ԵՐԵՎԱՆ, 14 օգոստոսի - Sputnik. ԱԺ «Լուսավոր Հայաստան» խմբակցության ղեկավար Էդմոն Մարուքյանը Facebook-ում գրառում է արել, որում անդրադարձել է Մանե Թանդիլյանի` պատգամավորական մանդատը վայր դնելու որոշմանը։
«Մեր Մանեին առողջություն եմ մաղթում: Վստահ եմ, որ պիտի շուտափույթ հաղթահարենք այս դժվարությունը նույնպես: Համոզված եմ, որ առաջիկայում միասին դեռ շա՜տ ծրագրեր կիրականացնենք՝ հանուն մեր պետականության և հայրենիքի»,– գրել է Մարուքյանը:
Հիշեցնենք` այսօր վաղ առավոտյան ԱԺ «Լուսավոր Հայաստան» խմբակցության պատգամավոր Մանե Թանդիլյանը Facebook-ի իր էջում գրել էր, որ առողջական խնդիրների պատճառով վայր է դնում պատգամավորական մանդատը։
Բժիշկները կհանգստանան, հյուրանոցային բիզնեսն էլ չի տուժի. Թանդիլյանը դիմել է վարչապետին
Թանդիլյանը հայտնել էր, որ այդ խնդիրներն անհամատեղելի են պատգամավորական և ակտիվ քաղաքական գործունեության հետ։
Նա նշել էր, որ դադարեցնում է նաև իր՝ «Լուսավոր Հայաստան» կուսակցության կառավարման խորհրդի անդամի գործունեությունը։
