնակարանի հրդեհը մեկուսացնելուց հետո այն մարելու համար փրկարարներից շուրջ կես ժամ է պահանջվել։

Սեպտեմբերի 21-ին, ժամը 16։45-ին Ճգնաժամային կառավարման ազգային կենտրոն ահազանգ է ստացվել, որ Երևանի Մոլդովական փողոցի 2/2 շենքի 5-րդ հարկի բնակարաններից մեկից ծուխ է նկատվում։ Տեղեկությունը հայտնում է ՀՀ ԱԻՆ մամուլի ծառայությունը։

Ըստ ԱԻՆ հաղորդագրության` դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ, երկու ավտոսանդուղք, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Հրդեհը մեկուսացվել է ժամը 17։27-ին, մարվել՝ 18։00-ին։

Վտանգավոր իրավիճակ. Աբովյանի ստորգետնյա գազապահեստի մոտ հրդեհ է բռնկվել

0
թեգերը:
ՀՀ արտակարգ իրավիճակների նախարարություն (ԱԻՆ), բնակարան, Երևան, հրդեհ
Ըստ թեմայի
Գազի արտահոսք և հրդեհ Ավան Առինջի շենքերից մեկի 7–րդ հարկում. կա տուժած
Նուբարաշենի աղբավայրը հրդեհի ճիրաններում է հայտնվել. տեսանյութ
Հրդեհ Տավուշում. մեկ մարդ այրվածքներով հիվանդանոց է տեղափոխվել