Նիկոլ Փաշինյան, արխիվային լուսանկար

«Թավշյա հեղափոխությունն» ու հայ-ռուսական հարաբերությունները. ինչո՞ւ Մոսկվան չմիջամտեց

126
(Թարմացված է 18:27 02.09.2020)
Հայ փորձագետի կարծիքով՝ Հայաստանում տեղի ունեցած հեղափոխությունը բացասական չի անդրադարձել Ռուսաստանի հետ հարաբերությունների վրա, իսկ ռուսաստանյան փորձագետը համոզված է՝ Հայաստանում տեղի ունեցածը գունավոր հեղափոխություն չէր։

ԵՐԵՎԱՆ, 2 սեպտեմբերի – Sputnik. Հայաստանում տեղի ունեցած հեղափոխությունը, որը հանգեցրեց իշխանափոխության, չի ազդել հայ–ռուսական բարեկամական հարաբերությունների վրա և չի փոխել երկրի աշխարհաքաղաքական ուղղվածությունը։ Sputnik Արմենիա մուլտիմեդիոն մամուլի կենտրոնում «Թավշյա հեղափոխություններ. ակունքներն ու հետևանքները» խորագրով Մոսկվա–Մինսկ–Երևան–Բիշքեկ–Թբիլիսի տեսակամրջի ժամանակ նման կարծիք հայտնեց «Ինտեգրացիա և զարգացում» հետազոտական-վերլուծական ՀԿ նախագահ, ՀՀ հանրային խորհրդի անդամ, Եվրասիական փորձագիտական ակումբի համակարգող, ԱԺ նախկին պատգամավոր Արամ Սաֆարյանը։

Հայաստանում, ըստ նրա, հեղափոխության պատճառ դարձավ իշխանությանը հեռացնելու հանրային ցանկությունը, այլ ոչ թե տեխնոլոգիաները, ինչպես լինում է «գունավոր հեղափոխությունների» ժամանակ։ Նա ընդգծեց, որ գործող իշխանությունը որոշ խոստումներ կատարել է, որոշները` ոչ, սակայն հասարակության մեծ մասը հանդես է գալիս հօգուտ նոր իշխանության, թեև այդ համախոհների թիվը վերջին երկու տարվա ընթացքում նվազել է։

Սաֆարյանը կարծում է, որ իշխանության ներկայացուցիչները փոխել են իրենց վերաբերմունքը Ռուսաստանի և այլ եղբայրական երկրների նկատմամբ, հակառուսական տրամադրություններն էապես կրճատվել են։ Գործող իշխանությունը հանդես է գալիս ՀԱՊԿ–ում, ԵԱՏՄ–ում և ԱՊՀ–ում Հայաստանի ակտիվ մասնակցության օգտին։ Երկիրը միտված է եվրասիական ինտեգրման շրջանակում ամենասերտ համագործակցությանը, քանի որ դրանում կենսամակարդակի և տնտեսական արդիականացման բարձրացման հնարավորություն է տեսնում։

Ռուսաստանը միակ երկիրն է, որը ի վիճակի է զսպել Թուրքիայի նկրտումները. Քոչարյան

«Իհարկե, հեղափոխությունների մեծ մասը հանգեցրեց այն բանին, որ Արևմուտքին հաջողվեց «պոկել» այդ երկրները Ռուսաստանից և քաղաքակրթական խնդիր ստեղծել հետխորհրդային տարածքի համար։ Սակայն մեր դեպքում Ռուսաստանի հետ պառակտում տեղի չունեցավ, թեև իշխանության մեջ շատ են արևմտամետ ակտիվիստները, որոնք իշխանությունից տարբերվող երկրի ուղղվածության սեփական տեսլականն ունեն։ Հասարակությունն աջակցում է իշխանությանը, քանի որ այն չփոխեց իր աշխարհաքաղաքական ուղղվածությունը, և դա կարևոր է»,– ընդգծեց նա։

ՌԴ Դաշնությունների խորհրդի միջազգային հարցերի կոմիտեի նախագահի առաջին տեղակալ Վլադիմիր Ջաբարովն իր հերթին նկատեց, որ հետխորհրդային տարածքում 10 գունավոր հեղափոխություն փորձեր են եղել, այդ թվում՝ Հայաստանում 2008 թվականի մարտի մեկի իրադարձությունները։ Սակայն 2018 թվականի հեղափոխությունը նա «գունավոր» չի համարում, քանի որ ռեժիմի ուժային տապալում չի եղել, այլ ընտրվել է առաջնորդ, որին ժողովուրդն է ցանկացել: Ըստ նրա` դա է պատճառը, որ Ռուսաստանը չի միջամտել Հայաստանի իրադարձություններին և սպասել է այն որոշմանը, որը կայացրել է հայ ժողովուրդը։ Նույնը, նրա համոզմամբ, տեղի է ունեցել Բելառուսի դեպքում։

Միևնույն ժամանակ Ջաբարովը նշեց, որ համաձայն չէ ՀՀ երկրորդ նախագահ Ռոբերտ Քոչարյանի այն կարծիքի հետ, որ Բելառուսի իրադարձություններն ու Հայաստանի 2018 թվականի հեղափոխությունները նման են։ Նրա խոսքով` Հայաստանում ժողովուրդն իսկապես հոգնել էր կոռուպցիայից, որը կար վերջին տարիներին, իսկ Բելառուսում որոշ տեխնոլոգիաներ են գործի դրվել։

«Հայաստանի և Բելառուսի իրադարձությունները չէի համեմատի, ընդհանրություն չեմ տեսնում», – շեշտեց նա։

Քոչարյանը զուգահեռներ անցկացրեց «թավշյա հեղափոխության» և Բելառուսի իրադարձությունների միջև

Հիշեցնենք, որ օգոստոսի 9-ից Բելառուսում չեն դադարում բողոքի ցույցերը, որոնց մասնակիցները համաձայն չեն երկրում անցկացված նախագահական ընտրությունների արդյունքների հետ։ Պաշտոնական տվյալների համաձայն` օգոստոսի 9-ին տեղի ունեցած ընտրություններում հաղթել է գործող նախագահ Ալեքսանդր Լուկաշենկոն, նրա օգտին քվեարկել է ընտրողների 80,1%–ը, նրա հիմնական մրցակցի` Սվետլանա Տիխանովսկայայի օգտին` 10,12%–ը։ Տիխանովսկայան այժմ Լիտվայում է։

126
թեգերը:
Ռուսաստան, «Թավշյա հեղափոխություն», Հայաստան
Ըստ թեմայի
Քրեական գործերը հայ–ռուսական հարաբերությունների վրա չեն ազդում. Մնացականյան
Ռուսական վարկից հրաժարվելը կապ չունի հայ-ռուսական հարաբերությունների հետ. Պապիկյան
Հայ-ռուսական համագործակցությունը ՀԱՊԿ–ի կարևոր բաղադրիչն է. Կոպիրկին
Հայ-ռուսական հարաբերությունները չպետք է դառնան ինչ–որ մեկի շահերի պատանդ. Կոպիրկին
Ադբեջանական զրահատեխնիկա,  արխիվային լուսանկար

Մերոնք վիրտուոզ են. հայկական կողմը ադրբեջանական տանկ է ոչնչացրել ականանետով

149
(Թարմացված է 16:01 29.09.2020)
Ադրբեջանական խոցված զրահատեխնիկայի թիվն անընդհատ ավելանում է: Հայ հրետանավորները ցուցադրել են իրենց արհեստավարժությունը։

ԵՐԵՎԱՆ, 29 սեպտեմբերի – Sputnik. Հայ հրետանավորները ադրբեջանական տանկ են ոչնչացրել ականանետով։ Տեղեկությունը հայտնում է ՊՆ ներկայացուցիչ Արծրուն Հովհաննիսյանը։

«Մեր հրետանավորները վիրտուոզ են։ Ականանետով տանկեր խփել էլ յուրացրինք»,– Facebook–ի իր էջում գրել է նա։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 83 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Արցախի ՊԲ ստորաբաժանումները «Իգլա» ԴԶՀՀ-ով հակառակորդի երկու ուղղաթիռ են ոչնչացրել

Հայկական կողմի գործողությունների արդյունքում հակառակորդը նաև զինտեխնիկայի մեծ կորուստներ ունի։

Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում

149
թեգերը:
Արծրուն Հովհաննիսյան, Ադրբեջան, տանկ, Արցախ
Ըստ թեմայի
«Ջա՜ն, բամբիտ ա արել». Արցախի ՊԲ–ն ևս մեկ ԱԹՍ է խոցել. տեսանյութ
Պաշտպանության բանակը հակառակորդի հերթական ուղղաթիռն է խոցել. տեսանյութ
Նորակերտ գյուղում ՀՀ զինված ուժերը երկու ԱԹՍ են խոցել. լուսանկարներ
Գյուղ Նորակերտ, Գեղարքունիքի մարզ

Նորակերտ գյուղում ՀՀ զինված ուժերը երկու ԱԹՍ են խոցել. լուսանկարներ

138
(Թարմացված է 16:03 29.09.2020)
Տղամարդիկ գյուղամեջում նստած են եղել, երբ տարօրինակ ձայն են լսել ու տեսել, որ այրվող ինչ–որ օբյեկտ է ընկնում։

ԵՐԵՎԱՆ, 29 սեպտեմբերի - Sputnik. Գեղարքունիքի մարզի Նորակերտ համայնքի մոտակայքում ՀՀ ԶՈՒ–ն այսօր 2 ԱԹՍ է խոցել։ Sputnik Արմենիայի թղթակիցը տեղից հայտնում է, որ ԱԹՍ–ներից մեկն ընկել է դաշտերից մեկում. տեղում մեծ փոս է առաջացել։ 

Տեղի բնակիչներից Մասիս Մարտիրոսյանը պատմել է մեր թղթակցին, որ դեպքը տեղի է ունեցել ժամը 14։00-ի շրջանում։

Житель села Норакерт Гехаркуникской области Масис у поля, на которое упал БПЛА
© Sputnik / Karen Avetisyan
Մասիս Մարտիրոսյան

«Տեղի բնակչությունը հավաքված էր գյուղամեջում։ Նկատեցինք, որ վառվող օբյեկտ է իջնում ու ինչ–որ ձայն է գալիս։ Կանայք և երեխաներն իրար խառնվեցին, կանայք սկսեցին երեխաներին ներս տանել` անգամ չիմանալով, թե ով ում երեխային է վերցնում։ Մենք տղամարդկանցով շտապեցինք դեպքի վայր։ Երբ հասանք՝ պայթյունը որոտացել էր»,–ասաց Մարտիրոսյանը։

Образованная воронка от удара БПЛА близ села Норакерт Гехаркуникской области
© Sputnik / Karen Avetisyan
ԱԹՍ-ի ընկնելու տեղը

Դրանից հետո հակաօդային պաշտպանությունը եկել ու ԱԹՍ–ի կտորները հեռացրել է տարածքից։

Գյուղի բնակիչ Լեռնիկն էլ իր հերթին պատմում է, որ գյուղում խուճապային տրամադրություն չկա, ոչ ոք չի տարհանվել։ Գյուղում տղամարդկանց մի  մասը գնացել է ճակատ, մյուսը սպասում է։ Լեռնիկը նույնպես սպասում է իր հերթին։ Նորակերտում ապաստարաններ էլ կան։

«Հեչ որ չէ` կոմպոտ պահելու պադվալ ունենք, կիջնենք էնտեղ ու կսպասենք։ Մեր զինվորները պետք է իմանան, որ իրենց թիկունքն ուժեղ է»,–ասաց տղամարդը։

Житель села Норакерт Гехаркуникской области Лерник у поля, на которое упал БПЛА
© Sputnik / Karen Avetisyan
Նորակերտի բնակիչ Լեռնիկը ցույց է տալիս ԱԹՍ-ի անկման տեղը

Ինչպես արդեն տեղեկացրել էինք, այսօր ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։

Житель села Норакерт Гехаркуникской области Лерник у поля, на которое упал БПЛА
© Sputnik / Karen Avetisyan
Նորակերտի բնակիչ Լեռնիկը ցույց է տալիս ԱԹՍ-ի անկման տեղը

Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։

138
թեգերը:
հայ-ադրբեջանական, Գեղարքունիքի մարզ, անօդաչու թռչող սարք, Հայաստան
թեմա:
Ադրբեջանական ագրեսիան Հայաստանի վրա - 2020
Ըստ թեմայի
Ստեփանակերտի ապաստարաններում մարդիկ հուզված են, բայց ամուր. Աննա Հակոբյան
«Խուճապ չկա, տրամադրությունը մարտական է». Գեղամասարի մոտակայքում ԱԹՍ–ներ են խոցվել
Պաշտպանության բանակը հակառակորդի հերթական ուղղաթիռն է խոցել. տեսանյութ

Ահա թե ինչ է մնացել ադրբեջանցիների հերթական ԱԹՍ–ից. տեսանյութ

0
Այս պահին հայտնի տվյալներով` հակառակորդը 5 տասնյակից ավելի անօդաչու թռչող սարք է կորցրել։

Արցախի ՊԲ զինծառայողները հակառակորդի հերթական անօդաչու թռչող սարքն են կործանել։

Հայկական միասնական տեղեկատվական կենտրոնը հրապարակել է ԱՀ պաշտպանության բանակի նկարահանած կադրերը։ Դրանցում ՊԲ–ի խոցած ադրբեջանական ԱԹՍ–ից միայն բեկորներ են մնացել. մնացորդներն այս ու այն կողմ են ցրված։

Հակառակորդի զինտեխնիկայի կորուստների մասին տեղեկություններն անընդհատ փոփոխվում ու լրացվում են։ Այս պահին հայտնի տվյալներով` հակառակորդը 5 տասնյակից ավելի ԱԹՍ է կորցրել։

Նորակերտ գյուղում ՀՀ զինված ուժերը երկու ԱԹՍ են խոցել. լուսանկարներ

 

0
թեգերը:
տեսանյութ, անօդաչու թռչող սարք, անօդաչու
թեմա:
Ադրբեջանական ագրեսիա Արցախում. 2020