Ռայնիսի 1 հասցեի փլուզված շենքը

Շենքի փլուզումը թող դաս լինի. Փաշինյանն ասաց` ինչ անել, որ նման դեպքեր չլինեն

117
(Թարմացված է 01:40 30.08.2020)
Վարչապետը խոստացավ սեղմ ժամկետներում լուծել Ռայնիսի 1 շենքի փլուզման հետևանքով անօթևան մնացած քաղաքացիների բնակարանային խնդիրը:

Երևան, 27 օգոստոսի – Sputnik. Հայաստանում, ցավոք, գազի արտահոսքի պատճառով տների փլուզման մի շարք դեպքեր են արձանագրվում։ Այս մասին հայտարարեց վարչապետ Նիկոլ Փաշինյանը կառավարության նիստում ՝ մեկնաբանելով երեկ մայրաքաղաքում տեղի ունեցած միջադեպը։

Նրա խոսքով ՝ բնակելի շենքի փլուզումը պետք է իշխանությունների և բնակչության ուշադրությունը հրավիրի բնական գազի շահագործման անվտանգության կանոնների վրա:

«հարկե, հարուցվել է քրեական գործ, որի շրջանակներում կպարզվեն միջադեպի բոլոր հանգամանքները։ Բայց մեկ անգամ ևս ուզում եմ ուշադրություն հրավիրել խնդրի վրա, խնդրել մեզանից յուրաքանչյուրին հատուկ ուշադրությամբ վերաբերվել գազի շահագործման կանոններին», - հավելեց վարչապետը։

Այս պահին փլուզման հետևանքով անօթևան մնացած բոլոր քաղաքացիներն ապահովված են ժամանակավոր կացարանով։ Նրանց առաջարկվել է մեկ շաբաթ ապրել մայրաքաղաքի հյուրանոցներից մեկում, մինչ այլ լուծում կգտնվի։

Պայթյուն Երևանում. հայտնի է` որտեղ են կացարան տվել տուժած ընտանիքներին

Փաշինյանը նշեց, որ հարցը գտնվում է կառավարության և քաղաքապետարանի ուշադրության կենտրոնում: Եվ առաջիկայում իշխանությունը կորոշի հետագա գործողությունները։ Վարչապետը ցավակցություն հայտնեց փլուզման հետևանքով զոհված տղամարդու հարազատներին և մերձավորներին:

Հիշեցնենք, որ օգոստոսի 26-ի առավոտյան Ռայնիսի (Քանաքեռ-Զեյթուն վարչական շրջան) փողոցի շենքերից մեկում պայթյուն էր տեղի ունեցել, շենքը մասամբ փլուզվել էր։ Միջադեպի հետևանքով բնակիչներից մեկը՝ 58-ամյա Արթուր Ղազարյանը, մահացել է։

Եվս երկուսը ՝ 71-ամյա Սվետլանա Սահակյանը և 41-ամյա Էդգար Մարգարյանը, հոսպիտալացվել են։ Տղամարդը գտնվում է ծայրահեղ ծանր վիճակում։

Նախնական տվյալներով՝ պայթյունի պատճառը կարող էր լինել գազի արտահոսքը։

Երևանում շենքի պայթյունից տուժած քաղաքացիներից մեկի վիճակը ծայրահեղ ծանր է. ԱՆ խոսնակ

117
թեգերը:
Նիկոլ Փաշինյան, գազ, Երևան, պայթյուն
թեմա:
Պայթյուն Երևանում (23)
Ըստ թեմայի
Ինչի շնորհիվ է հնարավոր եղել խուսափել մեծ թվով զոհերից. երևանյան փլուզված շենքը` դրոնից
Փրկարարները դուրս բերեցին Երևանում պայթած շենքի փլատակների տակ մնացած բնակչի դիակը
Փլուզված շենքի բնակիչը սպառնացել էր հաշվեհարդար տեսնել հարևանների հետ. ուշագրավ նորություն
Պտղունք գյուղի տներից մեկում հրդեհ է բռնկվել

Պտղունք գյուղի տներից մեկում հրդեհ է բռնկվել. դեպքի վայրում է ԱԻ նախարարը. լուսանկարներ

14
(Թարմացված է 19:52 24.09.2020)
Դեպքի վայր է մեկնել ինը մարտական հաշվարկ։ Ըստ նախնական տվյալների՝ հրդեհը բռնկվել է երկհարկանի շինության երկրորդ հարկի թվով 7-8 բնակարաններում։

ԵՐԵՎԱՆ, 24 սեպտեմբերի - Sputnik. Պտղունք գյուղի տներից մեկում հրդեհ է բռնկվել։ Այդ մասին ահազանգն Արմավիրի մարզային ճգնաժամային կառավարման կենտրոնում ստացվել է սեպտեմբերի 24-ին, ժամը 18:08-ին, տեղեկացնում են ԱԻՆ լրատվական ծառայությունից։ 

Пожар двухэтажного дома в деревне Птхунк (24 сентября 2020).
Պտղունք գյուղի տներից մեկում հրդեհ է բռնկվել

Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ, Երևան քաղաքի փրկարարական վարչության հրշեջ-փրկարարական ջոկատներից երկու  մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Пожар двухэтажного дома в деревне Птхунк (24 сентября 2020).
Պտղունք գյուղի տներից մեկում հրդեհ է բռնկվել

Հայտարարվել է հրդեհի բարդության «Թիվ 3» կանչ․ դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից ևս մեկ մարտական հաշվարկ, Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Բժշկական ապահովման վարչության հերթապահ բժիշկը և Հոգեբանական աջակցության բաժնի հերթապահ հոգեբանը:

Արարատի մարզում 10 տարեկան աղջիկ է վրաերթի ենթարկվել

Հրդեհաշիջման աշխատանքներին ներգրավված է Վաղարշապատի քաղաքապետարանի 2 ջրատար։

Пожар двухэтажного дома в деревне Птхунк (24 сентября 2020).
Պտղունք գյուղի տներից մեկում հրդեհ է բռնկվել

Ըստ նախնական տվյալների՝ հրդեհը բռնկվել է երկհարկանի շինության երկրորդ հարկի թվով 7-8 բնակարաններում։ Այրվում է մոտ 500-600 քմ տարածք։ Տուժածներ չկան։

ԱԻՆ-ից հայտնում են, որ դեպքի վայրում են գտնվում ԱԻ նախարար Ֆ․ Ցոլակյանը, Փրկարար ծառայության տնօրեն փ/ծ գեներալ-մայոր Վ․ Գաբրիելյանը և տնօրենի տեղակալ փ/ծ գնդապետ Տ․ Պետրոսյանը։

14
թեգերը:
Ֆելիքս Ցոլակյան, Գյուղ, Արմավիրի մարզ, ՀՀ արտակարգ իրավիճակների նախարարություն (ԱԻՆ), հրդեհ
թեմա:
Վթար, պատահար, սպանություն, գողություն
Ըստ թեմայի
Լիբանանում հզոր պայթյուն է որոտացել. տեսանյութ
Մոսկվայում պայթյուն է որոտացել. տեսանյութ
Խոշոր հրդեհ կրակայրիչների արտադրամասում. աշխատակիցներից մեկն այրվածքներ է ստացել
Հրայր Թովմասյան, արխիվային լուսանկար

«Ես եմ առաջադրել Աշոտ Խաչատրյանի թեկնածությունը». Թովմասյանը զարմացած է

13
(Թարմացված է 19:42 24.09.2020)
ՍԴ նախկին նախագահի խոսքով՝ դատավորների նիստի ժամանակ հատ–հատ բացատրել է` ինչու չի առաջադրում մյուս դատավորների թեկնածությունները։

ԵՐԵՎԱՆ, 24 սեպտեմբերի – Sputnik. Սահմանադրական դատարանի դատավոր, նախկին նախագահ Հրայր Թովմասյանը, դուրս գալով ՍԴ շենքից, լրագրողների հետ զրույցում ասաց, որ ինքն էր առաջադրել դատավոր Աշոտ Խաչատրյանի թեկնածությունը նախագահի պաշտոնում։

«Խաչատրյանը ամենափորձառուն ու ավագն է բոլոր դատավորներից։ Ես նրա հետ չէի քննարկել իմ` նրան առաջադրելը։ Անակնկալ էր, որ բացարկ հայտնեց»,– ասաց Թովմասյանը։

ՍԴ նախկին նախագահը նաև պարզաբանեց, որ դատավորների նիստի ժամանակ հատ–հատ բացատրել է` ինչու չի առաջադրում մյուս դատավորների թեկնածությունները։

«Եթե մեկ թեկնածու մնա, ես չեմ մասնակցի քվեարկությանը, իմաստ չեմ տեսնում դրանում։ Իմ նպատակն է`ցանկացած եղանակով պայքարել, որ Հայաստանում սահմանադրականությունը վերականգնվի»,– նշեց ՍԴ նախկին նախագահը։

Լրագրողների հարցին` ինչու չի ինքնաառաջնորդվել, Թովմասյանը պատասխանեց, որ դրա համար բավականին անձնական և օբյեկտիվ պատճառներ կան։

«Ես ընտրված ՍԴ նախագահին չեմ նախանձում, ես հիմա գիշերը ժամը երեքին չեմ զարթնում, որոշում չեմ նայում։ Անգամ հանգիստ ժամանակ դա բարդ գործ է, ուր մնաց հիմա»,– եզրափակեց Թովմասյանը։

Մինուս մեկ. Արման Դիլանյանը ՍԴ նախագահ դառնալ չի ուզում

Նշենք, որ ՍԴ նիստը կշարունակվի վաղը՝ ժամը 10։30-ին։

Հիշեցնենք՝ ՍԴ նախագահ ընտրելու օրակարգով ՍԴ–ում նիստ է անցկացվում դեռ երեկվանից` սեպտեմբերի 23-ից։ Սահմանադրական դատարանի նախագահն ու փոխնախագահն ընտրվում են վեց տարի ժամկետով` առանց վերընտրվելու իրավունքի:

13
թեգերը:
Սահմանադրական դատարան, Դատավոր, թեկնածու, Աշոտ Խաչատրյան, Հայաստան