Արխիվային լուսանկար

Սեպտեմբերի 12-ից Հայաստանում կարանտին կհայտարարվի. փոխնախարարը հաստատեց

3180
(Թարմացված է 11:55 04.09.2020)
Ռաֆիկ Գրիգորյանը վստահեցրեց, որ կարանտինը արտակարգ դրության ռեժիմից էապես տարբերվում է։ Արտակարգ դրությունը սահմանափակում է մարդու իրավունքները, կարանտինը` ոչ։

ԵՐԵՎԱՆ, 4 սեպտեմբերի - Sputnik. Սեպտեմբերի 12-ին Հայաստանում հայտարարված արտակարգ դրությունը կփոխարինվի կարանտինով։
Այս մասին այսօր Աժ–ում հայտարարեց ՀՀ արդարադատության փոխնախարար Ռաֆիկ Գրիգորյանը` պատասխանելով «Լուսավոր Հայաստան» խմբակցության ղեկավար Էդմոն Մարուքյանի այն հարցին, թե սեպտեմբերի 12-ից հետո ՀՀ–ում հայտարարվելո՞ւ է կարանտին։

«Եթե օրենսդրական փաթեթն ընդունվի մինչև սեպտեմբերի 11-ը, ապա կառավարությունը մտադիր է կարանտին հայտարարել ու պայքարը շարունակել համավարակի դեմ, քանի որ այն ավարտված չէ»,– հայտարարեց Գրիգորյանը։

Այդուհանդերձ, փոխնախարարը վստահեցրեց, որ կարանտինը արտակարգ դրության ռեժիմից էապես տարբերվում է։

«Արտակարգ դրությունն այնպիսի ռեժիմ է, որ առավելագույնս կարող է մարդու իրավունքների սահմանափակումների հետ գործ ունենալ»,– ասաց Գրիգորյանը։

Նշենք, որ ԱԺ–ն այսօր արտահերթ նիստում քննարկում է կառավարության ներկայացրած օրենսդրական փոփոխությունների ծավալուն փաթեթը՝ ուղղված արտակարգ դրության ռեժիմի փոխարեն այլ սահմանափակումներ կիրառելուն ու դրանով կորոնավիրուսի տարածումը կանխելուն։
Նորկայացված նախագծով կարանտինի առավելագույն ժամկետը կարող է ձգվել մինչև 6 ամիս և անհրաժեշտության դեպքում` երկարացվել։

Կարանտինի ընթացքում կարանտինի գոտում կիրառվում է մուտքի–ելքի սահմանափակում, ընդհուպ մինչև պետական սահմանի փակում, տվյալ տարածքից ապրանքների ներմուծման ու արտահանման սահմանափակումներ, ինչպես նաև կրթական հաստատությունների փակում։
Տնտեսական գործունեությունը կարող է սահմանափակվել միայն այն դեպքերում, երբ այդ ձեռնարկությունները հանդիսանում են համաճարակի աղբյուր։

Արտակարգ դրություն. ինչն է թույլատրվում օգոստոսի 13-ից

Կառավարությունը փոփոխություններ է առաջարկում նաև վարչական ու քրեական օրենսգրքերում։ Պատասխանատվության միջոցներ են նախատեսված կարանտինի, մեկուսացման ու ինքնամեկուսացման ռեժիմների խախտման, անհատական պաշտպանության միջոցների չկիրառման համար։

Ռաֆիկ Գրիգորյանի խոսքով` պատասխանատվության միջոցները հիմնականում համընկնում են այսօր արտակարգ ռեժիմի ժամանակ գործող միջոցների հետ։

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։

«Թանկարժեք» արտակարգ դրությունը. որքան են տուգանվել քաղաքացիները, և ինչքան է լցվել բյուջեն

3180
թեգերը:
Արտակարգ դրություն, կարանտին, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1503)
Ըստ թեմայի
Կարանտինից հետո Հայաստանում հանցագործությունները կաճեն․ ի՞նչ են կանխատեսում մասնագետները
Վրաստանի իշխանությունը Սվանեթիում կարանտին է հայտարարել կորոնավիրուսի բռնկման պատճառով
Արտակարգ դրությունը կդադարեցվի, փոխարենը կարող է սահմանվել կարանտին որոշակի տարածքում
Премьер-министр Никол Пашинян на церемонии открытия Ереванской основной школы № 153 имени Рафаэла Ишханяна (15 сентября 2020). Еревaн

Փաշինյանն Անվտանգության խորհրդի նիստ է հրավիրել

1
ՀՀ վարչապետը տեղեկացնում է, որ կառավարությունը կքննարկի ռազմական դրություն և մասնակի զորահավաք հայտարարելու հարցը։

ԵՐԵՎԱՆ, 27 սեպտեմբերի – Sputnik. Քիչ անց տեղի կունենա Անվտանգության խորհրդի նիստ: Տեղեկությունը Facebook-ի իր էջում հայտնել է ՀՀ վարչապետ Նիկոլ Փաշինյանը։ Նա տեղեկացրել է, որ կառավարությունը կքննարկի ռազմական դրություն և մասնակի զորահավաք հայտարարելու հարցը:

«Պատրաստ եղեք մեր սուրբ հայրենիքի պաշտպանությանը: Հպարտ, հաղթո՛ղ ժողովուրդ»,–գրել է նա:

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Ինչպես է հայկական զինուժը ոչնչացնում ադրբեջանական տանկերը. տեսանյութ

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

1
թեգերը:
զորահավաք, Ղարաբաղյան հակամարտություն, Լեռնային Ղարաբաղ, Արցախ, Անվտանգության խորհուրդ, Նիկոլ Փաշինյան
Վարդան Տողանյան

Հայաստանից ԼՂ զորք տեղափոխելու կարիք չկա. Վարդան Տողանյանի հարցազրույցը

40
(Թարմացված է 12:03 27.09.2020)
ՌԴ-ում ՀՀ դեսպանը հայտնել է, որ հայկական կողմն արդեն իսկ միջոցներ է ձեռնարկել ԼՂ–ում իրավիճակի սրման առնչությամբ։

ԵՐԵՎԱՆ, 27 սեպտեմբերի – Sputnik. Լեռնային Ղարաբաղում իրավիճակի սրումից հետո Երևանը չի ծրագրում ռազմական ուժերը տեղափոխել այնտեղ։ «Խոսում է Մոսկվան» ռադիոկայանի եթերում ասել է ՌԴ-ում ՀՀ դեսպան Վարդան Տողանյանը։

«Այժմ զորքերի տեղափոխման կարիք չկա, քանի որ Լեռնային Ղարաբաղի բանակը համապատասխան միջոցներ է ձեռնարկում։ Ըստ տեղեկությունների՝ մենք գիտենք, որ երկու տանկ է խոցվել, ադրբեջանական ուղղաթիռ է խոցվել է, այսինքն՝ միջոցներ են ձեռնարկվում»,–ասել է Տողանյանը։

Նրա խոսքով` այժմ ճշգրտվում է, թե իրականացված միջոցառումները բավարա՞ր են արդյոք, բայց ամեն դեպքում հավելյալ միջոցառումների, այսինքն` Հայաստանից զորք տեղափոխելու կարիք չկա։

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

«Պատերազմ են ուզում, պատերազմ էլ կստանան». Արցախի նախագահ

Արցախի պաշտպանության նախարարության ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Գործողությունները վաղուց պլանավորված են եղել. Շուշան Ստեփանյան

40
թեգերը:
Վարդան Տողանյան, Արցախ, Հայաստան
թեմա:
Ադրբեջանական ագրեսիա - 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Ինչպես է հայկական զինուժը ոչնչացնում ադրբեջանական տանկերը. տեսանյութ
Հորդորում ենք կողմերին անհապաղ դադարեցնել կրակը. ՌԴ ԱԳՆ-ի կոչը