Ալեքսան Գյոզալյան

Հրշեջի գործը երակներում, կամ ինչու են փրկարարներին Գյումրիում «գիժ» կոչում

814
(Թարմացված է 12:04 04.09.2020)
Փրկարարի օրվա առթիվ Sputnik Արմենիան զրուցել է Ալեքսան Գյոզալյանի հետ։ Գնդապետը հրշեջ-փրկարարի գործի դժվարություններն իր մաշկի վրա  է զգացել. կյանքի 40 տարին կրակի միջով է անցել, բայց ասում է` եթե նորից մասնագիտություն ընտրելու լիներ, նույն  ճանապարհը կընտրեր:

ԵՐԵՎԱՆ, 4 սեպտեմբերի – Sputnik. Ուժեղ կամք ու կարգապահություն։ Սրանք են այն կարևորը գծերը, որոնք առաջնային են փրկարարի համար։ Հրշեջ-փրկարարի գործն ընտրած Ալեքսան Գյոզալյանը սրանում համոզված է: Դժվարությունները շատ են, բայց որ սիրեցիր ու նվիրվեցիր՝ վերջ,  էլ ոչինչ չի կարող ստիպել, որ փոխես ճանապարհդ։

Полковник МЧС Алексан Гезалян
© Sputnik / Armenuhi Mkhoyan
Ալեքսան Գյոզալյան

Գյոզալյանն ասում է՝ ոչ թե ինքն է մասնագիտությունն ընտրել, այլ մասնագիտությունն իրեն։ Այն արյան մեջ է. տանը բոլորը՝ կին թե տղամարդ, հրշեջ  ջոկատում են աշխատել՝ պապը, հայրը, եղբայրները, նույնիսկ  տատիկն ու մայրիկը:

«Երկու եղբայներս էլ նվիրված հրշեջներն են եղել, ավագ եղբայրս հրդեհաշիջման դեպքից հետ վերադառնալու ժամանակ տեղի ունեցած ավտովթարի զոհ է դարձել, միջնեկ եղբայրս էլ մինչև կյանքի վերջին օրը հրշեջ ջոկատում է եղել: Տատիկս ու մայրիկս էլ հրշեջ ջոկատի հեռախոսավարուհի են եղել: Եթե այս ոլորտում աշխատած իմ բոլոր ազգականների աշխատանքային ստաժին  ավելացնեմ իմ աշխատանքային 40 տարին, ավելի քան  400 տարի կստացվի»,-կատակում է հրշեջ-փրկարարը:

Ասում է՝ օրօրոցայինի փոխարեն հրդեհի ահազանգն ու մեքենաների շչակներն  է լսել, իսկ 3-րդ դասարանից արդեն  ցանկացած հրշեջից լավ է իմացել` ինչպես կարելի է հրդեհաշիջում կազմակերպել:

Полковник МЧС Алексан Гезалян
© Sputnik / Armenuhi Mkhoyan
Ալեքսան Գյոզալյանն աշխատավայրում

Մայրը թաքուն հույս է փայփայելիս եղել, որ որդուն այլ ոլորտում կտեսնի, իսկ երբ տարիներ անց իմացել է, որ այս մեկն էլ է հրշեջ–փրկարարի գործն ընտրել, հուզվել ու լաց է եղել:

«Ողջ տունը հրշեջներ էին։ Մայրս խելագարվել  էր հրդեհներից հետո կեղտոտ ու ծխահարված համազգեստ լվանալուց»,–հիշում է գնդապետը:

Այսօր արդեն շարքայինից սկսած Ալեքսան Գյոզալյանը ղեկավարում է ՀՀ ԱԻ Շիրակի մարզի փրկարական վարչությունը: 

Գյոզալյանի պապին՝ Ալեքսան  Ասատրյանին, 1928 թվականին Լենինական են հրավիրել առաջին հրշեջ  մասում որպես շինարար աշխատելու։ 

«Մենք մարդու հա՛մ դուրսը կտեսնինք, հա՛մ ներսը». ինչպես են գյումրեցիները մականուն կնքում

Երիտասարդ շինարարի լավ աշխատանքը տեսնելով, նրան  1931 թվականին նշանակել  են  հրշեջ  մասի պետ` բնակարան հատկացնելով իր իսկ կառուցած շենքում: 17 տարի անց էլ հայրն է աշխատանքի ընդունվել հրշեջ մասում սկզբում որպես վարորդ, ապա հրշեջ մասի պետ է նշանակվել, իսկ հետո հորը փոխարինել է ավագ եղբայրը։ Միջնեկ եղբայրը նույնպես բարձրագույն մասնագիտական կրթություն ստանալուց հետո աշխատանքի է անցել նույն տեղում:

Алексан Гезалян с коллективом спасателей
© Photo : provided by Alexan Gyozalyan
Ալեքսան Գյոզալյանը գործընկերների հետ

«Հրշեջներին ժողովուրդը «գիժ»  է կոչում, ասում են՝ սովորական  մարդիկ կրակը տեսնում, փախչում են, հրշեջները գնում են կրակի բերանը»,-ասում է Ալեքսան Գյոզալյանը:

Ուղիղ թիրախին. 15-ամյա գյումրեցին հաղթում է հին զենքով ու երազում նոր ոսկու մասին

Նա համոզված է` ամեն մարդ չէ, որ կարող է աշխատել որպես փրկարար։ Այս գործը սեր ու նվիրում է պահանջում: Հեշտ չէ սեփական կյանքն ամեն օր վտանգելը։ Դժվար իրավիճակներ շատ են եղել,  գնդապետն առանձնացնում է 1997 թվականին Գյումրու Սայաթ-Նովա պողոտայում հեղուկ գազի մեքենայի պայթյունը, որի պատճառով իր 8 ծառայակից ընկերների հետ ծանր այրվածքներ ստացավ, մյուսը  1996 թվականին Գյումրու տնակներից մեկում  գրանցված սարսափելի հրդեհն էր, որի պատճառով 9 զոհ էր գրանցվել:  Այդ սարսափ տեսարանը մինչև օրս չի մոռանում:

Алексан Гезалян с коллективом спасателей
© Photo : provided by Alexan Gyozalyan
Ալեքսան Գյոզալյանը գործընկերների հետ

Այնուամենայնիվ, 56–ամյա հրշեջ– փրկարարն իրեն այս գործից դուրս չի պատկերացնում։ Նրա համար սա  ոչ թե հոբբի կամ աշխատանք է, այլ կենսակերպ: Ինքն է ընտրել այդ կենսակերպը` զինվորագրվելով ուրիշի կյանքը սեփական կյանքի գնով փրկելու գործին:

Ոսկե «բիլազուկով» ծնվածը. ինչպես մայրն ու որդին մնացին փլատակների տակ և հետո կորցրին իրար

814
թեգերը:
ՀՀ արտակարգ իրավիճակների նախարարություն (ԱԻՆ), Ալեքսան Գյոզալյան, փրկարար, Գյումրի
Ըստ թեմայի
Երբ զենքը գրիչն է. Յուրա Հարությունյանը գիտի ամենաբարդ մասնագիտություններից մեկի գաղտնիքը
Ինչպես գյումրեցի տղամարդը սկսեց յուրօրինակ կտավներ ստեղծել գրչով
Գյումրին սիրելու նուրբ արվեստը, կամ ինչպես Դերենիկը գնեց Դերենիկի տունը
Հիվանդանոց, արխիվային լուսանկար

Հիվանդանոցները միայն անհետաձգելի բուժօգնություն կտրամադրեն . Թորոսյանը հրաման է ստորագրել

170
(Թարմացված է 00:50 28.09.2020)
Հիվանդանոցային պայմաններում բուժվող քաղաքացիները դուրս կգրվեն` նրանց առողջական վիճակի գնահատումից հետո։

ԵՐԵՎԱՆ, 28 սեպտեմբերի– Sputnik. Դադարեցվում է բժշկական կազմակերպություններ պլանային կարգով բուժօգնության համար դիմած քաղաքացիների ընդունումը: Առողջապահության նախարարության մամուլի ծառայության հաղորդմամբ`այս մասին հրաման է ստորագրել նախարար Արսեն Թորոսյանը։

«Հիմք ընդունելով «Ռազմական դրության իրավական ռեժիմի մասին» օրենքի 12-րդ հոդվածի 1-ին մասի «դ» կետը, Հայաստանի Հանրապետության կառավարության 2020 թվականի օգոստոսի 20-ի թիվ 1370-Ա որոշման հավելվածի 1-ին կետի 1-ին ենթակետը` Հայաստանի Հանրապետությունում ռազմական դրությամբ պայմանավորված բնակչության բժշկական օգնությունը և սպասարկումը կազմակերպելու նպատակով առողջապահության նախարար Արսեն Թորոսյանը հրաման է ստորագրել, ըստ որի` դադարեցվում է բժշկական կազմակերպություններ պլանային կարգով հիվանդանոցային բուժօգնության համար դիմած պացիենտների ընդունումը»,– նշված է հաղորդագրության մեջ։

Ըստ հրամանի` կիրականացվեն բացառապես վերակենդանացման միջոցառումներ, անհետաձգելի բժշկական օգնություն և սպասարկում պահանջող հիվանդների ընդունում: Հիվանդանոցային պայմաններում բուժվող քաղաքացիները դուրս կգրվեն` նրանց առողջական վիճակի գնահատումից հետո։ Հետագա հսկողությունը կկազմակերպվի սպասարկող առողջության առաջնային պահպանման հաստատությունների միջոցով:

Ադրբեջանական հրետակոծության հետևանքով նաև հղի կին է տուժել

Նախարարությունը լիահույս է, որ մեր համաքաղաքացիներն ըմբռնումով կմոտենան կայացված որոշմանը և կհետաձգեն իրենց հիվանդանոցային պլանային այցելությունները մինչև ռազմական դրության ավարտը:

170
թեգերը:
հիվանդանոց, Արսեն Թորոսյան, ՀՀ Առողջապահության նախարարություն, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան
Մակրոնը մտահոգություն է հայտնել. Փաշինյանը զրուցել է Ֆրանսիայի նախագահի հետ
Հակառակորդի կորուստների թիվն ավելացել է. ևս 1 ուղղաթիռ, 3 տանկ և 7 ԱԹՍ է խոցվել
Տեղեկություններ կան, որ Թուրքիան ավելի քան 300 վարձկան է ուղարկել Ադրբեջան. Սաֆրաստյան
ԱՄՆ Պետդեպ

«Հորդորում ենք անհապաղ դադարեցնել կրակը». ԱՄՆ-ն դիմել է ՀՀ–ին ու Ադրբեջանին

103
(Թարմացված է 00:48 28.09.2020)
ԱՄՆ Պետդեպարտամենտը Երևանին ու Բաքվին կոչ է անում հրաժարվել ռազմատենչ հայտարարություններից:

ԵՐԵՎԱՆ, 28 սեպտեմբերի - Sputnik. ԱՄՆ-ն Հայաստանին և Ադրբեջանին կոչ է արել անհապաղ դադարեցնել կրակը Լեռնային Ղարաբաղում:

«ԱՄՆ-ն Երևանին ու Բաքվին կոչ է անում հրաժարվել ռազմատենչ հայտարարություններից և գործողություններից, որոնք կարող են սրել իրավիճակը Լեռնային Ղարաբաղում», - նշված է հաղորդագրության մեջ։

Պետդեպարտամենտը հակամարտության կողմերին հորդորում է վերսկել բանակցությունները:

​Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Ադրբեջանական ագրեսիայի զոհ դարձած զինծառայողների թիվը 16 է, վիրավորներինը` ավելի քան 100։ Արցախում և Հայաստանում ռազմական դրություն և համատարած զորահավաք է հայտարարվել։

Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել

103
թեգերը:
ԱՄՆ, Արցախ, Ադրբեջան, Հայաստան
Ըստ թեմայի
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Սիրիայից 4 000 գրոհային է մասնակցում Ադրբեջանի ռազմական գործողություններին
Ողջամիտ եղեք․ Կադիրովը դիմել է Հայաստանի և Ադրբեջանի ղեկավարությանը

Ոստիկաններն էլ մեկնեցին առաջնագիծ. տեսանյութ

0
(Թարմացված է 01:14 28.09.2020)
Ոստիկաններին Արցախ տանող ավտոբուսը ճանապարհ է ընկել։ Առաջնագիծ մեկնողներին ճանապարհել են ծափերով։

ՀՀ ոստիկանության աշխատակիցները նույնպես մեկնեցին առաջնագիծ` կանգնելու զինվորների կողքին։ Համացանցում հրապարակված տեսանյութում երևում է, թե ինչպես են ճանապարհում ոստիկաններին։

Ավելի վաղ հայտնել էինք, որ Արցախ են մեկնել Երևանի պետական բժշկական համալսարանի և համալսարանական հիվանդանոցների բժիշկները։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Ադրբեջանական ագրեսիայի զոհ դարձած զինծառայողների թիվը 16 է, վիրավորներինը` ավելի քան 100։ Արցախում և Հայաստանում ռազմական դրություն և համատարած զորահավաք է հայտարարվել։

Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել

0
թեգերը:
ոստիկան, Արցախ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել
Արցախում խափանվել է հեռախոսային ու ինտերնետային կապը
Հիվանդանոցները միայն անհետաձգելի բուժօգնություն կտրամադրեն . Թորոսյանը հրաման է ստորագրել