ԵՐԵՎԱՆ, 31 օգոստոսի – Sputnik. Հայաստանում Ռուսաստանի դեսպանությունը հայտնում է, որ օգոստոսի 30–ին 101 ռուսաստանցի հնարավորություն է ստացել Երևանից հայրենիք վերադառնալու։ «Արմենիա» ավիաընկերությունը իրականացրել է չարտերային չվերթ Երևան–Սամարա ուղղությամբ։
«Ընդհանուր առմամբ, համալիր աշխատանքի արդյունքում Հայաստանից Ռուսաստան են մեկնել 6451 քաղաքացի»,- նշված է դեսպանության տարածած հաղորդագրության մեջ։
Ավելի վաղ հայտնել էինք, որ Ռուսաստանի Դաշնության քաղաքացիներին հայրենիք վերադարձնելու աշխատանքների շրջանակում Հայաստանից առաջիկա օրերին ևս 20 չվերթ կիրականացվի Երևանից և Գյումրուց։
Ռուսաստան մեկնելու ցանկություն ունեցողները պետք է գրանցվեն։ Տեղերի քանակը սահմանափակ է: Ցուցակները կձևավորվեն գրանցումների հիման վրա։