ԵՐԵՎԱՆ, 31 օգոստոսի- Sputnik. ՀՀ վարչապետ Նիկոլ Փաշինյանն իր կարճատև արձակուրդի առաջին օրն անցկացնում է Տավուշի մարզում:
Facebook-ի ուղիղ եթերում վարչապետը ցուցադրել է Հայոց արքա Աշոտ Երկաթի ամրոցը՝ Մանթաշաբերդը, որը գտնվում է Իջևանից մոտ 7 կմ հեռավորության վրա:
«Այս պահին ուղիղ եթեր եմ մտել, որովհետև այս տեսարանի վայելումը չէի կարող ձեզ հետ չկիսել։ Այստեղ իհարկե, պարիսպները, միջնաբերդերը, ինչ-որ շինությունների ավերակներ պահպանվել են, բայց ընդհանուր առմամբ, բերդը ավերակ է։ Խորհուրդ կտայի անպայման այցելել այստեղ։ Սա մեր հայրենիքն է: Սա մեր արքաների, մեր պետականության մեզ ժառանգած հայրենիքն է»,-ասաց Փաշինյանը:
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»
Վարչապետը խորհուրդ տվեց կարդալ հայ ժողովրդի պատմությունը, իմանալ, ճանաչել ու զարգացնել հայրենիքը:
Հիշեցնենք, որ ՀՀ վարչապետը մտադիր է հանգստանալ 5 օր ՝ օգոստոսի 31 – ից սեպտեմբերի 4-ը ներառյալ: Արձակուրդում գտնվելու ժամանակ Փաշինյանին կփոխարինի փոխվարչապետ Տիգրան Ավինյանը։
Նշենք, որ արձակուրդում է նաև Առողջապահության նախարար Արսեն Թորոսյանը և ՀՀ նախագահ Արմեն Սարգսյանը։
