Արխիվային լուսանկար

«Արդուկն էլ միացնեիր, պետք է իրազեկեր՝ պրոբլեմ է լինելու». Քոչարյանը մեղադրեց իշխանությանը

84
(Թարմացված է 17:14 27.08.2020)
Նրա կարծիքով՝ եթե պետությունն իր այդ պարտականությունը չի արել, գոնե հիմա պետք է ավտոներկրողների հետ կիսի նրանց կորուստները կամ խնդրի համար լուծումներ գտնի։

ԵՐԵՎԱՆ, 27 օգոստոսի - Sputnik. ՀՀ երկրորդ նախագահ Ռոբերտ Քոչարյանը լրագրողների հետ զրույցում մեկնաբանել է այն խնդիրը, որին այս տարի բախվեցին մեքենաների ներկրմամբ և ԵԱՏՄ տարածքում դրանց վերավաճառքով զբաղվողները։

2020թ. հունվարի 1-ից սկսած` Եվրասիական տնտեսական միության անդամ չհանդիսացող երկրից ներկրված ավտոմեքենաների համար կիրառվում են նոր` բարձրացված դուրքաչափեր։ Ներմուծման պահին ավելի քան 3 տարվա, բայց ոչ ավել քան 5 տարվա մաշվածություն ունեցող օգտագործված ավտոմեքենաների ներմուծման ԱԱՀ-ն հաշվարկվում է արժեքի 10 տոկոսի չափով, 5-10 տարվա մաշվածություն ունեցող ավտոմեքենաների համար` 5 տոկոսի չափով։

Ռոբերտ Քոչարյանը վստահ է՝ դեռ նախորդ տարվա սեպտեմբերից պետությունը պետք է զգուշացներ ավտոներկրողներին սպասվող խնդրի մասին, որպեսզի արդյունքում չլիներ մի իրավիճակ, երբ մեծ թվով ներկրված ավտոմեքենաների կուտակում կա, որովհետև երկրի ներսում այդ քանակի մեքենաների պահանջարկ պարզապես չկա։

«Ոնց որ հիմա ասում են՝ դիմակ կրիր, դիմակ կրիր, այդպես էլ սեպտեմբերին՝ արդուկն էլ միացնեիր, պետք է իրազեկեր՝ պրոբլեմ է լինելու, պրոբլեմ է լինելու։ Ներկրողները հայտնի են, պետք էր նրանց հավաքել, հանդիպումներ, ժողովներ անցկացնել, իրազեկել։ Ոչինչ չարվեց»,- նշեց ՀՀ նախկին նախագահը։

Նա վստահ է, որ իրազեկում չարվեց հարկային եկամուտներից չզրկվելու համար։ Պնդում է՝ նման իրավիճակներում պետությունը պարտավոր է մարդկանց զգուշացնել սպասվող ռիսկերի մասին։

«Ի վերջո դու դրանից օգտվում ես, գումարներ ես գանձում, այդ գումարներով պարգևավճարներ ես բաժանում»,- ասաց Ռոբերտ Քոչարյանը։

«Գողանում էին». Քոչարյանն ասաց` ինչու են «ՀայՌուսգազարդի» բաժնետոմսերը վաճառել Ռուսաստանին

Նա կարծում է, որ ամիսներ առաջ պետությունը պետք է սկսեր սահմանափակումներ կիրառել, որպեսզի նման իրավիճակ չստեղծվեր։ Նրա կարծիքով՝ եթե պետությունն իր այդ պարտականությունը չի արել, հիմա գոնե ավտոներկրողների հետ պետք է կիսի նրանց կորուստները կամ խնդրի համար լուծումներ գտնի։ Նա առաջարկում է, օրինակ, պայմանավորվածություններ ձեռքբերել գործընկեր այլ երկրների հետ։

Ո՞նց հավատանք, որ Հայաստանում համակարգային կոռուպցիա չկա. Ռոբերտ Քոչարյան

84
թեգերը:
Իշխանություն, ավտոներկրողներ, ավտոներկրող, Ռոբերտ Քոչարյան
Ըստ թեմայի
Դատարանը հրաժարվեց վերացնել Քոչարյանի ու Գևորգյանի հաշիվների վրա դրված կալանքը
Դատավարության ընթացքում արձանագրվել են խախտումներ. Քոչարյանի պաշտպանը ներկայացրեց դրանք
Ռոբերտ Քոչարյանի որդին արխիվային տեսանյութ է հրապարակել. կադրերում նրա հայրն է
Երվանդ Խունդկարյան.

ՍԴ դատավոր ընտրված Երվանդ Խունդկարյանը հրաժարվել է պաշտոնից

17
(Թարմացված է 11:19 18.09.2020)
ՍԴ դատավորի թափուր պաշտոնում ընտրված Խունդկարյանը հայտարարել է, որ գրեթե երեք տասնամյակ դատական համակարգում աշխատելուց հետո այն ընկալում է որպես իր ընտանիք և հարազատ անկյուն։

ԵՐԵՎԱՆ, 18 սեպտեմբերի — Sputnik. Ազգային ժողովի կողմից ՀՀ Սահմանադրական դատարանի դատավոր ընտրված ՀՀ վճռաբեկ դատարանի նախագահ Երվանդ Խունդկարյանը հանդես է եկել պաշտոնից հարաժվելու հայտարարությամբ։

«Վայր եմ դնում իմ՝ որպես Հայաստանի Հանրապետության Վճռաբեկ դատարանի նախագահի և Հայաստանի Հանրապետության Վճռաբեկ դատարանի քաղաքացիական և վարչական պալատի դատավորի լիազորությունները»,– հայտնում է Խունդկարյանը։

Միաժամանակ նա դադարեցնում է անդամակցությունը ՀՀ դատավորների միությանը՝ հրաժարվելով միության նախագահի պաշտոնից, ինչպես նաև ՀՀ արդարադատության ակադեմիայի կառավարման խորհրդի նախագահի և կառավարման խորհրդի անդամի լիազորություններից:

Ներկայացնելով հրաժարականի հայտարարությունը` Երվանդ Խունդկարյանը նաև շնորհակալություն է հայտնում իր 30–ամյա գործունեության բոլոր գործընկերներին, այդ թվում` միջազգային։

«Շատ դժվար է բաժանվել հոգեհարազատ աշխատավայրից և այն մարդկանցից, ում հետ աշխատել եմ երկար տարիներ, ում հետ միասին դժվարին ու պատասխանատու ճանապարհ ենք անցել»,– նշում է նա` հավելելով, որ գրեթե երեք տասնամյակ աշխատելով դատական համակարգում, կարող է փաստել, որ այն իր համար դարձել է ընտանիք և հարազատ անկյուն:

Ազգային ժողովում ավարտվեց ՍԴ դատավորի թեկնածուների ընտրությունը. արդյունքները հայտնի են

«Հավատում եմ, որ դատական իշխանության բոլոր նվիրյալների (ի դեմս դատավորների և դատական ծառայողների) աշխատանքը նպաստելու է Հայաստանի Հանրապետությունում արդարադատության որակի բարձրացմանը, Հայաստանի Հանրապետության յուրաքանչյուր դատավորի հանդեպ պատկառանքի արմատավորմանը»,– հայտնում է Խունդկարյանը։

Հիշեցնենք` ՀՀ Վճռաբեկ դատարանի նախագահ Երվանդ Խունդկարյանը սեպտեմբերի 15-ին Ազգային ժողովի կողմից ընտրվել էր Սահմանադրական դատարանի դատավոր, ինչը ենթադրում է, որ պետք է վայր դնի պաշտոնեական լիազորությունները։

Խունդկարյանը դատական համակարգում աշխատել է 1992 թվականից, 2001 թվականից սկսած՝ որպես դատավոր:

Խունդկարյանի թեկնածությունը ՍԴ դատավորի թափուր տեղի համար առաջադրել էր ՀՀ Դատավորների ընդհանուր ժողովը։

ՍԴ դատավորների մյուս երկու թափուր տեղերում ԱԺ–ն ընտրել էր ՀՀ կառավարության առաջադրած թեկնածու Էդգար Շաթիրյանին ու ՀՀ նախագահի առաջադրած Արթուր Վաղարշյանին։

Աչքաչափով է գործել. ՍԴ դատավորի թեկնածուն կրկնեց իշխանության մասին հայտնած իր դիրքորոշումը

Երեկ` սեպտեմբերի 17-ին, ՍԴ նորընտիր դատավորները խորհրդարանում կայացած նիստի ժամանակ երդում էին տվել` ստանձնելով իրենց նոր պարտականությունները։

Երվանդ Խունդկարյանի երդման արարողությունը հետաձգվել էր` պայմանավորված այն հանգամանքով, որ նա դեռ չէր ազատվել նախկին պաշտոնից։

17
թեգերը:
պաշտոն, Երվանդ Խունդկարյան, Դատավոր
Ըստ թեմայի
«Նախորդ անգամ բոլոլա չսարքեցի, չէ՞». ՍԴ դատավորի թեկնածուն որոշել է հաշտարարի դեր կատարել
Ինչպե՞ս է ստացվել, որ ՍԴ դատավորի թեկնածուի բանկային մուտքերը գերազանցում են եկամուտները
 ՍԴ թեկնածուներն ԱԺ–ում կեղծ տվյալներ են հրապարակել. Կոռուպցիայի կանխարգելման հանձնաժողով
Արխիվային լուսանկար

Հայաստանում կորոնավիրուսից 45 տարեկան տղամարդ է մահացել

15
(Թարմացված է 10:57 18.09.2020)
ՀՀ առողջապահության նախարարությունը ներկայացրել է կորոնավիրուսային հիվանդության հետևանքով գրանցված մահերի վիճակագրությունը։

ԵՐԵՎԱՆ, 18 սեպտեմբերի — Sputnik. ՀՀ առողջապահության նախարարությունը տեղեկացնում է, որ Հայաստանում վերջին մեկ օրում կորոնավիրուսի հետևանքով մահվան 1 դեպք է գրանցվել։

«Մահվան դեպքի վերաբերյալ հայտնում ենք, որ պացիենտը եղել է 45 տարեկան տղամարդ և ունեցել է ուղեկցող խրոնիկական հիվանդություններ»,–նշված է հաղորդագրության մեջ։

Նախորդ օրն արձանագրվել է նաև մահվան 2 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 285 է:

Նշենք, որ սեպտեմբերի 18-ի դրությամբ հաստատվել է կորոնավիրուսային հիվանդության ընդհանուր 46910 դեպք, որոնցից 42369-ն առողջացած, 926-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 3330 պացիենտ: Ընդհանուր առմամբ կատարվել է 255927 թեստավորում:

Դարձյալ COVID-ն է մեղավոր. երբ պատվաստանյութը հայտնվի, հիվանդությունների բռնկում կսկսվի

Այսպիսով` երեկ կատարվել է 3769 թեստավորում, որից հաստատվել է կորոնավիրուսային հիվանդության 239 նոր դեպք: Ունենք 138 առողջացած:

15
թեգերը:
տղամարդ, Կին, Հայաստան, Մահ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսի հետևանքով մահվան 3 դեպք է գրանցվել
Կորոնավիրուսի հետևանքով 3 մարդ է մահացել
Մեկ օրում կորոնավիրուսի հետևանքով Հայաստանում երկու մարդ է մահացել, 162-ն առողջացել են