ՀՀ պաշտպանության նախարար Դավիթ Տոնոյան հանդիպել է ՌԴ ռազմատեխնիկական համագործակցության դաշնային ծառայության տնօրեն Դմիտրի Շուգաևի և ռուսական պետական «Ռոսօբորոնէքսպորտ» ընկերության տնօրեն Ալեքսանդր Միխեևի հետ

Տոնոյանը հանդիպել է Դմիտրի Շուգաևի և Ալեքսանդր Միխեևի հետ. կարևոր հարցեր են քննարկվել

165
(Թարմացված է 21:50 24.08.2020)
Հայաստանն ու Ռուսաստանը կարևորում են ռազմարդյունաբերական մասնավոր ընկերությունների կողմից համատեղ ձեռնարկությունների ստեղծումը և արտադրությունների կազմակերպումը։

ԵՐԵՎԱՆ, 24 օգոստոսի – Sputnik․ ՀՀ պաշտպանության նախարար Դավիթ Տոնոյանն այսօր` օգոստոսի 24–ին, «Բանակ-2020» միջազգային ռազմատեխնիկական համաժողովի շրջանակներում հանդիպել է ՌԴ ռազմատեխնիկական համագործակցության դաշնային ծառայության տնօրեն Դմիտրի Շուգաևի և ռուսական պետական «Ռոսօբորոնէքսպորտ» ընկերության տնօրեն Ալեքսանդր Միխեևի հետ։ Տեղեկությունը Facebook–ի իր էջում հայտնել է ՀՀ ՊՆ խոսնակ Շուշան Ստեփանյանը։

Министр обороны Армении Давид Тоноян посетил павильон корпорации Тактическое ракетное вооружение на выставке вооружений Международного военно-технического форума Армия-2020 (24 августа 2020). Московская область
ՀՀ պաշտպանության նախարար Դավիթ Տոնոյան հանդիպել է ՌԴ ռազմատեխնիկական համագործակցության դաշնային ծառայության տնօրեն Դմիտրի Շուգաևի և ռուսական պետական «Ռոսօբորոնէքսպորտ» ընկերության տնօրեն Ալեքսանդր Միխեևի հետ

Ստեփանյանը նշել է, որ հանդիպման ընթացքում քննարկվել են հայ-ռուսական երկկողմ ռազմատեխնիկական համագործակցության ընթացքը և առաջիկա անելիքները։

Տոնոյանը Մոսկվայում մասնակցել է «Բանակ-2020» ցուցահանդեսի բացմանը. լուսանկարներ

Զրուցակիցները բարձր են գնահատել գործող պայմանագրերի կատարման ընթացքը, պայմանավորվածություններ են ձեռք բերել մի շարք նոր պայմանագրերի իրականացման ժամկետների և ուղիների վերաբերյալ։

Министр обороны Армении Давид Тоноян посетил павильон корпорации Тактическое ракетное вооружение на выставке вооружений Международного военно-технического форума Армия-2020 (24 августа 2020). Московская область
ՀՀ պաշտպանության նախարար Դավիթ Տոնոյան հանդիպել է ՌԴ ռազմատեխնիկական համագործակցության դաշնային ծառայության տնօրեն Դմիտրի Շուգաևի և ռուսական պետական «Ռոսօբորոնէքսպորտ» ընկերության տնօրեն Ալեքսանդր Միխեևի հետ

Երկուստեք կարևորվել է նաև ռազմարդյունաբերական մասնավոր ընկերությունների կողմից համատեղ ձեռնարկությունների ստեղծումը և արտադրությունների կազմակերպումը։

Ռուսաստանն ու Հայաստանը համաձայնագիր են ստորագրել. նոր մանրամասներ Տոնոյանի այցից

«Նախարար Դավիթ Տոնոյանն այցելել է նաև «Տակտիկական հրթիռային սպառազինություն» ընկերության տաղավար, ծանոթացել արտադրված նորագույն միջոցներին, հեռահար և ճշգրիտ հրթիռների նմուշներին: Այնուհետև ընկերության ղեկավար կազմի հետ ՊՆ պատվիրակությունը քննարկել է համագործակցությանը վերաբերող հարցեր»,–գրել է ՀՀ ՊՆ խոսնակը։

Министр обороны Армении Давид Тоноян посетил павильон корпорации Тактическое ракетное вооружение на выставке вооружений Международного военно-технического форума Армия-2020 (24 августа 2020). Московская область
ՀՀ պաշտպանության նախարար Դավիթ Տոնոյան հանդիպել է ՌԴ ռազմատեխնիկական համագործակցության դաշնային ծառայության տնօրեն Դմիտրի Շուգաևի և ռուսական պետական «Ռոսօբորոնէքսպորտ» ընկերության տնօրեն Ալեքսանդր Միխեևի հետ

Դավիթ Տոնոյանը շրջայց է կատարել նաև ՀՀ պաշտպանության նախարարության հետ համագործակցող մի շարք այլ ձեռնարկությունների տաղավարներում։

Հիշեցնենք, որ ՀՀ պաշտպանության նախարար Դավիթ Տոնոյանը Մոսկվայում է «Միջազգային բանակային խաղեր-2020» միջոցառման շրջանակներում: Նա արդեն իսկ Մոսկվայում հանդիպել է Ռուսաստանի պաշտպանության նախարար, բանակի գեներալ Սերգեյ Շոյգուի հետ։

165
թեգերը:
ՀՀ Պաշտպանության նախարարություն (ՊՆ), Մոսկվա, Ռուսաստան, Դավիթ Տոնոյան
Ըստ թեմայի
Հայաստանը և Ռուսաստանը Սու-25-ի արդիականացման պայմանագիր են ստորագրել․ ՊՆ
ՌԴ-ն հայտարարել է ՀՀ-ին Սու-30ՍՄ կործանիչների նոր խմբաքանակ մատակարարելու մասին
Ի՞նչ ակնկալել ՍՈՒ–25 արդիականացված կործանիչների պայմանագրից
Վարդան Տողանյան

Հայաստանից ԼՂ զորք տեղափոխելու կարիք չկա. Վարդան Տողանյանի հարցազրույցը

28
(Թարմացված է 12:03 27.09.2020)
ՌԴ-ում ՀՀ դեսպանը հայտնել է, որ հայկական կողմն արդեն իսկ միջոցներ է ձեռնարկել ԼՂ–ում իրավիճակի սրման առնչությամբ։

ԵՐԵՎԱՆ, 27 սեպտեմբերի – Sputnik. Լեռնային Ղարաբաղում իրավիճակի սրումից հետո Երևանը չի ծրագրում ռազմական ուժերը տեղափոխել այնտեղ։ «Խոսում է Մոսկվան» ռադիոկայանի եթերում ասել է ՌԴ-ում ՀՀ դեսպան Վարդան Տողանյանը։

«Այժմ զորքերի տեղափոխման կարիք չկա, քանի որ Լեռնային Ղարաբաղի բանակը համապատասխան միջոցներ է ձեռնարկում։ Ըստ տեղեկությունների՝ մենք գիտենք, որ երկու տանկ է խոցվել, ադրբեջանական ուղղաթիռ է խոցվել է, այսինքն՝ միջոցներ են ձեռնարկվում»,–ասել է Տողանյանը։

Նրա խոսքով` այժմ ճշգրտվում է, թե իրականացված միջոցառումները բավարա՞ր են արդյոք, բայց ամեն դեպքում հավելյալ միջոցառումների, այսինքն` Հայաստանից զորք տեղափոխելու կարիք չկա։

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

«Պատերազմ են ուզում, պատերազմ էլ կստանան». Արցախի նախագահ

Արցախի պաշտպանության նախարարության ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Գործողությունները վաղուց պլանավորված են եղել. Շուշան Ստեփանյան

28
թեգերը:
Վարդան Տողանյան, Արցախ, Հայաստան
թեմա:
Ադրբեջանական ագրեսիա - 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Ինչպես է հայկական զինուժը ոչնչացնում ադրբեջանական տանկերը. տեսանյութ
Հորդորում ենք կողմերին անհապաղ դադարեցնել կրակը. ՌԴ ԱԳՆ-ի կոչը
Վլադիմիր Ջաբարով. արխիվային լուսանկար

«Կրակը պետք է դադարեցվի». Ջաբարովը կողմերին բանակցություններ սկսելու կոչ է արել

67
(Թարմացված է 12:00 27.09.2020)
ՌԴ Դաշնային խորհրդի առաջին փոխնախագահը հիշեցրել է, որ ԼՂ հակամարտության կարգավորման համար գոյություն ունի ԵԱՀԿ Մինսկի խումբը:

ԵՐԵՎԱՆ, 27 սեպտեմբերի - Sputnik. Լեռնային Ղարաբաղի հակամարտության կողմերը պետք է դադարեցնեն կրակը և նստեն բանակցությունների սեղանի շուրջ, հակամարտությունը չպետք է լուծվի կռվի դաշտում: Այս մասին ՌԻԱ Նովոստի լրատվական գործակալության հետ զրույցում հայտարարել է ՌԴ Դաշնային խորհրդի առաջին փոխնախագահ Վլադիմիր Ջաբարովը:

«Պետք է ամեն բան տեղափոխել բանակցությունների սեղան, կրակը պետք է դադարեցվի»,-հայտարարել է Ջաբարովը:

Նա շեշտել է, որ հակամարտության կարգավորման համար գոյություն ունի ԵԱՀԿ Մինսկի խումբը:

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Գործողությունները վաղուց պլանավորված են եղել. Շուշան Ստեփանյան

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները:

Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

Ադրբեջանի լայնածավալ հարձակումից վնասներ են կրել քաղաքացիական անձինք. ՀՀ ՄԻՊ

67
թեգերը:
Արցախ, Հայաստան, Ադրբեջան
թեմա:
Ադրբեջանական ագրեսիա - 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ
Ինչպես է հայկական զինուժը ոչնչացնում ադրբեջանական տանկերը. տեսանյութ

Ադրբեջանի կրակոցների հետևանքով տներ են ավերվել. տեսանյութ

0
(Թարմացված է 12:07 27.09.2020)
Տեսանյութում երևում է, թե ինչպես են մեծ տրամաչափի զենքերով հրետակոծության հետևանքով տների ներսում ավերածություններ են եղել։

Հայկական միասնական տեղեկատվական կենտրոնը տեսանյութ է հրապարեկլ, որտեղ երևում է, թե ինչ վնասներ են եղել ԱՐցախում հակառակորդի կրակոցների հետևանքով։

«Ադրբեջանական զինված ուժերը թիրախավորել են քաղաքացիական բնակչությանը և կրակել են մեծ տրամաչափի զենքերով»,–նշված է կենտրոնի Facebook սոցցանցի պաշտոնական էջում։

Տեսանյութում երևում է, թե ինչպես են մեծ տրամաչափի զենքերով հրետանակոծության հետևանքով տների ներսում ավիրվածություններ են եղել։

Լսվում է, թե ինչպես մի աղջիկ պատմում, որ հիշում է միայն, որ հարվածներից հետո գրկել է երեխային ու դուրս վազել։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հակառակորդի կրակոցների հետևանքով մեկ կին և մեկ երեխա են մահացել։ Կան նաև վիրավորներ։

0
թեմա:
Ադրբեջանական ագրեսիա - 2020