ԵՐԵՎԱՆ, 26 օգոստոսի – Sputnik. Հայաստանի կրթության, գիտության, մշակույթի ու սպորտի նախարարությունը դպրոցներում ուսման կազմակերպման երեք տարբերակ է մշակել։ Դրանք պայմանավորված են երկրում տիրող համաճարակաբանական իրավիճակով։

Ինչպես ասաց ԿԳՍՄ փոխնախարար Ժաննա Անդրեասյանը, ժամանակ պահանջվեց հասկանալու համար՝ որ սցենարի համաձայն են անցկացվելու դասերը դպրոցում։ Այս ընթացքում վերլուծվել է երկրում տիրող համաճարակաբանական իրավիճակը։ Դրանով են պայմանավորված ուսումնական տարվա սկզբի ժամկետները։

«Դասերը կսկսվեն ոչ թե սովորականի նման սեպտեմբերի 1-ին, այլ սեպտեմբերի 15-ին, ինչը պայմանավորված է երկրում տիրող համաճարականաբանական իրավիճակով», - ասաց Անդրեասյանը։

Նրա խոսքով՝ երեք տարբեր սցենար է մշակվել՝ կախված երկրում իրավիճակի զարգացումից։ Մեկն ուսման սովորական ռեժիմ էր ենթադրում։ Երկրորդի դեպքում նախատեսվում էր ուսումը հեռավար տարբերակով իրականացնել։ Անդրեասյանը նշեց, որ սա ամենաանցանկալի տարբերակն էր։

© Sputnik / Aram Nersesyan

Դպրոցում դիմակ դնելը պարտադի՞ր է․ պարզաբանում է ԿԳՄՍ փոխնախարարը

Բացի այդ, նաև «հիբրիդային» ուսման ծրագիր էր մշակվել։ Այդ դեպքում միայն ցածր դասարանի երեխաներն էին դպրոց այցելելու, իսկ բարձր դասարանները հեռավար էին սովորելու։ Սակայն այդ դեպքում էլ բոլորի համար նախատեսվում էր տարին սկսել առկա տարբերակով։

Երկրում COVID-19-ի հետ կապված իրավիճակի փոփոխման դեպքում նախարարությունում գործարկելու են մշակված սցենարներից մեկը։

Առաջին դասարանցիների դասերը կսկսեն սեպտեմբերի 14-ին, մնացածինը՝ սեպտեմբերի 15-ին։

Նոր կանոններ ՀՀ դպրոցներում

ԵՐԵՎԱՆ, 3 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 360–ով և դարձել 172816։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4889 մարդ (+189), կատարվել է 739116 (+2526) թեստավորում, առողջացել են վարակվածներից 163906-ը (+168)։ Գրանցվել է մահվան 3202 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և հասել 819-ի։

© Sputnik / Валерий Мельников

Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։