Ատոմակայան

Հայկական ատոմակայանի՝ 2020 թվականի վերանորոգումն ավարտված է․ ինչ է սպասվում հաջորդիվ

257
(Թարմացված է 20:06 25.08.2020)
Կայանի գեներատորները ստուգվել են, նաև պատրաստվել են լայնածավալ աշխատանքներին՝ ռեակտորի կորպուսի թրծմանն ու սառեցնող աշտարակի վերանորոգմանը։

ԵՐԵՎԱՆ, 25 օգոստոսի – Sputnik. 2020 թվականի համար նախատեսված Մեծամորի ատոմակայանի վերանորոգման աշխատանքներն ավարտված են։ Տեղեկությունը նշված է «Ռոսատոմի» մամուլի ծառայության հաղորդագրության մեջ։ Կայանի հիմնանորոգումը կտևի մինչև 2021 թվականի վերջ, այդ պատճառով ծրագրային դադարները սովորականից երկար կլինեն։

Այս տարվա համար ծրագրված աշխատանքներն ավարտվել են ռեակտորների ու տուրբինների արտադրամասում, ուսումնասիրվել է ռեակտորի կառավարման ու պաշտպանության համակարգը, որի սարքավորումը նախորդ տարի փոխվել էր։ Բացի այդ, կայանում նոր տեղեկատվական-հաշվիչ համակարգ է մոնտաժվել։ Պատրաստվել են 2021 թվականին իրականացվող ծավալուն աշխատանքներին։ Մասնավորապես՝ ստուգվել են սարքերը, որոնց օգնությամբ գնահատվելու է ռեակտորի կորպուսի մետաղը։

Հայկական ԱԷԿ-ի գլխավոր տնօրեն Մովսես Վարդանյանը Sputnik Արմենիայի հետ զրույցում նշեց, որ այս օրերին մետաղը ստուգելու համար սարքավորում են ներկրում։ Հոկտեմբերին Երևան կժամանեն ռուսական «Ատոմէներգորեմոնտ» («Ռոստաոմի» դուստր ընկերությունն է) մասնագետները․ նրանք կհավաքեն այդ սարքավորումն ու կկարգավորեն այն։ Մետաղի անմիջական փորձարկումները կանցկացվեն արդեն 2021 թվականին՝ նույնպես ռուսաստանցի մասնագետների մասնակցությամբ։

Դրանց հետ կարելի է սկսել ռեակտորի կորպուսի վերանորոգումը։ Այդ նպատակով թրծում կիրականացնեն։ Արդյունքում՝ կայանի ծառայության ժամկետը կերկարացվի նաև 2026 թվականից հետո (նախկինում նշվել էր, որ դա ԱԷԿ-ի աշխատանքի վերջնաժամկետն է)։

«Միջուկային թեմայով կրակի հետ խաղալ չի կարելի». Սարգսյանը` Ադրբեջանի սպառնալիքի մասին

Բացի այդ՝ կայանի ջրի սառեցման աշտարակի վերանորոգման պատրաստություն է իրականացվում։ Այն կիրականացվի ոչ թե ռուսական վարկով ու դրամաշնորհով (ինչպես վերանորոգման աշխատանքների մեծ մասը), այլ Հայաստանի բյուջետային միջոցներով։ Դա թույլ կտա ավելի արդյունավետ կերպով ջուրը կայանի տուրբիններ մատակարարել ու ավելի շատ էլեկտրականություն արտադրել։

Կայանի երկու գեներատորները (№3 ու №4) փոխարինվել են 2018-19 թվականներին։ Այս տարի №3 գեներատորի վրա ստուգում է իրականացվել, իսկ №4-ի վրա կիրականացվի 2021-ին։

«Հայկական ԱԷԿ-ի վերանորոգումն ավարտվել է ժամանակացույցով նախատեսված օրվանից 12 օր շուտ։ Դա հնարավոր դարձավ գործընթացի հստակ կազմակերպման․ ատոմակայանի անձնակազմի նպատակասլացության, նաև այս գործընթացում ներգրավված կազմակերպությունների հետ փոխըմբռնման ու արդյունավետ գործնական հարաբերությունների շնորհիվ», - նշվում է հաղորդագրության մեջ։

Հիշեցնենք, որ Հայաստանի ԱԷԿ-ի կապիտալ վերանորոգման աշխատանքներն իրականացվում են Ռուսաստանի կառավարության տրամադրած մինչև 270 միլիոն դոլար վարկային գծով (15 տարի ժամկետով) ու 30 միլիոն դոլարի դրամաշնորհով։ Հաշվի առնելով, որ նորոգման աշխատանքները նախատեսվածից երկար տևեցին (չավարտվեցին 2019թ․-ի վերջին, այլ կավարտվեն 2021-ին)՝ ՀՀ կառավարությունը դիմել է Ռուսաստանի ֆինանսների նախարարությանը՝ վարկային վճարումները մեկ տարով հետաձգելու խնդրանքով։

Կողմերը համաձայնության չեն եկել, այդ պատճառով հայկական կողմը որոշել է դադարեցնել վարկային գիծը․ աշխատանքի մնացած մասը կիրականացվի պետական բյուջեի միջոցներով։ Հունիսին կառավարությունն այդ նպատակի համար 63,2 միլիարդ դրամ է հատկացրել։ Ֆինանսական միջոցները կտրամադրվեն 2020-22 թվականներին։

Ինչպես երկարացնել հայկական ատոմակայանի կյանքը. փորձագետը նշում է գլխավոր հարցերը

Սակայն վերանորոգման գլխավոր կապալառու է մնում «ՌուսատոմՍերվիսը» (ռուսական Ռոսատոմ կորպորացիայի դուստր ընկերությունն է), իսկ սարքավորման ու աշխատանքի մրցույթները կանցկացվեն առանց երկրների սահմանափակման։

Ատոմակայանը սպառում է Հայաստանում օգտագործվող էլեկտրականության մոտ մեկ երրորդը։ Վերանորոգման արդյունքում կայանի արտադրողականությունը կաճի, նույն ծավալի վառելիքի դիմաց այն 10%-ով ավելի շատ էլեկտրաէներգիա կարտադրի։

257
թեգերը:
Ռուսաստան, էլեկտրաէներգիա, Հայաստանի Ատոմային էլեկտրակայան (ԱԷԿ), ատոմակայան, Հայաստան
Ըստ թեմայի
Եվրոպական օմբուդսմանի ինստիտուտին մտահոգել է Ադրբեջանի` ԱԷԿ–ի հետ կապված հայտարարությունը
Հատուկ չվերթ․ ՌԴ մասնագետները Հայաստան են եկել ԱԷԿ-ի վերանորոգման վերջին փուլի համար
Արտակարգ ռեժիմն ԱԷԿ-ի վերանորոգմանը չի խանգարում. ինչ աշխատանքներ են ընթանում
Ալիևի խորհրդականը վստահեցրել է, որ Մեծամորի ԱԷԿ-ին հարվածելու հարց օրակարգում չի եղել
Հայկական բանակի զինվորները մարտական հերթապահության ժամանակ

ԱԹՍ–ներ, տանկեր, ՀՕՊ և ոչ միայն. ռուս փորձագետը խոսել է հայկական բանակի կարիքների մասին

11
Բանակի վերազինման թեման Հայաստանում դեռ արդիական է։ Կան մի շարք ուղղություններ, որոնց պետք է հատուկ ուշադրություն դարձնել։

ԵՐԵՎԱՆ, 15 հունիսի - Sputnik. Ռուսաստանը պատրաստ է ամեն կերպ աջակցել Հայաստանի ռազմական ներուժի ավելացմանը, զինանոցի նորացմանը և համալրմանը, և կան մի քանի գերակա ուղղություններ, որոնց վրա պետք է շեշտը դնել։ Sputnik Արմենիային տված հարցազրույցում նման կարծիք հայտնեց ռազմական փորձագետ, Ռուսաստանի հրթիռային և հրետանային գիտությունների ակադեմիայի նախագահի տեղակալ Կոնստանտին Սիվկովը։

Փորձագետը հատուկ ուշադրություն է հրավիրում այն հանգամանքի վրա, որ հայկական բանակը ոչ թե վերածննդի կարիք ունի, ինչպես սիրում են շատերն ասել, այլ վերազինման։ Հայկական բանակը չի ջախջախվել, որ խոսենք դրա վերածննդի մասին։

Ինչ վերաբերում է արդիականացմանը, նախ և առաջ անհրաժեշտ է արմատապես ուժեղացնել հետախուզական համակարգի հնարավորությունները, ու անել դա բոլոր մակարդակներում՝ սկսած մարտավարականից, վերջացրած օպերատիվ և ռազմավարական մակարդակով։ Մարտավարական մակարդակում պետք է ուշադրություն դարձնել հակամարտկոցային պայքարին։ Դա հակառակորդի հրետանու տեղակայման կետերի հայտնաբերումն է՝ այդ կետերին հետագա հարվածներ հասցնելու համար։

Սյունիքի դեպքերից հետո Իրանն ակտիվացել է. ինչո՞ւ է Հայաստանն անտեսում հարևանի շահը

Ռազմական փորձագետի կարծիքով՝ Հայաստանն անօդաչու ավիացիայի զարգացման կարիք ունի։ Երկրի ԶՈւ-ն այսօր հագեցած է սեփական արտադրության անօդաչու սարքերով, որը կարելի է և պետք է ընդլայնել։ Բացի այդ պետք է ռուսական դրոններ գնել՝ հաշվի առնելով, որ Ռուսաստանն արտադրում է միջին և ծանր դասի դրոնների մի քանի տեսակ, մինչդեռ Հայաստանը հիմնականում թեթև անօդաչու թռչող սարքեր ունի։

Սիվկովը նաև նշեց, որ անօդաչու թռչող սարքերի համատեղ արտադրության ներուժ կա։ Ընդհանուր առմամբ, պետք է անօդաչու թռչող սարքերի քանակը հասցնել մինչև հարյուր միավոր, ընդ որում՝ պետք է տարբեր դասի ԱԹՍ-ներ լինեն ինչպես հետախուզության խնդիրների լուծման համար, այնպես էլ հարվածներ հասցնելու։

Սիվկովը ևս մեկ կարևոր ուղղություն է համարում փոքր հեռահարության հակաօդային պաշտպանության միջոցները։ Խոսքն առաջին հերթին «Պանցիր-Ս» կամ «Տունգուսկա» զենիթահրթիռային համալիրների մասին է։ Վերջինս թեև մի փոքր հնացած համակարգ է, այնուամենայնիվ, պահպանում է իր արդյունավետությունն ու արդիականությունը:

«Հայաստանը պետք է թարմացնի և ավելացնի տանկերի պարկը։ Հիմա դրա հիմքը կազմում են ավելի վաղ թողարկված Տ-72 տանկերը։ Այսօր դրանք չեն համապատասխանում ժամանակակից պահանջներին։ Պետք է կա՛մ խորը արդիականացում անցկացնել մինչև Տ-72Բ3-ի մակարդակ, կա՛մ Տ-90 տանկեր գնել», - կարծում է նա։

Այդ բոլոր խնդիրների լուծումն անշուշտ մեծ ծախսեր է պահանջում։ Բայց Սիվկովը վստահ է, որ ցանկության և քաղաքական կամքի դեպքում այդ միջոցները կգտնվեն։ Նա վստահ է, որ հնարավոր աղբյուրներից մեկը որոշ մեծահարուստների գրպաններն են, այն մարդկանց, որոնք բավական անհասկանալի ու ոչ թափանցիկ պայմաններում են մեծահարուստ դարձել։

Քոչարյանը նշել է բանակի մարտունակության բարձրացման և սպառազինության համալրման ժամկետները

Մայիսին ՀՀ պաշտպանության նախարարի պաշտոնակատար Վաղարշակ Հարությունյանը հայտարարեց, որ հայկական բանակի արդիականացումը կանդրադառնա բոլոր ոլորտներին՝ օրենսդրական, կառուցվածքային, բուհերի համակարգ։ Նրա խոսքով՝ պետք է ադապտացնել բանակը Հայաստանի ու տարածաշրջանի նոր ռազմաքաղաքական իրավիճակին։ Այդ խնդրի լուծման առանցքային գործընկերը Ռուսաստանն է, որի հետ, Հարությունյանի խոսքով, արդեն սկսվել են զինանոցը համալրելու ինտենսիվ աշխատանքները:

11
թեգերը:
Ռուսաստան, ռուս, Բանակ, Հայաստան
Ըստ թեմայի
Ղարաբաղի խաղաղապահ կոնտինգենտն ունի ամենաժամանակակից սպառազինությունը․ ՌԴ Գլխավոր շտաբ
Փաշինյանն այցելել է սպառազինության արտադրությամբ զբաղվող ընկերություններ
Սպառազինության որ տեսակները որքանով են ավելացել բանակում. Փաշինյանը թվեր ներկայացրեց
Հայաստանը 2019 թ.–ին ներկրել է 248 մլն դոլարի սպառազինություն. Նիկոլ Փաշինյան
Լևոն Տեր -Պետրոսյան

«Լավատես չեմ, որ ընտրությունները հաշտ կանցնեն. կենաց-մահու խնդիր է». Տեր–Պետրոսյան

55
(Թարմացված է 22:22 15.06.2021)
ՀՀ առաջին նախագահը նշում է, որ Նիկոլ Փաշինյանն ու Ռոբերտ Քոչարյանը գնալու են ամեն ինչի, մինչև վերջ։

ԵՐԵՎԱՆ, 15 հունիսի - Sputnik. ՀՀ վարչապետի պաշտոնակատար, «Քաղաքացիական պայմանագրի» վարչապետի թեկնածու Նիկոլ Փաշինյանն ու ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը գնում են ճակատ ճակատի. այս ընտրությունները նրանց համար կենաց-մահու խնդիր է։ «Հանրային հեռուստաընկերության» հետ հարցազրույցի ժամանակ նման կարծիք հայտնեց ՀՀ առաջին նախագահ, «Հայ ազգային կոնգրես» կուսակցության վարչապետի թեկնածու Լևոն Տեր–Պետրոսյանը։

«Աննախադեպ քարոզարշավ է, նման ատելության խոսք` հայհոյախառն, երբեք չի եղել։ Սա դեռ ծաղիկներն են` ընտրությունների ժամանակ և դրանից հետո կտեսնենք ամբողջը։ Հայտնի է` երկու կողմն էլ (խմբ. նկատի ունի Նիկոլ Փաշինյանին և Ռոբերտ Քոչարյաննին) տիրապետում են հսկայական լծակների` ֆինանսկանան, քրեական և գնալու են ամեն ինչի»,–ասաց Տեր-Պետրոսյանը։

Նրա խոսքով` ընտրությունների ընթացքում որոշ բախումների են սպասում, իսկ քվեաթերթիկների հաշվարկի ժամանակ, հետընտրական հավաքներին ավելի սուր բախումներ կլինեն։ Տեր-Պետրոսյանն ասաց, որ լավատես չէ և չի կարծում` ընտրություննեը հաշտ կանցնեն. երկու ուժերն էլ ոչնչից չեն խորշում։

«Ալիևն ու Էրդողանը Շուշի են գնում, Փաշինյանը խոսում է մեր դրոշն այրելու մասին». Սաղաթելյան

Նշենք, որ Հայաստանում նախընտրական քարոզարշավը մեկնարկել է հունիսի 7–ին։ Արտահերթ խորհրդարանական ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։

Հյուպատոսություն Շուշիում, Հայաստանի հետ աշխատելու առաջարկ. ինչ է ասել Էրդողանն Արցախում

55
թեգերը:
Ազգային ժողովի ընտրություններ, Հայաստան, Լևոն Տեր–Պետրոսյան
թեմա:
ԱԺ արտահերթ ընտրություններ 2021
Ըստ թեմայի
Էս անփորձ երիտասարդները պետք է հրաժարական տան. ի՞նչ խոստացավ Ծառուկյանը Շիրակի ընտրողներին
«Կարեն Կարապետյանը դարձել է мальчик на побегушках». Նիկոլ Փաշինյան
Դժվար է պոկվել վարչապետական աթոռից, կամ կրկին Հայաստանի և Իսրայելի նմանության մասին