Արսեն Թորոսյան

Կորոնավիրուսի նոր դեպքերն ամեն շաբաթ 50-100–ով նվազում են. Թորոսյան

105
(Թարմացված է 17:13 12.08.2020)
ՀՀ առողջապահության նախարար Արսեն Թորոսյանը հայտնեց, որ դեռևս մեծ է վերակենդանացման բաժանմունքներում գտնվող ծանր ու ծայրահեղ ծանր հիվանդների թիվը։

ԵՐԵՎԱՆ, 12 օգոստոսի – Sputnik. ՀՀ առողջապահության նախարար Արսեն Թորոսյանն այսօր կառավարության արտահերթ նիստում հայտնեց, որ Հայաստանում կորոնավիրուսի դեպքերի նվազման միտումը պահպանվում է։

«Ամեն շաբաթ արձանագրված թվերը 50-100–ով քիչ են, քան նախորդ շաբաթ այդ օրն արձանագրված թվերը»,– հայտնեց նա։

Նախարարի խոսքով` ներկա պահին շատ ավելի թեթև վիճակ է նաև հիվանդանոցներում։ Դեռ մեծ է վերակենդանացման բաժանմունքներում գտնվող ծանր ու ծայրահեղ ծանր հիվանդների թիվը` մոտ 300։

«Բանն այն է, որ ռիանիմացիաներում պացիենտները շատ երկար են պառկում։ Մինչև 50-60 օր պառկելու դեպքեր են լինում, դրա համար այդ թիվն այնքան էլ արագ չի նվազում»,– ասաց Թորոսյանը։

Նա նշեց, որ այս թվի արագ նվազման ակնկալիք թեև չկա, բայց կա հույս, որ առաջիկայում այդ թիվը մեծ աճ չի գրանցի։

Ռազմական ոստիկանության նորանշանակ պետը վարակվել է կորոնավիրուսով

«Հույս ունենք, որ նվազման այս տեմպը կշարունակվի։ Իհարկե, չենք կարծում, որ զրոյի հասնել կհաջողվի, բայց 50-100–ի շրջանակում պահելը մեզ համար նույնպես պետք է ընդունելի լինի»,– ասաց Թորոսյանը։

ՀՀ վարչապետ Նիկոլ Փաշինյան էլ ևս մեկ անգամ նշեց, որ Հայաստանը կորոնավիրուսի խնդիրը լուծելու շանս ունի։

«Մենք աշնանը բոլորովին այլ վիճակում գտնվելու շանս ունենք` անկախ նրանից, թե աշխարհում ինչ կկատարվի»,– ասաց նա` փաստելով, որ աշխարհի շատ երկրներում այսօր համավարակի կրկնվելու միտում կա։

Կորոնավիրուսը հաղթահարելու համար, ըստ վարչապետի, պետք է սովորել ապրել վարակի հետ։

«Դա նշանակում է մի բան` դիմակի կրման բացառիկ կարգապահություն,– ասաց վարչապետը,– հակառակ դեպքում վերադառնալու ենք հուլիսի իրավիճակին»։

Վարչապետի դիտարկմամբ` վերջին շրջանում նկատվում է դիմակների կրման կանոնների խախտման դեպքերով տուգանքների ավելացում, ինչը, ըստ նրա, նշանակում է, որ քաղաքացիները վիճակի լավացում տեսնելով` թուլացնում են զգոնությունը։

Նշենք, որ վերջին մեկ օրում կորոնավիրուսով վարակվածների թիվն ավելացել է 201-ով և հասել 40794–ի։

«Թանկարժեք» արտակարգ դրությունը. որքան են տուգանվել քաղաքացիները, և ինչքան է լցվել բյուջեն

105
թեգերը:
Արսեն Թորոսյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1503)
Ըստ թեմայի
Ստուգումներ հանգստյան տներում. 5 հյուրանոցի գործունեություն արդեն կասեցվել է
Մինչև արտակարգ դրության ավարտը թռիչքներ չեն լինելու. Զբոսաշրջության կոմիտե
Պուտինը խոսել է իր դստեր ու կորոնավիրուսի դեմ պատվաստանյութի մասին. տեսանյութ
Գարեգին կաթողիկոս եւ Հռոմի պապ

Գարեգին Բ–ն հանդիպել է Հռոմի պապի հետ`ներկայացնելով Ադրբեջանի սանձազերծած ագրեսիան

7
(Թարմացված է 15:34 27.09.2020)
Վատիկանում Հռոմի պապի հետ հանդիպման ժամանակ Գարեգին Բ–ն և Հռոմի պապը աղոթել են խաղաղության վերականգնման համար։

ԵՐԵՎԱՆ, 27 սեպտեմբերի - Sputnik. Ամենայն Հայոց Կաթողիկոսը Ն.Ս.Օ.Տ.Տ. Գարեգին Երկրորդ հանդիպել է Հռոմի Սրբազան Քահանայապետ Ֆրանցիսկոս Պապի հետ` ներկայացնելով Ադրբեջանի կողմից արցախա-ադրբեջանական շփման գծի ողջ երկայնքով սարձազերծված գործողությունները։

«Ռազմական գործողությունների դադարեցման և հակամարտության խաղաղ կարգավորման հարցում Ամենայն Հայոց Կաթողիկոսը կարևորել է Կաթոլիկ Քույր Եկեղեցու և նրա հովվապետի ձայնը։ Դատապարտելով Ադրբեջանի կողմից դրսևորած ագրեսիան՝ Գարեգին Բ Կաթողիկոսը հաստատել է, որ Արցախի ժողովրդի իրավունքների հարգմամբ և արդարության հռչակումով միայն հնարավոր կլինի վերահաստատել խաղաղությունն ու կայունությունը»,–ֆեյսբուքյան իր էջում գրել է Մայր աթոռ Սուրբ Էջմիածնի տեղեկատվական համակարգի տնօրեն տեր Վահրամ քահանա Մելիքյանը։Լ
Երկու հովվապետերը աղոթել են խաղաղության վերականգնման համար։

Առավոտյան Ամենայն Հայոց Կաթողիկոսը Սուրբ Պետրոսի տաճարում ներկա է գտնվել Սուրբ Պատարագի արարողությանը։ Պատարագիչ Լանզարի արքեպիսկոպոսը, ողջունելով Վեհափառ Հայրապետի ներկայությունը սրբազան արարողությանը, մասնակից եկեղեցականներին և հավատացյալներին տեղեկացրել է վաղ առավոտյան վերսկսված հակամարտության մասին։ Լանզարի արքեպիսկոպոսը ներկաների անունից զորակցություն է հայտնել Հայոց Եկեղեցուն և հայ ժողովրդին՝ աղոթելով Արցախի և արցախահայության անվտանգ ու ապահով կյանքի վերահաստատման համար։

ԱԺ-ն հատուկ նիստ կգումարի. ՀՀ-ում հայտարարվում է ռազմական դրություն և ընդհանուր զորահավաք

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։
Արցախում և Հայաստանում ռազմական դրություն և համատարած զորահավաք է հայտարարվել։

7
թեգերը:
հայ-ադրբեջանական, Հռոմի պապ, կաթողիկոս
թեմա:
Ադրբեջանական ագրեսիա Արցախում. 2020
Հեռախոս, արխիվային լուսանկար

Ադրբեջանցիները կեղծ հաղորդագրություններ են ուղարկում. ԱԱԾ-ն հորդորում է զգոն լինել

25
(Թարմացված է 15:39 27.09.2020)
ՀՀ ազգային անվտանգության ծառայությունը գաղտնազերծել է այն հեռախոսահամարը, որից ադրբեջանական կողմը կեղծ հաղորդագրություններ է ուղարկում հայ հանրությանը:

ԵՐԵՎԱՆ, 27 սեպտեմների  Sputnik. Ադրբեջանցիները փորձում են ապատեղեկատվություն տարածել և խուճապ առաջացնել հայ հասարակության շրջանում՝ ամերիկյան հեռախոսահամարից կեղծ հաղորդագրություններ ուղարկելով: Տեղեկությունը հայտնել է ՀՀ ԱԱԾ մամուլի ծառայությունը և հրապարակել այն հեռախոսահամարը, որի միջոցով ադրբեջանական կողմը իրականացնում է հերթական սադրանքը:

«Ադրբեջանի կողմից սանձազերծված ռազմական գործողությունների ընթացքում այս պահին ամերիկյան +18185464601 կեղծ հեռախոսահամարից հաղորդագրություններ են առաքվում հայ հանրությանը՝ նպատակ ունենալով նման սադրանքների միջոցով ստեղծել խուճապային տրամադրություններ և թուլացնել քաղաքացիների զգոնությունը»,- նշված է ԱԱԾ հաղորդագրության մեջ:

ԱԱԾ-ն ևս մեկ անգամ հիշեցրել է, որ անհրաժեշտ է տուրք չտալ նմանատիպ ապատեղեկատվությանը և հետևել միայն պաշտոնական լրահոսին:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Անհրաժեշտ է լրացնել արյան պահուստային քանակը. ԱՆ–ն դոնորության կոչ է անում

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

«6 գյուղ, չէ մի` 10 քաղաք». Հովհաննիսյանը` Ադրբեջանի կողմից գյուղեր «գրավելու» մասին

25
թեգերը:
հեռախոս, ՀՀ ազգային անվտանգության ծառայություն. ԱԱԾ, Ադրբեջան, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
4 ուղղաթիռ, 15 ԱԹՍ, 10 տանկ. ադրբեջանական ԶՈւ–ն մեծ կորուստներ ունի
Հռոմի պապն աղոթել է Կովկասում խաղաղության համար ու կոչ արել բանակցություններ վարել
Արցախի բնակիչներին ապաստարան տալու անհրաժեշտություն այս պահին չկա. Բաթոյան
Ցավում ենք մարդկային կյանքերի կորստի համար. ԵԱՀԿ ՄԽ համանախագահների հայտարարությունը
Հենրիխ Մխիթրայան

Հենրիխ Մխիթրյանը դիմել է միջազգային հանրությանը

0
(Թարմացված է 15:40 27.09.2020)
Աշխարհահռչակ ֆուտբոլիստը նշել է, որ մենք ունենք մեր հայրենիքում ապրելու անքակտելի իրավունք՝ առանց սպառնալիքի։

ԵՐԵՎԱՆ, 27 սեպտեմբերի — Sputnik. Հայաստանի ազգային  հավաքականի ավագ և իտալական «Ռոմայի» կիսապաշտպան Հենրիխ Մխիթարյանը Twitter-ի իր էջում անդրադարձել է Ադրբեջանի այսօր սանձազերծած ագրեսիային և դիմել միջազգային հանրությանը։

Օրվա կադր. հոգևոր առաջնորդը խաչին զուգահեռ զենք է վերցրել ձեռքը

«Առավոտյան արթնացա՝ տեղեկանալով Լեռնային Ղարաբաղի վրա ադրբեջանական բանակի լայնամասշտաբ հարձակման մասին. հակառակորդը թիրախավորել է Ստեփանակերտի և հարակից շրջանների խաղաղ բնակչությանը:Ես կոչ եմ անում միջազգային հանրությանը շտապ ոտքի կանգնել և օգնել դադարեցնել ռազմական գործողությունները,ո րոնք ուղղված են տարածաշրջանային խաղաղությանն ու անվտանգությանը»,- գրել է Մխիթարյանը: Նա նշել է, որ մենք ունենք մեր հայրենիքում ապրելու անքակտելի իրավունք՝ առանց էքզիստենցիալ սպառնալիքի: Իսկ մեր երեխաներն իրավունք ունեն ապրելու խաղաղ, այլ ոչ թե թաքնվելու ապաստարաններում: «Ես միշտ կանգնած եմ իմ ազգի կողքին»։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Գարեգին Բ–ն հանդիպել է Հռոմի պապի հետ`ներկայացնելով Ադրբեջանի սանձազերծած ագրեսիան

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։

Արցախում և Հայաստանում ռազմական դրություն և համատարած զորահավաք է հայտարարվել։

0
թեգերը:
հայ-ադրբեջանական, Ադրբեջան, հրետակոծություն, Արցախ, Ղարաբաղյան հակամարտություն, Լեռնային Ղարաբաղ, Հայաստան, Հենրիխ Մխիթարյան