Տոնոյանը և ՀՀ-ում Հունաստանի դեսպանը քննարկել են Ադրբեջանի ապակառուցողական քայլերը

Դավիթ Տոնոյանն ու ՀՀ-ում Հունաստանի դեսպանը քննարկել են Ադրբեջանի ապակառուցողական քայլերը

60
(Թարմացված է 17:11 01.09.2020)
Հանդիպումը կայացել է պաշտպանության նախարարության շենքում։ Հանդիպմանը ներկա է եղել նաև Հունաստանի դեսպանության նորանշանակ ռազմական կցորդը։

ԵՐԵՎԱՆ, 1 սեպտեմբերի - Sputnik․ ՀՀ պաշտպանության նախարար Դավիթ Տոնոյանն ընդունել է ՀՀ-ում Հունաստանի Հանրապետության արտակարգ և լիազոր դեսպան Էվանգելոս Տուրնակիսին: Տեղեկությունը հայտնում է պաշտպանության նախարարության պաշտոնական կայքը։

Հանդիպումը կայացել է պաշտպանության նախարարության շենքում։ Հանդիպմանը ներկա էր նաև Հունաստանի դեսպանության նորանշանակ ռազմական կցորդ, գնդապետ Գերասիմոս Ավլոնտիսը։

Հանդիպման ընթացքում քննարկվել են պաշտպանության բնագավառում հայ-հունական երկկողմ համագործակցությանն առնչվող հարցեր, կարևորվել համավարակով պայմանավորված սահմանափակումների վերացումից հետո համագործակցության միջոցառումների վերսկսումը, փոխայցելությունների և քննարկումների իրականացումը։

Տոնոյանը և ՀՀ-ում Հունաստանի դեսպանը քննարկել են նաև Ադրբեջանի կողմից տարածաշրջանում հրահրված լարվածությունը։

Чрезвычайный и Полномочный посол Греции Эвангелос Турнакис и новоназначенный военный атташе посольства, полковник Герасимос Авлонтис на встрече с министром обороны Армении (1 сентября 2020). Еревaн
Դավիթ Տոնոյանն ու ՀՀ-ում Հունաստանի դեսպան Էվանգելոս Տուրնակիսը քննարկել են Ադրբեջանի ապակառուցողական քայլերը

«Անդրադարձ է կատարվել նաև տարածաշրջանային անվտանգությանն առնչվող հարցերին։ Դավիթ Տոնոյանը ներկայացրել է տարածաշրջանում որոշ դերակատարների ծավալած ապակառուցողական գործողությունների հետևանքով լարվածության աճի հնարավոր զարգացումները»,- նշված է հաղորդագրության մեջ։

Կարևորը` նա առողջ ու անվտանգ լինի. Դավիթ Տոնոյանը խոսել է Ադրբեջանում հայտնված սպայի մասին

Դեսպան Տուրնակիսն իր հերթին անդրադարձել է Միջերկրական ծովի արևելյան հատվածում տիրող իրավիճակին։

Հայաստանի Հանրապետության և Հունաստանի Հանրապետության միջև դիվանագիտական հարաբերությունները հաստատվել են 1992թ. հունվարի 20-ին:

Новоназначенный военный атташе посольства, полковник Герасимос Авлонтис на встрече с министром обороны Армении (1 сентября 2020). Еревaн
Դավիթ Տոնոյանն ու ՀՀ-ում Հունաստանի դեսպան Էվանգելոս Տուրնակիսը քննարկել են Ադրբեջանի ապակառուցողական քայլերը
60
թեգերը:
Ադրբեջան, Դեսպան, Հունաստան, Դավիթ Տոնոյան
Ըստ թեմայի
Դավիթ Տոնոյանը պարգևատրել է ռուս զինծառայողներին
Դավիթ Տոնոյանն ու ՉԺՀ դեսպանը քննարկել են միջազգային անվտանգությանն առնչվող հարցեր
Դավիթ Տոնոյանն ընդունել է հայ ռազմական օդաչուներին վերապատրաստած ռուս մասնագետներին
Դավիթ Տոնոյանն ընդունել է ՀՀ-ում ԱՄՆ դեսպան Լին Թրեյսիին
Արխիվային լուսանկար

Ամասիայի ԲԿ–ի տնօրենը հրամանագրել է մորը, մահացած աշխատողներին «թաքուն պահել». նոր քրգործ

2
(Թարմացված է 11:30 18.09.2020)
Շուրջ 9 տարի ԲԿ–ի ցուցակներից չեն հանվել մահացածների և մշտական բնակության այլ վայր տեղափոխված անձանց վերաբերյալ տվյալները։

ԵՐԵՎԱՆ, 18 սեպտեմբերի — Sputnik. ՀՀ դատախազությունը տեղեկացնում է, որ կոռուպցիոն չարաշահումներ են հայտնաբերվել Ամասիայի առողջության կենտրոնում. հարուցվել է քրեական գործ։

«Տվյալներ են ձեռք բերվել, որ Ամասիայի առողջության կենտրոնի տնօրենը նույն բժշկական կենտրոնում որպես տնտեսուհի հրամանագրել է իր մորը: Վերջինս մինչև 2018 թվականը աշխատանքի չի հաճախել, սակայն այդ պայմաններում նրա հետ կնքված աշխատանքային պայմանագիրը չի լուծվել: Արդյունքում 2010-2018թթ. նշված անձի անվամբ, որպես վարձատրություն, պետական միջոցներից հատկացվել է 4.3մլն դրամ, որը հափշտակվել է»,-նշված է դատախազության հաղորդագրության մեջ։

Բացի այդ, տվյալներ են ստացվել նաև, որ ԲԿ–ում հաշվառված և սպասարկվող ազգաբնակչության 2010-2019 թվականի ցուցակներից չեն հանվել 5 մահացած և 11 մշտական բնակության այլ վայր տեղափոխված անձանց վերաբերյալ տվյալները: Սրա արդյունքում էլ նշված անձանց բժշկական սպասարկման համար պետական միջոցներից հատկացվել են նախատեսվածից ավելի գումարներ, որոնք նույնպես յուրացման եղանակով հափշտակվել են:

Ազգային արխիվի տնօրենն ազատվել է պաշտոնից. չարաշահումներ են հայտնաբերվել

Դատախազությունում ՀՀ քրեական օրենսգրքի՝ 179-րդ հոդվածի 3-րդ մասի 1-ին կետի (յուրացնելը կամ վատնելը), 308-րդ հոդվածի 1-ին մասի (պաշտոնեական լիազորությունները չարաշահելը) և 314-րդ հոդվածի 1-ին մասի (պաշտոնեական կեղծիքը) հատկանիշներով հարուցվել է քրեական գործ:

2
Երվանդ Խունդկարյան.

ՍԴ դատավոր ընտրված Երվանդ Խունդկարյանը հրաժարվել է պաշտոնից

19
(Թարմացված է 11:19 18.09.2020)
ՍԴ դատավորի թափուր պաշտոնում ընտրված Խունդկարյանը հայտարարել է, որ գրեթե երեք տասնամյակ դատական համակարգում աշխատելուց հետո այն ընկալում է որպես իր ընտանիք և հարազատ անկյուն։

ԵՐԵՎԱՆ, 18 սեպտեմբերի — Sputnik. Ազգային ժողովի կողմից ՀՀ Սահմանադրական դատարանի դատավոր ընտրված ՀՀ վճռաբեկ դատարանի նախագահ Երվանդ Խունդկարյանը հանդես է եկել պաշտոնից հարաժվելու հայտարարությամբ։

«Վայր եմ դնում իմ՝ որպես Հայաստանի Հանրապետության Վճռաբեկ դատարանի նախագահի և Հայաստանի Հանրապետության Վճռաբեկ դատարանի քաղաքացիական և վարչական պալատի դատավորի լիազորությունները»,– հայտնում է Խունդկարյանը։

Միաժամանակ նա դադարեցնում է անդամակցությունը ՀՀ դատավորների միությանը՝ հրաժարվելով միության նախագահի պաշտոնից, ինչպես նաև ՀՀ արդարադատության ակադեմիայի կառավարման խորհրդի նախագահի և կառավարման խորհրդի անդամի լիազորություններից:

Ներկայացնելով հրաժարականի հայտարարությունը` Երվանդ Խունդկարյանը նաև շնորհակալություն է հայտնում իր 30–ամյա գործունեության բոլոր գործընկերներին, այդ թվում` միջազգային։

«Շատ դժվար է բաժանվել հոգեհարազատ աշխատավայրից և այն մարդկանցից, ում հետ աշխատել եմ երկար տարիներ, ում հետ միասին դժվարին ու պատասխանատու ճանապարհ ենք անցել»,– նշում է նա` հավելելով, որ գրեթե երեք տասնամյակ աշխատելով դատական համակարգում, կարող է փաստել, որ այն իր համար դարձել է ընտանիք և հարազատ անկյուն:

Ազգային ժողովում ավարտվեց ՍԴ դատավորի թեկնածուների ընտրությունը. արդյունքները հայտնի են

«Հավատում եմ, որ դատական իշխանության բոլոր նվիրյալների (ի դեմս դատավորների և դատական ծառայողների) աշխատանքը նպաստելու է Հայաստանի Հանրապետությունում արդարադատության որակի բարձրացմանը, Հայաստանի Հանրապետության յուրաքանչյուր դատավորի հանդեպ պատկառանքի արմատավորմանը»,– հայտնում է Խունդկարյանը։

Հիշեցնենք` ՀՀ Վճռաբեկ դատարանի նախագահ Երվանդ Խունդկարյանը սեպտեմբերի 15-ին Ազգային ժողովի կողմից ընտրվել էր Սահմանադրական դատարանի դատավոր, ինչը ենթադրում է, որ պետք է վայր դնի պաշտոնեական լիազորությունները։

Խունդկարյանը դատական համակարգում աշխատել է 1992 թվականից, 2001 թվականից սկսած՝ որպես դատավոր:

Խունդկարյանի թեկնածությունը ՍԴ դատավորի թափուր տեղի համար առաջադրել էր ՀՀ Դատավորների ընդհանուր ժողովը։

ՍԴ դատավորների մյուս երկու թափուր տեղերում ԱԺ–ն ընտրել էր ՀՀ կառավարության առաջադրած թեկնածու Էդգար Շաթիրյանին ու ՀՀ նախագահի առաջադրած Արթուր Վաղարշյանին։

Աչքաչափով է գործել. ՍԴ դատավորի թեկնածուն կրկնեց իշխանության մասին հայտնած իր դիրքորոշումը

Երեկ` սեպտեմբերի 17-ին, ՍԴ նորընտիր դատավորները խորհրդարանում կայացած նիստի ժամանակ երդում էին տվել` ստանձնելով իրենց նոր պարտականությունները։

Երվանդ Խունդկարյանի երդման արարողությունը հետաձգվել էր` պայմանավորված այն հանգամանքով, որ նա դեռ չէր ազատվել նախկին պաշտոնից։

19
թեգերը:
պաշտոն, Երվանդ Խունդկարյան, Դատավոր
Ըստ թեմայի
«Նախորդ անգամ բոլոլա չսարքեցի, չէ՞». ՍԴ դատավորի թեկնածուն որոշել է հաշտարարի դեր կատարել
Ինչպե՞ս է ստացվել, որ ՍԴ դատավորի թեկնածուի բանկային մուտքերը գերազանցում են եկամուտները
 ՍԴ թեկնածուներն ԱԺ–ում կեղծ տվյալներ են հրապարակել. Կոռուպցիայի կանխարգելման հանձնաժողով