Արմեն Սարգսյան

Արցախն էր այն կայծը, որից բռնկվեց ազատության բոցը. Արցախի և Հայաստանի նախագահների ուղերձը

42
(Թարմացված է 10:42 02.09.2020)
Արցախի անկախության կարևորագույն պետական տոնը կերտել ենք միասին՝ ազգովի, համայն հայության ջանքերի համատեղման  շնորհիվ:

ԵՐԵՎԱՆ, 2 սեպտեմբերի - Sputnik. 1991 թ․ սեպտեմբերը ճակատագրական ու բախտորոշ էր հայ իրականության մեջ․ սեպտեմբերի 2-ին անկախություն հռչակեց Արցախը, իսկ սեպտեմբերի 21-ին իր անկախության հանրաքվեն անցկացրեց Հայաստանը: Արցախի անկախության օրվա կապակցությամբ իր շնորհավորական ուղերձում ասել է ՀՀ նախագահ Արմեն Սարգսյանը։

«Արցախն էր այն կայծը, որից բռնկվեց ազատության բոցը և տարածվեց հայկական աշխարհում։ Մեր ժողովուրդը ոտքի ելավ պաշտպանելու իր իրավունքները և իր արժանի տեղը գրավելու ժամանակակից ազգերի ընտանիքում։ Սա մեր իղձերի իրականացման և հնարավորությունների իրացման իսկապես պատմական ժամանակաշրջան էր, որի կարևորությունը շատ լավ էինք գիտակցում ինչպես Արցախում, այնպես էլ Հայաստանում»,– նշել է Սարգսյանը։

Նրա խոսքով` այսօր՝ 29 տարի անց, Արցախը կայացած պետական միավոր է՝ շնորհիվ այն պայքարի, որը մղվում է համահայկական ուժերով, շնորհիվ այն հաղթանակի, որը կերտվեց Արցախի, Հայաստանի ու Սփյուռքի միասնությամբ։

Նախագահը նշել է` Արցախը համազգային կամքի փորձաքարն էր, այսօր էլ այն շարունակում է մնալ մեր միասնության առանցքը։ Որպես ժողովուրդ՝ հայերիս համար յուրաքանչյուր ձեռքբերում Արցախում մի քար է մեծ հայկական աշխարհի վերականգնվող պատին։ Ըստ Սարգսյանի` Արցախի լիակատար ազատության, մեր ժողովրդի ոտնահարված իրավունքների վերականգնման պայքարը դեռ ավարտված չէ․ այն դեռ շարունակվում է։

Արցախի նախագահ Արայիկ Հարությունյանը նույնպես ուղերձ է հղել` ընդգծելով, որ այս կարևորագույն պետական տոնը մենք կերտել ենք միասին՝ ազգովի, համայն հայության ջանքերի համատեղման, մեր հայրենիքի, նախնիների հիշատակի և սերունդների ապագայի հանդեպ ունեցած մեծագույն պատասխանատվության շնորհիվ:

«Այսօր մեր ժողովուրդն այդ նվիրական երազանքի իրականացման ճանապարհին է: Համոզված եմ՝ այն մենք կանցնենք հաջողությամբ, որովհետև կառուցում, շենացնում ու պաշտպանում ենք մեր հայրենի հողը՝ ստեղծելով անհրաժեշտ պայմաններ մեր քաղաքացիների արժանավայել կյանքի համար: Մենք դա կանենք մեր և մեր զոհված ընկերների՝ մեր ժողովրդի հերոս զավակների փոխարեն: Դա բոլորիս սրբազան պարտքն է»,–ասել է Հարությունյանը:

Արցախի բարեփոխումները չեն վրիպում նաև միջազգային հանրության ուշադրությունից. Միրզոյան

Հիշեցնենք, որ 1991թ. սեպտեմբերի 2-ին Ստեփանակերտում տեղի ունեցավ ԼՂԻՄ մարզային և Շահումյանի շրջանային խորհուրդների համատեղ նստաշրջանը: Ընդունվեց հռչակագիր ԼՂԻՄ և Շահումյանի շրջանի սահմաններում Լեռնային Ղարաբաղի Հանրապետություն հռչակելու մասին` հիմք ընդունելով 1990թ. ապրիլի 3-ի Խորհրդային Միության Գերագույն խորհրդի «Խորհրդային Միության կազմից միութենական հանրապետությունների դուրս գալու կարգի» մասին օրենքը: Այդ օրենքի առանցքը Խորհրդային Միության կազմից դուրս գալու հանրաքվեի գաղափարն էր:

42
թեգերը:
Արցախի նախագահ Արայիկ Հարությունյան, Արմեն Սարգսյան, ուղերձ, Անկախության օր, Արցախ, Հայաստան
Ըստ թեմայի
«Արցախի անվտանգությունը և անկախությունը սակարկության ենթակա չեն»․ Բակո Սահակյան
Արարատ Միրզոյանն աշխատանքային այցով կմեկնի Արցախ
ԱԳՆ. Հայաստանը կճանաչի Արցախի անկախությունը պատերազմի դեպքում
Արցախի նախագահն ընդունել է Արարատ Միրզոյանին
«Օսա»

«Օսաներն» իրական չէին. ադրբեջանցիները ոչնչացրել են հայկական ԶՀՀ–ի ստվարաթղթե մակետները

90
(Թարմացված է 23:38 30.09.2020)
Հայ փորձագետներն ուշադրություն են հրավիրել Ադրբեջանի կողմից իբր ոչնչացված «Օսա» ԶՀՀ–ի մակետների լուսանկարներին. դրանք ստվարաթղթե են եղել։ Ադրբեջանի զինված ուժերը դրանք իրականի տեղ են ընդունել։

ԵՐԵՎԱՆ, 30 սեպտեմբերի – Sputnik. Սոցցանցերի հայկական տիրույթում հայտնվել են ադրբեջանական ԶՈւ–ի կողմից ոչնչացված «Օսա» զենիթահրթիռային համալիրների ստվարաթղթե մակետների լուսանկարները։

Հարվածների տեսանյութերը տարածվել են Ադրբեջանի ՊՆ–ի կողմից։ Հեղինակները, ինչպես նաև կրակողները, հավանաբար, այդպես էլ չեն կռահել, որ թիրախն իրականում «կեղծ» է։ Բավականին զվարճալի է ստացվել։

Скрин из опубликованного министерством обороны Азербайджана видео
Ադրբեջանական ԶՈւ–ի կողմից ոչնչացված «Օսա» զենիթահրթիռային համալիրների ստվարաթղթե մակետների լուսանկարները

Տեսանյութի «սքրինշոթերը» Facebook–ի իր էջում հրապարակվել է ռազմական փորձագետ Լեոնիդ Ներսիսյանը։

«Ադրբեջանցիները խոցել են ՀՀ ԶՈւ ստվարաթղթե «Օսաները» և դրանով շատ հպարտանում են։ Երկու թանկարժեք դրոն իզուր կիրառեցին, հաճելի էր», – հեգնում է փորձագետը։

Скрин из опубликованного министерством обороны Азербайджана видео
Ադրբեջանական ԶՈւ–ի կողմից ոչնչացված «Օսա» զենիթահրթիռային համալիրների ստվարաթղթե մակետների լուսանկարները

Նրա հետ համակարծիք է ՀՀ ՊՆ ներկայացուցիչ Արծրուն Հովհաննիսյանը։ «Լավ է ասված ամեն ինչ», – գրում է նա։

Կադրերը խոշորացնելու դեպքում այդ մակետների վրա կարելի է նկատել իրական համալիրների վրա պարտադիր տեղադրվող անհրաժեշտ սարքերի, ռադարների և այլ «ատրիբուտների» բացակայությունը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

90
թեգերը:
Լուսանկար, Զենք, Հայաստան, ադրբեջանցի, Ադրբեջան, Օսա ԱԿ-Մ

Երևանում հնդիկ ուսանողներն օգնություն են հավաքում և ուղարկում Արցախ. տեսանյութ

88
Տղաները ձեռքում բռնել են Հնդկաստանի դրոշը, ողջունում են Sputnik Արմենիայի թղթակցին և օգնություն հավաքում հայ զինվորների համար:

Երևանում հնդիկ ուսանողներն օգնություն են ուղարկում Արցախ։ Sputnik Արմենիայի թղթակիցը նրանց նկարել է Երևանի Հանրապետության հրապարակում։

Տղաները ձեռքում բռնել են Հնդկաստանի դրոշը, ողջունում են Sputnik Արմենիայի թղթակցին և օգնություն հավաքում հայ զինվորների համար: Նրանք հիմնականում շշերով ջուր են հավաքում, բայց ոչ միայն:

Նշենք, որ Երևանի Մխիթար Հերացու անվան պետական բժշկական համալսարանում սովորում են շուրջ 1000 հնդիկ ուսանողներ։

2019 թվականին Հնդկաստանի մայրաքաղաք Դելիում կայացած «Կրթության գերազանցություն, գլոբալ ընտրություն» մրցանակաբաշխությանը ԵՊԲՀ-ն հաղթող ճանաչվեց «Օտարերկրյա լավագույն բժշկական համալսարան հնդիկների համար» անվանակարգում:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

88
թեգերը:
Ղարաբաղյան հակամարտություն, Լեռնային Ղարաբաղ, Հայաստան, Արցախ, Ուսանող, հնդիկ
թեմա:
Ադրբեջանական ագրեսիան Հայաստանի դեմ - 2020
Ըստ թեմայի
Դիրքային շոշափելի փոփոխություններ առաջնագծում տեղի չեն ունեցել. Արայիկ Հարությունյան
Անկարան հակամարտություն է հրահրում ԼՂՀ–ում. Բաշար Ասադի խորհրդական
Արցախն իր պատմության մեջ երբևէ չի գրավվել և երբևէ չի գրավվի. Արայիկ Հարությունյան