ԵՐԵՎԱՆ, 26 օգոստոսի - Sputnik. Հայաստանը հիմա էլ արբանյակային ծառայություններ է գնում և որոշակի ուղղություններով մատուցում։ Տեղեկությունը այսօր կայացած ասուլիսի ժամանակ հայտնեց ԲՏԱ նախարար Հակոբ Արշակյանը` պատասխանելով հարցին, թե արդյո՞ք Հայաստանը սեփական տեղեկատվական արբանյակը տիեզերք ուղարկելու ծրագրեր ունի։

© Sputnik / Aleksandr Khrolenko

Տավուշյան մարտերից հետո հայկական ռազմարդյունաբերության նկատմամբ հետաքրքրությունը մեծացել է

«Մեր գյուղական համայնքներում, որտեղ հեռուստառադիոաշտարակների ենթակառուցվածքներն իրենց հզորություններով չեն կարողանում հասանելիություն ապահովել հանրապետական սփռման հեռուստաալիքների համար, հեռուստառադիոաշտարակների ընկերությունը վարձակալում է արբանյակային կապի մեկ ալիք և հեռարձակում ապահովում ամբողջ երկրում»,–ասաց նախարարը։

Նրա խոսքով`  այս պահին Հայաստանի համար նպատակահարմար չէ ունենալ մեկ ամբողջական արբանյակ: Դա, ըստ նախարարի, կարող է արժենալ 100-150 միլիոն դոլար, որը դեռ նախնական գումարն է։ Արշակյանի խոսքով` առաջարկ կա, որ համապատասխան ուղեծրերն օգտագործվեն, և Հայաստանը կարող է այդ արբանյակները համաօգտագործել: Այդ առումով որոշ առաջարկներ ստացել են, սակայն Հայաստանն արդեն իսկ վարձակալում է որոշակի կապուղիներ:

90 մլն դրամ է հատկացվել թոքերի արհեստական շնչառության սարքերի նախագծման մրցույթի համար

Արշակյանն ասաց նաև, որ Երևանի ինժեներական քաղաքում նախագծել են Cubesat նանոարբանյակի մոդելավորումը, որի մանրամասները կներկայացնենք ավելի ուշ:

Հիշեցնենք, որ անցած տարվա հոկտեմբերին ՀՀ կառավարությունը որոշեց, որ տիեզերքի ուսումնասիրության հետ կապված ընկերությունները Հայաստանում աշխատելու դեպքում կստանան հարկային արտոնություններ, մասնավորապես` կազատվեն ԱԱՀ–ից։

ԵՐԵՎԱՆ, 3 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 360–ով և դարձել 172816։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4889 մարդ (+189), կատարվել է 739116 (+2526) թեստավորում, առողջացել են վարակվածներից 163906-ը (+168)։ Գրանցվել է մահվան 3202 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և հասել 819-ի։

© Sputnik / Валерий Мельников

Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։