ԵՐԵՎԱՆ, 14 օգոստոսի – Sputnik. «Ուկրաինայի միջազգային ավիաուղիներ» ընկերությունը օգոստոսի 17-ից վերսկսում է Կիև-Երևան-Կիև երթուղով թռիչքները։ Տեղեկությունը հայտնում է Ուկրաինայում Հայաստանի դեսպանությունը։
«Չվերթերը նախատեսված են օգոստոսի 17-ին, 21-ին, 24-ին, 28-ին և 31-ին»,– նշված է հաղորդագրության մեջ։
Ըստ ընկերության ներկայացուցչի` COVID19-ի պատճառով չեղարկված թռիչքների տոմսերը կարող են փոխանակվել վերը նշված թռիչքների տոմսերով։
Հիշեցնենք` օգոստոսի 12-ից վերացվել է օտարերկրացիների մուտքի արգելքը Հայաստան` 14-օրյա ինքնամեկուսացում անցնելու պայմանով (ինքնամեկուսացման ընթացքում կարելի է անցնել ՊՇՌ հետազոտություն և թեստի բացասական պատասխան ստանալու դեպքում դուրս գալ ինքնամեկուսացումից):
