ԵՐԵՎԱՆ, 20 օգոստոսի — Sputnik. Վարչապետ Նիկոլ Փաշինյանի որոշմամբ Ռաֆայել Ավետիսյանն ազատվել է Քաղաքաշինության կոմիտեի նախագահի տեղակալի պաշտոնից։ Տեղեկությունը հրապարակված է ՀՀ կառավարության պաշտոնական կայքում։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 4-րդ մասով՝ Ռաֆայել Ավետիսյանին ազատել քաղաքաշինության կոմիտեի նախագահի տեղակալի պաշտոնից»,–ասված է հրամանագրում:
Նշենք, որ Ռաֆայել Ավետիսյանը ՀՀ քաղաքաշինության կոմիտեի նախագահի տեղակալ էր նշանակվել 2018-ի հոկտեմբերին։
Ռաֆայել Ավետիսյանն ավարտել է Հայաստանի ճարտարապետության և շինարարության ազգային համալսարանը, քաղաքային կադաստր (բակալավր) և շենքերի նախագծում մասնագիտությամբ (մագիստրատուրա):
Հիմնել և ղեկավարել է «Ունո փարթներս Ընդ Քո» ՍՊ ընկերությունները:
