Սու-25

ՀՀ–ին ինչ է ավելի շատ պետք` դրո՞ն, թե՞ Սու. գեներալը խոսել է Սու-25-ի նոր ֆունկցիայի մասին

302
(Թարմացված է 07:23 03.09.2020)
ՀՀ պաշտպանության նախարարության ներկայացուցիչները ռուսաստանյան գործընկերների հետ Սու-25-ի արդիականացման և վերանորոգման պայմանագիր են ստորագրել։

ԵՐԵՎԱՆ, 2 սեպտեմբերի – Sputnik. Գեներալ-մայոր, ՌԴ վաստակավոր ռազմաօդաչու, տեխնիկական գիտությունների թեկնածու Վլադիմիր Պոպովն այսօր Sputnik Արմենիա մուլտիմեդիոն մամուլի կենտրոնում հրավիրված Մոսկվա–Երևան առցանց տեսակամուրջի ժամանակ ասաց, որ նորագույն Սու-25-ը Հայաստանին թույլ կտա այնպիսի հարվածներ հասցնել օդից, որոնք համեմատելի են կառավարվող արկերի հետ։

Պոպովի խոսքով` Սու-25-ները իրենց փոքր չափերի հաշվին ավելի լավ են կարողանում մանևրել ցամաքի մոտ, քան Սու–24-ները։

«Սրանք զուտ խոսքեր չեն. անձամբ եմ թռչել այդ ինքնաթիռներով և վերապատրաստել օդաչուներին», – նշեց գեներալը։

Ըստ նրա` այս ինքնաթիռների նոր սերունդը տարբերվում է նավիգացիայի և կրակի բարձր ճշգրտության համակարգերով։

Պոպովի խոսքով` GLONASS համակարգը, որով զինված է Սու-25-ը, թույլ է տալիս այնքան հստակ կատարել նշանառումը, որ Սիրիայի մարտական գործողությունների ժամանակ ամերիկացիները սկզբնական շրջանում կարծել են, թե ռուս զինվորականները միայն բարձր ճշգրտության զենք են կիրառում։ Նույնիսկ Մ-62 ֆուգասային ռումբերը (1962 թվականի) Սու-25-ները թիրախի վրա էին նետում 25-30 մետր շեղումով։ Նման ճշգրտությունը, ըստ գեներալի, միշտ եղել է խոցման կառավարվող միջոցների կամ ուղղորդվող ռումբերի առավելությունը։

«Կարծում եմ, որ Հայաստանի համար նախատեսված Սու-25-ի արդիականացումը հենց այսպիսի լուծումներ է ենթադրում։ Դրանց տեղադրումը զգալիորեն ավելի մատչելի կլինի, քան նոր տեխնիկա ձեռք բերելը», – նկատեց գեներալը։

«Арсенал Отечества» («Հայրենիքի զինանոց») ամսագրի ռազմական փորձագետ Ալեքսեյ Լեոնկովն էլ, խոսելով անօդաչուների նշանակության մասին, ասաց, որ վերջին շրջանում շատ է խոսվում, թե ԱԹՍ–ները հաղթում են ՀՕՊ համակարգերին, սակայն դա այդքան էլ այդպես չէ։ Հաճախ օրինակ են բերում Սաուդյան Արաբիայում գտնվող Aramco նավթաշտարակները` հիշեցնելով, որ ամերիկյան ՀՕՊ–երն անզոր են եղել անօդաչուների դեմ: Սակայն, փորձագետի կարծիքով, հարցն այստեղ ոչ թե ինքնաթիռի որակն է, այլ ՀՕՊ–ի որակն ու վիճակը. եթե այն ֆունկցիոնալ է, անօդաչուն չի կարող շրջանցել։

Նախ` անօդաչուների վրա չկան սարքեր, որոնք թույլ կտան ռադիոտեղորոշում իրականացնել ցամաքից, այդ պատճառով դրանք չեն կարող խանգարել որսալ իրենց։ Երկրորդ` դրանք մի քանի անգամ զիջում են արագության հարցում. ԱԹՍ–ները շարունակում են նախաձայնային մնալ, իսկ զենիթային կառավարվող հրթիռները վաղուց արդեն գերձայնային են։ Հայտնի մոդելների շրջանում բացառություն է միայն «Կորշուն» գերձայնային ԱԹՍ–ն, որը ստեղծվել է խորհրդային տարիներին և շարունակվել է մշակվել 2000-ականների վերջից։ Սակայն անօդաչուները հիմնականում, ինչպես նշեց Լեոնկովը, կատարում են թիրախավորման և հետախուզության մեծ խնդիրը։

Միևնույն ժամանակ, ըստ Պոպովի, ավտոմատիկան այսօր դեռ դժվարությամբ է տարբերում անօդաչուն կառավարվող ինքնաթիռից։

«Նման համակարգեր կան և ցուցադրվել են Բանակ-2020 ցուցահանդեսի ժամանակ, սակայն դրանք թանկ են, և ոչ բոլոր երկրները կարող են գնել», – ասաց Պոպովը։

Այդ պատճառով անօդաչուները կարող են մասնակցել մարտի առաջին փուլին, որպեսզի շեղեն ՀՕՊ ուշադրությունը` ծանրաբեռնելով օդային տարածքը կեղծ թիրախներով։ Դրանից հետ մարտի մեջ կարող են մտնել հարվածային ինքնաթիռներն ու ուղղաթիռները։

Հիշեցնենք` օգոստոսի 27-ին ՊՆ–ն հայտնեց, որ ՀՀ պաշտպանության նախարարության և Ռուսաստանի Միավորված ավիաշինարարական ընկերության միջև ստորագրվել է Սու-25-ի արդիականացման և վերանորոգման պայմանագիր։ Պայմանագիրը կնքվել է «Պատրիոտ» կոնգրես-ցուցահանդեսային կենտրոնում՝ «Բանակ-2020» միջազգային ռազմատեխնիկական համաժողովի շրջանակներում:

302
թեգերը:
ինքնաթիռ, անօդաչու թռչող սարք, Հայաստան
Ըստ թեմայի
Մեծ գլխացավանք հանդիսացող ԱԹՍ–ներից հայկական ԶՈՒ–ն շատ լավ է գլուխ հանում. Հովհաննիսյան
Հայկական արտադրության ԱԹՍ–ն փորձարկվել է. Արշակյանը տեսանյութ է հրապարակել
«Հայկական արտադրության հարվածային ԱԹՍ-ն գործողության մեջ». նախարարը տեսանյութ է հրապարակել
Հայ դպրոցականների թիմը

Հաղթանակ. հայ դպրոցականների թիմը մեդալներ է շահել ամենահեղինակավոր օլիմպիադայում

47
(Թարմացված է 23:01 27.09.2020)
Ռազմական իրադարձությունների ֆոնին կրթական հաղթանակը ևս մեկ անգամ հիշեցնում է, որ մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը։

ԵՐԵՎԱՆ, 27 սեպտեմբերի – Sputnik. Այսօր ավարտվել է աշխարհում ամենահեղինակավոր մաթեմատիկայի օլիմպիադան, և հայ դպրոցականների թիմը շահել է 2 արծաթե, 3 բրոնզե մեդալներ և 1 գովասանագիր։ Տեղեկությունը հայտնում է ԲՈԿ նախկին ղեկավար Սմբատ Գոգյանը, որը եղել է դպրոցականների թիմի ղեկավարը։

Հայկական թիմում են եղել Մհեր Կարագուլյանը, Էրիկ Բաբասյանը, Վաչագան Դիլանյանը, Հայկ Կարապետյանը, Տիգրան Չտչյանն ու Վահագն Հովհաննիսյանը։

«Այսօրվա ռազմական իրադարձությունների ֆոնին այս կրթական հաղթանակը բոլորիս հիշեցնում է, որ ռազմի դաշտում հաղթանակների իմաստը հենց հայ հասարակության գոյության և արարման համար է։ Մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը»,– Facebook-ի իր էջում գրել է Գոգյանը։

Մեր թիմն օլիմպիադային մասնակցել է «Քվանտ վարժարանի» տարածքում, իսկ ամբողջ տարվա ընթացքում աշակերտներին իրենց գիտելիքներն են փոխանցել ֆիզմաթ դպրոցի ուսուցիչներ Տիգրան Մարգարյանը, Գուրգեն Ասատրյանը, նախկին օլիմպիականներ Ալբերտ Գևորգյանը, Գագիկ Մաղաքյանը և Սմբատ Գոգյանը։

Հայ դպրոցականները մեդալներ են նվաճել Ինֆորմատիկայի միջազգային օլիմպիադայում

47
թեգերը:
մաթեմատիկա, օլիմպիադա, Սմբատ Գոգյան, Հայաստան
Ըստ թեմայի
Դպրոցականները պետության հաշվին կապահովվեն բժշկական դիմակներով ու ախտահանիչներով
«Որ բացում ենք, էլ չենք փակում. դպրոցներն ու դպրոցականները փորձադաշտ չեն». Փաշինյան
Ո՞ր մանկավարժների և դպրոցականների տրանսպորտային ծախսերը կփոխհատուցվեն. նախարարի հրամանը
Тренировки армянских танкистов

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

372
(Թարմացված է 23:00 27.09.2020)
ՊԲ զինծառայողները խոցել են 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա:

ԵՐԵՎԱՆ, 27 սեպտեմբերի - Sputnik. Արցախա-ադրբեջանական շփման գծում ընթացող մարտական գործողությունների ժամանակ իրականացված հակագրոհի արդյունքում հայկական կողմն առգրավել է հակառակորդի զրահատեխնիկան: Տեղեկությունը Facebook-ի իր էջում հայտնել է ՀՀ ՊՆ խոսնակ Շուշան Ստեփանյանը:

«ՊԲ ստորաբաժանումների հակագրոհի արդյունքում առգրավել է հակառակորդի 11 միավոր զրահատեխնիկա իրենց մարտական լրակազմով, այդ թվում՝ ՀՄՄ-3»,- գրել է նա։

ՀՀ միասնական տեղեկատվական շտաբն էլ Facebook–ի պաշտոնական էջում վերջին ամփոփ տվյալներն է ներկայացրել ադրբեջանական կողմի զինտեխնիկայի կորուստների մասին։
Մասնավորապես, պաշտպանության բանակի զինծառայողները խոցել են
5 ուղղաթիռ, 27 անօդաչու թռչող սարք, այդ թվում՝ հարվածային, 33 տանկ և հետևակի մարտական մեքենա,2 ինժեներական զրահատեխնիկա:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան

Ըստ վերջին տեղեկությունների` ադրբեջանական զինուժը կորցրել է 3 ուղղաթիռ, 21 անօդաչու թռչող սարք, 30 տանկ և ՀՄՄ։

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիրովոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

Հակառակորդի կորուստների թիվն ավելացել է. ևս 1 ուղղաթիռ, 3 տանկ և 7 ԱԹՍ է խոցվել

 

372
թեգերը:
Արցախ, զինտեխնիկա, Արցախի պաշտպանության բանակ (ՊԲ), անօդաչու թռչող սարք, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Արցախի բնակիչները պատմում են Ադրբեջանի հարձակման մասին. տեսանյութ
Տեղեկություններ կան, որ Թուրքիան ավելի քան 300 վարձկան է ուղարկել Ադրբեջան. Սաֆրաստյան
Ադրբեջանում պարետային ժամ է հայտարարվել
Մակրոնը մտահոգություն է հայտնել. Փաշինյանը զրուցել է Ֆրանսիայի նախագահի հետ
Армянская военная форма

Արցախի ՊՆ–ն հրապարակեց զոհված զինծառայողների անունները. նրանցից մեկը կին է

397
(Թարմացված է 23:48 27.09.2020)

Ադրբեջանական ագրեսիան հետ մղելու ընթացքում նահատակված զինծառայողները

Վարդանյան Լեռնիկ Արեգի, ծնվ.1978թ.

Մինասյան Գյորգի Լյովայի, ծնվ.1979թ.

Խաչատրյան Հովիկ Լյովայի, ծնվ.1990թ.

Մնացականյան Աշոտ Կոլյայի, ծնվ. 1979թ.

Հարությունյան Ագսեն Անդրանիկի, ծնվ. 1997թ.

Արզումանյան Հասմիկ Սմբատի, ծնվ. 1985թ.

Մարդիյան Արսեն Գարիկի, ծնվ. 1999թ.

Գալստյան Ռուբեն Մնացականի, ծնվ. 2000թ.

Թորոսյան Դավիթ Մխիթարի, ծնվ. 2001թ.

Ֆիլիպոսյան Տարոն Հրայրի, ծնվ. 2000թ.

Գրիգորյան Մայիս Մակարի, ծնվ. 2001թ.

Խլղաթյան Գառնիկ Էդգարի, ծնվ. 2001թ.

Սահակյան Էրիկ Սմբատի, ծնվ. 2001թ.

Մարգարյան Կարեն Վահրամի, ծնվ. 2000թ.

Օհանյան Դավիթ Էդվարդի, ծնվ. 2000թ.

Բարսեղյան Վրեժ Արսենի, ծնվ. 2001թ.

397