Նիկոլ Փաշինյանն ու Դավիթ Տոնոյանը. արխիվային լուսանկար

Հայաստանում պահեստազորի եռամսյա զորահավաք կանցկացվի

207
(Թարմացված է 21:45 02.09.2020)
Պաշտպանության նախարարությունը որոշել է բարձրացնել պահեստազորայինների մասնագիտական պատրաստվածության որակը:

ԵՐԵՎԱՆ, 2 սեպտեմբերի – Sputnik. ՀՀ պաշտպանության նախարարությունը մտադիր է պահեստազորի վարժական զորահավաք հայտարարել: Որոշման նախագիծն ընդգրկված է ՀՀ կառավարության` վաղվա նիստի օրակարգում:

Կառավարության կայքում հրապարակված նախգծից պարզ է դառնում, որ զորահավաքին մասնակցելու են առաջին խմբի առաջին կարգում հաշվառված շարքային, ենթասպայական և սպայական կազմերի պահեստազորայինները:

Վարժական հավաքների տևողությունը երեք ամիս է` 2020 թվականի սեպտեմբերի 15-ից մինչև դեկտեմբերի 15-ը:

Վարժական հավաքներին կներգրավվի ընդհանուր թվով 786 քաղաքացի, որոնցից 524–ը` շարքային կազմի, 82-ը` ենթասպայական կազմի, 180-ը` սպայական կազմի պահեստազորայիններ:

Աշխարհազորում ներգրավված կլինեն նաև կանայք. Գաբրիել Բալայան

Յուրաքանչյուր մասնագիտության գծով վարժանքների տևողությունը կկազմի 7-9 օր:

Վարժական հավաքների անցկացման անհրաժեշտությունը պաշտպանության նախարարությունը հիմնավորում է այն հանգամանքով, որ վերջին տարիներին ՀՀ զինված ուժերը համալրվել են նոր սպառազինությամբ ու ռազմական տեխնիկայով, ուստի անհրաժեշտություն է առաջացել պահեստազորայինների մասնագիտական պատրաստվածության որակը համապատասխանեցնելու առկա զինատեսակներին:

Զինված մարդիկ փողոցներում չեն շրջի. ՊՆ–ն` աշխարհազորի մասին

207
թեգերը:
արտահերթ նիստ, ՀՀ կառավարություն, կառավարություն, Պահեստազոր, աշխարհազոր, Հայաստան
Ըստ թեմայի
Երևանում աշխարհազոր կստեղծվի. ՊՆ–ն հանրային քննարկման է ներկայացրել օրենքի նախագծերը
Միջանկյալ լուծում. ինչու է հենց հիմա որոշվել աշխարհազոր ստեղծել
Հայաստանն ապացուցեց պահեստազորից հզոր բռունցք ստեղծելու կարողությունը. ռազմական փորձագետ
Հայկական բանակի զինծառայողներ

Գիշերը մարտերը շարունակվել են. հայկական կողմը զգալի հաջողություններ ունի

464
(Թարմացված է 08:55 28.09.2020)
Արծրուն Հովհաննիսյանը նշել է, որ որոշ տեղերում հրետանային մենամարտեր են ընթացել, իսկ հայկական կողմի կորուստների մասին ադրբեջանական լուրերը չեն համապատասխանում իրականությանը:

ԵՐԵՎԱՆ, 28 սեպտեմբերի - Sputnik. ՀՀ ՊՆ ներկայացուցիչ Արծրուն Հովհաննիսյանը հայտնել է, որ գիշերը մարտական գործողությունները շարունակվել են և մեր ԶՈւ-երը գրանցել են նշանակալի հաջողություններ:

«Սակայն դեռ հանգիստ չէ, մարտերը շարունակվում են, որոշ տեղերում հրետանային մենամարտեր են: Մեր զորքերի մասին ադրբեջանական կողմի հայտնած կորուստները չեն համապատասխանում իրականությանը»,- գրել է նա:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Արցախի Հանրապետության միջազգային ճանաչումը կարող է լինել զսպող քայլ. Մասիս Մայիլյան

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհերից բացի, հայկական կողմը 100–ից ավելի վիրավոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

ՀՀ տեղափոխված վիրավորներից 2-ի վիճակը ծայրահեղ ծանր է. նոր տվյալներ

464
թեգերը:
Արծրուն Հովհաննիսյան, Պատերազմ, Արցախ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Ադրբեջանական հրետակոծության հետևանքով նաև հղի կին է տուժել
Պատժիչ քայլեր և համարժեք գործողություններ. վարչապետը հանդիպել է ՊՆ և ԶՈՒ ղեկավար կազմի հետ
Սիրիայից 4 000 գրոհային է մասնակցում Ադրբեջանի ռազմական գործողություններին
Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան
Զինվորական համազգեստ

Արցախի ՊՆ-ն սահմանին նահատակված զինծառայողների նոր ցանկ է հրապարակել

1347
(Թարմացված է 08:46 28.09.2020)
Նահատակներից 4-ը 18-ամյա զինծառայողներ են, ամենամեծը 41 տարեկան է:

ԵՐԵՎԱՆ, 28 սեպտեմբերի - Sputnik. Արցախի հանրապետության մամուլի ծառայությունը հրապարակել է արցախա-ադրբեջանական սահմանին սկսված բախումների հետևանքով նահատակված զինծառայողների անունները:

Ներսիսյան Սասուն Գրենիկի, ծնվ. 2002թ.

Խաչատրյան Խորեն Յուրայի, ծնվ. 1983թ.

Գրիգորյան Արմեն Նիկոլայի, ծնվ. 1984թ.

Աղասարյան Յուրի Հայկի, ծնվ. 2001թ.

Աճեմյան Գարիկ Արամի, ծնվ. 2002թ.

Գալոյան Գևորգ Մարզպետի, ծնվ. 2001թ.

Աբրահամյան Գուրգեն Վարդանի, ծնվ. 2001թ.

Յարավյան Գոռ Հրանտի, ծնվ. 2002թ.

Ափոզյան Հովհաննես Օնիկի, ծնվ. 2000թ.

Հովհաննիսյան Արեն Կարենի, ծնվ. 2002թ.

Բեգլարյան Հայկազ Աշոտի, ծնվ. 2000թ.

Գաբրիելյան Էրիկ Ռոմայի, ծնվ. 1979թ.

Հայրապետյան Գուրգեն Էդուարդի, ծնվ. 1988թ.

Մովսիսյան Արթուր Սլավիկի, ծնվ. 1981թ. 

Միխայելյան Վազգեն Լևոնի, ծնվ. 1998թ.

Ավելի վաղ հայկական կողմը հայտնել էր ևս 16 զոհի մասին:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհերից բացի, հայկական կողմը 100–ից ավելի վիրավոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

 

1347
թեգերը:
Զոհ, զինծառայող, Պատերազմ, Սահման, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Տղերք, պինդ կացեք. համալսարանական բժիշկները ճակատ են մեկնում. տեսանյութ
Սիրիայից 4 000 գրոհային է մասնակցում Ադրբեջանի ռազմական գործողություններին
Ողջամիտ եղեք․ Կադիրովը դիմել է Հայաստանի և Ադրբեջանի ղեկավարությանը
ՀՀ տեղափոխված վիրավորներից 2-ի վիճակը ծայրահեղ ծանր է. նոր տվյալներ
Դիրքեր

Հայկական ԶՈւ-ն վերականգնել է նախկինում կորցրած մի շարք դիրքեր. տեսանյութ 18+

200
(Թարմացված է 09:08 28.09.2020)
Գիշերվա ընթացքում ճակատային գծի հարավային, հարավ-արևելյան և հյուսիսային ուղղություններում շարունակվել են ինտենսիվ մարտական գործողությունները:

ԵՐԵՎԱՆ, 28 սեպտեմբերի – Sputnik. ՊԲ-ի ստորաբաժանումների ձեռնարկած հակագրոհի արդյունքում հակառակորդին պատճառվել է կենդանի ուժի և զինտեխնիկայի մեծաքանակ կորուստներ, իսկ ՊԲ-ն վերականգնել է նախկինում կորցրած մի շարք դիրքեր: Տեղեկությունը հայտնում է Արցախի պաշտպանական գերատեսչությունը։

Տեղեկացվում է նաև, որ գիշերվա ընթացքում ճակատային գծի հարավային, հարավ-արևելյան և հյուսիսային ուղղություններում շարունակվել են ինտենսիվ մարտական գործողությունները:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

ԱՀ ՊԲ–ն նաև տեսանյութ է ներկայացվել, որտեղ երևում են հակառակորդի մարդկային կորուստները։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 31 զինծառայող։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

200
թեգերը:
Ադրբեջան, Հայաստան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Ոստիկաններն էլ մեկնեցին առաջնագիծ. տեսանյութ
Արցախի ՊՆ-ն սահմանին նահատակված զինծառայողների նոր ցանկ է հրապարակել
«Տեսնենք՝ կկարողանանք բախումները դադարեցնել». Թրամփը խոսել է ԼՂՀ–ի իրավիճակի մասին