Նիկոլ Փաշինյան

Հայաստանը կորոնավիրուսի առումով շանս ունի աշնանն ամենալավ վիճակն ունենալ. Փաշինյան

255
(Թարմացված է 11:30 12.08.2020)
Վարչապետն ու նախագահը քննարկել են այսօր աշխարհին հուզող թիվ մեկ թեման` կորոնավիրուսն ու դրա հետևանքները։ Նրանք անդրադարձել են խնդիրների լուծման հնարավոր տարբերակներին։

ԵՐԵՎԱՆ, 11 օգոստոսի — Sputnik. Հայաստանը շանս ունի աշնանը գլոբալ առումով ամենալավ վիճակն ունենալ։ Նման կարծիք է հայտնել վարչապետ Նիկոլ Փաշինյանը` նախագահ Արմեն Սարգսյանի հետ նախագահական նստավայրում աշխատանքային հանդիպման ժամանակ` անդրադառնալով կորոնավիրուսային իրավիճակին։

«Ցավոք, կորոնավիրուսի հետևանքով մեծ թվով մահեր ունենք, չնայած վարակման դեպքերի կորի շարունակական շատ լուրջ անկում ենք արձանագրում։ Այսօր հիվանդանոցները կոնսերվացնում ենք, նաև ասում, որ ոչ մի երաշխիք չկա, որ մեր անհատական վարքագծի հետևանքով այդ թվերը չեն բարձրանա»,–ասել է Փաշինյանը։

Նրա խոսքով` տնտեսության մեջ խնդիրներ կան, որոնց համար փորձում են ոլորտային լուծումներ գտնել.  հիմնական խնդիրը հետևյալն է՝ պահպանել և ավելացնել աշխատատեղերը:

Փաշինյանն ասել է, որ այս ընթացքում արձանագրել են երկու բան` սահմանափակումները չեն բերում ցանկալի արդյունքի և երկրորդը՝ ապրիլին 70.000 աշխատատեղ ենք կորցրել: Սակայն դրա փոխարեն հունիսի տվյալներով 50.000 աշխատատեղ արդեն իսկ վերականգնվել է, իսկ հուլիսի տվյալներով՝ նախորդ տարվա նույն ժամանակահատվածի համեմատ աշխատատեղերի քանակը մի փոքր նույնիսկ ավելի է:

Արձագանքելով վարչապետի խոսքին՝ նախագահն ասել է, որ իրենց գնահատականները համընկնում են։ Նախագահի խոսքով` կան տնտեսության ոլորտներ, որոնք շատ ծանր են տանելու այս ամբողջ գործընթացը և պետության ու կառավարության աջակցության կարիքն են ունենալու:

Պուտինը հայտարարել է, որ ՌԴ–ում գրանցվել է կորոնավիրուսի դեմ առաջին պատվաստանյութը

«Խնդիրներ կան աշխատատեղերի մասով, և, դրա հետ կապված, ժողովրդագրական խնդիրներ կան: Մարդիկ, որոնց աշխատավայրը երկար տարիներ եղել է Հայաստանից դուրս, հիմա այդ հնարավորությունը չունեն: Մարդիկ, որոնք այսօր, երեկ, նախորդ օրն աշխատանք ունեին, այսօր չունեն։ Հետևաբար, մեր ընդհանուր ուժերը պետք է համախմբենք, որպեսզի այս խնդիրները լուծվեն»,–ասել է Սարգսյանը։

Սարգսյանն ասել է, որ պատրաստ է ամեն ինչով աջակցել ոչ միայն Սահմանադրության սահմաններում, այլև որպես հայ մարդ՝ իր հնարավորություններով, կապերով, փորձով, խորհրդով։

Президент Армен Саркисян провел рабочую встречу с премьер-министром Николом Пашиняном (11 августа 2020). Еревaн
© Photo / official site of the President of RA.
Արմեն Սարգսյան

Հիշեցնենք, որ վերջին մեկ օրում ունենք կորոնավիրուսային հիվանդությամբ հաստատված 160 նոր դեպք։ Օգոստոսի 11-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 40 593 դեպք, որից 803-ը` մահվան ելքով։

255
թեգերը:
աշուն, կորոնավիրուս, Հայաստան, Արմեն Սարգսյան, Նիկոլ Փաշինյան
թեմա:
Կորոնավիրուսը Հայաստանում և Արցախում (1503)
Ըստ թեմայի
Կորոնավիրուսի զոհ է դարձել ևս 7 մարդ. ամենաերիտասարդը 67 տարեկան է
Պուտինի դուստրը պատվաստվել է կորոնավիրուսի դեմ
Պուտինը խոսել է իր դստեր ու կորոնավիրուսի դեմ պատվաստանյութի մասին. տեսանյութ
Անվտանգության խորհրդի նիստ

Կայացել է ՀՀ Անվտանգության խորհրդի նիստը

25
(Թարմացված է 15:51 27.09.2020)
Նիստում քննարկվել են Զինված ուժերի կողմից ադրբեջանական ագրեսիային արժանի հակահարված տալուն և հետագա քայլերին վերաբերող հարցեր։

ԵՐԵՎԱՆ, 27 սեպտեմբերի– Sputnik. Վարչապետ Նիկոլ Փաշինյանի գլխավորությամբ կառավարությունում տեղի է ունեցել Անվտանգության խորհրդի արտահերթ նիստ։ Վարչապետի մամուլի խոսնակ Մանե Գևորգյանի տեղեկացմամբ` բացի ԱԽ անդամներից նիստին մասնակցել են նաև ՀՀ նախագահ Արմեն Սարգսյանը, Ազգային ժողովի նախագահ Արարատ Միրզոյանը, վարչապետի աշխատակազմի ղեկավար Էդուարդ Աղաջանյանը, արտակարգ իրավիճակների նախարար Ֆելիքս Ցոլակյանը:

«Նիստի ընթացքում անդրադարձ է կատարվել ղարաբաղա-ադրբեջանական սահմանագոտում հակառակորդի կողմից սանձազերծված ռազմական լայնամասշտաբ գործողություններին հակազդելուն, Զինված ուժերի կողմից դրանց արժանի հակահարված տալուն և հետագա քայլերին վերաբերող հարցեր»,– գրել է Գևորգյանը Facebook-ի իր պաշտոնական էջում։

ԱԺ-ն հատուկ նիստ կգումարի. ՀՀ-ում հայտարարվում է ռազմական դրություն և ընդհանուր զորահավաք

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։

Արցախում և Հայաստանում ռազմական դրություն և համատարած զորահավաք է հայտարարվել։

25
թեմա:
Ադրբեջանական ագրեսիա Արցախում. 2020
Արթուր Ալեքսանյան, արխիվային լուսանկար

«Բոլորս զինվոր ենք ու հաղթանակն էլ մերն է լինելու»․ Արթուր Ալեքսանյան

13
(Թարմացված է 15:51 27.09.2020)
Ճանաչված հայ ըմբիշը վստահ է, որ մենք միասնական ազգ ենք ու հաղթանակը մերն է լինելու։

ԵՐԵՎԱՆ, 27 սեպտեմբերի - Sputnik. Ռիո 2016-ի օլիմպիական չեմպիոն, աշխարհի եռակի ու Եվրոպայի քառակի չեմպիոն, հունահռոմեական ոճի ըմբիշ, «Սպիտակ արջ» մականունը ստացած Արթուր Ալեքսանյանը Instagram-ի իր էջում գրառում է կատարել և անդրադարձել ադրբեջանական զինուժի կողմից Արցախի խաղաղ բնակչությանը թիրախավորելուն։

Հենրիխ Մխիթարյանը դիմել է միջազգային հանրությանը

«Հայաստանի և Արցախի համար այս բախտորոշ պահին մեկ բան կասեմ՝ բոլորս մեկ ենք, բոլորս զինվոր ենք ու հաղթանակն էլ մերն է լինելու»,-գրել է Ալեքսանյանը։

Посмотреть эту публикацию в Instagram

Публикация от Artur Aleksanyan (@arturaleksanyan_)

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։

Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանցիները կեղծ հաղորդագրություններ են ուղարկում. ԱԱԾ-ն հորդորում է զգոն լինել

13
թեգերը:
հաղթանակ, Զինվոր, Պատերազմ, Արցախ, Ադրբեջան, Արթուր Ալեքսանյան, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Արցախի ՄԻՊ–ը հրապարակել է վիրավորների լուսանկարները
4 ուղղաթիռ, 15 ԱԹՍ, 10 տանկ. ադրբեջանական ԶՈւ–ն մեծ կորուստներ ունի
Անհրաժեշտ է լրացնել արյան պահուստային քանակը. ԱՆ–ն դոնորության կոչ է անում
«6 գյուղ, չէ մի` 10 քաղաք». Հովհաննիսյանը` Ադրբեջանի կողմից գյուղեր «գրավելու» մասին