Գագիկ Խաչատրյան

Գագիկ Խաչատրյանը կմնա կալանքի տակ. դատարանը հրապարակեց որոշումը

94
(Թարմացված է 15:14 27.08.2020)
ՀՀ ֆինանսների նախկին նախարար Գագիկ Խաչատրյանը կշարունակի մնալ քրեակատարողական հաստատությունում։

ԵՐԵՎԱՆ, 27 օգոստոսի - Sputnik. ՀՀ ֆինանսների նախկին նախարար Գագիկ Խաչատրյանի խափանման միջոց կալանավորումը մնում է անփոփոխ։ Այսօր Երևան քաղաքի ընդհանուր իրավասության դատարանը հրապարակեց որոշումը, ըստ որի՝ մեղադրյալ Գագիկ Գուրգենի Խաչատրյանի նկատմամբ կիրառված խափանման միջոց կալանավորումը համարվեց հիմնավորված։ Նրա պաշտպանների ներկայացրած միջնորդությունը՝ խափանման միջոցը փոփոխելու վերաբերյալ, դատարանը մերժեց։

Պաշտպանները միջնորդել էին Գագիկ Խաչատրյանին ազատ արձակել կամ առնվազն գրավ կիրառել։ Նրանք պնդում են, որ Խաչատրյանին կալանքի տակ պահելու հիմք չկա։

Հիշեցնենք, որ Գագիկ Խաչատրյանը մեղադրվում է պաշտոնեական դիրքի օգտագործմամբ առանձնապես խոշոր չափերով յուրացման, վատնման և դրա կազմակերպման, առանձնապես խոշոր չափերով փողերի լվացմանն օժանդակելու, պաշտոնեական լիազորությունները չարաշահելու, առանձնապես խոշոր չափերով կաշառք ստանալու, պաշտոնեական կեղծիքներ կատարելու համար։ Նրան մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով՝ 2 դրվագով, 38-179-րդ հոդվածի 3-րդ մասի 1-ին կետով, 38-190-րդ հոդվածի 3-րդ մասի 1-ին կետով, 308-րդ հոդվածի 2-րդ մասով՝ 3 դրվագով, 311-րդ հոդվածի 4-րդ մասի 2-րդ կետով և 314-րդ հոդվածի 1-ին մասով։

Գագիկ Խաչատրյանին վերագրված 9 դրվագ հանցագործությունների հետևանքով պետությանը պատճառված վնասը և կաշառքի առարկա հանդիսացած գումարը կազմում է շուրջ 20 միլիարդ ՀՀ դրամ:

Գագիկ Խաչատրյանը և նրա որդիները դատի են տվել Փաշինյանին, նրա խոսնակին և աշխատակազմին

Իսկ ՀՀ ՊԵԿ և ՀՀ ՖՆ ներքին անվտանգության վարչության պետ Կարեն Խաչատրյանը մեղադրվում է Գագիկ Խաչատրյանի հետ նախնական համաձայնությամբ, պաշտոնեական դիրքի օգտագործմամբ առանձնապես խոշոր չափերով վատնում և պաշտոնեական կեղծիքներ կատարելու համար ՀՀ քրեական օրենսգրքի 179-րդ հոդվածի 3-րդ մասի 1-ին կետով և 314-րդ հոդվածի 1-ին մասով։ Մեղադրյալներին պատկանող գույքի վրա դրվել է կալանք:

Գագիկ Խաչատրյանի որդիների և գործով անցնող այլ անձանց մասով ՀՀ ԱԱԾ քննչական դեպարտամենտում քննվող քրեական գործով նախաքննությունը շարունակվում է:

Ինչեր են արել Գագիկ Խաչատրյանն ու նրա որդիները. ԱԱԾ-ն նոր փաստեր է բացահայտել

94
թեգերը:
Դատարան, Գագիկ Խաչատրյան, Հայաստան
Ըստ թեմայի
Գագիկ Խաչատրյանի որդուն մեղադրանք չի առաջադրվել փողերի լվացման համար. պաշտպաններ
Կոռուպցիոն նոր փաստեր Գագիկ Խաչատրյանի դեմ. ի՞նչ են արել նախկին նախարարն ու տեղակալը
ԱԱԾ–ն խոշոր չարաշահում է բացահայտել. Գագիկ Խաչատրյանի ենթակային մեղադրանք է առաջադրվել
Նիկոլ Փաշինյան. արխիվային լուսանկար

Փաշինյանը շնորհավորել է հրեաների Նոր տարին

3
(Թարմացված է 11:45 18.09.2020)
Հրեական Նոր տարին շարժական տոն է։ Այն նշվում է սեպտեմբեր–հոկտեմբեր ամիսներին` լիալուսնի օրը, իսկ հաջորդ օրը մեկնարկում է հրեական հաշվարկով հերթական նոր տարին։

ԵՐԵՎԱՆ, 18 սեպտեմբերի — Sputnik. ՀՀ վարչապետ Նիկոլ Փաշինյանը շնորհավորական ուղերձ է հղել Հայաստանի հրեական համայնքին` հրեական նոր տարվա՝ Ռոշ Հաշանայի կապակցությամբ:

«Հայաստանի հրեական համայնքի սիրելի ներկայացուցիչներ, ջերմորեն շնորհավորում եմ ձեզ հրեական Նոր տարվա՝ Ռոշ Հաշանայի կապակցությամբ: Այսօր ինչպես Հայաստանի հրեական համայնքը, այնպես էլ ողջ հրեա ժողովուրդը նշում է տարվա նորամուտը խորհրդանշող գեղեցիկ տոնը: Թող այս նոր տարին խաղաղության, բարեկեցության և առաջընթացի տարի լինի: Եվ թող նոր իրողություններին համահունչ շարունակվեն ամրապնդվել և զարգանալ մեր ժողովուրդների միջև առկա դարավոր կապերը»,– ասված է ՀՀ վարչապետի ուղերձում:

Շնորհավորելով հրեա հայրենակիցներին` Փաշինյանը նրանց մաղթել է քաջառողջություն և ամենայն բարիք:

Պատմությունը չես փոխի․ ինչպես հայերը փրկեցին հրեական ընտանիքը

Հայաստանում ապրող հրեաների թիվը տարբեր տվյալներով տատանվում է 500-2000-ի սահմաններում։

Հրեական Նոր Տարին շարժական տոն է։ Այն նշվում է սեպտեմբեր–հոկտեմբերի ամիսներին, լիալուսնի օրը։

Այդ օրը հրեաներին արգելված է աշխատել, իսկ հաջորդ օրը մեկնարկում է հրեական հաշվարկով հերթական նոր տարին։

Հայերն ու հրեաները՝ նմանություններ և տարբերություններ, կամ ինչով է վտանգավոր նոր ծրագիրը

3
թեգերը:
շնորհավորանք, Ամանոր, հրեա, Նիկոլ Փաշինյան
Ըստ թեմայի
Ինչ կարող են միասին անել հայերը և հրեաները. գիտնականներից չեն պրծնի անգամ «սև խոռոչները»
«Պարգև չեմպիոնին», կամ ինչպես նուրբ հայուհին գրավեց լեգենդար հրեա շախմատիստի սիրտը
Հրեական կազուս և հայկական ակցենտ․ պատմության դաս Արևելյան Եվրոպայի առաջնորդների համար
Արխիվային լուսանկար

Ամասիայի ԲԿ–ի տնօրենը հրամանագրել է մորը, մահացած աշխատողներին «թաքուն պահել». նոր քրգործ

8
(Թարմացված է 11:51 18.09.2020)
Շուրջ 9 տարի ԲԿ–ի ցուցակներից չեն հանվել մահացածների և մշտական բնակության այլ վայր տեղափոխված անձանց վերաբերյալ տվյալները։

ԵՐԵՎԱՆ, 18 սեպտեմբերի — Sputnik. ՀՀ դատախազությունը տեղեկացնում է, որ կոռուպցիոն չարաշահումներ են հայտնաբերվել Ամասիայի առողջության կենտրոնում. հարուցվել է քրեական գործ։

«Տվյալներ են ձեռք բերվել, որ Ամասիայի առողջության կենտրոնի տնօրենը նույն բժշկական կենտրոնում որպես տնտեսուհի հրամանագրել է իր մորը: Վերջինս մինչև 2018 թվականը աշխատանքի չի հաճախել, սակայն այդ պայմաններում նրա հետ կնքված աշխատանքային պայմանագիրը չի լուծվել: Արդյունքում 2010-2018թթ. նշված անձի անվամբ, որպես վարձատրություն, պետական միջոցներից հատկացվել է 4.3մլն դրամ, որը հափշտակվել է»,-նշված է դատախազության հաղորդագրության մեջ։

Բացի այդ, տվյալներ են ստացվել նաև, որ ԲԿ–ում հաշվառված և սպասարկվող ազգաբնակչության 2010-2019 թվականի ցուցակներից չեն հանվել 5 մահացած և 11 մշտական բնակության այլ վայր տեղափոխված անձանց վերաբերյալ տվյալները: Սրա արդյունքում էլ նշված անձանց բժշկական սպասարկման համար պետական միջոցներից հատկացվել են նախատեսվածից ավելի գումարներ, որոնք նույնպես յուրացման եղանակով հափշտակվել են:

Ազգային արխիվի տնօրենն ազատվել է պաշտոնից. չարաշահումներ են հայտնաբերվել

Դատախազությունում ՀՀ քրեական օրենսգրքի՝ 179-րդ հոդվածի 3-րդ մասի 1-ին կետի (յուրացնելը կամ վատնելը), 308-րդ հոդվածի 1-ին մասի (պաշտոնեական լիազորությունները չարաշահելը) և 314-րդ հոդվածի 1-ին մասի (պաշտոնեական կեղծիքը) հատկանիշներով հարուցվել է քրեական գործ:

8
թեգերը:
ՀՀ դատախազություն, Տնօրեն, չարաշահում, Ամասիա
Ըստ թեմայի
Չարաշահումները կվերականգնվեն առանց արյունի. ֆինանսների նախարար
Հաշմանդամության ժամկետի սահմանման գործընթացում չարաշահումները կբացառվեն. ինչպե՞ս
ԵԱՏՀ–ում ՀՀ ներկայացուցչին կասկածում են չարաշահումների մեջ. Մյասնիկովիչի հանձնարարականը