ԵՐԵՎԱՆ, 3 սեպտեմբերի - Sputnik․ Եվս 218 Ռուսաստանի քաղաքացի Հայաստանից Ռուսաստան են մեկնել։ Տեղեկությունը հայտնում է ՀՀ-ում Ռուսաստանի դեսպանությունը։
Նրանք սեպտեմբերի 3-ին ՌԴ են մեկնել Երևան-Սոչի և Երևան-Մոսկվա չվերթերով։
Դեսպանությունը հայտնում է, որ համալիր աշխատանքի շրջանակում Հայաստանից դուրս է բերվել ընդհանուր առմամբ 7281 մարդ։
Մարտից կորոնավիրուսի համավարակի հետևանքով Հայաստանը և Ռուսաստանը, ինչպես աշխարհի շատ երկրներ, փակել են ավիահաղորդակցությունները այլ երկրների հետ։ Բացառություն են միայն բեռնատար օդանավները, ինչպես նաև քաղաքացիներին արտերկիրներից իրենց բնակավայր վերադարձնելու նպատակով կազմակերպած չվերթերը։
