ԵՐԵՎԱՆ, 26 օգոստոսի - Sputnik. ՀՀ Առողջապահության նախարար Արսեն Թորոսյանն ԱԱԾ չի կանչվել, հրաժարականի մասին էլ քննարկումներ չկան։ Այսօր լրագրողների հետ զրույցում այս մասին վստահեցրեց նախարարի խորհրդական Աշոտ Սարգսյանը։

© Photo : press office of the Government of RA

Ո՞ր դիրքորոշման պատճառով է հեռացել Դավիդյանցը. աշխատանքից ազատվելը լուրջ հարցեր է ծնել

Նրա խոսքով՝ նախարարի հրաժարականի մասին տարածվող լուրերը չեն համապատասխանում իրականությանը։ Լրագրողների այն դիտարկմանը, թե այդ դեպքում ի՞նչ է նշանակում այն, որ Facebook-ում ջնջվել է նախարարի պաշտոնական էջը, Սարգսյանը պատասխանեց, թե դա ոչինչ էլ չի նշանակում։ 

«Երբ որ տարիներ առաջ ոչ ոք Facebook-ի պաշտոնական էջերից չէր օգտվում, դա ինչպե՞ս էր մեկնաբանվում։ Ոչինչ էլ չի եղել, Առողջապահության նախարարության պաշտոնական էջը չի փակվել, այլ նախարարինը»,- նշեց Սարգսյանը։

Նա նշեց, որ իրենց հետաքրքրող տեղեկությունները քաղաքացիներն ու լրատվամիջոցները կարող են ստանալ Առողջապահության նախարարության պաշտոնական Ֆեյսբուքյան էջից։

Վարչապետի խոսնակը հերքում է Արսեն Թորոսյանի հրաժարականի մասին լուրերը

Նախարարի հրաժարականի մասին լուրերը Facebook-ի պաշտոնական էջում մեկնաբանել է նաև նախարարի մամուլի խոսնակ Ալինա Նիկողոսյանը՝ նշելով, որ նախարարը հրաժարականի դիմում չի ներկայացրել, չի էլ պատրատսվում դա անել։

«Երեկ ողջ օրը լծված եմ եղել առողջապահության նախարար Արսեն Թորոսյանի հրաժարականի մասին լուրերը հերքելով: Բայց, արի ու տես, որ լրատվամիջոցների որոշ շրջանակ չի հանգստանում և մեկը մյուսի հետևից ավելի «կատարելագործված» ստեր է տարածում: Նախ սկսենք այնտեղից, որ կորոնավիրուսային իրավիճակը Հայաստանում շարունակում է մնալ կայուն,դեպքերը սկսել են փոքր-ինչ նվազել և իրավիճակը լիովին վերահսկելի է: Նախարարը վերջին կես տարվա ընթացքում աշխատել է 24/7 ռեժիմով և կարող է օգտվել իր տարեկան հասանելի արձակուրդից»,- գրել է Նիկողոսյանը՝ հավելելով, որ արձակուրդը նախարարն անցկացնելու է Հայաստանում:

ԱՆ խոսնակի հաղորդմամբ՝ արձակուրդի ավարտից հետո նախարարը վերադառնալու է բնականոն աշխատանքի:

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 131–ով և դարձել 43 067։ 

Այս պահին փաստացի բուժում է ստանում 5 216 մարդ (-127), կատարվել է 198 569(+1696) թեստ, առողջացել են վարակվածներից 36 726 (+251)–ը։ Գրանցվել է մահվան 861 (+3) դեպք։

Կորոնավիրուսով վարակված, բայց այլ պատճառով մահացածների թիվն ավելացել է չորսով և հասել 264–ի։

Արսեն Թորոսյանն արձակուրդ է գնում

ԵՐԵՎԱՆ, 3 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 360–ով և դարձել 172816։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4889 մարդ (+189), կատարվել է 739116 (+2526) թեստավորում, առողջացել են վարակվածներից 163906-ը (+168)։ Գրանցվել է մահվան 3202 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և հասել 819-ի։

© Sputnik / Валерий Мельников

Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։