Անդրեյ Կարտապլով

Հայաստան է ժամանել ՌԴ պաշտպանության փոխնախարարը

180
(Թարմացված է 19:48 02.09.2020)
Գեներալ-գնդապետը հանդիպումներ կունենա ՀՀ պաշտպանության նախարարության ղեկավար կազմի հետ։

ԵՐԵՎԱՆ, 1 սեպտեմբերի – Sputnik. Հայաստան է ժամանել ՌԴ պաշտպանության փոխնախարար, գեներալ-գնդապետ Անդրեյ Կարտապոլովը։ Տեղեկությունը հայտնում է ՀՀ պաշտպանության նախարարի մամուլի խոսնակ Շուշան Ստեփանյանը։

«Նա ներկա է գտնվելու «Խաղաղության մարտիկ» մրցույթի փակման հանդիսավոր արարողությանը»,– Facebook–ի իր էջում գրել է Ստեփանյանը:

Գեներալ-գնդապետ Անդրեյ Կարտապոլովը հանդիպումներ կունենա ՀՀ ՊՆ ղեկավար կազմի հետ:

Հիշեցնենք` Բարեկամական բանակների զինծառայողների ռազմապրոֆեսիոնալ վարպետության «Խաղաղության մարտիկ» միջազգային մրցույթի բացումը տեղի է ունեցել օգոստոսի 23-ին Տավուշի մարզի Դիլիջան քաղաքում։

«Խաղաղության մարտիկ» զինծառայողների պրոֆեսիոնալ վարպետության մրցույթին մասնակցում են Հայաստանի, Բելառուսի, Հունաստանի և Ռուսաստանի թիմերը։ Յուրաքանչյուր թիմ բաղկացած է 4 զինծառայողից, այդ թվում՝ մեկ կին։

Սեպտեմբերի 3-ին տեղի կունենա «Խաղաղության մարտիկ» մրցույթի բոլոր փուլերի արդյունքում հաղթողների պարգևատրման և խրախուսման արարողությունը, ինչպես նաև գալա-համերգ՝ հայկական էստրադայի աստղերի և ՀՀ ՊՆ երգի ու պարի համույթի մասնակցությամբ:

Բարեկամական բանակների զինծառայողների ռազմապրոֆեսիոնալ վարպետության «Խաղաղության մարտիկ» միջազգային մրցույթն անցկացվում է 2009թ.–ից ի վեր, ամեն տարի` ԱՊՀ անդամ երկրների պաշտպանության նախարարության խորհրդի որոշմամբ և Ռուսաստանի Դաշնության պաշտպանության նախարարության և ԱՊՀ մասնակից պետությունների պաշտպանության նախարարությունների միջև երկկողմ համագործակցության ծրագրերին համապատասխան:

Անցկացվել է «Խաղաղության մարտիկ» մրցույթի առաջին փուլը․ տպավորիչ լուսանկարներ

180
թեգերը:
Ռուսաստան, Հայաստան
Ըստ թեմայի
Դավթյանի գլխավորած պատվիրակությունը հանդիպումներ է ունեցել ՌԴ պաշտոնյաների հետ
Դավթյանից մինչև Քաթանյան. ինչպես հայերը ստեղծեցին ՌԴ արտաքին հետախուզության ծառայությունը
Ռազմական համաժողով Երևանում. ՌԴ դեսպանը բացատրեց մասշտաբային միջոցառման նշանակությունը
Շուշան Ստեփանյան

Գործողությունները վաղուց պլանավորված են եղել. Շուշան Ստեփանյան

35
(Թարմացված է 10:18 27.09.2020)
ՀՀ ՊՆ խոսնակ Շուշան Ստեփանյանը տեղեկացնում է, որ Ադրբեջանի ձեռնարկած սադրանքը նախապես ծրագրված էր։

ԵՐԵՎԱՆ, 27 սեպտեմբերի – Sputnik. Ադրբեջանի ՊՆ-ն պաշտոնապես հայտարարել է «հակահարձակում» սկսելու մասին, ինչը փաստում է, որ գործողությունները վաղուց պլանավորված են եղել։ Facebook սոցցանցի իր էջում գրել է ՀՀ ՊՆ խոսնակ Շուշան Ստեփանյանը։

«Տարրական գիտելիք ունեցող ցանկացած զինվորական կփաստի, որ հակահարձակման օպերացիայի պլանավորումը շաբաթներ է տևում»,–գրել է նա։

Ստեփանյանի խոսքով` էսկալացիայի մասին պաշտոնական հաղորդագրությունից րոպեներ անց էլ ադրբեջանական և թուրքական լրատվամիջոցներն առաջնագծից նյութեր են հրապարակում, ինչը ևս փաստում է, որ Ադրբեջանի ձեռնարկած սադրանքը նախապես ծրագրված էր։

Հիշեցնենք՝ այսօր վաղ առավոտյան արցախա–ադրբեջանական շփման գծի ողջ երկայնքով ադրբեջանական կողմը ակտիվ հերտակոծություն է սկսել՝ թիրախավորելով նաև խաղաղ բնակավայրերը, այդ թվում՝ մայրաքաղաք Ստեփանակերտը:

Հայկական կողմը խաղաղ բնակչության շրջանում վիրավորներ ունի

35
թեգերը:
հրետակոծություն, Ադրբեջան, Ղարաբաղյան հակամարտություն, Լեռնային Ղարաբաղ, Արցախ
Ըստ թեմայի
Ադրբեջանը տանկերի կորուստներ ունի. Արծրուն Հովհաննիսյան
Ձեր տեսանյութերով հակառակորդի կրակն եք ուղղորդում. Հովհաննիսյանը դիմել է կոչով
Ադրբեջանի լայնածավալ հարձակումից վնասներ են կրել քաղաքացիական անձինք. ՀՀ ՄԻՊ
Արման Թաթոյան

Ադրբեջանի լայնածավալ հարձակումից վնասներ են կրել քաղաքացիական անձինք. ՀՀ ՄԻՊ

121
(Թարմացված է 10:14 27.09.2020)
ՀՀ ՄԻՊ-ն արձանագրում է` բազմաթիվ խաղաղ բնակիչներ տեղեկացնում են, որ գնդակոծության են ենթարկվում Ստեփանակերտը, գյուղերը, քաղաքներն ու մայրաքաղաքը։

ԵՐԵՎԱՆ, 27 սեպտեմբերի – Sputnik. ՀՀ Մարդու իրավունքների պաշտպան Արման Թաթոյանը հայտարարություն է տարածել` միջազգային հանրությանն ու միջազգային իրավապաշտպան կազմակերպություններին կոչ անելով ձեռնարկել բոլոր անհրաժեշտ քայլերը և իրենց ջանքերն ուղղել Ադրբեջանի ռազմական ագրեսիայի կանխարգելմանն ու Լեռնային Ղարաբաղի քաղաքացիական բնակչության խաղաղության ու անվտանգության ապահովմանը:

«Լայնածավալ բռնությունների հետևանքով արդեն վնասներ է հասցվել քաղաքացիական անձանց։ Լեռնային Ղարաբաղի հայ երեխաների, կանանց և ողջ բնակչության կյանքն ու առողջությունը շատ իրական սպառնալիքի տակ են»,- ասված է Թաթոյանի հայտարարության մեջ:

ՀՀ ՄԻՊ-ն արձանագրում է` բազմաթիվ խաղաղ բնակիչներ տեղեկացնում են, որ գնդակոծության են ենթարկվում Ստեփանակերտը, գյուղերը, քաղաքներն ու մայրաքաղաքը։ «Այս խիստ տագնապալի լուրը պաշտոնապես հայտնել են նաև իրավապաշտպան կազմակերպույուններն ու Արցախի Պաշտպանության բանակը։

Հակառակորդը Արցախի ուղղությամբ հարձակում է սկսել. Փաշինյանը կոչով դիմել է քաղաքացիներին

Հիշեցնենք՝ այսօր վաղ առավոտյան շփման գծի ողջ երկայնքով ադրբեջանական կողմն ակտիվ հրետակոծություն է սկսել՝ թիրախավորելով նաև խաղաղ բնակավայրերը, այդ թվում՝ մայրաքաղաք Ստեփանակերտը:

Տոնոյանը Ադրբեջանի հերթական սադրանքի մասին տեղեկացրել է Կասպշիկին

121
թեգերը:
Արման Թաթոյան, Ադրբեջան, Արցախ