Գյումրիի ինֆեկցիոն հիվանդանոցի բուժանձնակազմը փորձում է ինձ ժպիտ պարգևել։ Շնորհակալություն հոգատար վերաբերմունքի համար

Երեք բժշկական կենտրոններում կփակվեն կորոնավիրուսային բաժանմունքները. ԱՆ

107
(Թարմացված է 14:33 31.08.2020)
Մարտունու բժշկական կենտրոնի և Գյումրու ինֆեկցիոն հիվանդանոցի մի հատվածն անհրաժեշտության դեպքում կծառայեն որպես տրիաժ կենտրոն (ընդունման, ախտորոշման և տեղափոխման):

ԵՐԵՎԱՆ, 31 օգոստոսի - Sputnik. Գյումրու ինֆեկցիոն հիվանդանոցը և Սպիտակի բժշկական կենտրոնը վերադառնում են իրենց բնականոն աշխատանքին: Փակվում է նաև կորոնավիրուսային հիվանդություն ունեցող քաղաքացիներին սպասարկող Մարտունու բժշկական կենտրոնի բաժանմունքը: Տեղեկությունը Facebook–ի իր էջում հայտնում է առողջապահության նախարարի մամուլի խոսնակ Ալինա Նիկողոսյանը։

«Այս պահին երկրում դիտվում է կորոնավիրուսային հիվանդության փոքր-ինչ կայուն վիճակ և անհրաժեշտություն չկա հիվանդանոցների նման ծավալում ունենալ: Ընդհանուր առմամբ 67 պացիենտ երեք հաստատությունից տեղափոխվում են Երևան, որտեղ էլ կշարունակեն իրենց անհրաժեշտ բժշկական օգնությունը։ Բուժման ավարտից հետո վերջիններիս տեղափոխումը իրականացնելու է առողջապահության նախարարությունը»,–գրել է նա:

Նիկողոսյանի խոսքով`Մարտունու բժշկական կենտրոնի և Գյումրու ինֆեկցիոն հիվանդանոցի մի հատվածն անհրաժեշտության դեպքում կծառայեն որպես տրիաժ կենտրոն (ընդունման, ախտորոշման և տեղափոխման):

Կորոնավիրուսի հետևանքով 2 մարդ է մահացել. երկուսն էլ ութսունն անց են եղել

Այս պահին մարզային բժշկական կենտրոններից կորոնավիրուսային բաժանմունք ունի միայն Կապանի բժշկական կենտրոնը:

Հիշեցնենք, որ օգոստոսի 31-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 43781 դեպք, որոնցից 37722-ն` առողջացած, 879-ը՝ մահվան ելքով: Կորոնավիրուսային հիվանդությամբ այս պահին փաստացի բուժում է ստանում 4912 պացիենտ: Ընդհանուր առմամբ կատարվել է 205940 թեստավորում:

107
թեգերը:
Ալինա Նիկողոսյան, ՀՀ Առողջապահության նախարարություն, կորոնավիրուս, Կապան, հիվանդանոց, Գյումրի, Հայաստան
թեմա:
Կորոնավիրուսը Հայաստանում և Արցախում (1507)
Ըստ թեմայի
Արցախում կորոնավիրուսով վարակվելու նոր դեպքեր են արձանագրվել. մանրամասներ
Կորոնավիրուսի դեմ պատվաստանյութի արդյունավետությունն ապացուցված է. Պուտինը` դստեր մասին
Ինչ գնով ռուս մասնագետները փակեցին կորոնավիրուսի մուտքը դեպի հայկական բանակ
Գիտնականները կորոնավիրուսը կանխող վիտամին են հայտնաբերել
Արտգործնախարար Զոհրաբ Մնացականյան

Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում

135
(Թարմացված է 13:35 29.09.2020)
Ադրբեջանական կողմն այս պահին հրետակոծում է Վարդենիսի գյուղերը։ Արդեն հայտնի է մեկ քաղաքացիական զոհի մասին։

ԵՐԵՎԱՆ, 29 սեպտեմբերի - Sputnik. Վարդենիսի վրա Ադրբեջանի հարձակումը կստանա համարժեք ռազմական և քաղաքական արձագանք: Այս մասին Тwitter–ի իր էջում գրել է ՀՀ ԱԳ նախարար Զոհրաբ Մնացականյանը։

«ԼՂՀ–ի դեմ ագրեսիայի երրորդ օրը Ադրբեջանը հարձակվում է Հայաստանի տարածքի` Վարդենիս քաղաքի վրա` օգտագործելով թուրքական արտադրության անօդաչու թռչող սարքեր, պատճառելով քաղաքացիական զոհեր: Այս գործողությունը կստանա համարժեք ռազմական և քաղաքական արձագանք»,– գրում է ԱԳ նախարարը։

Ինչպես արդեն տեղեկացրել էինք, այսօր ադրբեջանական զինուժը կրակ է բացել նաև Հայաստանի տարածքի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել։

Ադրբեջանական կողմն այս պահին հրետակոծում է Վարդենիսի գյուղերը։ Արդեն հայտնի է մեկ քաղաքացիական անձի մահվան մասին։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ

Արցախի ՊԲ ստորաբաժանումները Իգլա ԴԶՀՀ-ով հակառակորդի երկու ուղղաթիռ են ոչնչացրել

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

135
թեգերը:
հայ-ադրբեջանական, Զոհրաբ Մնացականյան, Արցախ
Ըստ թեմայի
Հայկական ԶՈւ–ն ստիպված է օգտագործել խոշոր տրամաչափի ռազմական տեխնիկա. ՀՀ ՊՆ
Արցախի ՊԲ ստորաբաժանումները «Իգլա» ԴԶՀՀ-ով հակառակորդի երկու ուղղաթիռ են ոչնչացրել
Նոր տեսանյութ. ինչպես է հայկական կողմը խոցում Ադրբեջանի զրահատեխնիկան
Վարդենիս. արխիվային լուսանկար

Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ

437
(Թարմացված է 13:13 29.09.2020)
Ադրբեջանը Թուրքիայի ակտիվ քաջալերմամբ և ռազմաքաղաքական աջակցությամբ ընդլայնում է ռազմական գործողությունների գոտին։

ԵՐԵՎԱՆ, 27 սեպտեմբերի– Sputnik. Վարդենիսում ադրբեջանական հրետակոծության հետևանքով քաղաքացիական մեկ զոհ կա։ Տեղեկությունը Facebook–ի պաշտոնական էջում հայտնում է ՀՀ ԱԳն մամուլի խոսնակ Աննա Նաղդալյանը։

«Ադրբեջանի զինված ուժերը հարվածներ են հասցրել Վարդենիսի շրջանի զինվորական և քաղաքացիական ենթակառուցվածքների ուղղությամբ՝ այդ թվում թիրախավորելով քաղաքացիական բնակչությանը, որի արդյունքում սպանվել է մեկ քաղաքացիական անձ»,– նշված է հաղորդագրության մեջ:

Նաղդալյանը հիշեցնում է` առավոտյան ՀՀ ԱԳՆ–ն հայտարարություն էր տարածել, որտեղ մատնանշել էր, որ Ադրբեջանն ապատեղեկատվություն է տարածում՝ հող նախապատրաստելով Հայաստանի Հանրապետության Վարդենիսի շրջանի ուղղությամբ մարտական գործողություններ ձեռնարկելու համար:

«Հաշված րոպեներ անց, արհամարհելով ռազմական գործողությունների դադարեցման վերաբերյալ միջազգային հանրության շարունակական կոչերը՝ Ադրբեջանը Թուրքիայի ակտիվ քաջալերմամբ և ռազմաքաղաքական աջակցությամբ ընդլայնում է ռազմական գործողությունների գոտին՝ դրա մեջ ներառելով նաև Հայաստանի Հանրապետության տարածքը»,– հավելում է ԱԳՆ խոսնակը։

Նա ընդգծում է, որ տարածաշրջանային անվտանգությունը և խաղաղությունը վտանգելու` Ադրբեջանի հետևողական փորձերին Հայաստանի Հանրապետության և Արցախի Հանրապետության կողմից տրվելու է համարժեք ռազմաքաղաքական պատասխան։

Ինչպես արդեն տեղեկացրել էինք, այսօր ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։

Վարդենիսում քաղաքացիական ավտոբուս է այրվում ԱԹՍ-ի հարվածից. Հովհաննիսյան

Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Արցախի ՊԲ ստորաբաժանումները Իգլա ԴԶՀՀ-ով հակառակորդի երկու ուղղաթիռ են ոչնչացրել

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

437
թեգերը:
Զոհ, Հայաստան, Աննա Նաղդալյան, Վարդենիս
թեմա:
Ադրբեջանական ագրեսիան Հայաստանի վրա - 2020
Ըստ թեմայի
ՀՀ ԶՈւ–ն կասեցրել է թշնամու գրոհը և ի վիճակի է մարտերը տեղափոխել Ադրբեջանի տարածք
Ադրբեջանական օդուժի կորուստները. ՊՆ-ն լուսանկարներ է հրապարակել
Նոր տեսանյութ. ինչպես է հայկական կողմը խոցում Ադրբեջանի զրահատեխնիկան
Ռոբերտ Քոչարյան

Ռոբերտ Քոչարյանը մեկնել է Արցախ

0
(Թարմացված է 13:36 29.09.2020)
Քոչարյանի և մյուսների գործով դատական նիստը հետաձգվել է. ՀՀ երկրորդ նախագահն էլ որոշել է Արցախ մեկնել։

ԵՐԵՎԱՆ, 29 սեպտեմբերի – Sputnik. ՀՀ երկրորդ նախագահ Ռոբերտ Քոչարյանը մեկնել է Արցախի Հանրապետություն։ Տեղեկությունը Sputnik Արմենիային հայտնեց Քոչարյանի գրասենյակի ղեկավար Վիկտոր Սողոմոնյանը։

«Քանի որ այսօր նիստ էր նշանակված, բայց Սեյրան Օհանյանի բացակայության պատճառով հետաձգվել էր, նախագահը որոշեց մեկնել Արցախ»,– ասաց Սողոմոնյանը։

Մեր տեղեկություններով` ՀՀ պաշտպանության նախկին նախարար Սեյրան Օհանյանը նույնպես Արցախում է։

Սողոմոնյանը Քոչարյանի արցախյան այցի վերաբերյալ մանրամասներ չհայտնեց։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Հայկական կողմի գործողությունների արդյունքում հակառակորդը նաև զինտեխնիկայի մեծ կորուստներ ունի։

 

0
թեգերը:
Ռոբերտ Քոչարյան, Արցախ, Հայաստան
թեմա:
Ռոբերտ Քոչարյան
Ըստ թեմայի
Գարեգին Բ–ն կմեկնի Արցախ. Պարգև արքեպիսկոպոս
«Հայաստանի եզդիները մեկնում են Արցախը պաշտպանելու». եզդի պատգամավոր
Արսեն Թորոսյանը մեկնել է Արցախ` տեղում ծանոթանալու տուժածների առողջական վիճակին
Աստված վերևում է, մենք՝ ներքևում. կամավորական խմբերը շարունակում են Շիրակից մեկնել Արցախ